متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 27 - 1 - 2018, 03:45 PM   #1

صعب المنال
خجلي موهوب
افتراضي قصة حب فى 30 يوم



قصة 30 يوم حب

بداء الحوار بينهم
هى: اه .. كل صحباتى مرتبطين وإحنا آخر إتنين مش مرتبطين وكل واحد فينا عايش من غير حبيب
هو: اه .. مش عارف أعمل إيه?
هى: أنا عارفة .. تعالى نلعب لعبه
هو: لعبة إيه ؟
هى: تعالى نرتبط لمدة 30 يوم , أبقي حبيبتك فيهم وتبقي حبيبى فيهم لحد ما ال30 يوم يخلصوا
هو: مممم , فكره حلوه وانا كده كده فاضى طول الفتره اللى جايه ..

اول مرة يخرجو
دخلوا السينما لأول مرة مع بعض ومسكوا إيدين بعض وهما بيتفرجوا عالفيلم الرومانسى

ثاني مرة يخرجو
راحوا شاطىء البحر وإتفسحوا .. هو وهى عاشوا وقت مميز في اليوم ده

ثالث مرة يخرجو
عزمها عالسيرك وعلي بيت الرعب , وهى كانت خايفه أوى وحاولت تمسك إيده بس غلطت ومسكت إيد واحد تاني وفضلت تضحك هي و هو عالموقف ده

رابع مرة يخرجو
راحوا للعراف وسئلوه عن حظهم , العراف قال لهم : حبايبى .. متضيعوش لحظه من حياتكم وعيشوا حياتكم في سعادة مع بعض .. بعديها عين العراف دمعت وقال لهم إمشوا

خامس مرة يخرجو
هى عزمته عشان يروحوا الهرم وإتفرجوا هناك على الخيل وهو بيجرى .. هو همس ساعتها بكلام بس هى مسمعهوش

المرة السادسة
ركبوا باص وبسبب الطريق المتعرج الباص عمل حادثه وكان أول مره تبوسه عشان إتجرح



و في اليوم 29
الساعه 11:27 p.m
فاضل 33 دقيقه وال30 يوم يخلصوا
هو وهى قاعدين فى نفس المكان إللى كانوا قاعدين فيه من 30 يوم ساعت ما إتفقوا يلعبوا اللعبه دى
هى : انا عطشانة , تحب تشرب حاجه ؟
هو : شكرا .. ياريت سفن اب
هى: حاضر ... إستنى مش حتأخر

20 دقيقة عدت لحد ما لقى واحد غريب بيكلمه

الغريب : إنت صاحب صاحبة الرقم دا ؟
هو : اه , ليه فيه إيه ؟؟؟
الغريب : سواق عربيه خبطها وهى في المستشفى حالتها وحشه أوى

الساعه 11:57 p.m

الدكتور خرج من غرفة الطوارىء وكان فى إيده إزازة سفن اب وجواب

الدكتور : إحنا لقينا الحاجات دى معاها

قرأ الجواب وكانت بتقول :

.. الجواب ده انا كتبته من كام يوم , انا لقيتك إنسان رقيق و حلو أوى , ولقيت نفسى بحبك بجد من غير ما أحس , إبتسامتك اللى حبتها عمرى ما حنساها , وكل حاجه حصلت بينا فى لعبة ال30 يوم خليتنى أحبك أوى .. وقبل ما ال30 يوم يخلصوا أتمنى إنك تكونى حبيبى بجد لآخر يوم فى عمرى .. بحبك ..

كرمش الجواب ودخل غرفة الطوارىء وصرخ وعنيه كلها دموع : .. مش عيزك تموتى .. انا بحبك , فاكرة يوم ما رحنا الأهرامات ؟ ساعتها انا همست بكلام إنتى مسمعتهوش .. انا كنت بتمنى ساعتها إننا نفضل مع بعض للأبد ونفضل مستمرين فى اللعبه لآخر يوم فى حياتنا ... أرجوكى متسبنيش , حرام عليكى متعمليش فيا كده .

ساعتها الساعه دقت 12:00 a.m

قلبها بطل يدق ... وكانوا 30 يوم زى ما إتفقوا بالظبط .
أعطى كل المشاعر لمن تحب , إجعله يشعر أنه أغلى من الدنيا ,
لأنه عندما يرحل ستحزن عليه أشد الحزن ,
وسيكون وقت المشاعر قد فات أوانه ..
إذا كنت أغضبته إذهب إليه وأرضيه حتى لو كان رضاه على حساب سعادتك..
فلو كان لا يحبك ما كان غضب أو إنجرح منك .
إحتويه داخلك وضمه إليك وحافظ عليه قبل أن يصبح ذكرى












آخر مواضيعي

0 مقال عن النظافة - بحث عن النظافة - موضوع عن النظافة
0 طريقة عمل خروف اوزي
0 كيف يكون حب النبي صلى الله عليه وسلم
0 صور جمهور النصر , صور جماهير النصر , جمهور النصر
0 وظائف شهر ذو القعدة
0 عيضه المناهلي 2017
0 تصريحات فير مفتوح 2014
0 فوائد العصير الاخضر لخسارة الوزن
0 دينا في مسلسلات رمضان , الفنانة المصرية دينا , صور دينا في مسلسلات رمضان
0 صور اسم جهاد


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 04:52 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت