متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 15 - 5 - 2012, 04:14 PM   #1

صعب المنال
خجلي موهوب
افتراضي روايه مثلث الحب - مثلث الحب - روايه مثلث الحب كاملة






تعاآآآآآآآآآآآآآآل ..
آعلمك كيف القصايد تحتري .. لقياك
تعال .. انسولف بقصة هواك .. و رحلة التشويق
كتبت الشعر لجل ارضي .. شعور ٍ داخلي .. ما جاك
و جاك ..!! و ما كسبت الا الولَه .. مع ضجّة التصفيق
غمّض و اركب احلامك .. و شفني محتريك .. هنااااك
لعل الحلم
~>يجمعنا< ~..
و اضمّك من قبل .. لاتفيق
طموحي بالحياه اكبر .. من المعقول و الإدراك
و انت اكبر طموحاتي .. و حلم ٍ يرفض التحقيق
انا و قلبي نضيق .. ولو بغيت .. القاك ..؟ (((ما ألقاك)))
و انا .. أوّل من بتلقى .. لو الدنيا عليك اتضيق....."""

السلااااااام عليكم كيف الحال حبيت اكتب لكم قصتي واتمنى تعجبكم بما اني مبتدئه عطوني رايكم في تعابير وجيهكم طبعا القصه مافيها مماطل ولا ابي اماطل عليكم
بسم الله الرحمن الرحيم



تعريف الشخصيات:
(ابوفهد) رجل اعمال المدير العام لفرع الشؤون الأجتماعية
(ام فهد) ربة منزل لها بنتين وولد الكبير فيهم:
(فهد) عمره 27 سنة متخرج من كلية المعلمين و موظف عند ابوه طبعا لسا ماتزوج
(مرام) عمرها24 سنة تدرس في جامعة اختصاصها هندسة لأنها تحب تصمم ديكورات
(احلام)عمرها23 سنة تدرس في كلية الطب سنة ثالث اختصاص جراحة دلوعة ابوها تنفذ كل طلباتها لأنها على قولة الوالد اخر العنقود .. ومع هذا عنيدة وتسوي اللي براسها

العائلة المناسبة لعائلة ابو فهد:
(ام أسامة) مديرة مدرسة والدة لبنت وولد :

(اسامة) عمره 25 ورث عن ابوه الشركة والأراضي والبيوت اللي مأجرها ابوه
(الله يرحمه) وهي طبعا تحت السيطرة ومستقرة حالتهم ولله الحمد
(سارة) اخت اسامة عمرها 23سنة تدرس بكلية الطب وبنفس الأختصاص مع احلام..

عند ام اسامة (تنادي الخدامة ليانا):
ليانا ياليانا ..
ليانا:نعم ماما
<انتي ماتسمعين لي ساعة اناديك وين كنتي ؟
<ماما انا في اسقي حديقة موية
<خلي الحديقة الحين وروحي قومي اسامة وسارة بسرعة رح يتأخرون عن شغلهم!ودواماتهم! وجهزي الفطور،
<اوكيه ماما

بالغرفة عند سارة طبعا كانت قايمة بدري قبل اسامة متجهزة وخالصة عشان تروح للكليتها لأنه وصلتهارسالة من احلام تقول:
سارة اخبارك ليش تأخرتي رح تبدا المحاضرة ياالدبا!وينك؟
كانت سارة انحف منها مافيه بس احلام ترفع من معنوياتها شوي !لأنه على قولتها تبي تسمن،
طبعا احلام وسارة صديقات من السنة المتوسطة درسن مع بعض الثانوية وقررا يكون طموحهن واحد
طق الباب على غرفة سارة :مين!؟
مدام سارة ماما ابغاك تحت انتي و بابا اسامة،
<طيب طيب انا نازلة .
تجهزت وطلعت كانت لابسة بنطلون ماسك لرجلينها جنز وفوقة بلوزة طويلة لونها فوشي مقلمة بأسود وازرق غامق لابسة عليهم شبشب لونه ازرق غامق طبعا ماكانت تحب تكثر من المكياج اعتمادا على قولة اخوها اسامة انها طالعة حلوة من دون ميك آب وأخذت شنطتها وكتبها واللاب كوت الأبيض عشان تلبسة فوق لبسها شعرها كان بوي مره وطلعت ،
مرت على غرفة اسامة اللي لساته ماقام من النوم فطقت عليه الباب ميه مرة بس مافي جواب راحت ونزلت اغراضها تحت ورجعت للغرفة اسامة وجايبةمعاها من المطبخ كريمة الخفق دخلت الغرفة على اصابع رجلينها لأنه اسامة يحس فيها بسهولة وخرت الغطا عنه شوي شوي وبدت تحط على وجه وترسم وهي ميته من الضحك على شكله وبعد ماخلصت مسكت ايده وبدت تحط من الكريمة
كان اسامة يدري بالموضوع بس انه ظل ساكت عشان ماتحس فية وتهرب بعد ماخلصت صرخ بوجهها اسامة وطار عقلها لأنه اذا مسكها تأيس انه تفلت منه فمسكها مع أيدها ولواها لورى ومسك رغوة الحلاقة وبدا فيها وهي مالها حل الأ انه تنادي امها بأعلى صوت :
يمه يمآآآآ تعالي شوفي ولدك اسامة آآآ بس مافي مجيب
وبالأخير طلعت من الغرفة وهي دموعها على خدها وكان وجهها كلة رغوة حلاقة كان ميت عليها من الضحك لماكان شعرها ريحة رغوة حلاقة فراح اخذ له شاور وتجهز كان شعراسامة مايل لشقارة لأنه طالع على جده بالشعر وسعة العيون وكثرة رموشة له عضلات بارزة على جسمه النحيف كان سماره يجنن بنات عمه اللي كل وحدة فيهم تتمناه،نزلت سارة لأمها تشكي عن اللي سواه لها اسامة

نزل اسامة وباس راس امة وصبحها بالخير،
ام اسامة بعصبية:
ليمتى بتعقل وتفكنا من وجع الراس انت واختك ها؟
اسامة:ههه الله يطولي بعمرك يالوالدة بس انا من قال اني ماني عاقل!؟
وإذا مانرفزت سارونتي وضحكتها من الي بينرفزها !! وبعدين انا بس رديت اللي سوته معي وبس
سارة بنظرة احتيال :كذاب يمه ترى اسامة يكذب عليك اسامة اذا ماقلت لمي انك تكذب ترى اعلم!؟
اسامة بتوتر:سارونه تراني اخوك ومالك الأ انا فاعقلي!
ام اسامة: اي اعلم واي اعقلي!انتم وش سالفتكم على هالصبح؟!
اسامة: ها وشي لالا مافي الأ الخير يالوالدة بس انا وسارونه تاخرنا شوي سارة يالله خليني اوصلك ،ومسك ايد سارة وطلعوا
سارة:باي ماما آآي اسامة شوي شوي علي يوه!
اسامة بعصبية: انتي ماتفهمين انا كم مرة قايلك لاتفتحين هالموضوع قدام امي تبيني اقص لسانك !
سارة :لا تخاف سرك ببير مارح اقولها ولا اجيب سيرة بس انا حابة اشوف تعابير وجهك بين المرة والثانيه ههههههه
اسامة:بالله مافي احد قالك انك سخيفة وبايخة يالله يالله وراي شغل ماني فاضي لخرابيطك،تراني تأخرت..

عند عائلة ابو فهد: يامره اخلصي جيبي الفطور تراني مشغول هاالأيام ابي اروح للشغل،
ام فهد: طيب هذاني قضيت بس كنت قاعده اقوم فهد لي ساعة معها بس مافي فايدة،
ابوفهد باستغراب:طيب والبنات وينهن ليه مانزلن أو ماقامن بعد!؟
ام فهد:لالا البنات من زمان قايمات افطرن وراحن للكلية وداهن السواق مع مرته الشغالة،
ابوفهد:اهم شي بس العنود (حلوما) افطرت!؟
ا م فهد:ايه افطرت الله يوفقها هي واختها يارب

فهد:صباح الخير يبه صباح الخير يمه
ابوفهد بعصبية:صح النوم توا الناس المفروض قايم قبلي بسرعة اسبقني للوزارة وراك ملفات وتعاميم يبغالها مراجعة
فهد: أنشاالله يبه مايصير خاطرك الأ طيب،بس خلني افطر الح...
قاطعه ابوه بعصبية:اي فطور الناس الحين تفطر 7 وانت قاعد لي تقول نفطر تدري كم الساعة الحين الساعة 9 قم اشوف قم الحين الموظفين الأقل رتبه منك حاضرين من 6 وانت مفخفخ نايم ماقمت الأ بالوقت اقول قم لاترفع ضغطي قم.
ام فهد:الله يهديك بس خله ياكل ويروح ترا الشغل ماهو طاير العمر يقضي والشغل عمره ماقضى،
فهد بعصبية: انا اسف يايبه رح اروح للشغل ومايصير خاطرك الأ طيب عن أذنكم انا بروح الحين...
ام فهد: فهد بس انت ماكم..
وقاطعها صوت الباب وهو يسكر،
ابوفهد: انا شبعت انسدت نفسي من الهواش بروح مع السلامة..
ام فهد بضيقة صدر: حتى انت يابو فهد الله يهديكم بس ،
وراحت تنادي الشغالة عشان تشيل الفطور اللي صار سالفة البيت،


بالكلية (الطب):
بعد ماوصل اسامة سارة قابلت احلام اللي كانت لابسة بنطلون جنز(سكيني) فوقة بلوزة طويلة لحد الركبة لونها اصفر عليها خطوط لولبية لونها ازرق غامق كانت لبسة معهم شبشب اصفر ساطع مع بياضها وجسمها السمكي ولابسة فوقة اللاب كوت ماكانت تحب تكثر ميك آب بس كحل ومسكرة تبرز رموشها الكثيرة وبلاشر احمر خفيف على خدودها وعيونها العسليات الواسعة وشعرها الطويل الناعم اللي مايتعدا ظهرها كله رابطته بشكل عشوائي ومطلعة خصلهابين الجنب والثاني كانت بكامل اناقتها وانوثتها كانوا بنات الكلية يغارون من جسمها وشعرها وجمالها ويحاولون قدر المستطاع يتقربون منها بس اهيا مسالمة وماتبي مشاكل ووجع راس فتبعد عن ها لخرابيط ازين لها ،،
احلام بتوتر:وين كنتي لي ساعة وانا واقفة تكسرت رجولي وانا انتظرك اكيد فاتتنا المحاظرة الله يستر بس!
سارة:بس بس اكلتيني بقشوري بسم الله علي وبعدين وإذا فاتتنا المحاظرة وش بيصير !
احلام بنرفزة: واااي واااي منك ياسارة بالله مافي احد قالك انك باااااردة اعصاب؟
سارة ببرودة:امبلا فيه وياماسمعت منه هالكلمة
احلام:اشوا فيه احد حاس في معاناتي!
سارة بمكر:ياعيني حاس بمعانتك ها اثاري قلوبكم لساتها متعلقة ببعض!
استغربت احلام من كلام سارة اي قلوب متعلقه ببعض؟!
:وش قصدك ياسارة بهالكلام مين اللي متعلق بالثاني؟
سارة:اسامه ولا نسيتي ؟!
احلام في نفسها(اسااامه يالله كان دايما انا وياه نلعب سوى بالحديقة نشري لبعض ايس كريم نضحك مع بعض كنا مانجي للبيت الأ إذا اذن المغرب كانوا البنات يغارون مني لأن مايلعب الأ معي كان دايما يدافع عني اذا جاء احد وأذاني الله يذكر هذاك اليوم بالخير يوم نزل المطر علينا وحنا نلعب بالسيكل ماشفت الأ ايدينه فوق راسي عشان مايتبلل شعري وملابسي الله يذكر هذيك الأيام بالخير)
سارة:ياهوه ترى نحن هنا وين اخذك تفكيرك لي ساعة وانا اتكلم بس لاحياة لمن تنادي !
احلام بذهول:ها وشو وين!
سارة:لالا البنت مو طبيعية من ذكرنا اسامة وهي طايرعقله
اقول مو اكيد فاتتنا المحاظرة الأفاتت بس ماعليه خلينا نروح نطلبها لأن هذي اول مرة نفوت فيها محاظرة يالله امشي
احلام: ايه صح يالله
سارة:هههههه

بعد ماخلصوا محاظراتهم احلام وسارة طلعوا وكل وحدة تنتظر من يجي ياخذها للبيت دقت ساره على اسامه عشان يجي ياخذها فنتبهت لها احلام وسارة تقول:وينك يادب انتظرك لي ساعة وينك انقعت بالشمس طيب بسرعة لاتطول!
الأ قلب احلام بدا ينبض بسرعة مو طبيعيةو بدات تتوتر لماعرفت انه رح يجي وياخذ سارة من الكليه كم لها سنة وهي ماشافته من يوم وعمرها 9 سنين فبدت تتبادر لذهنها الأفكار:

كيف شكله هل هو سمين مثل ماتقول سارة او نحيف؟!

هل هو وسيم او عادي؟

كم عمره ياترى؟؟
فقطعت تفكيرها سارة بقولة انه:يالله حلوما انا رايحة هذاك اسامه جاي بااي
احلام:انتظري سارونه وينه اسامه حابه اشوف شكله من زمان عنه؟
سارة:شوفيه اهناك راعي الجيب (مفخرة الأرض) شفتيه!
احلام انصدمت لما شافته وش اللي ماشافت جسم طول نحف خشم اللي سلة السيف حواجب معقدها من التعب وعلى اعصابه
وعيونه رموشه لاإله الا الله كامل والكامل الله

ساره:ها وش رايك بأخوي!
عادي صح اكيد انا اجمل!
احلام: اي عادي لاإله الا الله ماكنت اتوقع انه رح يكبر ويكون بهالجمال!!
سارة:ههههههههه حلوم لهدرجة انتي منجنه فيه انتي بس لو تشوفين اللي يموت عليه وش تقولين اقل من عااديه.!!
احلام: ايش يموت عليه ليش هو يحب!؟
سارة:هه قولي وش خلا للحب
يالله باي اكملك بكرة انشاالله ابقي خلينا على اتصال اوكيه
احلام:لحظه انتي ياهوه
وراحت ساره و لا سمعته تنهدت احلام وشافت اخوه جاي وراحت ..

بالسيارة مع اسامة:اهلين توا الناس كان طولتي شوي مع خويتك من اللي انقع الحين بالشمس انا ولا انتي؟
سارة:سوري كانت سالفة مهمه مهمه جدا جدا
اسامة:لهدرجة!؟ عاد والله لو انك تتكلمين عن تهريب قنابل ماصارت كذا
سارة:هه ضحكتني
اسامة:لا احاول هههاي
قولي وش عندك؟!
سارة:وش اقول مافي شي ينقال وبعدين اعتقد مو مهم بالنسبة لك!
اسامة:اقول لايكثر وقولي وشي سالفتك!
سارة:اممم طيب مع انك مارح تستفيد بشي
اسامة تحمس لكلام سارة:اخلصي!!
سارة:اه تتذكر احلام اللي في الأبتدائي الصغنونه اللي ماكان يقرب عليها احد الأ انت !!
اسامة قاعد يتذكر:احلام ياربي منهي اآه ايه عرفتها وش فيها
سارة:ايه اليوم قاعدين نتكلم انا ويها عن طفولتكم انت وياها قالتلي كل شي بالتفصيل وتخيل كانت فرحانه اليوم لما قلت انك انت بنفسك رح تجي تاخذني من الكلية كانت متحمسة لتشوف شكلك!
اسامة:هههههههههه طيب وشافتني!
سارة:قل وش ماشافت فصلتك تفصيل
اسامة:ههه الله يذكرها بالخير هالبنت طيب وش كان رايها فيني!!!
سارة:تقول عادي !؟
اسامة:ايش عادي هه بعد كل هذا الحماس وتقول عادي هالبنت لساتها ماتغيرت عنيدة
سارة بمكر: ليش وش كنت تنتظرمنها يا الشراني
اسامة:انا شراني تشوف نف ايش من قالك اني انا شراني هالكلمة محد يقولها الأ ....
سارة: من يقولها ها اي انه لك بلاوي محد يدري فيها غير ربك وانت واياها!

سرح اسامة بتفكيره بأحلام ويتذكر مواقفهم من يوم وهم صغار كانت بس هي اللي تتجرأ تقول عنه شراني وكان هو الوحيد اللي يقدر يقول عنها عنيدة..


وصل للبيت هو وسارة وسلموا على امهم وتغدوا وكل واحد فيهم راح لغرفته عشان يرتاح

بالبيت عند احلام:سلام عليكم
الجميع:وعليكم السلام
وينك يابنتي ليه تأخرتي؟
اه يايبه لو تشوف كيف ضغطونا اليوم ماتلومني على التأخير
فهد:ليه بالعادة اشوفك مرتاحة مع دراستك؟
احلام:لا بس انا اللي تأخرت عن المحاظرة فعاقبوني
يالله عن اذنكم بروح ارتاح
الوالدة: ها والغدا يابنيتي ؟؟
احلام: لا ماشتهي بروح ارتاح
راحت احلام للغرفتها واخذت لها شاور ولبسة بجامتها وشغلت المكيف ع البارد لأنه الجو حاااار بشكل مو طبيعي
وانسدحت على سريرها وهي تفكر باللي شافته اليوم (اسامة)
الله يالدنيا ياأسامة كيف تغيرت وصرت رجال على وجه الزواج ويحليلك صرت تحب بس ياترى وشو ذوقك بالبنات لطالما قلتلي مافي ولاوحدة رح تدخل مزاجي اتزوج ايه بس احب لا
وبعدين ليه ارتجف لماشفته ليه قلبي صار يدق بسرعة معقولة هذا حماسي الزايد او انه شوق تعدا الأوصاف؟!
لا لا احلام انتي منتي لم هالحركات اووف بس خلين انام وه
وغطت بسرعه من التعب!

بعد مرور فترة من الدراسةجاء وقت الأمتحانات عند سارة واحلام فبدت كل وحدة منهن بقدر المستطاع انها تشد حيلها

بالغرفة عند احلام طبعا كالمعتاد قايمة مبكرة متجهزه وخالصة مستعدة لأول اختبار لها نزلت تحت تشوف من قايم ماكان قايم الإ اخوها فهد كان هو بعد مستعد يروح لشغله فقالها:صباح الخير
احلام:صباح النور غريبة قايم مبكر اليوم!
فهد: ايه عندي اختبار مسويه ابوي ولازم استعد له من الحين
احلام: اها بالتوفيق وصبت لها بصحن كورن فليكس مع حليب لأنه هذا فطورها المعتاد وقعدت تراجع شوي من الكتاب كلمة من هنا وكلمة من هنا
فهد:يالله انا بروح تبين اوصلك؟!
احلام:لا الباص بيجي الحين
فهد:اجل بالتوفيق انشاالله
احلام:انشاالله^_^
ونزلت تحت تحتري الباص بس انه تأخر ماهي من عوايده فدقت على سارة تسأل :
احلام:الو صباح الخير سارة
سارة: اهلين صباح النور وش عندك دقيتي؟
احلام: موكن الباص تأخر صح؟!
سارة: ايه انا انتظره بعد ليه ماجا لمك؟!
احلام: لا لسا ماهو من عوايده يتأخر علي !
سارة: طيب مامعك رقمه؟
احلام: الأ اظن انه معي
سارة:خلاص دقي عليه وشوفي وش سبب تأخيره؟
احلام: اوكيه
سارة: ردي علي طيب
ودقت على سواق الباص ولقت انه تعذر وقال انه مايقدر يجي لأنه مريض!
رجعت دقت على سارة وقالت لها السالفة!
سارة: ياربي طيب انتي ماعندك سواق يوصلك؟
احلام: لا رح اشوف اخوي
سارة: عطيني خبر خلاص
احلام: اوكيه
دقت على اخوها فهد بس قال انه إذا جاها رح ياخذ نص ساعة لرجعته للبيت وياخذها للكلية رح يفوته الأمتحان !
ماعرفت وشلون تدبرها بس دقت سارة عليها وقالت وش صار عليك؟
احلام:يقول مايقدر رح يفوته الأمتحان وقلتله اخذ تاكسي يقول مستحيل بناتنا ماياخذون تكاسي!
سارة:طيب انااخوي اسامة رح يوصلني وش رايك امر بطريقي واخذك!
احلام:ايش لا لا مستحيل انا مقدر اروح
ساره: طيب ليش مأنا محرم واسامة تعرفينه من زمان يعني طمني بالك
احلام: بس ابوي اللي مسافر واخوي وش بيقولون عني إذا ماقلت لهم
ساره: وهاذي مافي اسهل منها دقي على ابوك وشاوريه ترى مابقي شي على الأمتحان
احلام : طيب طيب
ورجعت دقت على ابوها وشاورته وبعد كثير من الأقناع
وافق اخيرا
سارة: هاه وش صار وافق!
احلام: اخيرا وافق بس بقي اخوي ماقلت له؟
سارة:يحول وحنا بعدين وين بنروح خلاص انتي اخذتي راي ابوك وهو المسؤول عنك وبعدين ماهم واثقين فيك
احلام:ايه اكيد
سارة:اجل يالله استعدي خليك عند الباب انا جايه
احلام:طيب موكني رح اثقل عليك
سارة: اي ثقل يابنت الحلال وبعدين حنا مارح نشيلك فوق ظهورنا استعدي يالله.
وسكرت منها وراحت تنادي اخوها
سارة :اسااامة
اسامة: خير خير من اللي مات
سارة:اي موت فالله ولافالك ابيك تخاذني للكلية مابقى شي على الأمتحان
اسامة: وبعدين!
سارة: وبعدين ابيك تمر بيت ابو فهد المدير العام للوزارة الشؤون تعرفه؟!
اسامة:وحضرتك وش عندك هناك؟
سارة:ابي اوصل بنتهم ماعندها احد يوصلها لأنها بالكليةمعي
ابوها مسافر واخوها مشغول
اسامة:وانتي ماشاءالله عليك بما أنه عندك خبره عنهم ماتدرين وش راح يسوون إذا درو اني انا رح اضفها للكلية
سارة:لاتخاف ادري وبعدين ماني خبلة عشان ألقط بنات الناس من دون مايدرون اهلهم انا قلت لها وهي قالت لبوها واخوها انه مافي مانع بما انهم يعرفونك
اسامة:قلتيلي من بنته؟
سارة:بنت ابوفهد الله يالدنيا الحين صرت ماتعرفها
اسامة:احلام!
سارة:ايه عليك لمبه احلام
اسامة:تمزحين احلام ماغيره
سارة:ايه واناكم احلام عندي اخلص ابي اروح
اسامة:طيب طيب يالله مشينا

وركبوا السيارة وتوكلوا على الله كانت سارة تبي تدل اسامة على البيت بس ماشاالله عليه سكتها وقال انه يعرف مكان البيت وصلوا وشاف احلام واقفه عند الباب بس وش شاف يقول كأني شايف ملاك الحين هذا زولها طول ورزه وعيونها ماشاالله وش لوعاد اشوفها على الطبيعة فتح الأبواب الخلفية وركبت
احلام بخوف وتوتر:السلام عليكم
سارة واسامة:وعليكم السلام سارة:هاه وشلون المذاكرة
احلام:الحمدالله فيها الصعب وفيها السهل
اسامةطار عقله لما سمع صوتها الناعم كان يقول في نفسه يألله من زمان عنك يأحلام فتجرأ وسألها عن المذاكرة فردت عليه سارةمن اسامة يسألني عن المذاكرة غريبة ماهي من عوايدك؟
اسامة:ماعنيك انتي انا اااحم انا اعني احلام!
احلام نقز قلبها لما ذكر اسمها على لسانه وردت ونبضات قلبها تتسارع:الحمدالله زينه
اسامة:دوم انشاالله عاد شدي حيلك تراه اخر ترم لاتوهقين الأهل
احلام تبققت عيونها من كلمته يعني بعمرها ماوهقت اهلها بالدراسة ففضلت انها ماترد عليه لأنها لو بتتكلم ماسكتت
استغرب اسامة لأنها ماردت فحب ينرفزها من اول لقاء لهم قال:اكيد لساتك مثل منت ماتغيرتي صح ولا انا غلطان
حبت احلام ماتكثر كلام معه فردت عليه وقالت:ليش وش قالولك عني حجر ماتغير
اسامة: لا بس انا، وقاطعته وقالت:سارة جبتي الملخصات اللي قلتلك!
جن جنونه اسامة من طريقة اسلوبها انه تقاطعه وهو يتكلم فسكت ماحب انه يرد عليها فحط حرته بالسيارة وزود السرعة لما وصلوا للكلية كانت احلام لابسة عقد جايبه لها ابوها من رحلاته في الخارج كان على شكل نجمة مرصعة بالكرستال الأبيض بسلسال فضي فطاح منها بالسيارة من دون ماتحس وكان اول من نزل من السيارة هي قبل سارة
سارة:احلام احلام ياهوه اناديك انا ماتسمعين
احلام: نعم بغيتي شي
سارة:طيب ليش تكلميني بهالطريقة وش فيك
فسكتت شوي وقالت:انا آسفة ماكان قصدي بس تضايقت شوي
سارة: وشي اللي مضايقك لا يكون اخوي اسامة
احلام وبتردد:بصراحة وماتزعلين ايه ضايقني بكلامه اني ماوهق اهلي بدراستي وش يقصد ولا انوه ماتغيرت ليش عايش معي !
سارة:طيب شوي شوي على هونك ياحياتي ههه اكيد اخوي نجح في خطته
احلام:اي خطة؟
سارة:انه ينرفزك هههههههههه
احلام ردت عليها بأحباط: واعتقد انه نجح
سارة:بس انتي ماخليتيه بعد رديتي عليه رد محترم
احلام براحة:صدق عاد ريحتيني وشلون!
ساره : احلام ورانا اسئلة ابي اقولها لوحدة من البنات خلينا من هذا الحين هههه
احلام: ساره تعالي قولي شلون ساره
بعد مااختبروا وخلصوا رجعت كل وحدة لبيتها

عند اسامة لمارجع من الشغل دخل السيارة في البيت بالحوش ونزل منها ونادا السايق وقاله انه ينضفها زين عشان بيطلع فيها العصر وراح يسلم على امه:
السلام عليكم
وعليكم السلام هلا بوليدي وش لونك يمه
الحمدالله
تبي احط لك الغدا
لالا ماشتهي شي الحين ابي ارتاح امم وين سارة ماجات؟
امبلا جت لها يمكن نص ساعة تغدت ونامت ليه يايمه فيه شي
لالا مافي شي
يمه اسامة حبيبي ابيك بموضوع بعد صلاة العصر
اسامة خير يمه وش السالفة
انت الحين رح ارتاح عشان اقولك الموضوع على رواق
اسامة انشاالله على خير

بعد صلاة العصر:
جا اسامة للبيت نادا على امه بس ماردت راح نادا الشغالة وقالت:ماما وماما سارة مطبخ راح للمطبخ ولاقى سارة فيه قاعدة تحوس فسألها:
وش قاعدة تسوين يالدبا
سارة هي هي انا ماسمحلك تقولي يالدبا

اسامة ليه
سارة بس لأنه مافيه احد يمون علي بالكلمة الأ شخص سبيشل
اسامة ياعيني ومنهو السبيشل هذا؟
سارة اقول خل عنك وطلع الحلا اللي بالثلاجة وخلني اشيل القهوة والفناجيل الوالدة تنتظرنا بالصالة
اسامه : اجل الخدامه لاقيتن يومنه تكذب علي تقول ماما بالمطبخ انا اوريه
وراحت ساره وخلته يتكلم مع نفسه
ياهو قاعد اكلمك قولي من السبيشل بسرعة
سارة مستحيل
الوالدة ردينا على طاري اللي وش فيكم هالمره
الأثنين ردو جميع:
ها لا مافيه شي يمه
الوالدة اسامة اجلس ابي اكلمك
اسامة خير يمه فيه شي
وسارة قاعدة تصب لهم القهوة
وتقطع الحلا
الوالدة:قررت اني اخطبلك
اسامة والبسمة على شفايفه
سارة ومنهي تعيسة الحظ اللي بتاخذ اخوي اسوم
الوالدة سارة عيب عليك تتكلمين عن اخوك كذا
سارة يمه ماكنت اقصد بس قولي من تبين تخطبين له لا يكون حدى هالطقاقات اللي جنبنا ترى طقهن شي صراحه
الوالدة لا غادة بنت خالك
اسامة من الصدمة طاح الفنجال على ثوبه وفز من شدة ما القهوة حارة
سارة ههههههههههه
الوالدة هو بسم الله عليك وش فيك
اسامة وهو قاعد يتنفض لاسلامتك يمه مافيه شي
الوالدة بسم الله عليك الرحمن الرحيم
سارة هههههه يمه يمكن من تأثير سالفة الطقاقات انهبل
اسامه وهو ماسك رقبته انتي إذا مابلعتي لسانك تر
الوالدة اسامة خل اختك اشوف
اسامه سم يمه
المهم ترى البنت خلوقة ومؤدبة وحلوة والأهم انه مابقا عليها شي وتتخرج وش قلت؟
سارة هههههه ليش هو يقدر يقول لا !
اسامة وهو منزل راسه اللي تشوفينه يمه يصير خير
الوالدة يعني اروح لهم اليوم؟
اسامة سكت ماقال ايه ولا في نفسه وده يقوم يرقص من الوناسه
فردت سارة يمه ترى يقولون ان السكوت علامة الرضى بس للحريم وانا اكتشفت انه مو بس علينا هم على الرجال بعد
الوالدة وهي مبتسمه اجل عن أذنكم بروح ادق عليهم واعطيهم خبر
سارة فزت من مكانهابعد ماتركتهم امهم ورحت جلست جنب اسامة وقالت
ياعيني واخير تحقق حلمك ياخوي هه ألف ألف مبروك
اسامة وفيه الضحكه ماصار شي بعد تونا ماسمعنا موافقتها
سارة ههه اي موافقه يابن الحلال ليش هي تقدر ترفض حبها
اسامة الله يبارك فيك عقبالك انشاالله
فقام و طلع
ساره وين الناس تونا
اسامه لابس بروح مع واحد من العيال دق علي تو
سارة بسم الله مامدا يدق
اسامه وانتي لازقه فيني الأ تعرفين وين اروح باي
لما ركب الجيب وشغل المحرك وقفه السواق وقال
بابا خذ هذا انا في لاقي سيارة
ومد له عقد بسلسال فضي وقال هذا وين لقيته؟
السواق سيارة انت بابا في باب ورى مقعد خلفي
اسامة زين زين خلاص روح لشغلك
اسامة اخذ العقد وحطه في مخباه ولا فكر من له لأنه من وناسته مايبي يفكر بشي الحين

في البيت عند احلام:
قاعدة تدور على عقدها بس مالقته طقت الباب على غرفة مرام:
مرام فوتي حياتي بغيتي شي
احلام ماشفتي عقدي اللي جايبه لي ابوي من الخارج
مرام لا ليه وين حاطته؟
احلام مادري لبسته اليوم عشان اكشخ فيه بالكلية بس لم تلمست عنقي مالقيته فقلت اكيد بالبيت مع اني متأكدة اني ماخذته قبل ماطلع
جلست مرام تدور بدروجها بس مالقته
فتذكرت احلام وين اخر مرة كان معها: بالسيارة
مرام اي سيارة؟
احلام سيارة اسامة
مرام مستغربه من الموضوع لأنها ماكانت تعرف السالفة فقالت اي اسامة وش جابه للسيارته؟
احلام ايه صح انا ماقلتلك السالفة تتذكرين اسامة ولد جيراننا سابقا!
مرام اسامة اسامة مرن علي الأسم آه آآه عرفته ياقدمه وش جاب طاريه على بالك
احلام اسكتي طلع اخو صديقتي وانا مادري تخيلي .....
وقالت لها السالفة من اولها لأخرها
مرام والحين وش بتسوين كيف بترجعينه؟
احلام وفيها ضحك مكر ههه افا عليك ياميمي ماعرفتين ادبرها لك واجيب ساسه
مرام وش بتسوين !
احلام !!!

في الكلية
سارة هاي حلومي اخبارك
احلام الحمدالله انتي شلونك
سارة بخير الله يسمنك
احلام لالا تكفين جسمي وعاجبني لا تزودينها
سارة وأخير بقي بكرى ونخلص امتحانات
احلام اي والله اخيرا
سارة عاد عازمتك على عشاء يوم الخميس انتي وأهلك
احلام احم احم ياعيني وش المناسبة لايكون انخطبتي قبلي وانا مدري
سارة لالا تخافين هو صحيح انه خطبه بس مو انا
احلام اجل من؟
سارة اخوي اسامة!
انصدمت احلام من الموضوع
فز قلبها لاشعوريا بدا ينبض بسرعة ماتدري ليه حست ان الدنيا فيها تدور ماعرفت وش تقول .....
سارة احلام وش فيك مافي كلمت مبروك
احلام بتوتر اه ايه مبروك عن اذنك انا بروح كاهو اخوي فهد جاي مع السلامة
سارة بس انا ماخذت جوابك رح تجين ولا لا احلام احل وقاطعها صوت صك باب السيارة ..... .....
سارة يمه شبلاه

بالبيت ..... ..... ..... .....
الوالد هلا ببنتي احلام
احلام من قهرها ماعبرت ابوها اللي جاي من السفر
ابوها قعد يسأل فهد ويهاوش فهد يافهد وصمخ
فهد سم يبه سم
ابوها وش فيها احلام قلت له شي يزعلها ترى ماهو بأزيلك إذا عرفت انه انت السبب
فهد ياحول الحين ليه كلما صار شي بهالبيت قالوا فهد ماسويت لها شي يابن الحلال
امها هدي يابوفهد لاترفع ضغطك على شي تافه اكيد تعبت من الأختبارات وماحبت تكلم احد بنتي وانا اعرفها
فهد شفت الأ انا اللي مزعله ياخي خله تزعل الدنيا ماتسوى من دون زعل هع
الوالد ماتسوى هاه قم اشوف قم ضف وجهك

بالغرفة ..... .....
دخلت احلام وصكت باب الغرفة بقوة وزتت الكتب بالأرض وفصخت عباتها وزتتها بالدولاب وماكان لها نفس ..














آخر مواضيعي

0 انتحار خمسة شقيقات بسبب العنوسة
0 مسجات عيد الاضحى 2013 , رسائل عيد الاضحى 2013 , وسائط عيد الاضحى 2013
0 فوائد بذرة القاطونة
0 صور الملك عبدالله 2013 , صور ابو متعب 2013 , صور ملك السعودية 2013
0 صورهياعبدالسلام 2013 , هياعبدالسلام 2013 , صور الفنانة هياعبدالسلام 2013
0 الدعاء للميت
0 فساتين تركية طويلة 2016
0 فاكهة الانجاص
0 برودكاست مميزه 2017
0 كيفيه التخلص من ترهلات الذراع


  رد مع اقتباس
قديم 15 - 5 - 2012, 04:16 PM   #2

صعب المنال
خجلي موهوب
افتراضي رد: روايه مثلث الحب - مثلث الحب - روايه مثلث الحب كاملة



احد ابد دخلت الحمام واخذت لها شاور ولبست بجامتها التفاحيه كانت عبارة عن برمودا تفاحي منقط بأبيض والبلوزة نفنوف فيه شرايط تفاحي وانسدحت على السرير وبدت تفكر ليش سوت كذا ماهي من عوايدها تعصب على شي تافه وبدت تسأل ليه لما سمعت اسامة انه رح يخطب ويتزوج بدت توتر ونبضات قلبها تزيد فقاطع تفكيرها طق الباب
من؟
مرام انا مرام عادي ادخل
احلام اكيد ميمي تفضلي
دخلت وسكرت الباب فسألتها عن سبب تعصيبها وشطفها لبوي فقالت:
مادري ياميمي من سمعت خطبة اسامة وانا اتنرفز مادري وش بلاني
مرام ههههههه تغارين
احلام بضحكة استهتار انا اغار لاحد يسمعك بس يموت من الضحك
مرام حياتي لا تبخصيني وانا اكبر منك واعرف الحركات انت تغارين و اكيد تسألين نفسك عن السبب بس انا رح اجاوبك لأنه صديق الطفولة و لساتك غيرانه عليه
احلام اي صديق طفولة الله يهديك بس انا نسيته من زمان اصلا
مرام تهقين هو نساك
سكتت احلام ماعرفت وش تقول اكيد نساني اجل بعد بيذكر
مرام هه شفتي انتي مانسيته والمفروض تتمنين له الخير وتدعين له بالتوفيق
احلام وانتي صادقة الله يوفق الجميع ههههه
خلاص اجل ضفي وجهك عيوني تراني ميته من التعب
مرام هي بنت اللذينا
احلام الخلا يالله
مرام كش مالت عليتس

طلعت مرام من غرفة احلام وخلتها ترتاح وراحت تصرف الوالد والوالدة عن سبب تعصيبها

عند اسامة بالغرفة:
كان منسدح على السرير يفكر باليوم اللي يشوف فيه غادة
فطرى على باله العقد اللي لقاه بالسيارة فجا وطلعه من الدرج وجلس يدقق فيه ويقول ياربي منين جا العقد انا ماشفته على سويره من قبل فتذكر احلام يوم يوصلها للكلية فقال اكيد هذا عقدها خليني اروح اسأل سويره
دخل للغرفتها وهي جالسة بالسرير ببجامتها معها الجوال تطقطق فيه
ساره هلا اسامة خير وش عندك
اسامة وهو يقلب العقد بيده
لك هذا العقد
سارة لا اول مرة اشوفه ليه
اسامة لا بس شفته بسيارتي طايح قلت خليني اسألك
دققت فيه سارة زين وقالت وهي تشهق: ايه هذا عقد احلام اللي كانت تسألني عنه
جره منها اسامة وقال اخيرا مسكت عليه شي
سارة باستغراب وش قصدك
اسامة لا تخافين مارح اسويلها شي يخوف بس من زمان وانا ابي امسك عليها هالبنت العنيدة بعمرها مارح تتغير
سارة اسامة لا تتهور ترى البنت ورها رجال وبعدين لا تخلي الناس تمسك عليك اشاعة وتطير غادة منك مامدانا خاطبين لك
اسامة بعصبيه: سارة وش قالوك عني وبعدين انتي اختي وأدرا بي واحلام مثل اختي انا اخاف عليها اكثر منك
سارة ايه اشوا بس على فكرة متى رح تعطيها العقد
اسامة أهي ماقالتلك انها راح تجي لخطبتي؟
سارة اصلا اول ماقلت لها انك رح تخطب تغير لون وجهها و تنرفزت بسرعة وراحت ولا عطتني جواب
جن جنونه اسامة لما قالت له سارة انها عصبت وتغير لون وجهها فقال في نفسه ليه عصبت لا يكون ..... ..... لا مستحيل لا احلام ماتسويها
فطلع من غرفة سارة وراح لغرفته وجلس بالسرير فقعد يفكر ويتذكر كلامه لما كان مع احلام من يوم واهم صغار:

اسامة: احلام انافكرت انه لما نكبر رح نكون مع بعض ببيت واحد وش رايك
احلام: ههههههه موافقه
اسامة: توعديني
احلام:اهم اهم

فرجع لعقله وقال لا اتوقع اي بنت الأ احلام مستحيل تصدق كلام صغار مستحيل

بعد ماخلصوا امتحانات احلام وسارة التقوا بالكلية وكل وحده فيهن تحمد ربها انها خلصت على خير فتقابلن على اخر وقت
سارة هاي حلومي
احلام هايات ياقلبي هاه وشلون الأمتحان تراه اخر امتحان انشاالله زين؟
سارة لاتخافين الحمدالله ااا على فكرة ماعطيتيني جوابك انتي بتجين لخطبة اسامة
احلام اكيد ليش لا ماهو اخو صديقتي ليش ماجي افا عليك بس
سارة اشوا ياحياتي فرحتينن اجل انتظرك يوم الخميس انشاالله اوكيه
احلام اوكيه

غادة طبعا بنت خال اسامة يحبون بعض من يوم واهم بالثانويه بعد مانتقل اسامة من بيتهم اللي كان جنب بيت احلام
غادة بنت مافي اطيب منها تدرس بالجامعة سنة اخيرة قسم علم اجتماع
طبعا كانت متجهزة وخالصة في يوم الخميس وكانت مرة خايفه كانت لابسة فستان هادي وناعم توب من فوق لونه نيلي
مالبست اكسسوار عشان راح يلبسها اسامة الشبكة فنزلت تحت عند امها اللي تحتريها
لما شافتها امها قعدت تصيح تقول اه يابنتي جا الوقت اللي رح اشوفك فيه عروس
غادة ههه يالله عاد لا تخليني اصيح معك واخرب مكياجي
فقاطعهم الوالد ماشاالله هاذي بنيتي غادة ماشالله طالعه قمر
غادة والابتسامة ماتفارق وجهها تسلم يايبه عساني مانحرم منكم يارب

بالبيت عند اسامة:
سارة وام اسامة كانوا بالمطبخ يجهزون القهوة والحلويات و البيت انترس من المعازيم
اسامة يمه سارة يمه
سارة اكشخ ياعيني وش هالزين شكلك تبي تطير عقل غادة قبل ماتدخل عليه هه
اسامة صدق وش رايك تشمين ريحت العطر ولا احط بعد
سارة لالا انت بتكتمها بزيادة يابن الحلال
قاطعتهم الشغالة وقالت:
ماما سارة صديق انت في اجي
سارة صديق منهي
الشغالة مدام احلام
اشهقت لما سمعت ان احلام لبت دعوتها وراحت لها
زاد التوتر على اسامة لما سمع انها جت فقال في نفسه معقوله تجي لخطبتي طيب ليش الله يستر وش بتسوين ياحلام ماحد يعرفلك الأ انا

احلام هاي اخبارك يالدبا
جت سارة من بعيد وضمتها تقل لها سنين ماشافتها لدرجة انها ألفت انتباه الحضور
سارة واخير جيتي واااي شقد انا فرحانه يحليلك غطيتي علي شوفي كلن يتكلم عنك
عاد احلام كانت لابسه بنطلون قماش رصاصي قصير فيه ماخابي على جنوب اردافها والبلوزة كانت حمرا فيها كتابات بلون فوشي واصفر واخضر فاتح مع ازرق غامق وكل كتابه فيها ترتر نفس اللون
وكانت فاكه شعرها والنعال شبشب رصاصي كان شكلها يجنن الحضور
فبدوا الحريم يتقربون من سارة ويسألون عنها :
سارة من بنته هاذي ام الاحمر
سارة هاذي بنت ام فهد وابو فهد المدير العام لوزارة الشؤون الأجتماعيه
سارة يوه من قدك ياعمري بكرا الخطاطيب عند بابك
احلام وهي تشرب العصير هه لا تخافين ابرسل نصهم لبيتكم سارة ههههههههههههه فيك الخير والله
احلام ههههههههههههه الأوين غرفتك؟
سارة بالدور الفوقي ليه
احلام وشلون ليه ابي اشوفها اناماصدقت على الله اجي بيتك
سارة طيب
ولما شافت احلام فخامة بيتهم من ناحية التصميم والديكور طار عقلها فا وهي تدور مع سارة دخلت على غرفة اسامة بالغلط وقالت
هاذي غرفتك ياسارونه
سارة نو هاذي غرفة اسامة
احلام اجل خلينا نشوف غرفتك
سارة ليه ماشتقتي تشوفين غرفته
احلام ياهوه اليوم خطبته لا تخبصين
سارة ههههههههههههه امزح معك يابنت الناس امشي لغرفتي يالله
ودخلت غرفة سارة
سارة حلومي انا سمعت امي تنادين تحت بروح وارجع اوكيه
احلام اوكيه بس حياتي لاتأخرين
سارة ابشري
وجلست تناظر الغرفة ولفت نظرها ألبوم صور فبدت تصفح فيه وتناظر صور لسارة وتبتسم و كان فيه بعض الصور لأسامة فخذت صوره وبدت تدقق فيها كان جالس يتصفح مجلة ومنزل راسه تركت الصور
وراحت لم النافذة اللي تطل على بلكونه وفتحتها وجتها نسمة هوى بارده طير بعض خصلات شعرها الطويل
فدخل اسامه من دون ماتحس كان يحسب فيه سارة يبغاها في موضوع فلما شافها وهي واقفة عند النافذة وشعره يتطاير مع الهوى طار عقله
منهي هاذي بس وش كان يشوف طول وجسم وشعر ولبس واناقة وبياض كان يقول في نفسه وش هالملاك اكيد ماهي وحده من القرايب فحب يشوف وجهها بس ماقدر لأن ما عنده وقت فقعد ينادي على سارة على انه ماشاف شي
فزت احلام لما ميزت الصوت وعرفته بسرعة ولما لفت لوراها لقت اسامة قاعد يناظرها ماعرفت وش تسوي الأ انها تغطي جسمها على الأقل فشافت اقرب جلال صلات جنبها فخذته وغطت نفسها وقالت:
اسامة انت وش قاعد تسوي هنا؟
اسامة:احلام !!!
احلام: احر ماعندي ابرد ماعنده خير بغيت شي سارة ماهي موجودة مثل ماتشوف!!
اسامة:ادري ماني عميان
احلام: بس اللي اشوفه عكس اللي تقوله؟؟
دخل اسامه ومسك ايدها وطلع العقد من مخباه وقال: اقول لايكثرهذا عقدك لقيته بسيارتي انتي ماتغيرين عادتك دايما تضيعين اشيائك ومايلقاها إلا انا
وحط العقد بيدها
وخرت احلام ايدها بس مسكها بقوة و شد عليه
احلام بعصبيه فك ايدي
اسامه ليش وش بتسوين بتصرخين صرخي البيت مليان ناس محد بيسمعك
احلام اسامة اقولك فك ايدي لحد يجي ويشوفنا و يفهمنا غلط
اسامه خليه يفهم اللي يبي ليش احنا وش مسوين
احلام لهدرجه وصلت فيك هالحقارة يالوقح
جن اسامة لم سمع منه هالكلام فمسك الغطى اللي عليه وزته بالأرض و قربها لصوبه يحاول يبوسة
و احلام تقاومه و تصارخ
فزته على السرير و قرب يجيه
و بلحظه قال : هاذي تسمى حقارة و وقاحه انتي اخر من يقولي هالكلام تفهمين
و قبل لايطلع قال : و الله كبرتي وطلعتي حليانه حيل هه

بعد ماطلع وصك الباب انهارت احلام صياح ماكانت توقع انها رح يصير له كذا من قبله حست انه نبضات قلبها تتسارع اكثر واكثر و تنفسها يزيد شربت كاس مويه كان على الطاوله
و كانت ايدينها ترتجف ماقدرت تمسك الكاسه زين فطاح من ايدينه و انكسر ظغطت على ايدينها بقوة من قهرها
دخلت عليها ساره:تخيلي حلو..... حلوم فيك شي بسم الله
احلام:ها لا مافيه شي بس انا لازم امشي
ساره : ايدينك ينزفن !! عيونك صاير لك شي
احلام : الكاسه طاحت بس ماصار شي انا بمشي
ساره:ايش تمشين بس انتي توك جايه وشلو فقاطعتها وقالت:سارونه انا اسفه بس انا تأخرت
ساره: احلام لا تمزحين معي توها ماجت العروس والعشا لساتك ماتعشيتي بعد!!
احلام: الايام جايه انشاالله ورح اشوفها انا اذا جلست مارح يصير خير
ساره:ايش انتي وش قاعده تقولين؟
نزلت احلام تنادي الشغاله عشان تجيب عباتها وتروح وتركت ساره وراها وطلعت ودموعها على عيونها

وصلت بيتهم وطلعت لغرفتها جلست على السرير تبكي و تندمت لأنها راحت للخطبه وفوق هذا تذكرت انها زعلت اعز صديقاتها
مرت مرام من غرفة احلام وسمعتها تبكي فدخلت عليها وقالت: حلوم فيك شي ليه تبكين
قامت احلام وضمت اختها وبكت زيادة فدخلت مرام وصكت الباب ورجعت سألتها: ليش تبكين من اللي زعلك ؟؟
بس ماردت و كملت صياحه
مرام: اذا كان الصياح يشرح صدرك ابكي لين تشبعين اوكيه
عرفت مرام انه فيها شي مو طبيعي بس خلتها لين يجي الوقت المناسب اهي بنفسها رح تقوله
بعد نص ساعه
قالت مرام : ارتاحي الحين ونامي بس هاه الا تقولين وش فيك وطلعت وخلتها
قامت احلام واخذت لها شاور وانسدحت في سريرها اللي تشكيله عن آلامها وهمومها وتقول في نفسها :
ياااربي اووفف كيف خليته يمسك ايدي
اسامه مارح اخليها تعدي و تشوف يا أنا يا انت
بعد التفكير والأسئلة اللي في راسها ارسلت رساله بالجوال لسارة تراضيها باللي سوته معها ونامت

بالبيت عند اسامه جت غادة وكلن انهبل في شكلها واناقتها وأولهم طبعا اسامه ^_~
لبسها الشبكة وقطعوا القاتوه و انفرد اسامه بغادة لوحدهم لمدة ربع ساعة لكن ساره ماخلتهم يطولون تقول انها خايفه على غاده من اسامة لا ياكلها قبل الزواج
وخلصت سهرتهم على خير وللله الحمد
انسدح اسامه على سريره يفكر باللي سواه مع احلام
ولا قدر ينام

من بكرى قامت احلام الصبح مبكره ونزلت تحت لقت امها وابوها قايمين:
ابوفهد:هلا ببنيتي احلام
احلام: صباح الخير يبه صباح الخير يمه شلونكم؟؟!!
ام فهد:هلا صباح النور هاه وشلون السهره امس عند خويتك؟!!
احلام:الحمدالله زينه بس ماطولت عندهم كثير فحابه استئذن منكم واروح لهم مره ثانيه!!
ام فهد:وليه عاد ما لاداعي اليوم أجليها ليوم ثاني
احلام:وليه يمه؟!!
ام فهد:اليوم راح اخذك انتي ومرام لخوالكم قالوا انهم حابين يشوفونك!!
احلام:هه من متى وهم حابين يشوفونن مابي اروح اليوم خوذي مرام وتوكلوا على الله مارح اروح لهم!!?
ام فهد: ماهو على كيفك تروحين يعني تروحين
احلام:بس يمه ان..... وقاطعتها امها وقالت:اناقلت تروحين وخلاص ماعندي كلام ثاني وبعدين إذا على الملابس اعطيك فلوس وتروحين تشرين اللي تبين انتي واختك
بس احلام قامت وماردت عليها فراحت لغرفة مرام وطقت الباب:
احلام:ميمي انتي لساتك نايمه؟؟!
مرام و بصوت نعسان:هاه وش تبين!!
احلام:قومي ابي اكلمك
مرام: وهاذانا قمنا وش عندك??
احلام:اليوم امي تبي تاخذنا لخوالي
مرام:طيب واذا يعني ياربي منك يامرام وشلون واذا انتي تعرفين اني ماحب روحتي لخوالي ماهي اول مره ليه طيب ياحول هذا وانتي تتفلسفين علي ماتفهمين انه اذا رحنا هناك يبدون يمدحوني ويخطبوني لعيالهم و اول وحده فيهم خالتي نوره واذا مدحوك او خطبوك لعيالهم مافيها شي وبعدين خالتي نوره مافي اطيب من قلبها ومن يحقله ياخذ حدى عيالها كل واحد فيهم اللي دكتور واللي مدير شركه يعني ماعليهم وش صاير لك انتي اول كنتي تموتين انه نروح لخوالي وش اللي غيرك مادري لا تسأليني وقامت وتركتها وراحت لغرفتها:
اووووفففف ياربي مابغى اروح انا لازم الاقي لي حل يخلصني من روحتي لهم وش اسوي وش اسوي امممم مالي الا اني اصطنع المرض سامحني ياربي بس شسوي فنزلت عند امها تمشي شوي شوي يمه انا مره تعبانه يمه امسكيني ماقدر اوقف على حيلي اااه بسم الله عليك وش فيك توك مافيك الا العافيه وش جاك مادري يمه تعبت يمكن من الاكل اللي اكلته امس روحي ارتاحي الحين بصلحلك ينسون يهدي معدتك اوكيه برقا فوق انتظرك خلاص
ورقت الدرج وهي ميته من الضحك على شكل امها وشلون خايفه عليها وتقول الله يخليك لي يايمه ولا يحرمني منك
طقت الباب امها وبيدها كاسة ينسون عشان المغص : خوذي اشربيه واخذت الكاسه وشربتها وقالت: اه يايمه تسلم ايديك تقدرين تقومين يابنتي مادري ماظنتي اجل ارتاحي الحين والعصر يحلها ربك
بعد صلاة العصر كانت احلام مخلصة صلاة وجلست تقول: ياربي الله يستر اخاف ماتمشي على امي الكذبه فدخلت عليها مرام لابسه وخالصه تقول ماتجهزتي امي تقول بنمشي الحين مايمدينا نوصل مبكرين نبي نمر محل الحلويات على مابين نخلص نوصل لمهم الا ومذن المغرب قومي البسي مابي اروح انا تعبانه مقدر اوقف على حيلي اااه قولي لامي مارح اروح فراحت مرام وقالت لامها وما لقت امها حل غير انها تتركها بالبيت مع الشغاله وفهد اللي قاعد بغرفته على الاب توب
احلام مو سايعتها الدنيا اخيرا خطتها نجحت فطلعت برى في الحديقة واخذت معها روايتها اللي تحب تقراها دايما اذا صارت فاضيه وبدت تقرى فيها,,,

عند اسامه توه قايم لأنه من امس مانام زين اخذ له شاور ونزل تحت يتقهوى بس ما لقى احد بالبيت فدق على امه وقال: وينك يمه مافيه احد بالبيت وين رحتوا?? هلا يمه حنا عند خوالك ليه بغيت شي يمه لالا بس اسأل البيت فاضي يمه ابسألك زوج خالتي موجود ايه وش تبي فيه ابجي الحين باخذ غادة عطيهم خبر وقوليلها تجهز اوكيه خلاص انشاالله
طلع اسامه وقبل مايروح لهم مر على محل للزهور واخذ له باقة ورد بيضاء لأن غاده تموت على الورد الابيض .......
غداوي غداوي هلا خالتي بغيتي شي يمه الحين اسامه بيجي ياخذك تجهزي طبعا اذا مافيه مانع يام غادة اي مانع الله يهديك ماهو بعد شهرين بيعيشون في بيت واحد اجل روحي البسي اكيد بالطريق هو الحين انشالله خالتي وراحت ولبست وحطت ميك اب ولبست عباتها و وقفت عند الباب تنتظره جاها اسامه ونزل وفتح لها باب السيارة وهمس في اذنها وقال : طالعه قمر كل يوم ياحياتي ...,, عاد صار وجه غادة احمررر من الحيا فركبت وقالت له تسلم بس تسلم حاف من دون شي سكتت ماقدرت تكلم وين تبين اخذك اليوم وين ماتبي ياعمري وه ياحلاتها من افمك اسامه بس عاد توبه ماعيدها ومد ايده لورى وعطاها الورد وقال: ادري انك تحبين للورد الابيض يعل ايامك كلها بيضا تفضلي مشكور بس ماكان في داعي اذا ماجبت لغداوي حبيبة قلبي اجل من اجيبله
غادة : مشكور ماتقصر
وراحوا يدورون بالاسواق والمراكز وجلسولهم بحدا المطاعم وتعشوا هاه ياقلبي وين تبين اخذك المره الجايه الملاهي احب اروح لها واشتري فشار ابيض وناكله انا وانت ونركب قطار الموت والسفينه هههههههه كل هذا ايه ولا مانك فاضي انا افضي نفسي لعيونك ابشري بس انتي اطلبي وانا البي م بكرى انشاالله كوني جاهزه اوكيه بس لا يكون تتطلبت عليك كثير خلاص اجل اجلها بعد الزواج يابنت الحلال بكرى كوني جاهزه انا وش يصبرني بعد شهرين تسلم ماتقصر ياعمري وخلصوا عشاهم ورجعوا لبيت خوالهم فقال اسامه قبل ماتنزل غادة من السيارة: يوه ماتلاحظين وصلنا بسرعه ههههه اعقل وتصبر الجايات اكثر يالله تبي شي سلامتك انتبه لنفسك اوكيه وحط اصبعه على عيونه ويقول من عيوني ,,,

من بكرى العصر جت مرام طايره لأحلام وقالت: احلام احلام كانت احلام جالسه عند التلفزيون تتابع لها فلم اكشن هاه وش تبين تخيلي من شفت عند خوالي وبذات عند خالتي نورة من ياحظي سامي !!!
وبعدين يوه احلام وش فيك مافيني شي واذا شفتيه وش المطلوب مني - مو انتي اول كنتي وقاطعتها احلام بقولها: رجاء مرام لاتقولينها
طيب ليش؟؟!
من دون ليش!! وقامت وخلتها في منتهى الحيرة والاستغراب فنادتها مرام من بعيد: ياهوه احلام سمعت امي تتكلم عن خطبتك انتي وياه !!!.... تجمدت احلام بمكانها واقشعر جسمها وفز قلبها من الموضوع : ايش عيدي وش قلتي؟؟!! - امي سمعتها تتكلم هي وخالتي انهم بيجون يابكرى يابعده عشان يخطبونك لسامي بس تكفين لا تقولين لامي اني قلتلك !!! -- بس وشلون ومتى قرروا وكيف...كل ها الأسئلة دارت براس احلام وكانت تنتظر جواب بس ماحصلت وطلعت لغرفتها وهي بكامل الغضب والحقد على خالتها وولد خالتها اللي هو سامي فما صبرت الا ودقت على ابوها وفاتحته بالموضوع قبل يصير شي اسوء
الوالد:ههههههههه وانتي ليه معصبه يابنيتي - يبه وشلون ماتبيني اعصب وامي ماخذت رايي بعد لا قالت لهم تعالوا بكرى وهم طبعا ماصدقوا خبر!!! - طيب يابنتي وانتي مارح تشوفين حياتك نصيبك وجايك بالطريق ليه ترفضينه - سكتت مالقت لها مبرر فقالت بس يبه انا وقاطعها : انتي شفتيه تعرفتي عليه كلمتيه - يبه وش فيك لهدرجة انا انزل لهالمستوى اكيد لا - طيب بما انه لا تحكمين عليه بسرعه بالرفض يابنيتي وبعدين سامي ماشاالله تبارك الرحمن رجال متزن ومحترم وطيب واهم من كذا انه برتبه عاليه يعني يشتغل - ماقدرت تتكلم بعد ما اقنعها ابوها انها تفكر بالأول وبعدين تعطي رايها سواء بالرفض او موافقه فسكرت من ابوها وبدت تفكر في كلامه فرفعت ايدها وحطتها على قلبها وتقول : ياربي مادري ليه انا كلما جابوا لي طاري الزواج اتنرفز مادري اوووف ياترى انا حبيت ساعدني يارب .....,,,,!!!!

حبك ماضي لكنه لا يزال ... وسط روحي وبين ضلوعي دفين

أنت نور عيني في ذيك الليال ... مثل الشمس دايم عليّ تشرقين

أحاول أنساك وأشوفه محال ... وش لون أنساك وأنا لحبك سجين

فلما وصلت امها من السوق نزلت طايره :يمه يمه - بسم الله علي الرحمن الرحيم وش فيك انهبلتي - يمكن بقولك شي - نعم تفضلي - انتي لما رحتي لخالتي قلتي انه سامي رح يجي يخطبني صح !!!- وانتي ايش دراك من قالك - يعني هو صحيح !! - ايه وبكرى رح يجون عشان كذا انا رحت للسوق وشريت شوية اغراض لك وللضيافه - بس يمه انا اا - انتي ايش - وشلون يخطبني ومرام لساتها ماتزوجت - واذا يعني نص بنات الديره يتزوجون قبل خواتهم الكبار - بس يمه انا مابي اتزوج الحين - ليه ناويه تقعدين على قلبي - يممممماه - اسمعي لا توجعين راسي ترى توهم ماجزموا وبعدين توافقين ولا لا لسا مجا وقت قرارك - من هنا ارتاح بال احلام يعني لساتها بأول الطريق فرن جوالها و استئذنت امه : الو - مراحب يالدب وين الناس يعني جت العطله خلاص مافي رسايل ولا مكالمات - اهلين حياتي بس لو تدرين وش صار لي كان تعذريني - ليه وش السالفة عسا ماشر - الشر مايجيك انشاالله ياسوسو بس تخيلي .....,,, وقالت لها كل السالفة - سارة : ايش صدق عاد اي الشريره تبين تتزوجين قبلي - يابنت الحلال وانتي تحسبينن مستانسه واختي لساته ماتزوجت - واختك رح تجلس طول عمره معنسه انشاالله نصيبها رح يجيها - يعني انتي عادي عندك لو اتزوج - وليش لا إلا وأفرح لك ياعمري ليه تسألين !!! - لا ولاشي اقول اخبار اسامه وزوجته !!؟؟ -

والله الحمدالله مستانس الدنيا مو سايعته من الفرحه ماصدق على الله تجيه وحده زي غادة - اها الله يهنيه -- وفجأه جا اسامه واخذ الجوال من ساره وقال من تكلمين !!؟ - وانت وش عليك هات الجوال - من قولي تكفين !! - يحول احلام ارتحت - والله ورد عليها : الو
حست احلام انه تغير الصوت عليها فقالت : هلا - اخبارك!!؟؟- الحمدالله من معي !!؟؟ -- الله يالدنيا بسرعه نسيتيني -- وين سارة -- اوووف طيب قولي شلونك شخبارك ساره راحت للمطبخ وبترجع بعد يومين - اها طيب اذا جت خليها تدق علي مع السلامه -- ليه يعني مامليت عينك تتحاشيني - ماسمع منها إلا سكرت السماعه بوجهه
انقهر اسامه لماسكرت بوجهه
و ماعرف شيسوي
رجعت ساره و قالت : افا سكرت؟
اسامه بعصبيه : سأليه و انا شدراني عنه وراح و خلها
استغربت ساره من عصبيته
بعد ماسكرت احلام حست انها شوي ردت اللي سواه فيها فبتسمت و تسطحت بفراشها












آخر مواضيعي

0 كلمة احبك بالاسبانية
0 عموري يتوج بجائزة افضل لاعب محلي في الامارات , عموري افضل لاعب في الامارات
0 تشيلسي وليفربول في الدوري الانجليزي , مباراة تشلسي وليفربول في الدوري الانجليزي
0 اناشيد اطفال قصيرة
0 اسماء بحرف السين 2014 , اسماء البنات بحرف السين 2014 , معاني اسماء البنات بحرف السين 2014
0 ازياء افراح 2014 , فساتين افراح 2014 , فساتين افراح جديدة 2014
0 تغريدات ضحك وفله , تغريدات تويتر ضحك , تغريدات تويتر فله
0 اشعار حزينه - اشعار حزن - اشعار تحزن - قصائد حزينه - قصائد تحزن - قصيدة حزن
0 وظائف امانة جدة 1433
0 صور اذكار اسلامية 2017


  رد مع اقتباس
قديم 15 - 5 - 2012, 04:17 PM   #3

صعب المنال
خجلي موهوب
افتراضي رد: روايه مثلث الحب - مثلث الحب - روايه مثلث الحب كاملة



دخلت مرام عليها بغرفتها : هاه تجهزتي؟؟ - ايه خلصت جت خالتي - ايه جايه من زمان يالله ننزل - يالله ونزلت عند خالتها اللي فرحت فيها من شافتها : هلا هلا والله ببنتي حلوم اخبارك يابينتي وشلونك عساك بخير!! - ههه الحمدالله خالتي انتي شلونك وش اخبارك !! - الحمدالله مادام انتي بخير - فقالت امها: احلام قومي قهوي خالتك مادام هي جايه علشانك - هه انشاالله تفضلي خالتي - تسلمين الله يخليك لمك ولبوك انشالله - عن اذنكم !! - وين رايحه ماشبعت منك - لا بس بروح اشوف وش صار على مرام بالحديقه قالت لي انها تبغاني بشغله ,,,
اووووف مابغيت اطلع انتي وين كنتي - ليه وش تبين فيني !!!؟؟ - لا والله تبيني اقعد طول الوقت جالسه مع خالتي وامي واشوف وش يتكلمون فيه ولحالي بعد ياكبر شرهتك - ههههه الله يعينك توك بأول الطريق - وش قصدك ؟؟ - يعني مطوله بجيتها الموضوع طويل وعريض مارح يخلص بس قولي لي انتي تبينه???!!!! - ايش بس اسكتي لا تسمعك من قال اصلا اني رح اخذه بس انا من باب الذوق مابي احرج خالتي وارفض ولدها بسرعه - اها كذا يعني ليه حاطه احد ببالك ??!!! - ايش انا احط احد ببالي هههههههه - الله يعينك على نفسك من هالضحك انا شكيت انه فيه بقلبك احد بس منتي ناويه تقولين يالله الايام تثبت,,,,,,,,,!!!?? ماقدرت تتكلم لأنه في الحقيقه فيه احد ببالها ,,,,,

عند اسامه طبعا لابس ومتكشخ وطالع [خوقاقي مرررره] من شافته ساره: الله الله وش الكخشه واللبس على وين ????!!!! من سعيدة الحظ اللي تبي تشوف اخوي !!!!
اسامه: لا والله ماصاير شي بس بمر على غادة باخذهاا مشوار ,, - اهااا الله يهنيكم بس بطلب طلب منك وتقول تم !!! - هاه وشي اطلبي وانا تحت امرك!!! - اييك تاخذني لأحلام اشتقت لها مررررره - انشالله تجهزي والسواق والشغاله جاهزين - ايش بس انا ابيك وطلع وماسمعت إلا صوت الباب يسكر ,,,!!
مر من عند غادة واخذها وراحوا للملاهي وقعدوا يلعبون و يدورون ويشترون من لبس- اكل- بارد - واستانسوا وكان هاليوم اسعد يوم بالنسبة لهم
اسامه:هاه استانستي
غادة: الدنيا مو سايعتني من الوناسه الله يخليك لي ولا يحرمني منك...
اسامه: الحمد الله الحين انا مرتاح بس هاه لا تزوجنا مو تقولين انا مليت من الملاهي باخذ عيالي وبمشي ,,,, - هههه وياترى كم ولد تبي !!!! - امممم مادري يمكن ٥ * ٧ على حسب ,,,, - وانت تحسبه بالسهل يجي ٥ * ٧ - ادري يابنت الحلال خلاص نخفض نخليها ٤ - هههههههه طيب تبي بنات ولا عيال -<< اممم شوفي ان بغيت بنات بيطلعون مثل امهم مزايين وان بغيت عيال بيطلعون بعد مثلك ,,,- ههههه اجل وش تبي ,,,- وش ابي بعد ابيهم كلهم مادامهم بيطلعون مثل امهم ماعندي مانع .... ههههه طيب نمشي انا تأخرت على اهلي ,,,- ماعاش من يأخرك عن اهلك تفضلي ... لما ركبوا السيارة كانوا مره مستانسين ف وهم بالطريق يتكلمون عن موعد زواجهم مروا عند طريق كله تفحيط وهجولة شباب فقال اسامه : شوفي هجولة شباب شكلهم فله بس الله يهديهم مالقوا يفحطون إلا هنا - هاه ترى من الحين اقولك مافي تفحيط بالسيارة هاذي - ههههه وليش!!!!؟؟ - ليش لأنه صاحبها غاااالي بالنسبة لي ومابيه ينضر او يجيه شي - انشاااالله ولما حاول انه يلف بالسيارة ألا وسيارة هايلكس طايره صدمتهم و زحت سيارتهم وقلبت مرتين وعلى هذا جتهم سيارة ثالثه صدمت الجنب الأيسر من الجيب
فجوا الناس يحاولون يطلعون اسامه من الجيب ماقدروا وناس ثانين يحاولون يطلعون غادة بعد ماقدروا فحاولوا مع اسامه وكسروا الباب ويالله طلعوه بس غادة ماقدوا لها لأنها كانت مره عالقه في السيارة فحاولوا لين طلعوه فبعدوا اسامه عن السياره لين زلقت السيارة في المنحدر اللي يطل على جسر فجت الشرطة والأسعافات والدفاع المدني وطوقوا الطريق وحملوا الجثث اللي ماكتب لهم ربهم انهم يعيشون و حملوا الجرحى للمستشفى ومن ضمنهم غادة واسامه ,,,,, وصل الخبر للوالده ام اسامه وسارة فراحوا بسرعه للمستشفى اللي نقلوا فيه غادة واسامه وسئلوا عنهم فقالهم الدكتور اللي تولاهم : حالتهم مرره حرجه وماقدر اشرح لكم ألا بعد العمليه مالكم إلا انكم تدعون ربكم ينجيهم الحادث مره مريع عن اذنكم ,,,,, الوالده: ايش لالالا مستحيل ولدي تكفون مالي غيره ساعدوه مالي غيره آآآآآآآآه ساره وفيها العبره: يمه يمه هدي اعصابك بالصراخ والبكي مارح ننفعهم ادعيلهم الله يقومهم بالسلامه
بعد مرور ثلاث ساعات طلع لهم الدكتور
الوالده وبتردد : هاه دكتور بشر وشلون ولدي طمني الله يخليك !!! - الحمدالله قدرنا بعد الله انه ننقذه - سارة حست انه فيه شي فقالت: طيب دكتور يعني تقدر تقول ان حالتها مستقره .. كان الدكتور مره متردد انه يقولهم بس رغم كذا: ممكن - فز قلب ساره من كلامه : وشلون يعني الله يخليك دكتور لاتلعب بأعصابي قلي وشلون حالته ؟؟!!!! الدكتور: انا اسف بس ولدكم مايقدر يمشي بهالفتره .... - ساره ودموعها تنزل : ايش اخوي وش قصدك!!؟؟ - الحادث اثر على رجوله مرره ومنها رجوله ماتتحرك مايقدر يمشي عليهن - هه يعني تقدر تقول ان ان اخوي مشلول - انا بجد اسف بس حنا سوينا اللي علينا بس شوفي يقدر يسوي عمليه تخليه يمشي بس ماهو بهالفتره هاذي لأن حالته مرره صعبه عن اذنكم .....
ام اسامه ماقدرت تتمالك نفسها : فأغمي عليها ودخلوها بغرفه خاصه من غرف المستشفى كان المستشفى من ارقى المستشفيات عندهم تطمنت سارة على امها وراحت للدكتور : السلام عليكم - وعليكم السلام تفضلي - دكتور ااا - ركان اسمي الدكتور ركان بغيتي شي - اه دكتور ركان بغيت اسئلك البنت اللي مع اخوي اسامه كيف حاا وكان صوت سارة متقطع خايفة يقولها اسوء من اللي صار لأسامه فقالت ودموعها على عيونها: كيف حاالتها؟؟ - الدكتور ماكان يبغى يصدمها اكثر من اللي صار فقام ووقف جنبها وقال: سوينا اللي قدرنا عليه بس الحادث كان مأثر عليها كثير السيارة اللي صدمت هم كانت مع الجنب الأيسر من مكان السايق - يعني تحاول تقولي انها ماقدرت تعيش !!؟؟ -من هنا سكوت الدكتور عطاها الجواب فماقدرت تتحمل اللي صار لها في هاليوم فطاحت على الأرض وهي تبكي مسكها الدكتور وقال :تمالكي نفسك يابنت الحلال هذا قضاء وقدر مايصير تصيحين عليها وهو ماهو نافعها تبي منك انك تدعين لها وبس - اه اه الحين وشلون بقول لخوي ان زوجته توفت وشلون قلي وشلون بقول لأهلها انها تطلبكم الحل وشلون بقول لامي انه مرت ولدها توفت وشلون بخلي عقلي يصدق انه بنت خالتي توفت ااااه - لاحول ولاقوة إلا بالله تفضلي شربي لك شوية مويه تهدي اعصااابك.....,,,,,
بعد ساعه من ركود اعصاب سارة قامت وراحت لأمها وقالت لها الخبر بكت الوالده على ماسمعت فقالت: وشلون الحين بقول لختي بخبر وفاة بنتها وشلون اه ياحسرتي عليك ياختي ياحسرتي عليك ياولدي اه اه - هدي يمه انا رح اقولهم لاتخافين - بس يابنتي وشلون رح تواجهينهم لحالك - مادري رح ألاقي طريقه فمسكت سارة جوالها ودقت على خالتها وقالت:انه امها بالمستشفى وان اسامه مسوي حادث بس مانطقت بشي عن غادة بعد ماسكرت من خالتها احتاجت لشخص كانت مره فاقدته في هالوضع فدقت: الو احلام - هلا بك يالغاليه,,,,حست احلام من صوت ساره انه فيها شي ...سوسو فيك شي... مالقت ألا انها تسمع صياحها وهي تقول : احلام انا محتاجتك كثير تكفين تعالي - سارة وش فيك هبلتيني وش السالفه امك فيها شي - موبس امي ألا كل عيلتي الحين انا بمستشفى.....تعالي بسرعه لا تطولين تكفين ابغاك ضروري .... ماقدرت احلام تسوي غير انها تلبي طلبها فنزلت تحت وقالت لامها ومرام وراحوا للمستشفى وكان قلب احلام ينبض بسرعه مو طبيعيه وكانت ايدينها ترتجف لما وصلوا تلاقت أهي وعائلة غادة وسارة وسمعوا بالخبر ولما قالت سارة لأحلام ان اسامه مايقدر يمشي يعني مشلول ماقدرت تصدق غير انها تروح له وتشوف فراحت لغرفته كانوا ايدينها يرجفن قبل ماتفتح الباب فتحت الباب وشافته وكان حواليه أجهزه وأسلاك كان دموعها على خدها لما شافته بالحاله هاذي قربت لمه ومسكت ايده وقالت له والعبرة تخنقها: اسامه خليك قوي وقوم بالسلامه لا تخلي امك واختك لحالهم اسامه قوم ... حس اسامه انه فيه احد موجود ف مسك ايدها بقوه فزة احلام لما مسك ايدها وحاولت انها تفلت بس ماقدرت وكان قلبها خايف من أنه يدخل احد عليهم ويشوفها معه ماسك ايدها فجرت ايدها بقوة وطلعت قبل لا يدخلون عليها ......,,
سئلت خالت سارة عن بنتها غادة ماقدرت سارة تتكلم فحبت انها تسكت وردت عليها ام اسامه وقالت: ماكنت اتخيل اني فيوم رح اقولك مثل هالخبر بس شكوى للله هذا قضاء وقدر وكلنا ماشين بهالطريق بنتك بببنتي غادة ماقدرت تعيش توفت يانورة غادة ماتت وولدي مايقدر يمشي على رجلينه اه اه ياغادة ماتهنيتي بولدي ولا هو تهنابك
ماتتخيلون وشلون الصدمه اللي عاشت فيها ام غادة ,,,,,,.......!!!!!
من بكرى كان العزا لأهل غادة كان الجو مره حزين كانت احلام وأهلها موجودين ويقومون بواجبهم سئلت ام اسامه عن احلام وقالت: ماشاالله عليها هالبنت كنها من أهلنا تزين القهوة وتضيف الضيوف وتحط العشا من بنته !!؟؟ - هه هاذي صديقتي يايمه بالكليه اسمها احلام - ايييه الله يخليها لاهلها - يمه انا بروح اشوف اسامه وش صار عليه - اجل يله بروح اجيب عباتي - لالا يمه الله يخليك خالتي محتاجتك ومالاداعي نثقل على اسامه بالمستشفى انا اروح ولا تخافين رح اطمنك عليه - طيب بس لاتنسين تاخذين اكل معك عشانه تراه مايأكل اكل المستشفى - انشااالله ..... وراحت للمستشفى ودخلت على اسامه كان جالس وفرح لما شااافها : هلا والله بأختي سوير اخبارك وينكم مختفين ماتشوفوني تقل ماصدقتم على الله اني افارقكم - افاا ياسامه انا ماصدق على الله افارقك انا ماصدقت على اني اجي اشوفك اليوم
المهم وشلونك الحين عساك بخير - مسك اسامه ايد سارة بقوة لاشعوريا و من دون مقدمات : قولي لي غادة وينها ماتجي تشوفني وكانت دموعه على عيونه - سارة بتردد: اسامه غاااد غادة بالبيت تعبانه من الحادث وكانت عيونها تدمع ماقدرت تقوله الحقيقة عشان حالته ماتسوء اكثر مماهي عليه - اه اشوا طمنتيني تصدقين راح بالي بعيد طيب قولي لها اني مشتاقلها كثير وابي اشوفها - مااعتقد انها رح تجي تشوفك - وليش!!!! - قالت لي انها ماتقدر تشوفك بهالحاله هاذي - طيب ليش وش فيها حالتي - مادري يااسامه مادري قفل على الموضوع - وشلون اقفل من دون مااعرف سبب تحااشيها عني - الحين انت اطلع من المستشفى وعين خير ياابن الحلال وعالج نفسك ويحلها ربك ,,,,... - رد عليها اسامه وهو معصب من قرار غادة : و امي و ينه ماتجي ولابعد حالتي ماتسمح - لالا بس امي تقول بتجي بالليل لأنه حيل منهارا اه صحيح قبل لا أنسى انا حددت موعد على عمليتك وقالوا رح تكون بعد يومين خلك مستعد اوكيه - طيب انشاالله بس بشرط - تفضل وشو شرطك !! - تكون غادة بجنبي قبل ادخل غرفة العمليات ولا تحلمون ادخلها !!! - ايش انت شقاعد تقول اسامه غااا - وش فيها غادة فيها شي انا داري انا حاس من الأول انه فيها شي - لالا لاتخاف مافيها إلا العافيه خلاص مثل ماتبي يالله مع السلامه انا بمشي .....

طلعت منه سارة وهي تبكي وتقول في نفسها: سامحني ياخوي بس انا خايفه عليك من الياس والخوف والحزن سامحني .....
بعد يومين جا وقت العمليه اللي رح يقوم فيها اسامه على رجليه انشاالله و كان بجنبه امه وساره واحلام واختها مرام فجاهم الدكتور: السلام عليكم - وعليكم السلام - هاه يااسامه جاهز - كان اسامه مره متوتر : ايه جاهز بس لساتها غادة ماجت ممكن دكتور ننتظر شوي - بس يااسامه حنا انتظرنا ربع ساعه وانت تعرف انه ماعندي وقت - بس يادكتور اناا وقاطعته احلام بقولها : اسامه اذا تأخرت على عمليتك اكثر من كذا رح يأثر على رجليك مافي وقت - رد عليها اسامه بعصبيه : انا مارح اتحرك منها غير ماشوف غادة بعيوني - سارة: اسامه وش فيك عاد ليش تصارخ وبعدين حنا مو قاعدين نلعب هاذي عمليه مو اي شي .. دكتور اذا تقدرون تاخذونه بالغصب خذوه ماعندنا مانع - ساره انتي شقاعده تقولين - قام الدكتور و راح نادا الممرضين واخذوا اسامه بالغصب ودخلوه على غرفة العمليات الوالده وهي تبكي : اه الله يكون بعونك ياولدي - احلام : هدي بالك ياخالتي وادعيله انشاالله تنجح العمليه لا تخافين -
بعد مرور اربع ساعات من العمليه طلع لهم الدكتور يبشرهم : ابشركم الحمدالله العمليه نجحت - الكل قاعد يشكر ربه : الحمدالله لك يارب الحمدالله - ساره بفرح ; طيب نقدر نشوفه - ممكن بس مو الحين لأنه نايم ونبيه يرتاح عشان نقدر نفحصه - ساره والوالده مو سايعتهن الدنيا من الفرحه ساره: احلام اخوي بيمشي وضمتها - احلام ; هههههه الحمدالله.....
بعد ساعه دخلوا الأهل وتحمدوا اسامه بالسلامه بعد ماقام ... جاهم الدكتور ركان
وقال: للحمدالله على سلامتك يااسامه - الله يسلمك يادكتور - بما انك قايم ممكن تطلعون عشان اقدر اتفحصه - الكل : اكيد وقاموا طلعوا تفحصه الدكتور وقالهم: انه يقدر يمشي بس بعد مايمرن رجوله على الحركه .....
بعد ثلاث ايام قام اسامه من سريره يمشي على رجوله شوي شوي دخلت عليه ساره تقول : اسامه هاه تقدر تمشي - واخيرا وسكت شوي وقال من معك - امم هاذي احلام جايه معي عشان تتطمن عليك - لما جت احلام تفتح الباب عشان تدخل وتشوف اسامه واقف على رجليه سمعته وهو يقول بعصبيه : ليش جايه بصفتها من عشان تتطمن علي قوليلها توكل على الله وتمشي مابي اشوف احد - ساره : بس يااسامه البنت جايه بس تقولك الحمدالله على سلامتك - مالاداعي تقول خلاص انتي وصلتيها وبعدين اهي ما لها اهل يضفونها 24 ساعه جايتلي هنا
ماكانت احلام تتوقع ان اسامه يقول عنها هالكلام فتركت مقبض الباب و راحت للبيتهم ودموعها على خدودها فطلعت ساره تدخلها غصب بس مالقتها ووصلتها رساله بجوالها من احلام تقول : سارونه انا طرالي ظرف بالبيت ولازم اروح سامحيني ماقدرت اكون معك وصلي ل أسامه سلامي ...
ساره بعصبيه : اسامه شفت.... البنت سمعتك وراحت - احسن لها خليها تحس شوي بفقدت ابوها وامها لها بالبيت ... - صدق انك واحد اناني وماتحب إلا نفسك الحين البنت وقفت معنا طول هالفتره وماراحت مع اهلها للخارج ووقفت جنب خالتي بوفات بنتها ووقفت بجنبي انا وامي وانت..... - قاطعها اسامه وقال: وش قلتي وفاة من اللي مات !!!! - هاه من اللي مات - سارة لا تتهيبلين معي وقولي من اللي مات !! كان يقول هالكلام وعيونه مليانه دموع لأنه حس ان الميت هذا له صله فيه - سارة بخوف : ااا اسامه انا اسفه بس انت بل أخير رح تعرف غااادة - وش فيها غادة انطقي - غادة ماتت يأسامه ماتت - ماصدق اسامه اللي قالته: ايش..... انتي وش تقولين اكيد تمزحين لالا ماصدق - ساره وهي تبكي : اي مزح الله يهديك فيه احد يمزح بهالمواضيع -
قام اسامه يركض لغرفتها بالمستشفى ومالقاها فراح لغرفة الدكتور ومسكه من جاكيته وقال : غادة ماماتت غاادة وينها يااحقير وينها - ممكن تهدا شوي - وشلون تبيني اهد وغاادة ماهي موجودة بغرفتها ويقولون انها ماتت وشلون
ساره: اسامه هدي اعصابك لا تفضحنا قدام الناس غاادة ماقدرت تتحمل اللي جاها من الحادث وبعدين هذا قضاء وقدر وش فيك .... ماصدق اسامه وظل يردد بلسانه مستحيل غادة عايشه مستحيل فرجع لورى وركا راسه على الجدار ودمعته على خده وجلس على رجليه يضرب فيهن ويقول: انا ماسويت العمليه إلا عشانها ليه تروح وتخليني ليه غااااااااااااادة غاااااااااادة ليه خليتيني .......


عند احلام بالبيت...... كان الوالد والوالده جالسين مع العيال والبنات في الصاله ويتكلمون عن سفرة الوالد لسويسرا
ابوفهد: هاه يام فهد جهزتي اغراضي ... ردت عليه بضيقة صدر : ايه جهزت كل شي بس يابوفهد هي لازم روحتك ... ههههه وش فيك يام فهد كنك ماتبيني اروح وبعدين انا ماني رايح استجمام و وناسه انا رايح للشغل هاه ,,,, نزلت احلام من فوق وهي تقول: يبه انت مطول في سفرتك ؟؟..... هلا ببنتي حلوم ايه ليش تسألين ؟؟..... طيب يبه فيه احد من اصدقائك بيروح معك ..... لا مافيه احد ..... استغرب الكل من احلام على تحقيقها فقالت مرام : وش عندك تحققين وش السالفه ..... فردت احلام على ابوها بتردد : يبه انا اااا انا ودي اروح معك ...... الوالده: ايش انتي وشقاعده تخربطين ...... يمه انا لا أخربط ولا شي انا ودي اروح مع ابوي منها اجلس معه اونسه و اساعده ومنها ارفه عن نفسي شوي ..... الوالده: بس يا اا..... الوالد: موافق .... ردت مرام بغضب : موافق يبه انت صادق ..... ايه صادق وش فيها ماهي رايحه مع ابوها .... قامت ام فهد معصبه من قرار ابوفهد لأنه مافيه احد يقدر يعترض على قراره وطلعت فوق لغرفتها فلحقتها احلام و قالت خلوني انا اتفاهم معها .... طقت الباب على غرفة الوالده: يمه افتحي الباب ابي اكلمك ..... وش تبين يااحلام خليني لحالي روحي بس ..... بس يايمه خليني اشرح لك ...... وفتحت لها الباب :بغيتي شي روحي مع ابوك وخليني ..... ضمتها احلام وقالت: يايمه ياحبيبتي انا بس ودي اروح مع ابوي عشان ارفه عن نفسي و اساعده عشان مايحس بالوحده وهو جالس هناك .... وانتي من متى بغيتي تسافرين مع ابوك اكيد صاير لك شي وماتبين تقولين ..... يمممممه تكفين افهميني تكفين ... وخلتها وطلعت وهي تبكي .... دخلت عليها مرام : ياهوه انتي متأكده انك تبين تروحين مع ابوي ؟؟..... ايه وليش بعد يبغالها تأكيد ..... لايكون تتهربين من خطبتك من سامي ..... ههههه لا احد يسمعك بس... اي هروب يابنت الحلال ..... والله مادري اشوف قرارك مفاجئ .... فدخل عليهم فهد يقول: يحليلك يااحلام والله نبي نفقدك مررره .......ردت عليه مرام : هه الحين حنا نقنعها انها تغير رايها وانت جالس تقول نبي نفقدك .... فهد: وش فيها خليها تروح تبين تحجرينها وبعدين احسن خليها تلزق بابوي عشان مايلف لا يمين ولا يسار ..... ضحكت احلام بوجه حزين وقالت : يالله اشوف ساعدوني بترتيب اغراضي ترى روحتي بكرى ... سكتت مرام لأنها يأست من اقناعها فبدت ترتب هي وفهد اغراض احلام .......
من بكرى نادى الوالد احلام : احلام احلام يالله ترى تأخرنا على الطياره بسرعه ... نزلت احلام من الدرج بسرعه و وراها مرام وفهد ينزلون اغراضها وكانت لا بسه بنطلون
جنز ماسك على رجلينها ولا بسه فوقه بلوزة كحليه مخططه با أصفر ولا بسه فوقهن عبات كتف وطرحتها لا فتها عليها يشكل عشوائي : كاني نزلت يبه نمشي ..... يالله يابنتي .... بس يبه امي وينها .... مادري وين راحت هالمره تبي تأخرنا وينك يامره ... طلعت لهم ام فهد ودموعها على خدها وتقول : اه يابنيتي تبين تروحين ولا راح اتهنا فيك .... ردت عليها و فيها الغصه : ههههه يمه الله يهديك بس كلها سفره وراجعه انشاالله مالاداعي كل هالصياح .. وحبت راسها وسلمت على مرام وفهد بشكل سريع عشان ماتبكي قدامهم وطلعت ..... وهم بالسيارة اخذت جواالها ودقت على ساره : الو سوسو .... هلا احلام ..... وش اخبارك ..... والله الحمدالله وانتي ..... انا بخير .... بغيتي شي حياتي ..... لا والله سلامتك بس حبيت اقولك اني انا بسافر ..... ايش بتسافرين لوين وليه وشلون .... ههههه الحين كل ها الأسئله برد عليها .... يووووه احلام من جد عاد قولي لي .... بروح للخارج مع ابوي عشان اساعده واجلس معه تعرفين الشغل واجد هناك رحت ارفه عن ابوي شوي ..... بس مو كنك متسرعه بقرارك مادري ليه احس انك تتهربين من شي بس ماعرفه .... ردت عليها بتوتر : هاه اه اي تهريب الله يخليك لا اتهرب من شي ولاني متسرعه عاد قوليلي وش تبين من هناك اجيبلك معي .... مابيك إلا ترجعين بالسلامه ... اجل اشوفك على خير .... فمان الله """
فكرت ساره وقالت : ليه تروح مع ابوها فجأه كذا اكيد فيها شي البنت خليني اروح لأسامه بالمستشفى واشوف وش صار عليه
عند اسامه : كان مايأكل ولا يشرب ان شرب شرب ماء بس دخلت عليه ساره : سلام اشلونك اليوم ..... وش جايبك هنا .... ايش وشلون وش جايبني هنا جيت اشوفك وبعدين سمعت انك ماتاكل ولا تشرب ان درت امي انك تسوي كذا ترى ما تخليك ... كان اسامه يكلمها وهو متغطي ببطانيته الجايبينها من البيت فدخل عليهم الدكتور ركان يبشرهم ان اسامه بيطلع اليوم
فرحت سارة كثير على البشاره واسئذنت من اسامه ولحقت الدكتور : دكتور ركان دكتور ركااان - نعم تفضلي !! - لا سلامتك دكتور بس حبيت اني اشكرك على وقفتك معاي ااااا اقصد مع اهلي - هههه ماسوينا إلا الواجب - ايه اجل عن اذنك بروح اجهز اخوي على طلعته فمان الله - بحفظ الكريم ,,,,,,..
.. طلع اسامه واخيرا من المستشفى وراح للبيتهم فكانت الوالده تتنتظره فلما دخل البيت ما لقا امه إلا تصيح : اه ولدي اسامه هلا والله الحمد الله على سلامتك ياوليدي شلونك يمه ..... رد عليها ببرود : الحمدالله
ساره: يمه قلتي للشغاله تجهز الأكل تراه ماياكل زين ..... ايه قلت لها الحين تحطه على الطاوله تعال اسامه تعال ارتاح هنا ..... يمه الله يسلمك مااشتهي شي ولا ابي ارتاح هنا بروح لغرفتي وبنام مابي احد يزعجني عن اذنكم .... ماقدرو يقولون له شي بسبب الصدمه اللي تلقاها من الحادث وبسبب موت غاادة بعد كذا دخل اسامه غرفته وتسطح على السرير قعد يستوعب شوي شوي اللي يصير له فمد ايده على احد دروجه وفتحها واخذ الصوره اللي كانت موجوده فيها غادة وهي تبتسم قعد يناظرها ويضحك وعيونه تدمع ويقولها: شوفي وش صار بحالي بعدك ياغادة خليتيني ورحتي حتى ماودعتيني الله يسامحك بس الله يسامحك ويغفر لك كل ذنوبك ويخليك بالفردوس يارب ... فرقاك بغيرني كثير

~أحبك كثر ماأتعذب..كثر ماتهل دمعااااتي..
~أحبك~
كثر ماهلت عيوني دموع شوووق بغياااابك..
~أحبك~
كثر ماأنجرح قلبي.. يافرحة آهاتي..
أموت بعين هالدنيا..
وأعيش وأموت وأحيا بك..
~أحبك~
كثر ماأخطي..كثر عذري وغلطاتي..
~أحبك~
كثر بحر الهموم بخافقي...وأكثر من عتاااابك..
~أحبك~
كثر ماتشكي..كثر لومك وونااااتي..
~أحبك~
كثر ماأذوب بإحساسك..
وأموووت بثورة أعصابك..
~أحبك~
كثر ماتضحك وأحس الفرح بشفااااتي..
~أحبك~
كثر ماعاندك حظي..
كثر ماردني وجابك..
~أحبك~
كثر حبي لك..كثر بعدك
وغلطااااتك..
~أحبك~
كثر فرحي بك وخوفي عليك..
كثر ماأنادي بإسمك..
وبعد أقول::
((أ ،، ح ،، ب ،، ك))


''بعد مرور سنه''













آخر مواضيعي

0 ارقام مطاعم الكويت
0 اساسيات نجاح الاسرة , نجاح الاسرة , اسس نجاح الاسرة , عوامل نجاح الاسرة
0 كلمات البوم راشد الماجد 2013 , البوم راشد الماجد 2013 , البوم راشد الماجد مصيبة 2013
0 طريقة رجيم الفواكه والخضار
0 مسلسل الدولي 2017
0 صور ناهد السباعي 2016
0 المحافظة على بشرتك في شهر رمضان
0 معلومات عن شركة سامسونج
0 منازل زعماء الدول , قصور زعماء الدول حول العالم , صور منازل زعماء الدول , صور بيوت زعماء الدول
0 معلومات عن دولة اليمن


  رد مع اقتباس
قديم 15 - 5 - 2012, 04:19 PM   #4

صعب المنال
خجلي موهوب
افتراضي رد: روايه مثلث الحب - مثلث الحب - روايه مثلث الحب كاملة



رجعت احلام من سفرتها مع الوالد وكانت مره متغيره عن اول وكان استقبال اهلها انه محضرين لها حفل كبير دعوا فيه جميع من يعرفونهم من [اقارب - جيران - اصدقاء ]
و كالعادة كانت اهي الوحيدة اللي ملفته نظر الحضور بلبسها كانت لا بسه تنورة بلون رصاصي قصيره ما تتعدى الركبه ولابسه معه بلوزه ليلكيه عليها كتابات و النعال كان كعب وسط و ماكانت مكثره ميك آب والأكسسوار كان رصاصي كان شكلها مره ناعم ومبهر وطبعا كانت تنتظر حضور ساره للحفل فدقت عليها :
الو وينك لي ساعه انتظرك ماجيتي ..... ايه كاني جايه بالطريق مع الوالده ..... اوكيه لا تتأخرين ..... ونادت الشغاله : ليانا وينك ..... نعم مدام ..... اسمعي صديق انا تبي تجي الحين خلك عند الباب عشان تستقبلينها اوكيه ...... اوكيه مدام بعد ربع ساعه حظرت ساره اهي وامها و جلسوا مع الضيوف بعد ماشافت احلام ساره ماتسمعون إلا صراخهن : احلام : يأالله من زمان عنك يادب والله اني مشتاقتلك حييييييل ...... اجل انا وش اقول انا مشتاقتلك اكثر منك تصدقين السفره مغيرتك مره ...... يعني حلويت ولا مثل ماانا ,...... تبين الصراحه لا والله حلويتي وزياده بعد ..... ههههه تسلمين ياقلبي اخباركم وش علومكم ...... والله الحمد الله مثل ماحنا ماتغير فينا شي إلا اقول تعالي قولي لي كل شي سويتيه هناك ..... وااااي ياسوسو تمنيتك معي استفدت صراحه ريحت واستانست ...
و جلسن يتكلمن مع بعض عن اللي عملت واللي ما عملت وكانت نظرات ام اسامه ل احلام غير كانت تدقق فيها وفي لبسها واناقتها وطريقة كلامها للي اكبر منها كانت مره معجبه فيها و مو بس هي اللي مجننتها احلام إلا كل الحريم منهبلين عليها .....""
بعد ماتعشوا الحضور و خلصوا كلن توكل على بيته مابقي إلا بعض الحريم اللي لسا ماخلصن سوالف ... رن جوال ساره : هلا ايه يالله كاني البس ايه ياابن الحلال وش فيك.... احلام : من تكلمين ....... هذا اسامه جاي ياخذنا ..... بس لسا تو الناس .... هاذي الوالده كلميها ... راحت احلام لام اسامه : خالتي ناوين تروحون ...... ايه ياعمري طولنا عندكم ..... لا شدعوى خالتي طولتوا وبعدين انتي تعرفين انه لي سنه ماشفتك انتي وساره ...... شسوي بس اذا صدق ماشبعتي منا انا وساره العين توسعكم قبل البيت ..... تسلمين ياخالتي بس انشاالله ماطوفها جايه لمكم وقاعده على قلوبكم .... هاه تراك على كلمتك عشاك انتي و اهلك عندي بكرى يالله مع السلامه ..... هلا بك خالتي نورتي مع السلامه ..""
بعد ماودعت الحضور طلعت لغرفتها وخذت لها شاور ولبست بجامتها وتسطحت على السرير حست انه الدنيا كلها فوق راسها من التعب فخذت بطانيتها وتغطت وناااااامت .....""

عند اسامه بالبيت بعد ماجاب اهله من العزيمه جلس عند التلفزيون وقعد يقلب فيه فجلست جنبه ساره تقول : يأالله لو تشوف العزيمه شكبرها والمعازيم ياكثرهم ماتصدق ماشاالله ولو تشوف عيون الحضور كلها على احلام منهبلين عليها وشلون متغيره من سفرتها طالعه تجنن ماشاالله ... فرد عليها اسامه ببرود : الله يخليها لاهلها.... بس هذا اللي طلع منك ..... اجل وش تبيني اقول عنها .... لا بس ولا شي اكلتني بقشوري بسم الله علي بس يعني الواحد يسأل وشلون شكلها حمدالله على سلامتها متغيره حليانه ولا شينانه ..... ما رد اسامه عليها وقام لغرفته ....""

دخلت ام اسامه على ساره العصر وقالت : هاه دقيتي على ام فهد وقلتيلها متى يجون!!
ساره: ايه تقول المغرب انشاالله
مر اسامه من عندهم و سمع انه بيجونهم ناس فسأل : يمه من اللي بيجينا
هلا وليدي بيجوننا ام فهد وبناته بيتعشون عندنا اليوم ابيك تجيبنا العشا السواق مايعرف يدبر عمره .....
.... انشاالله يمه بس متى تبونه!!!!
اممم بعد صلاة العشا تقريبا,,,
بعد صلاة المغرب جت احلام هي وامها ومرام للبيت ساره وجلسن وتقهون وسولفن مع بعض قامت ام اسامه ومعها ساره ودخلن المطبخ :
ساره : هاه يمه وش فيك!!!
ام اسامه : اسمعيني زين ابيك تاخذين احلام ومرام معك فوق للغرفتك
ساره : ليه يمه!!!
ام اسامه : مو شغلك انتي سوي اللي قلتلك وبس !!!
طلعت ساره و وراها امها وقالت : حلوم ميمي تروحن معي فوق اوريكن غرفتي
احلام : بس انا شايفة من قبل
غمزت ساره ل احلام واحلام فهمتها فقامت هي واختها.....
جلست ام اسامه مع ام فهد وقالت : ياحي الله من جانا اسفرت وانورت ياام فهد
ام فهد : الله يحييك !!!
ام اسامه : ام فهد انا بدخل معك بالموضوع بسرعه ولا ابي اماطل عليك ,,,,
اسغربت ام فهد من كلامها : تفضلي !!!
ام اسامه : طبعا انتم ماشاالله عليكم عيله محترمه و معروفه و مانسمع عنكم إلا الخير فيعني حنا يشرفنا انه انه نناسبكم...,,،،
ام فهد : هه والله يا ام اسامه فاجأتيني صراحه ومادري وش اقول !!!
ام اسامه : مابيك تردين علي الحين متى ما فكرتي و قررتي ردي علي .....
ام فهد : انشاالله بس ماقلتي لي اي وحده من بناتي !!!
ام اسامه : الصغيره !!!
ام فهد : انشاالله!!!
بعد صلاة العشا دق اسامه على امه وقال : هلا يمه تراي جبت العشا شوفي لي الطريق عشان ادخله
ام اسامه : انشاالله يمه ....
فنادت البنات عشان يجهزن المجلس للأكل فجت كل وحده ومعها غرض من المطبخ اللي مويه واللي فواكه واللي كاسات جهزن المجلس وطلعن كان المجلس برى الصاله عند الحوش وكان واسع مره فأخر من طلع منه احلام وقبل ماتطلع جلست شوي تناظر في المجلس من ديكوره الكحلي وأثاثه كانت مره معجبه فيه ومن لوحات فنيه راقيه ماسمعت إلا تنحنح اسامه عشان يدخل العشا مع السواق و ثنين من ربعه فما تدري وش تسوي إلا انها تنادي ساره بصوت واطي بس لا حياة لمن تنادي دخل اسامه لما شافته بسرعه غطت وجهها بيدينها عصب هو لما شافها لحالها بالمجلس
فصد بسرعه وقالها بصوت عالي : انتي وش تسوين هنا؟!!
نقزت من الخوف لما سمعته يصارخ بوجهها وماردت ....
فلما شاف الرجال بيدخلون لا شعوريا قرب لمها وضمها وغطاه بشماغه عشان مايشوفونها الرجال وقبل مايدخلون صرخ عليهم وقال : لا تدخلون فيه حريم
من شده ماهو ضامها بقوه شمت ريحة عطره على ثوبه والبخور على شماغه تراجعوا الرجال وطلعوا برى بالحوش حس بالدفا بضمته وزاد من عناقه لها وهمس بأذنه و قال : انا حيل بردان !!!
انصدمت من كلامه و اختنقت من ضمته و حاولت انه تبعد بس هو ماخلاه فقالت : خنقتني اسامه
حس انه تضايقت فنزل ايدينه
و قالها : يالله اطلعي الطريق مفتوح
وهي مالها إلا انها تسمع كلمته فطلعت و أول ماشافت قدامها ساره ضمتها وقعدت تبكي .... ساره : شفيك حياتي بك شي وش صاير ؟!!
احلام وهي تشاهق : مافي شي
ساره : شلون مافيه شي
طيب امشي ندخل داخل قبل لا يشوفوننا الرجال ,,,
دخلت عليهم وهي تمسح دموعها والأفكار تتضارب براسها جابت لها ساره كاسة مويه عشان تهدا ....
ساره : احلام حلوم احلام وش فيك
احلام : اه هلا
ساره : خوذي كاسة مويه عشان تهدين لك شوي وتقولين لي وش فيك
شربت احلام المويه وقالت : لا بس مافيه إلا الخير وش بيكون يعني بس انا حسيت بشوي ضيقه وبس ...
ساره وهي محتاره : والله مايندرى عنك يا حلوم مره رايقه ومره تنقزين علينا تبكين بسم الله شكله جتك عين من سفرتك للخارج
احلام : ههه يمكن ماتدرين ....
ام اسامه : يالله يابنات العشا جاهز برى تعالوا
الكل قام ويالله قامت احلام بس عشان خاطر ام اسامه ماتزعل عليها لأنه كل هذا عشانها اكلت لها كم لقمه وقامت جلست بالصاله تقلب بجوالها وسرحت باللي صار لها من شوي مع اسامه :
ياترى من يصدق اللي صار لي مع اسامه !!
ياربي وش ها الأحراج اللي صار لي !!!
يا ويلي إذا قال لأمه ولا لخته وش بيصير !!!
لالالا ماظنتي اسامه يسويها لا ااااه مستحيل
الله يستر ياااارب الله يستر !!!
طيب ليه قالي انا بردان يمكن جايته حمى يعني !
لالالا لو جايته حمى كان بفراشه ياربي وش هالورطه !!

خلصوا اهل احلام من العشا و شكروا ام اسامه على اللي سوته معاهم اهي وساره وجاهم فهد و اخذهم للبيت ...
من بكرى الصبح فتحت ام فهد الموضوع اللي قالته لها ام اسامه مع ابوفهد وقال : هههه هاذي الساعة المباركه يوم انهم يناسبوننا عاد انا من زمان اعرف ابوهم الله يرحمه كان رجل طيب و ما يذكر إلا بالخير
ام فهد : وانت صادق ياابوفهد بس تزوج بنتك احلام لهم وهي مخطوبه ل ولد خالته سامي ...
ابو فهد : اسمعيني زين يا ام فهد ترى ولد اختك ماجا وخطبها رسمي و لو كان يبيها كان خطبها من زمان قبل ماتروح عليه .. و بعدين هو ماقالي يعني كل هذا كلام حريم
ام فهد : يعني انت الحين موافق ...
ابو فهد : وليه ما وافق نصيبها ولله الحمد جايها تبيني اعترض ...
ام فهد : ومرام اختها وش بتقول لا درت ان اختها الصغيرة بتتزوج قبلها ؟!!
ابوفهد : خليها علي انا بتفاهم معها وبعدين مرام اكيد مارح تعارض ولا تزعل بالعكس رح تفرح لختها كثير ....

بعد صلاة المغرب دقت ام فهد على ام اسامه تبشرها انه هم ماعندهم مانع فقالت ام اسامه : هههه الله يبشرك بالخير اجل من بكرى انشاالله حنا عندكم عشان نخطبها رسمي ....
بعد ماسكرت ام اسامه من ام فهد طلعت فوق لغرفة اسامه عشان تفتحه بالموضوع دخلت عليه لقته حاط ايده على راسه ومنسدح على سريره : يمه اسامه بكلمك بموضوع !
تعدل اسامه من جلسته : هلا يمه خير فيه شي ؟!!
ام اسامه : مافيه إلا الخير يا عمري بس انت يعني تعرف انه لك سنه وانت على هالحال و لا زم تغير حياتك شوي
استغرب اسامه من كلام امه : وش المطلوب يمه !
ام اسامه : يعني انت الحين معجبك وضعك كذا من الشغل للبيت ومن البيت للشغل حتى ربعك صرت ماتشوفهم ولا تقعد معاهم
اسامه بتنهد : يعني وش تبيني اسوي يا يمه اذبح نفسي لاني طايق اطلع مع احد ولا اشوف احد انا كذا مرتاح
ام اسامه والعبره تخنقها : بسم الله عليك يا ولدي وش تذبح نفسك وش جاب طاري الموت الحين ودك تعذب امك وتخليها من دون احفاد ...
سكت اسامه من كلامها لأنه كان معها حق وكملت امه تقول : يا ولدي ترى ماهي حالة هاذي يوم اني ادخل عليك كل يوم و ألقاك بس مع هالصور تقلب فيها ابي اشوفك مستانس ومرتاح ببيت فيه زوجه وعيال حولك ...
مارد اسامه عليها وظل ساكت فقالت : انا خطبتلك وحده من البنات واكيدانها تعجبك مثل مااعجبتني وقلت لأهلها و ردوا علي انه مافيه مانع وبعد قلت لهم انه بكرى جايين نخطبها لك رسمي !!!
انصدم اسامه من اللي قالته امه مره وحده فقال : يمه انتي وشلون تسوين كذا من دون ماتاخذين رايي وشلون تقولين لهم انه جايين بكرى عندهم نخطب رسمي يمه انتي صاير لك شي !!
ردت عليه امه : لا ولله الحمد ما صار لي شي وبعدين تعال انت الرجال ولا هي المفروض ما تقول هالكلام اقرر ما اقرر انا امك وادرى بمصلحتك ولا تلومني يا اسامه على اللي اسويه لا تلومني من بكرى انت قايم بعد صلاة العصر ألقاك تحت متجهز وخالص عشان نروح لهم وأذا ماسويت اللي قلته عليك تراني لاني امك ولا انت تعرفني هذا اخر اللي عندي ... وطلعت وصكت الباب بشدة ماصدق اسامه باللي صار له من امه و بنفس الوقت ما قدر يعارضها ,,,,""

عند احلام بالبيت جتها امها تقول : احلام تعالي ابيك شوي
احلام : خير يمه فيه شي ؟!!
الأم : لا يا بنتي مافيه إلا الخير بس ابيك الحين بعد الصلاة تلبسين احسن ماعندك و تحطين مكياج على ذوقك و تنزلين تحت اوكيه
احلام باستغراب : ليه يمه من اللي بيجي !!
الأم : بيجون ناس بيخطبونك رسمي ؛..
انهبلت احلام من اللي قالته امها توقعت انه رح يكون ولد خالتها سامي فقالت : ممكن اعرف منهم اللي جايين !!
الأم : سوي اللي اقولك عليه وبعدين تعرفين منهم ؛...
سوت احلام اللي قالته لها امها بمنتهى الثقه لأنه باالأخير رح ترفض إذا كان سامي دخلت عليها مرام تقول : اكشخ اكشخ بيتزوج ويخليني هو خشته مبروك يا اختي ألف ألف مبروك ...؛
احلام بغرور : هه اصلا ادري بس ياشيخه انتي مصدقه اني باخذه إذا صار سامي
مرام : طيب وإذا صار ما هو سامي بتوافقين ...؛
احلام : والله على حسب إذا صار مزيون و غني احتمال واخوه بدزه لك هههههه
مرام : والله وفيك الخير يلوموني فيك ادري ماتخليني ؛؛
ونادتها امها من تحت : احلام يا الله انزلي ؛؛ نقزت احلام من صوت امها وقالت : لا لا مرام انا هونت مابي خلاص مابي انزل انزلي انتي بدالي وقولي لهم اني مريضه و انا بدل عنها ؛؛
مرام : من صدقك انتي تخيلي عاد شكلي انا بدل اقول روحي انزلي ولا تخافين مارح ياكلك ،،؛؛
احلام: لالالا مرام مابي
مرام: اقول امشي يالله
نزلت احلام وهي ترجف : هاه يمه وش تبين !!؛
امها : الحمدالله والشكر وش ابي فيك يعني يالله يبون يشوفونك ؛؛؛ بس يمه انا توني ماني مستعده ؛؛؛ ادري كنت امزح معك بناظر وش تسوين ؛؛؛ يممممماه عاد والله انك طيحتي قلبي وينهم ماجو
الأم : لا لسا اكيد تلقينهم بالطريق الحين

عند اسامه كان خالص ونازل تحت ينتظر امه فنزلت و معها ساره كانت ساره مو سايعتها الدنيا من فرحتها باخوها اللي واخيرا بيتزوج انشالله ومن من عاد اعز صديقاتها نزلن وركبوا السيارة وتوكلوا على الله ؛؛؛؛ لما وصلوا طبعا اسامه استقبله فهد وابو فهد وام اسامه و ساره استقبلتها ام فهد ومرام ودخلوا وجهزوا لهم القهوه والشاي والحلا والبسكويت و الفطاير وطبعا ام اسامه ماقصرت جابت معاها صحون حلا وفطاير احلام ماكانت مصدقه انه اسامه هو اللي جاي يخطبها كانت مصدومه فنادتها امها وجت وبيدينها كاسات العصير وقدمت لأم اسامه وساره كانت تناظر ساره وهي منقهره يعني ليه مادقت عليها وقالت لها بس ماعليه ماسكتها ماسكتها وين بتروح منها .؛؛؛ اخذوا راي احلام و قالت لهم ينتظرون على مابين تفكر وهم طبعا ماقالوا شي لأنه من حقها ؛؛ والحمد الله مر هاليوم على خير
كان الوضع بالنسبه لأسامه عادي واقل من كذا بعد لأنه مارح يبادلها الشعور إذا كانت تحبه وغير كذا هذا راي واختيار امه بعد عدة محاولات ؛؛؛.... بعد فترة من التفكير رضت احلام فيه وقالت انها موافقه وردوا لهم وحددوا بشكل سريع ان الملكه والزواج تكون بأسبوع لأن اسامه ماكان وده يتذكر الماضي بتخطيطات زواج وغيره رضت احلام وماكان عندها مانع لأنها تعرف وضعه ،،، ارسل اسامه مهر احلام مع اخته ساره وكانت ام احلام تتضايق من حركاته لبنتها بس احلام ماتكلمت ولا قالت شي ابد كانت راضيه باللي يسويه ،،،...
بيوم الأربعاء كان بكرى ملكة اسامه على احلام وكان هو واقف عند مقبرة غادة ويقول : ياسرع الدنيا مرت عليك سنه وانا الحين بتزوج عشان امي واختي ،، و كان بعد كل كلمه يقولها يتنهد من كل قلبه وكمل :
مابي أنادي بسمك لأني خايف ماتردين علي وهذا اللي يقهرني سامحيني وهلت دموعه ورجع للبيت ،،

بالنسبه لأحلام كان كل شي خالص لأنه ماكان فيه اشياء كثيره ناقصتها كل لبسها كانت جايبته من سفرتها للخارج كانت خايفه مره وبنفس الوقت كان قلبها يحترق عليه ليه ماخذ رقمها عشان يسمع صوتها على الأقل او انه يسأل عنها عن طريق فهد او انه يجي للبيت بس اهي كلما حست بهالشعور كانت تمحيه من تفكيرها ،،
جا اليوم الموعود يوم الخميس كانت احلام جالسه بالصاله الصبح تقلب بالتلفزيون لأنها مانامت اصلا قامت مرام ونزلت تحت فشافتها :
وش عندها حلومي مانامت!!
احلام وهي تتثائب : اه من قال اني مانمت انا نمت وشبعت نوم بعد
مرام : عيونك تقولي كذا لا تكذبين هه المهم وش بتسوين اليوم قولي فيه شي ناقصك شي تحتاجينه تبينه ترى انا تحت امرك بس هاليوم !!
احلام : لا مشكوره ماني محتاجه شي ولا ناقصني شي !!
مرام : غريبه ليه!!
احلام بتعصيب : لا غريبه ولا شي راس مالي اخذلي شاور و ألبس فستاني و ازين شعري واحط لي كم شويه ميك آب واخلص
مرام : احلام وش فيك وش صاير لك
احلام : يووووه يامرام ما تلاحظين اسئلتك مره زايده هاليوم اوووف..... وتركتها وراحت لغرفتها بعد خمس دقايق من هدوء اعصابها جته رساله صباحيه من الجوال برقم غريب فردت له برساله تقول : المعذره بس ماعرفتك ?? بس مارد عليها فماحاولت انها تتعب نفسها وتعرف من هو صاحب الرقم رمت نفسها على سريرها وعيونها مليانه دموع تفكر وتقول في نفسها : الله يازين ايام الطفوله محد يقولك سوي كذا اعملي كذا لاتروحين لاتجين ياربي ليه انا ماحس بفرحة الزواج اللي كل بنت تفرح فيها اه اه راسي مصدع وميته من الجوع بس ليه اذا شفت الاكل احس اني شبعانه
و جلست تناظر غرفته اللي عاشت فيها ايامه الحلوه و المره و هلت دموعه كان وده بس يرجع الزمن و ترفض الزواج قامت واخذت لها حبة راس ونامت....
ام فهد وفيها الغصه: احلام قومي ياالله جهزي نفسك ماعندنا وقت احلام احلام
احلام بصوت نعسان : اهممم خير يمه وش بغيتي!!
مرام وهي قاعده تزين عند التسريحه : يووه يمه بنتك نست انه وراها ملكه اليوم الله يعينك حلوم قومي قومي اليوم ملكتك و زواجك ولا نسيتي ...
بعد ماسمعت طاري الملكه و الزواج نزلت راسها تحت المخده و جلست تبكي مابي يمه مابي بقعد عندك لاتخليني
ام فهد : يايمه قومي لا تضيقين صدري قومي ...
احلام بصوت باكي : يمه في فرصه ألغي زواجي !!
ام فهد : يوه بسم الله عليك وش فيك وش تلغين بعد مارتبنا و عطينا الجماعه كلمه يابنتي ماظنتي انه عندك فرصه ابوك واخوانك والناس شيبقولون عنا ..
مرام بعصبيه : وانتي ليه توك تكلمين ليه ماقلتي من قبل??
احلام : مادري كنت خايفه ومتردده يمه لا تخليني اروح عنك يمه تكفين...
ام فهد : لاتضيقين صدري لا تغثينن قومي خليني اقرى عليك وانشاالله مايصير إلا الخير بعد ماهدت احلام شوي ما لقت لها حل غير انها تجهز نفسها وتنزل لبست فستانها و حطت لها الكوفيرا ميك آب ناعم يتناسب مع بشرتها وفستانها ونزلت كانت ترجف وتحاول تخفي دموعها و ماتجرأت ترفع عيونها للناس اللي حولها جلسوها بكوشتها و اللي واقف بجنبها امها واختها مرام وساره وماكانت تسمع غير صوت الاورك و تشوف الضوء يعكس بعيونها من اللي تصورها والناس اللي يسلمون ويباركون لها بعد ماخلصت زفتها اخذوها عشان تسلم على ابوها واخوها فهد وجد اسامه اللي كان فرحان فيها واللي شدد و وصى اسامه انه مايزعلها دعى لها اخوها بالتوفيق والسعادة اللي ماتفارقها هو وابوه اللي كانت دموعه على عيونه لما يشوف بنته القعده تفارقه وتمسك طريقها بعد ماخلصوا فتح فهد لها باب السياره عشان تركب ورفع فستانها اللي ماكان بزياده منفوش وصك الباب فقال : خلوني اوصلكم للفندق
اسامه : لالا مانبي نثقل عليك الله يجزاك خير قاطعه فهد : لا تثقل ولا شي وبعدين مارح اشيلكم على ظهري اركب يالله ..
ماقدر اسامه يرفض فركب بجنب زوجته ورى .. لما وصلهم فهد للفندق نزلهم وراح ..
دخلت احلام و وراها اسامه رافع اطراف فستانها كانت احلام مرتبكه ماتدري وين تجلس فمسك يدها اسامه وجلساها بغرفة النوم
بعد ماكان منهبل على شكله
ولحظة الصمت اللي جلست 10 دقايق
قالها : مبروك عليك الزواج
ردت عليه : الله يبارك فيك
رفع ايده على راسها وداعا لها
كانت احلام تتوقع انه يبوس جبينها فكانت تضغط على ايدينه من الخوف و التوتر بس
قام وراح فتح الدرج وطلع منه علبه حمرا وعلبه ثانيه صغيره سودا ومداها ل احلام مسكتهم وكانوا ايدينها يرجفون فتحتهم ولقت في العلبه الاولى عقد ابيض ناعم وكان فيه ألماس على شكل قلب كان مره كيوت والعلبه الثانيه كان فيها اسواره من ذهب فرحت فيهم وقالت له : مشكور يعطيك العافيه ذوقك مره حلوا
رد عليه اسامه : تسلمين اا اكيد جوعانه تعالي العشا جاهز برى
احلام : لا ما اشتهي شي
اسامه : براحتك قام وطلع برى وصك الباب وراه عشان يخليها تاخذ راحتها شوي وجلس بالصاله يقلب بالتلفزيون يتعذر فيه
اهي لما صك الباب نفست كل التوتر اللي بداخلها وجلست تسأل نفسها : اغير ولا لا اخاف يدخل علي الحين وانا ابدل ملابسي لالا خليني كذا احسن طق عليها الباب فقالت : تفضل
دخل اسامه ومسك يدها واخذها للصاله عشان تاكل كم لقمه والحمد الله كان الفستان مساعد لها عشان تقدر تمشي جلسها على الكنب وجاب لها الطاوله المليانه اكل ومد لها كاسة مويه : تفضلي اشربيلك شوي... ماقدرت ترفض فاخذت وشربت لها رشفه كان الوضع مع اسامه هادي و بااارد وماكان يوترها لأنه كل شوي ياقايم ياقاعد أذن الفجر وهم للآن ساكتين ماتسمعين إلا صوت التلفزيون وكاسة المويه اللي ترفع وتنزل فقال :













آخر مواضيعي

0 الكيكة الاسفنجية 2014 , طريقة عمل الكيكة الاسفنجية 2014 , طريقة تحضير الكيكة الاسفنجية 2014
0 ضرب الزوجة لزوجها متعة - دراسة تؤكد ان ضرب الزوجة لزوجها متعة - ضرب الزوجه لازوجها
0 صور ارخص المدن في العالم , ارخص مدينة في العالم , معلومات عن ارخص المدن في العالم
0 ام نورة , ام نورة تصرخ امام نائب وزير الصحة , قضية ام نورة
0 مطابخ صغيرة 2013 , ديكورات مطابخ صغيرة 2013 , صور مطابخ صغيرة 2013 , صور ديكورات مطابخ صغيرة 2013
0 معلومات عن لعبة تشارلي
0 بثينة الرئيسي افضل فنانة عربية , اخبار بثينة الرئيسي , الفنانة بثينة الرئيسي
0 مهرجان تنومة 2014 , مهرجان صيف تنومة 1435 , فعاليات مهرجان صيف تنومة 2014
0 ريال مدريد يفوز على مايوركا في الدوري الاسباني , فوز ريال مدريد على مايوركا في الدوري الاسباني
0 تقلبات جوية


  رد مع اقتباس
قديم 15 - 5 - 2012, 04:22 PM   #5

صعب المنال
خجلي موهوب
افتراضي رد: روايه مثلث الحب - مثلث الحب - روايه مثلث الحب كاملة



: يالله انا بروح اصلي الفجر تبين شي اطلبه لك قبل ماروح
احلام : لا
كانت تختصر الكلام باجوبتها السريعه لما طلع وصك الباب حست بحريه انها تقدر تتحرك وتروح وتجي وتغير ملابسها
ماشتهت انه تاكل
قامت للمطبخ فتحت الثلاجه تدور عصيرها المفضل الجوافه شربت لها علبتين وراحت تبدل فستانها ولبست لها ثوب نوم اصفر قصير يطلع ركبها وكان من عند ورى فتحة سبعاويه طلعت كل ظهره وفيه رسومات فوشيه كان عليها الثوب جنان ساطع مع بياضه ولبست فوقه الروب وفكت شعرها ومسحت مكياجها الاول وحطت مكياج ناعم يناسب ثوبها و صلت الفجر و جلست بالصاله تنتظر اسامه
عند اسامه كان مخلص صلاته له ساعه ورايح للمقبره يزور قبر غاده لما وصل لقبرها قعد يقول في نفسه ودموعه على عيونه :
انا تزوجت بس مو عشاني عشان امي واختي اللي ضغطوا علي إذا كان هذا الزواج علشاني فاأنتي زوجتي ما فيه احد يقدر يكون مكانك حبيت ازورك اليوم لأني حاسس بضيق مو قادر اتنفس انا عارف اني غلطان بحقها بس شسوي ماقدر احط عيني بعينها... ..
و اكذب و اعتبر انه ماصار شي انا يبيلي شوية وقت عشان اتقبل اللي قاعد يصير
بعد ماخلص ركب السياره وجلس فيها بعد كل التعب اللي شافه اليوم نسى انه متزوج حتى فأخذ له غفوة ونام
صارت الساعة 10 الصبح !!!

وهو عني بعيد
انتظر طول الليالي متى يجيني واسمعه ..
ومشكله لاصارحبي داخل قليبي ذليل
من صدى فرقاك يبكيني ،،،

صارت الساعه10 ولسى اسامه مارجع زاد خوف احلام عليه فأخذت جوالها ودقت عليه بس مايرد رجعت دقت ولا حياة لمن تنادي نزلت جوالها بقوة على الكنب وبدت تمسك راسها ماتدري وش تسوي فرن جوالها فجأه وبسرعه ردت من دون ماتشوف من المتصل : الو اسامه وينك??!!
كانت ام اسامه هي المتصله فاستغربت : اه هلا يابنتي خير وش فيك وش فيه اسامه !!
احلام بجمود : اه خالتي هلا هلا
ام اسامه : صباح الخير يابنتي وش فيك صاير شي بينك انتي واسامه ??!
احلام :صباح النور وش صاير ياخالتي ما صار إلا الخير
ام اسامه :الحمد الله حبيت اعطيك خبر اني بجي لمكم انا وساره !!!
احلام بتوتر : حياك الله خالتي !!
وسكرت من خالتها ودقت على اسامه تشوف وين اراضيه ...
صحى اسامه من غفوته لأنه حس بحراره الشمس اللي صاكه راسه وشاف الساعه لقى الساعه صارت 11 وتذكر انه مخلي احلام بروحها في الفندق فشاف جواله يرن كان 27 مكالمة لم يرد عليه فرد :
ألو !!
نقز قلب احلام من الفرح لأنه واخيرا رد عليها : هلا اسامه وينك !!
اسامه بتلعثم : هلا هلا احلام هاه بغيتي شي!!
احلام بغصه على سؤاله التافه : لا بس شفتك تأخرت ماجيت فخفت لأني قاعده بروحي ..
اسامه : أيه يالله يالله جاي ..
سكرت منه احلام وسكتت لأنه بالنسبه لها السكوت يعبر عن كل شي فقامت وبدلت ملابسها ولبست فستان احمر عليه فيونكه من الخصر باللون الأسود قصير مايتعدى ركبتها وفكت شعرها ولبست اكسسوار ناعم اسود وماحطت مكياج بس كحل ومسكره وروج احمر لأنه انسدت نفسها حتى تكشخ
سمعت صوت احد يفتح الباب ويسكره فخافت يكون احد موظفي الخدمه وهو اسامه اللي دخل فقفلت عليها باب الغرفه وجلست تقرى على نفسها لما سمعت اسامه يناديها حست بالأمان وفتحت الباب ماحبت تسأله وتوجع راسها وين راح وين جا : نعم
اسامه : الله ينعم عليك إلا اقول دقت عليك امي وقالت لك انها بتجي .??!!
احلام وهي منزله عيونها بتعصيب : ايه
كان اسامه مستغرب منها يبيها تسأله وين كان بس ماسألت كان مفتشل منها لأبعد درجه فتهرب ودخل المطبخ يشرب له كاسة عصير مايدري وين يلقي وجهه ...
بعد صلاة الظهر جا اهل اسامه و جلسوا عندهم شوي ومشوا كان اسامه متوتر من احلام خايف انها تقول شي لأمه او امها عن اللي صار بس احلام مافكرت بهالشي ابد ناداها اسامه وكانت هي بالمطبخ : احلام !!
احلام : نعم
اسامه : تعالي !!
فز قلب احلام وتضاربت الافكار براسها : وش يبي اكيد بيعتذر عن اللي صار !!
طلعت له وقالها : يالله ضفي اغراضك !!
احلام و عيونها مبققه : وين !!
ابتسم اسامه على فزتها : وش فيك ماتبين تشوفين بيتك !!
أحلام : هاه ايه ايه يالله ،،
طبعا ضفت اغراضها وطلعوا عن الفندق.... بالطريق كان الجو هادي بينهم الى ان وصلوا البيت كان بيتهم كبير مره ماصدقت احلام ان هذا رح يكون بيتها فسألت اسامه : هذا بيتنا !!!
أسامه : ايه يالله انزلي شوفيه
نزلت وشافت البيت من برى كان الشجر يغطيه من كل جنب وقالت في نفسها : الله اكبر على البيت لا إله إلا الله هذا من برى وشلون من داخل ودخلت من البوابه الرئيسيه كانت قدامها طريق طويل عشان المدخل كان على جنبها من اليمين فيه حديقه والجنب اليسار كان فيه مجلس شعبي ولما وصلت للمدخل قدامها كان فيه مرايه كبيره وطاوله من زجاج فوقها حوض فيه ورد مجفف بلون بنفسجي واصفر وفوق هالورد مليان حلويات مع المرايه كان مره ذوق وطبعا صالتين كبار ومطبخ و فوق غرف نوم فقالت : مره ذوق بس ماتلاحظ انه كبير علينا
اسامه : غريبه،،، الوحده اول ماتشوف بيت زي كذا يطير عقلها مو عاجبك !!
احلام : الحمد الله الله يديم اللي فيه الخير
نادا اسامه على الشغاله : لورينا تعالي !!
لورينا : نعم بابا
اسامه : شوفي الحين هاذي هي المدام هنا يعني هي اللي الكل بالكل فاهمه ،،
كانت فرحة احلام ماتنوصف لما قال انها الكل بالكل
اسامه : يالله عاد صعدي الشناط فوق الحين،،،
لورينا : اوكيه بابا
راحت احلام للمطبخ عشان تشوف وش ناقصه بس اسامه ماخلا شي وماحطه في البيت هو وامه كانت احلام خجلانه شوي من اللي مسويه لها اسامه طلعت من المطبخ وراحت للحمامات و طلعت منهن وراحت للمجالس و كلما دخلت غرفه كانت احسن من الثانيه طلعت برى للحوش تشوف المجلس الشعبي اللي فيه كان التراث مالي المجلس و اكثر ماكنت متحمسه فيه غرف النوم فدخلت وطلعت لفوق تشوف فيها و كل غرفه احسن من الثانيه اذن العصر فنزلت ولقت اسامه يستعد للصلاة : احلام بروح اصلي تبين شي ??!
أحلام : لا سلامتك
بعد ماطلع راحت لفوق عشان تتصل على امها دقت على اختها مرام :
الو ميمي !!
مرام : حلومي اهلين !!
احلام : هلابك اخبارك !!
مرام : الحمدالله انتي شلونك وش اخبارك !!
احلام : انا بخير ولله الحمد وشلون امي وابوي وفهد
مرام : يسلمون عليك و مشتاقين لك مررره تصدقين والله البيت من دونك ولا شي و اكثر من طفى بالبيت فهد الحين تلقينه عند ربعه مانشوفه و امي تدور لها على شغله تخليها مشغوله والوالد بالشغل !!
احلام : اوووف لهدرجه البيت يملل طيب وانتي وش مسويه ??!
مرام : كالعادة ياعلى الكمبيوتر او الجوال .. المهم انتي شلونك وش اخبارك وش اخبار حبيب الئلب اسوم ؟؟!!
احلام بتنهد : الحمد الله بخير بس لو تشوفين البيت اللي مسكني فيه وش تقولين بيت امراء لاإله إلا الله ...
مرام : تستاهلين يا اختي العزيزه بعد هذا و شوي عليك على البركه انشاالله بس هاه خلي لي غرفه بجي بنام عندكم ترى ما اثق فيك يمكن تروحين من هنا ولا هنا و لا تسوين حركتات افيد و استفيد هههههه..
احلام : تسلمين ياعمري ابشري بس انتي تعالي و انا اوريك الحركتات على اصوله ...
مرام : اصلا ماني مشاورتك قاعده على قلبك وجايه ...
المهم شكلي طولت عليك اسمعي فهد يقول خليها تفتح حدى دروج التسريحه مخلي لك مفاجئه ,,,
احلام : ههههه عاد مفاجئات فهد ما تنعرف الله يستر بس لا يكون مخبيلي حشرات زي ذاك اليوم ....
مرام : هههههه لا لاتخافين اكيد بيعقل و يجيبلك شي يفرحك
احلام : طيب نشوف !!
مرام : يالله عاد هاذي امي تنادين شكله جا دوري على الهواش و الطقه ..
احلام : سلمي عليهم كلهم اوكيه شوفي لا تنسون تجون اليوم حوالتي عند اهل اسامه وانتي تعرفين لسى ماتعودت عليهم اوكيه
مرام : انشاالله يالله باي
احلام : باي ..
وسكرت منها ونزلت تحت عشان تزين قهوة لأسامه قبل مايجي من الصلاة دخلت المطبخ و طلبت من الخدامه تساعدها لأنها ماتعودت على المطبخ الجديد خلصت تحضير القهوة والشاي و طلعت من الثلاجه صواني الحلا اللي حاطها لها اسامه و حطتهم بالصاله و جلست تنتظر ...!!
طلعوا من الصلاة بس اسامه ماجا دقت عليه بالجوال بس مايرد عليها و حاولت ثانيه وثالثه ورابعه بس لا مجيب حست احلام بنفسها انها ماهي مرغوبه من قبل اسامه حاولت انها تمحي هالتفكير من راسها بس ماقدرت فصبرت و قالت : اكيد طرى له شغله و تأخر تقهوت و حاولت انها تاكل تحلي ريقها شوي بس انسدت نفسها..،.. اذن المغرب و اسامه لسى ماشرف فنادت الشغاله تشيل القهوة والشاي وراحت لغرفتها وتركت جوالها تحت بعد ماخلصت من الصلاة تذكرت انه اخوها العزيز تارك لها مفاجئة فجلست تدور عليها ولقتها كانت عباره عن علبه سوداء فيها ساعه و فيها كرت مكتوب فيه " الله يوفقك ويسعدك وان بغيتي شي ترانا في الخدمه اخوك فهد " ابتسمت ودمعت عيونها و اشتاقت للبيت اللي ابتسامتها ماتروح فيه و ملاحقتها لخوها فهد و فلسفة اختها مرام و هواش امها و دلال ابوها لها رفعت راسها و تمنت انه الأيام ترجع فيها لبيت ابوها بس الشغاله قاطعتها وقالت : مدام جوال انتي فيه رن رن ..
احلام : ايه عطيني اياه ،؛، وكان المتصل اسامه فردت عليه : هلا
اسامه : لي ساعه اتصل فيك وينك فيه ??!
احلام بخوف : كنت بغرفتي وناسيه جوالي تحت بغيت شي !!
اسامه بعصبيه : ياالله تجهزي بجي باخذك ?!!
احلام : لوين !!?
اسامه : للأستراحه اهلي هناك ينتظرونك !!
احلام : طيب انشالله !!
بعد ماسكرت خافت من اسلوبه معها
بس نقزت لدولابها تختار لها فستان يلفت الأنظار لبست و حطت ميك آب و زينة شعرها و نزلت تحت لقته واقف عند الباب ينتظرها طلعت له و كانت لابسه عبايتها و نقابها اللي ابرز عيونها مع المكياج لما شافها اسامه ماصدق جمال عيونها فقال في نفسه : لا إله إلا الله هاذي انتي يا احلام والله طلعتي منتي هوينه.... فبسرعه قال لها : غطي عيونك ..
احلام باستغراب مضحك : انشالله !!
و صلوا للأستراحه اللي كانت مليانه من السيارات والرجال والشباب اللي واقفين عند البوابه نزلها اسامه و راح يقوم بالواجب عند اهله استقبلتها ساره اللي ماشافتها لها يومين واللي كانت متحمسه لتشوف زوجة اخوها ،...،...،
ساره : اهلين توها تنور الاستراحه
احلام : هلابك
ساره : واخيرا شفتك تعالي تفضلي الكل ينتظرك
احلام : عاد ساره انقذيني لا تخليني بروحي اوكيه
ساره : هههههه لا توصين حريص بلزق فيك لين ياخذك اخوي ..
ودخلوا وكان الكل منبهر في لبسها ومكياجها رغم البنات اللي غطوا عليها بالمكياج بس هي كان وجه جديد عليهم سلمت على خالتها ام اسامه و جدتهم حصه اللي كانت ساره دايما تتكلم عنها و عمات اسامه و كانت ساره اهي اللي قاعده تعرفها عليهم بعد كذا جلست احلام و كانت متوجعه من رجلينها لأنها لابسه كعب عالي من كثر اللي تسلم عليهم نادت ساره البنات اللي على كبرها وكبر احلام و حمدت ربها وشكرته انه فيه بنات كبرها متزوجات تعرفت عليهم و سولفت معاهم و أول من ارتاحت معه كانت وحده اسمها لينا و ثانيه ديمه وبنات حولها :
ديمه : ياحليلك يا احلام ترى لا تستحين جربنا قبلك الحيا بس مع ساره مانفع ههههه
ساره : احم احم ترى نحن هنا عاد الحين اقدر اتشرط عليكن لأنه معي دفاع زوجة اخوي تراها ماهي هوينه لا يغرك الحيا
احلام : هههه ايه افا عليك بس انتي اذكري اسمها وانا اتولاها ..
لينا : يؤيؤيؤيؤيؤ من الحين اجل وين اختي بس لا يهجمون علي الحين ونادت وحده اسمها عليا كانت اخت لينا
عليا : لبيه بغيتوا شي
لينا : اني استنجدك يا اختاه ..
عليا : وش السالفه
ساره : عاد هاذي عليا المهستره بالعائله لو بغيتيها تروح تطلع عند العيال و ترجع تسويها
احلام : ههههه اجل انتي خويتي من الحين ..
ديمه : لا الدعوى فيها كلن قط مع احلام اجل انا ماني بحاجة احد احلام تكفيني ...
هههههههههه ههههههه هههه
عليا : اسمعوا وش رايكم نطلع برى بالثيل احس بضيقه هوني ...
ساره : ماامداني اتفاخر فيها ناويه تخطفينها
احلام : ايه والله مليت لي ثلاث ساعات وانا جالسه امشوا برى ...
صرخن البنات ماصدقن انه احلام توافق تتطلع معهم فجابولهم فرشة و قهوة و صينيتين حلا وجلسن و كل وحده بدت تعرف عن نفسها استئذنت منهن احلام تبغى تروح لدورة المياه و قامت معها ساره لأنه طلبت منها فسألت احلام وهي واقفه على المرايه :سوسو ابي اسألك فيه وحده بالمجلس كانت لابسه ازرق مع فضي مره كبيره منهي هاذي تقرب لكم ...
ساره : ازرق اه هاذي خالتي ليه !!?
أحلام : لا بس كانت تناظرني نظرات ماهي طبيعيه
سكتت ساره لأنها عارفه السبب كانت هاذي ام غاده فردت عليها بتوتر : لا تشيلين هم يمكن بما انك وجه جديد علينا عشان كذا يعني !!
احلام : اهااا
ورجعوا كملوا جلستهم جا و قت العشا و بدوا يتعشون بس احلام ماكان لها نفس انا تاكل لذا راحت جلست بالمجلس مع البنات بعد ماخلصوا عشا دقت احلام على اسامه :
الو هلا ..
اسامه : هلا
احلام : تعشيت ??!
اسامه : ايه وانتي !!!..
أحلام : ايه يالله نمشي ..
أسامه : ليه منتي مطوله ??!
احلام : براحتك والله
أسامه : اجل يالله البسي عباتك انا بالسيارة
سكرت منه ولبست عباتها وكان الكل منزعج من اسامه لأنه بياخذها كانت احلام مره مونستهم سلمت عليهم وطلعت وقبل ماتطلع اخذت كل وحده من البنات رقمها ...
وصلوا البيت ...
طلعت احلام لغرفتها دون ماتكلم اسامه اي كلمه عن اللي صار دخلت الغرفه فتحت دولابها عشان تطلع ثوب النوم و دخلت الحمام تاخذلها شاور دخل اسامه و دون ماتحس غير ملابسه عشان يتحمم فطلعت عليه و هي لابسه الروب تنشف شعرها و اول ماشافته نقز قلبها و بدا وجهها يعطي الوان ماكان اسامه معبرها اخذ الفوطه ودخل بعدها ..،.. ابتسمت ابتسامه عبرت عن كل اللي داخلها ونست اللي صار ...
تكلمت معه وهو بالحمام :
تصدق اهلك ماكنت اتوقعهم كذا ??
مارد عليها بس اهي كملت :
كنت اتوقعهم جادين و ما في مزح بينهم و ينقدون على كل صغيره وكبيره !!!
أسامه بغرور : ليه قالولك خالين من المشاعر !!
حست احلام بالأهانه لأنه هاذي اول موضوع يقوله لها من يوم ملكتهم :
لا لا ما اقصد كذا بس كنت اتوقع !!
رد عليها وهو طالع من الحمام ينشف شعره : لهدرجه تفكيرك غبي و سامج !!
جمد لسانها ولا استوعبت اللي يقوله بس قالت : يعني انا طلعت الحين غبيه ..
اسامه وهو ملقي ظهره للدولابه يطلع ملابسه : هههه يمكن !? يعني مافي احد يفكر هالتفكير ما فيه عائله ماتحب المزح بين بعضهم ولا فيه عائله جامده بمشاعرها و اللي بينهم بس السلام صاحيه انتي ولا وش سالفتك ،...
احلام و عيونها تلمع من دموعها : إلا فيه عوائل زي كذا ومن قالك انه مافيه و الدليل انا عائلتي ما بيننا غير السلام و نتقييد بكل شي اذا كنا عندهم و يحاسبون على الصغيره والكبيره و اكره ما بعيشتهم اسم ابوي وبناته و بعدين مو بس عيلتي فيه كثير عوائل زي كذا ...
افتشل اسامه من اللي قاله لها و انصدم و لما لف وجهه لقى دموعها تنزل على خدودها كان وجهها بريء مثل الطفل قرب لناحيتها لا شعوريا ومسك ايدينها الصغار اللي كانوا متشابكين ببعض من قهرها و قال بصوت هادي : انا آسف ماكنت اقصد
من كلمته حست ان اعصابها ركدت شوي و طلعت كل الضيقه اللي كاتمتها في صدرها بتنهد مالها اول ولا اخر رفعت راسها وحطت عيونها اللي تملاها الدموع في عيونه واللي حس منها اسامه انها كانت تقول :....؛...

أبي أضمك
{ ضمه }
عقبهأإ الموت..


أبي نهأإية دنيتي يوم

"أضمك "


أعذرني هذ الهواء يجبر على رفع الصوت..
أيه نعم هذي المشاعر تقول
{ أحبك }..


ضمتك لي
"أغلى"
من الذهب والياقوت..

ودي تغمرني
بحنانك
وعطفك..


يالغالي اللي من غيره أموت ..

أيه
" ضمني "
حيل خلني احيا بك..

سمعني أحلى كلآم الحب بعالي الصوت..
خل العالم تدري باللي بيني وبينك ..
حسسني بحبك اللي صار لقلبي قوت..
وخلني أعيشه واشوفه
"بحضنك "
لآ تبعد عني وتخليني في تابوت..
أخاف ضلوعٍ ي تعطش بلآ"ضماتك "..

واكبر دليل أني أحبك موت..
شوقي لك بغيابك وحتى بوجودك..

و ودي اضمك واقول أحبك بعدها الموت..
ابي نهاية دنيتي يوم

{أضمك }..

كانت مابينهم مسافة ابدا بس بلحظه ترك ايدينها وطلع ...
ماقالت ولا كلمه لأنه حست صارت عاده ماتستغرب منه


قامت الصبح لقت نفسها بالسرير نايمه لحاله نزلت تحت لقت اسامه نايم بالصاله ماحبت تقومه إلا و تزين الفطور قبل دخلت المطبخ وحضرت الفطور وحطته على الطاوله طلعت تبي تقوم اسامه لقت الخدامه لورينا هي اللي تقومه فركضت لمها وقالت : خليه انا اقومه من سمح لك تقوميه انتي ??!
لورينا : مدام بابا قول انا في قوم هو !!?
احلام بتعصيب : من يوم ورايح انا اللي اقومه و اطبخ له و اغسل له و اكوي ثيابه فاهمه !!
لورينا : اوكيه مدام
احلام : روحي شوفي شغلك
كان اسامه قايم بس مسوي نفسه نايم ولا حس بشي وسمع كل اللي قالته
احلام : اسامه قوم يالله الفطور جاهز
اسامه : كم الساعه ??
أحلام : الساعه 9 ص
وقام من دون مايقول صباح الخير غسل وجهه و صلى ركعتين و جلس على طاولة الفطور ...
احلام وهي تصب له الشاي : ليه ماقلت لي انك راح تنام بالصاله كان جبت لك مخده وبطانيه عشان ترتاح في نومك !!
اسامه : ماني محتاج لورينا يا لورينا
لورينا : نعم بابا
اسامه : وبعدين ماقلت لك انت تقوميني من النوم ليش ماقومتيني !
لورينا : بابا انا ...
اسامه : وش تبيني اسوي على اهمالك ....
افصلك و اسفرك هاه
لورينا : لا لا بابا سوري انا مافي اهمال بس
احلام : لا تكملين روحي شوفي شغلك ...
انا اللي قلت لها لا تقومك و بعدين من هي زوجتك انا ولا هي و انا وين رحت !!!.
قام اسامه من فطوره ولا كمل اكله ولا حتى عطاها كلمه بس قال : ضفي اغراضك اليوم و جهزي نفسك اليوم سفرتنا الساعه 5 م مانبي نتأخر على الطياره ...
احلام في نفسها [هه حتى ماكلفت نفسك تقول شهر العسل ايه الله يعين ] : انشاالله












آخر مواضيعي

0 رمزيات مطر 2014
0 زياده رواتب المبتعثين , رواتب المبتعثين 1433 , الزيادات برواتب المبتعثين
0 مسلسل العبور 2013 , مسلسل العبور في رمضان , حلقات مسلسل العبور 2013
0 هنا شيحة , صور هنا شيحة , ازياء هنا شيحة , اخبار هنا شيحة
0 منح المواطنة حق كفالة ابنائها وزوجها , كفالة المواطنه من زوج اجنبي
0 زيادة المحبه بين الزوجين , طرق زيادة المحبه بين الزوجين , اساليب في زيادة المحبه بين الزوجين
0 رسائل رمضانية 2015
0 سندوتشات سهله , طريقة عمل سندوتشات سهله , اسهل طريقة عمل سندوتشات سهله
0 تفسير حلم ضرب الاب - حلم ضرب الاب في المنام
0 طريقة عمل الشكشوكة بالبصل


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية ام الجماجم وحب في المقابر , تحميل روايه ام الجماجم , روايه ام الجماجم كامله صعب المنال قصص - قصص قصيره - روايات - قصص واقعية - روايات طويلة 4 1 - 2 - 2015 07:36 PM
تحميل رواية الحب بعد فوات الاوان كاملة للجوال صعب المنال قصص - قصص قصيره - روايات - قصص واقعية - روايات طويلة 12 22 - 5 - 2013 08:21 PM
معلومات عن الحب ، الحب ، تعريف الحب ، درجات الحب ، صور الحب ، أنشودة المطر مواضيع عامة - مواضيع ثقافيه - مواضيع منوعه 8 20 - 2 - 2012 06:11 PM
مثلث الرومنسيه الزوجيه عذاب الشوق الحياة الزوجية - زواج - الحمل - مشاكل الزواج 0 8 - 9 - 2011 02:04 AM
مثلث برمودا وما السر الذي يخبيه صديق الحب والخيانه مواضيع عامة - مواضيع ثقافيه - مواضيع منوعه 5 25 - 3 - 2009 11:15 PM


الساعة الآن 05:16 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول