متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 24 - 6 - 2012, 02:44 PM   #1

صعب المنال
خجلي موهوب
افتراضي رواية يخاصمني يكلمني يحاول يقترب مني كامله








البارت الأول


جدة
يوم الأربعاء
الساعه 9.30 مساءً
بالقصر



××××××××××××××


تحديداً بالدور الثاني في أحد غرف النوم
متربعه على السرير وضامة الخداده على صدرها ومتكيه عليها بكوعها و كفين يدينها تحت خدها ومنزله راسها بحيث ان شعرها الناعم المقصوص مدرج مغطي على وجهها كله ودمعتها على خدها ..
انفتح عليها باب جناح غرفتها ودخلت منه طفلة بريئة زي الملاك اسمها * لمى تصير بنت خالتها *
حطت يدها على صدرها وشهقت لمن شافت وضعها الكئيب : توتي
أنتي جالسة تبكي ؟
قربت منها ومسحت بيدها الصغيرة دموع بنت خالتها : هو فارس صح؟
توتي هزت راسها بالايجاب
لمى : خلاص توتي لاتزعلين نفسك هو مايستاهل دموعك قولي لي بس ايش قالك والله لااوريكي فيه
توتي * دلع تهاني* : قالي لمن اتزوجك باخذك بعيد مااخليك تشوفين اهلك ( وبزيادة من عندها ) واجيب السكين واقتلك
شهقت لمى بصوت عالي وحضنت بنت خالتها ( تهاني )
وقالت لها : بس بس أنتي اهدي حبيبتي أنا بروح الحين وابغى اجي والقاك مبسوطة
بعدت تهاني عنها بهدوء وهزت راسها بالايجاب
خرجت لمى من الجناح ونزلت مع الدرج بسرعه نسيت حتى تنزل من المصعد
وصلت لصالة الجلوس حصلت جوال أمها على الطاوله سحبته وهي معصبه و بدأت تقلب بالأرقام اللي فيه لين وصلت ل اسم *فارس الهم * تفلت عليه ، راحت للتلفون الثابت رفعت السماعه وبدأت تتصل على رقمه (50000 0) الموجود على شاشة الجوال



جاها صوته الهادىء : ياهلا ومرحبا


لمى بصوتها الطفولي : لاهلا ولامرحبا


اسكت اسكت ماابغى اسمع ولاكلمة ، أنت تحسب نفسك مين لمن زعلت توتي، ايش
تفكرها ماوراها أهل ، قلت اسكت ، توتي غالية علينا وماراح تاخذها ولاراح نزفها لك ولاراح تخرج من بيتنا ، اذا تبغاها تجي بيتنا وتسلم عليها ولا تحلم أصلاً تاخذها ولا راح تروح معاك لأي مكان ، هذي توتي مانرضى عليها ، قلت اسكت والله تحلم ، وسكرت السماعه بوجه .




نادت الشغالات بصوتها الطفولي : ماري.. ريتا .. تعالووو يلا بسرعه
جوها وأخذتهم لجهة المصعد طلعتهم معاها إلى الدور الثاني ، حصلت قدامها بشاير وسارا قالت لهم وين نازلين تعالوا بسرعه معاي لغرفة تهاني وسحبتهم معها وهم مستغربين منها ، دخلووا غرفة تهاني وشغلت المسجل وقالت : يلا ارقصوو يلا



Hi Barbie!
- Hi Ken!
- You wanna go for a ride?
- Sure, Ken!
- Jump in!
- Ha ha ha ha!
لمى بتلطيف الجوو
*سارا* فكت جاكيتها حق البجامه وربطتو بوسطها ( كانت لابسه بجامة قطن بلون وردي نااعم عريان وفوقه جاكيت بسحاب )
فبان البدي حق البجامة لونو ابيض ومكتوب عليه بالوردي sweet dreams
*بشاير* ( كانت لابسه قميص ليموني عريان وقصير لين الركبه عليه صورة دبدوب بالاورنج ولامه شعرها ببكله مطاط )
فكت البكله وخلت شعرها مفلوووت وقامت ترقص مع سارا



I'm a Barbie girl in the Barbie world
Life in plastic, it's fantastic
You can brush my hair, undress me everywhere
Imagination, life is your creation



Come on, Barbie, let's go party


لمى جلست تسوي حركات هبله مع الاغاني وتغني وتضحك وتقرب من تهاني وتشد خدودها بيدها اثنتين وتقولها سمااااااااااااايل
وبشاير وسارا يرقصون وينطنطون متحمسين مع الاغنية والشغلات يصفقوون لهم



I'm a Barbie girl in the Barbie world
Life in plastic, it's fantastic
You can brush my hair, undress me everywhere
Imagination, life is your creation



تهاني بدأت البسمه تنرسم على وجها لمن شافت لمى تاخذ الروج من ع تسريحتها وكتبت القرد مين : فااارس هههههههه
ورجعت لتهاني وسحبتها مع يدها وقامت ترقصها وهي ماسكه يدها



I'm a blonde single girl in the fantasy world
Dress me up, take your time, I'm your dollie
You're my doll, rock and roll, feel the glamour and pain
Kiss me here, touch me there, hanky-panky
سارا قربت من بشاير ورافعه يدها وتغني مع الاغنية وبشاير معاها تغني
You can touch, you can play
You can say I'm always yours, oooh whoa



وكلهم بصوووت واحد ومعاهم تهاني :: oooh whoa ويصارخوووون


I'm a Barbie girl in the Barbie world
Life in plastic, it's fantastic
You can brush my hair, undress me everywhere
Imagination, life is your creation
تحمسووو كلهم
لمى طلعت فوق السرير وتنطنط وتحرك يدها مع الأغنيه ::



Come on, Barbie, let's go party, ha ha ha, yeah
Come on, Barbie, let's go party, oooh, oooh
Come on, Barbie, let's go party, ha ha ha, yeah
Come on, Barbie, let's go party, oooh, oooh



تهاني نسيت فارس وابو اللي جاب فارس هههههههههههه طلعت معاها فوق السرير ( استخفت البنت ) وتغني


Make me walk, make me talk, do whatever you please
I can act like a star, I can beg on my knees
Come jump in, be my friend, let us do it again
Hit the town, fool around, let's go party



بشاير وسارا يرقصون بالغرفه يطالعوون بعض ويكملوون


You can touch, you can play
You can say I'm always yours
You can touch, you can play
You can say I'm always yours



لمى نطت من السرير وتسحب الشغالات يرقصون معاها



party, ha ha ha, yeah
Come on, Barbie, let's go party, oooh, oooh
Come on, Barbie, let's go party, ha ha ha, yeah
Come on, Barbie, let's go party, oooh, oooh



الغرفه انقلبت فوووق تحت من الرجه والهبال لين انتهت الأغنية



- Oh, I'm having so much fun!
- Well, Barbie, we're just getting started!
- Oh, I love you Ken!
خرجو الشغالات من عندهم وهم يضحكون
تهاني ولمى رموا نفسهم ع السرير وبشاير جلست على كرسي التسريحة
سارا وصوتها مفحوم من الرقص تلتفت على لمى : وش مسوي فارس
لمى بضحك هستيري : هههههههههههههههههههههههههههههههههههههههههههههه
تهاني معاها : هههههههههههههههههههههههههههههههههههههههههههه
بشاير وسارا يطالعون بعض وبصوت واحد : الحمدلله والشكر يارب
لمى تطالع بتهاني: خلاص توتي ماعاد بيزعلك انا دقيت عليه وهزئته
تهاني بقلبها (تفكريني ماسمعتك يابعد عمري والله يالمو ) : هههههههههههههههههههه وش سويتي



وجلست لموو تحكيهم .. بشاير وسارا ماتو ضحك .. بعدين قالت بشاير : والله الحين يقول هذي البنت محرشينها وراسلينها علي


تهاني : هههههههههههههههههههههه بيقول كله من امها


سارا بغضب وهي تعتدل جلستها : طززززز فيه خليه يقول اللي يقول


تهاني طالعتها بنظرة : سارا وبعدين


سارا وهي تطنش تهاني : تعااااااالي يابعد حبي يالمو امممممممموااه وتحضنها وتبوسها عشانك سويتي كذا انا بكره عازمتك تدللي بس يابنت خالتي وين تبيني اوديك
لمى ينقالها مستحيه : شكرا .. (بثواني طار الحياء ) نرووح كلنا الملاهي وش رايكم اهبل صح ههههههههههه



سارا : تأمرين أمر ياحياتي أنتي
بشاير تجلس جنب تهاني ع السرير وبصوت واطي : لمتى بتظلون كذا ؟؟
لمى بلقااااااافه : وش عندكم تتكلمون بصوت واطي
تهاني رجعت الدموع تخونها وتطيح على خدها ، لموو وهي تقرب منها وتحضنها بس بس خلاص اسكتي ولابصيح
تهاني مسحت دموعها وكأنها تذكرت شي : غريبه خالتي مانسمع لها حس ؟؟



سارا :: اي والله مو من عوايدها


بشاير طالعت الساعه وبضحك قالت : هههههههه لسه باقي نص ساعه وتخرج من حصنها وتنفلت علينا
انفتح الباب حق الغرفه ودخلت ريتا بالعصيرات والسندوتشات المرتديلا !!



سارا : يالله يالله بسرعه خلونا ناكل قبل لاتنفجر فينا باقي لنا نص ساعه ( وتأخذ الأكل من الشغاله )



لمى تضحك : هههههههههههههههههههههههه والله انك صادقه
اعطيني ساندوتشي
ناولتها سارا الساندوتش وقالت : ياربيه لمو أنا مدري ليش امك كذا ؟ تتوقعين أنها كانت في المدرسة العسكريه ؟



لمى : ههههههههههههههههههههههههه لاتسمعك وتوريك كيف العسكريه


تهاني وبشاير سمو بالرحمن وبدأو يأكلون وهم ملتزمين الصمت


وسارا ولمى يسولفووون ويتريقون لين قطع عليهم مرحهم صوت الموت بالنسبه لهم ..؟


*
*
بصوت عالي يهز أركان البيت:: أنتم مانمتم ؟؟



نواف كان منسدح بالصاله من سمع صوت امه فز من مكانه :: بسم الله


:: وجع ياللي ماتستحي تسمي على امك شايفني جني .. ليش مارقدت انت وياه ( تلتفت ع نايف اللي كان يلعب بلاي ستيشن بس من سمع الصوت رمى اليد ) ليش للحين صاحين ؟؟؟؟؟


نايف باسلوب :: امي الله يهديك وش هالصراخ بعدين بدري لسا الساعه ماجات 10 ؟


نواف ويناظر ساعته :: اي والله حتى شوفي ها 10 الا خمس يعني باقي خمس دقايق (ويهز كتوفه )


أم لمى ضربته ع كتفه :: امش امش قدامي انت وياه ع غرفكم بسرعه


*


*
واتجهت للجناح البنات



لمى:: سارا قومي قومي نروح غرفتنا قبل ماتجي ماما هههههههههههههه


تهاني بضحك :: يالله طسو تصبون على خير ياحلى صبايا


وطلعوو بشاير + سارا + لمى من غرفة تهاني متجهين لغرفهم


*


*


أم لمى بعد ماتطمنت على احوال البيت شافت الكل دخل غرفته ونام !! رجعت لغرفتها وحطت راسها ع سريرها


*


*


تقلبت كثير ع السرير وللحين ماجاها النوم
اووف ياربي وش هالبيت العسكري
التفتت على لمى لقتها رايحه بسابع نووومه
رجعت طالعت بالساعه اللي على الكومدينه حقتها لقتها 1 فجراً .!!؟
نقزت من سريرها ومسكت شبشبها اللي ع شكل ارنووب وحطته تحط ابطها ومشيت بخطوات بطيئة
لين فتحت باب غرفتها بهدوء , طلعت راسها تتطل بعيونها اتأكدت إن الممر سليم
خرجت وسكرت الباب بهدوء!!
مرت من عند جناح غرفة البنات بسلامة ..!! ووقفت تلتفت يمين وشمال !! تتأكد في حركه ولا صوت !! لكن شافت الهدوء والسكون يعم المكان انرسمت على شفايفها ابتسامه خفيفه ..؟ وقالت بقلبها يالله ساريتي مايحتاج اصنصير انزلي مع الدرج تحسباً
للأوضاع !! ( بيني وبينكم خافت تطلع وتقابل خالتها بوجها !! )
مشيت بخطوات على اصابع قدمها بخفه وهي شايله شبشبها بيدها ومشغله رادار عيونها !! ونازله مع الدرج ( وبإذنها كأنها تسمع صوت موسيقى بنك بانثر ) فضحكت بينها وبين نفسها هههههههههه وقالت والله هذي اخرتها يابنت حموودي تمشي في بيتك مثل الحراميه هههههههههه
كملت خطواتها لين وصلت لأخر درجة اللي تفتح ع الصالة وتنهدت ( آه بس كل اربعاء وانا اتهرب بس الحمدلله عديت بسلام وجلست تضحك بشويش)
جلست ع الكنب الصاله البني وسحبت الريموتين من ع الطاولة وشغلت التي في والرسيفر وقصرت بالصووت
قلبت على القنوات لين وصلت لقناة mbc آآه يابعد عمري يايحيى ( مراهقه الأخت )
جلست تتفرج على مسلسل سنوات الضياع ( يعيدون حلقات كل الاسبوع ) "وكالعاده سارا ماتشوفها غير يوم الاربعاء " !!
تابعت المسلسل واندمجت مع جميع الحلقات وصلت لحلقة الاربعاء إلا وهي تتثاوب حطت يدها على فمها وسحبت مخدة الكنبه وحطتها ورا راسها وانسدحت وجلست تتابع ... مادريت عن نفسها إلا وهي غاطه بنوووم عميق



*


*

الساعة 5 ونص

صحيت الشغالة مرت على الصالة شهقت !! اتجهت بسرعة لناحية سارا وعيونها ع الاصنصير تشوف أم لمى نزلت ولالا ؟؟!! لقيت الجوء هادئ هزت راسها بخوف وبسرعة ضربت سارا مع خدها بشويش :: قووم قووم انتا مجنون لويشوفك هدا مدام يكسر بيت بعدين ( لاحول حتى الشغاله عارفه طبع أم لمى !! ) وتهزها مع كتفها قوم قوم
سارا فتحت عينها بكسل ::ها وش تبين حلي عني
ماري الشغالة تضربها ع راسها :: قوم شوف انتا فين نوم ؟؟ دحين يشوفك مدام يسوي مشكلة !!؟
سارا كأن الشغاله كابه عليها مويه حاره .. فتحت عينها وناظرت المكان ماستوعبت !! رجعت غمضت عينها !! وإلا بسرعة البرق فتحتهم :: يممممممممه خالتي
ماري :: قوم بسرعه !!
سارا قامت بسرعه وطلعت للدرج وهي تحك شعرها ومغمضه عيونها وتتمايل بمشيتها لين وصلت الجناح فتحت عينها اليسار شافت الغرفة قدامها فتحتها والنوم حايسها حوووس !! استغربت وين المقرودة تهاني؟ غريبة !!
إلتفت يمين ويسار وما طولت في التفكير رمت نفسها على السرير وراحت بسابع نومه !!
أم لمى خرجت من الحمام انصدمت لقت سارا نايمه في سريرها صرخت :: سوير وش جابك هنا ؟؟
سارا من سمعت الصوت فتحت عينها ببطئ وعينها ع الجدار ومعطيه ظهرها خالتها .. بقلبها ( يالليل حتى وأنا نايمه اسمع صوتها حشى ماهي خالة ؟؟
ام لمى بعصبيه وهي تقرب منها :: سوير وصمخ إن شاء الله وش تسوين بغرفتي ؟؟
انصدمت سارا في قلبها بققت عيونها على لون الجدار ( زيتي ) مو موفي !! ( ياربي أنا ليش يصير فيني كذا ) بلعت ريقها يعني انا ماحلم هذا صوت الحكومه لا وبعد جايه بغرفتها ومنسدحه ع سريرها ياويلي ويلاه ؟؟ وش اسوي الحين وش يفكني منها ياربي .!!
غمضت عينها لمن حست خالتها قربت منها وهزتها مع يدها :: سارا سارا
التفتت سارا على خالتها ومسكت يدها وقامت مفزوعه :: ماما مامااااااااااااااااااااااا ( وضمت خالتها ) وحشتيني ليش رحتي وتركتينا
أم لمى انفجعت :: سارا حبيبتي بسم الله عليك وش فيك ياعمري واخذتها بحضنها
سارا :: ماما ليش بابا ماجاء معاك
أم لمى ؟؟ :: سارا ياقلبي اهدي اهدي انا خالتك حنان أخت أمك
سارا بقلبها ( وربي داريه أنك خالتي حنان أجل مين شاكيرا ) :: اه خااااالتي الحقيني بموت
أم لمى عورها قلبها :: يابنيتي سمي بالرحمن ( وبعدت سارا عن حضنها وتحس راسها ) وسارا مغمضه عيونها
أم لمى :: وش فيك يابنيتي وش صار لك ؟؟
سارا :: وجعانه ياخااااالتي
أم لمى :: جعاااااااااااانه
سارا :: وجعااااااااااااااااااااانه
أم لمى بفزع :: وجعاااانه ؟؟
سارا باستهبال :: لا جعااااااانه
أم لمى ؟؟:: جعانه ولا وجعانه
سارا :: تعبانه تعبانه آه ياخاله راسي راسي يعوني وترجع تحضنها .. ومحتاجه حنانك محتااااجته
أم لمى ضمتها بحنان وحب وجلست تقرا عليها
سارا وهي في حضن خالتها عاضه ع شفايفها ماتبي تفلت ضحكتها ههههههههههاااااااااي وربي يا خالتي طلعتي حنونه لكن انا اوريك هين
:: ااااه ماقدر ماقدر احس راسي بينفجر
أم لمى مسكت السماعه وضغطت ع التحويله :: ميري بسرعه جيبي بنادول ومويه
جات الشغالة وجابت البنادول والمويه على طول أم لمى اخذتهم واعطتهم سارا
سارا بلعتها بالقوووووووه وهي مغمضه وشربت كاس المويه كلها ::: خالتي ابغى انااااااااام خليك عندي !!
أم لمى بكل حب :: يا بعدي حاضر حاضر من عيوني حطتها في حضنها وتمسح عليها لين نامت في سابع نوووومه

( سارا البنت الشقية عمرها 14 سنة ثاني متوسط بارعة بالكذب والتمثيل تكره نظام خالتها أخت أمها الله يرحمها دايم تتذمر من نظامها اللي تحس نفسها بمدرسة عسكرية )
( أم لمى راس الكبيرة زي مايقولون 47 سنة خالة البنات .. راح تتعرفون على شخصيتها خلال المواقف )


*

*

*

6 ونص صباحاً

خرج من الحمام بعد ماخذ له شاور سريع وهو لاف المنشفه بوسطه .. اتجه لدولابه وفتحه خرج له لبس سبورت أسود وابيض

لبسهم وهو مستعجل ... راح للمرايه يمشط شعره .. بعد ماخلص حط المشط ع التسريحه بإهمال وسحب له عطر من أحد العطورات الموجوده ع تسريحته وتعطر وخرج من غرفته !!

وهو نازل مع الدرج قابل بطريقه امه .. اتجه لناحيتها .. باس راسها :: صباح الخير ياحلى مامتو بالدووونيا كولهااا

:: هلا والله بضنايا مشاري .. صبحك الله بالنور يالغالي .. ها اشوفك كاشخ .. ع وين ؟؟

مشاري ( يمسح يده ع راسه ) :: رايح اسوي رياضه تخاويني ..؟

أم مشاري :: من دبابتك عاد انثبر بس افطر معانا !!

مشاري ويناظر ساعته :: هههههههه ولدك رياضي يحب اللياقه البدنيه يالله ياامي عن إذنك

أم مشاري :: الله يحفظك يارب

خرج مشاري من الفيلا حقتهم .. ناظر القصر اللي بجنبهم !! وابتسم ^_^
فتح باب سيارته ...وركب .. سكر الباب وراه .. فتح الدرج حق الاشرطة وطلع نظارته الشمسيه .. نظفها ولبسها .. ورجع سكر الدرج


وشغل السياره .. ومشى ..!!

*

*

كانت حاطه الاي بود ع اذنها وتمشي ع البحر وماسكه قطتها ( لولي ) ..

تعبت من المشي ... فوقفت تناظر البحر ..!!

والإبتسامه تنرسم ع شفايفها من تحت طرحتها !!

*

*

وقف سيارته .. ونزل منها .. التفت يمين وشمال يدورها !!

مالمحها !! تأفف بينه وبين نفسه

رفع نظارته الشمسيه من عيونه .. وجلس فوق كبوت السياره ..؟

انتظر .. انتظر .. انتظر


بعد مرور ربع ساعه قام من مكانه .. وصار يمشي ع الرصيف .. يمشي .. يمشي .. يمشي

قطع مسافه من غير مايشعر !!

كان يمشي وهو سرحان ..!!

وقف فجأة والتفت ع ورا وهو حاط يده ع وسطه... انصدم !! .. يالله مشيت انا كل هذا ههههههههههههه

اوف مافيني ارجع .. ياريت عندي ريموت للسياره اضغطه بس وتجيني لين حدي ههههههههههه ( ضحك على نفسه )

يالله بس ميشو رياضة الصباح .. ورجع محل ماجاء بس هالمره بهروله ..


*

*

بعد ماتأملت البحر مشيت لين وصلت للرصيف .. وصار تمشي عليه ( تكمل رياضه )

نزلت قطتها ع الارض وصارت تمشي هي وياها

صارت لولي تمشي قدام وبشاير وراها ..

بشاير وهي تكلم بستها :: ياحليلك لولتي صايره رياضيه ماشاء الله هههههههههههه

مشاري وهو يهرول شاف قطة بيضاء ماره من جنبه !! وبنت تمشي وراها بسرعه تبغى تمسكها !!

استانس كان بيتشقق من الفرحه بعد ماكان فاقد الأمل انه يشوفها

كمل مشي وهو مبسوووط

لين وصل سيارته ركبها ورجع البيت


*

*

بشاير بعد ماوصلت لسيارتها فتحت الباب وهي يادوب تنتفس ( حطت قطتها بالسله اللي كانت موجودة بالسياره ورا )

وقالت للسواق :: ناصر وديني لبارنيز بعدين ارجع البيت !!

ناصر ( سواقهم الأندنوسي اسمه كان صعب بس غيرته أم لمى إلى ناصر ) حادر مدام !!

بشاير اسنتدت راسها ع مقعدة السياره وغمضت عيونها !! جاء ببالها الشخص اللي مر من جنبها

مشاري !!

وهي مغمضه عيونها استرجعت شريط من الذكريات !!

:: تدربين من دوني ؟

بشاير ( اللي كانت تجري بالمزرعه ) ردت عليه وهي تضحك :: هههههههههههه عشان اكسر راسك

مشاري وهو يجري وراها :: دا بعدك يابنت محمد

بشاير :: طيب نشوف يالله .. نسوي تحدي

مشاري زين امشي وراي ...

بشاير :: هنا زين المكان خلنا نسوي السباق الجري فيه
مشاري طيب ( مسك عود صغير شافه بالارض وراح سوا خط في الرمل ) :: شوفي هالخط ماتتعدينه فاهمه !

بشاير بثقه :: ابشر وحطت رجلها هو وياه عند الخط ... والتفت عليه ماقلت ل فين الفوز !!

مشاري ويأشر بيده :: شايفه الجبل اللي هناك اللي يوصل أول واحد عنده هو الفايز

بشاير :: زين بس بلاش غش ههههههههههه

مشاري بضحك :: هههههههههههههههه لا مافي غش ويصرخ ع العامل اللي كان قريب منهم :: عبدالمطلب عبدالمطلب

العامل السوداني جاء لناحيتهم ( يشتغل في مزرعة أبو مشاري ) .. قاله مشاري شوف عد لنا لين ثلاثه بنسوي سباق

ضحك العامل تعود اصلاً يكون الحكم بينهم !!

واحد

اثنين

ثلاااااااث .. ماكملها الإ وهم حاطين رجلهم

كانت بشاير متقدمه مشاري بكثير تجرررري بحماس من كل قلبها تبغى تفوز .. كان عمرها 11 سنة بهذاك الوقت هي أصغر من مشاري بسنه

كانو دايم مع بعض من هم أطفال دخلو الروضه سوا وتخرجو منها سوا لهم صور كثيره تجمعهم مع بعض

خرجها من ذكرياتها صوت السواق :: مدام يوصل بارنيز

بشاير فتحت عينها وفكت شنطتها طلعت المحفظة وخرجت منها 50 ريال اعطته السواق !! قالت له يطلب لها واحد موكا سكر زيادة + كاراسون !!

فتح السواق الشباك وطلب لها .. ووصلها الطلب ..ورجعو البيت .

( مشاري 22 سنة طالب بجامعة الملك عبدالعزيز بالمستوى السابع تخصص إدارة أعمال إنسان هادئ ومسالم ، يحب الرياضه والمشي كثير من أعز اصدقاء الطفولة عنده بشاير )
(بشاير 21 سنة طالبة بجامعة الملك عبدالعزيز بالمستوى الخامس تخصصها تاريخ ..تعشق الرياضه بجميع أنواعها وبنت نظاميه بشكل فضيع وماعندها لا لف ولادوران وتحب خالتها كثير لأنها ماخلتهم لحالهم بعد وفاة أمهم وابوهم تركت زوجها اللي تزوج عليها وحده قرويه وعايش بالديره وعاشت مع بنات أختها هي وعيالها )
*

*


الساعة 10 صباحاً

:: ريم رييييييييييييييم

ريم :: ......

:: بنت اكلمك انااااااااااااااا !؟

ريم :: ....

..:: استغفر الله كل هذا ادماااااااااااان .. الله لايبلانا

( قربت من أختها ريم اللي كانت جالسة على جهازها المكتبي اللي ماينسمع منه الا صوت ازرة حروف الكي بورد " وشوي تطير الأحرف من زود الحمااااااس .." .. صقعتها على راسها .. هيه انتي من اليوم اكلمك

ريم طالعت فيها وهي واصله معاها :: عمى وش تبين ؟ ( ورجعت طالعت بالشاشه وتكتب !! )


:: لا عن جد أنتي حاله ميؤوس منها !! بفهم انا ماتطفشين منه وانتي بس مقابلته 24 ساعه ليل ونهار !! حتى النوم ماتنامينه زين .. بالله طالعي شكلك بالمرايه !!

ريم :: ........ (لارد ) " افلقوني اصلا اذا اهتمت اوسمعت كلمة من كلمات اختها <<--= من قوة الادمان خخخ


:: اوووووه انا ليش اضيع الكلام مع وحده مامنها فايده والكلام معاها ضايع ( خرجت من الغرفه وسكرت الباب بقوووة )

ريم وهي فاتحه الماسنجر ... تسولف بمحادثه مشتركة :

// ReEmoOo //

لاه تحبني ؟ ههههههههههههههههههههههه

** روح لقيت ي **

اموووووووووت فيك انا ياعمري (قلب) ( بوسه)

..◊¼[ آثر آلمفآإرق صع ب ]¼◊..

( خشة رافع حاجب )

// ReEmoOo //

لمووو خير ؟؟

** روح لقيت ي **

ريمو ممكن غيرانه البنت ههههههههههههههه

..◊¼[ آثر آلمفآإرق صع ب ]¼◊..

الله لايبلانا

// ReEmoOo //

آمييييين هههههههههههههه

** روح لقيت ي **

ليووونه

..◊¼[ آثر آلمفآإرق صع ب ]¼◊..

؟؟

** روح لقيت ي **

مضايقك وجودي ياقلبي ؟

..◊¼[ آثر آلمفآإرق صع ب ]¼◊..

عسى قلبك يوقف إن شاء الله ( خشة معصب)

// ReEmoOo //

ليوونه هههههههههههههههه .. روحي ؟؟ خير ترا ماسمح لك تقول ياقلبي لغيري اوك ؟؟

** روح لقيت ي **

ياعمري ريمو انتي مو قلبي انتي حياااااااتي وروحي .. بس حبيت ارفع من معنويات خويتك ههههههههههههه

..◊¼[ آثر آلمفآإرق صع ب ]¼◊..

تم مغادرت هذا المستخدم من المحادثة

// ReEmoOo //

ههههههههههههههههههههههههههههههههههههههه
ههههههههههههههههههههههههههههههههههههههه آه يابطني ههههههههههههههههههه

** روح لقيت ي **

هههههههههههههههههههههههههههههههههههههههههه وربي خويتك تحفه

// ReEmoOo //

هههههههههههههههههههههه أول جاتني تقول ماتوقعتك كذا

** روح لقيت ي **

شكلها زعلت !!

// ReEmoOo //

دقيقه برجع اضيفها

تم اضافة ..◊¼[ آثر آلمفآإرق صع ب ]¼◊..

** روح لقيت ي ** تم تغير اسمه إلى ** جنا **

ليووونه صادووووووه .. كانت معاك الكاميرا الخفيه هههههههههههههههه

// ReEmoOo //

هههههههههههههههههههههههههههههه ليان هذي جنا

..◊¼[ آثر آلمفآإرق صع ب ]¼◊..

( خشة اندهاش)

..◊¼[ آثر آلمفآإرق صع ب ]¼◊..

( خشة اندهاش)

** جنا **

هههههههههههههههههههههههههههه لو سمحتي انا وليد ههههههههههههههه

// ReEmoOo //

هههههههههههههههههههههههههه

..◊¼[ آثر آلمفآإرق صع ب ]¼◊..

احلفو ؟؟ انتو وجيهكم

..◊¼[ آثر آلمفآإرق صع ب ]¼◊..

ههههههههههههههههههههههههههههههههههههههههههه
ههههههههههههههههههههههههههههههههههههههههههه

^^^^^
" ريم 22 سنة متخرجة من جامعة الملك عبدالعزيز كلية الآداب تخصص علم نفس مدمنة نت ماعندها صنعه غيره من تصبح لين تمسي وهي عليه !! من مدمنين البلياردو !! وماسنجر تموت في المقالب دايم تضيف جنا (بايميلها اللي اسمه وليد ) مع صحباتها وتتكلم معاها على أساس أنه خويها ولا خطيبها تحب تستهبل !!

*

*

بعد ماخرجت من غرفة أختها وهي مقهوره من وضعها .. راحت لغرفة أخوها اللي وضعه مايقل عن وضع أخته ريم !!

منبطح ع السرير والاب توب قدامه ويطقطق بهالشات !!.. وريحة الغرفة كلها دخان

فتحت الباب وهي تتافف من الريحة :: اف وش هالكتمه ياخي افتح الشبااااااااااك طيب !!

:: مراموووه اطلعي وسكري الباب

مرام تطنشه وتروح لجهة الستاره ترفعهاوتفتح الشباااااااااك :: ياخي ثانيه مره خلي النور يدخل الغرفة وتتهوا

ناظرها وكان بيعصب عليها بس ضحك على شكلها !! لمن انتبه لها تجمع الكاسات والصحون من ع الارض وهي تتأفف من القرف !! .. قام قال :: مرام حبيبتي انتي سوووووي لي شاي وجيبيه لي

مرام وعيونها بتطلع مكانها :: ايش ايششششششششش أنت طالع بالله كيف صايره غرفتك زباله ماغير تجمع صحون المطبخ بفهم انا وشلون تنام فيها !!

:: ههههههههههههههههههههههههههههه الله يخلي لي مروومتي بتنظفها لي قبل مانام

مرام بضحك :: ههههههههههههههههههه ويخليك لها يابندوووره

وخرجت من الغرفه وهي شايله الصحون والكاسات *_^

ورجعت تنظفها له وهي تدعي بصوت مسموع إن ربي يهديه هو وريم وتسب باللي اخترع النت وتدعي كمان انهم يقطعونه من السعوديه <-= معقدينها هههههههههههه

" بندر يضحك ههههههههههههههه على دعاويها .. وبقلبه قال ياحبني لك يامرام محسستنا إنك أمنا وإنك أكبر مننا وعمرك ماتجاوز حتى 16 سنة !! .. "

( بندر 25 سنة متخرج من كلية المعلمين تخصص حاسب آلي ماعنده إلا أختين ريم ومرام وأمه متوفيه وأبوه متزوج )

*

*


الساعة 12 ونص ظهراً


الله اكبر الله اكبر

فتحت عيونها على منبه صلاة جوالها !! اللي يأذن .. مدت يدها من ع الكومدينه وسحبته تسكره وهي تتمغط على سريرها !!

رمت لحافها بكل اهمال .. وقامت .. لبست شبشبها ..

راحت الحمام ( الله يكرمكم ) طالعت بوجها بالمرايه ... ضحكت ع شكلها .. رفعت يدها فوق راسها تحاول تهجد كشتها الطايره ..
غسلت وجهها وتوضت .. وطلعت

لقيت شرشف الصلاة والسجادة مرميه فوق كرسي التسريحه .. أخذته .. وقامت تصلي

*

*
:: ياأم رائد سويتو غداء ولا أجيب معاي وأنا خارج من الصلاة .

أم رائد :: لاجيب معاك ماطبخنا

أبو رائد متجه لباب الشقه :: زين يالله فمان الله

أم رائد :: الله معاك ..( ونادت الشغاله ) :: حليمة .. حليييييييييمة

الشغاله خرجت من المطبخ :: نعم ماما

أم رائد :: اطلعي فوق صحي هنادي .. اذا مافي قوم كبي مويه عليها

الشغالة ( حليمة ) :: هههههههه ماما أنا بس يقول في فيلم هندي هيا يقوم بسرعه ههههههههه

أم رائد بضحك :: ههههههههه عاد هذولا اصحابها .. يالله روحي خليها تصلي وتنزل

الشغالة :: طيب ماما ( خرجت من الشقه فتحت الاصنصير وطلعت للدور الرابع ( ملحق هنادي )


*

*

بعد ماخلصت الصلاة .. خرجت من غرفتها وراحت للصاله فتحت الستائر وصرخت ::

واااااااااااااااااااااااو

( على طول فتحت الشباك )

الله روووووووعه الجووو .. يااااااارب يااااااارب ينزل مطر

قطع عليها صوت المفاتيح ..!! في احد جالس يفتح الباب

في هاللحظة مر ع بالها فكرة .. لمعت عيونها بنظرات مكر عضت ع شفتها السفليه. ورفعت يدهاوطقت باصباعها .. وغمزت.!!

ركضت بسرعه لغرفة الملابس واتخبت بالدولاب !!

( حليمة فتحت باب الملحق ودخلت وقالت بصوت عالي هنااااااااااااااااادي هناااااااااااااادي

لارد !!

دخلت غرفة هنادي لقيت النور مولع وبطانية السرير بالأرض !! والغرفه معفوسه فوق تحت كل شي مرمي

وباب حمام الغرفه مفتوح.. !! ياربي هادا بنت فين يروح .. وظلت تنادي هناااااادي

هناااااااااادي

راحت المطبخ ؟ مالقيتهاااااااااا

هناااااااااااااااااادي

هنااااااااادي !!

أنت فيييين ؟؟ ( واتجهت للحمام اللي قريب من الصاله ..
دقت الباب ؟ هنادي انتا هنا ) لاااااارد ..!|!

بسم الله هادا بنت فين يختفي

بعدها اتجهت لغرفة ملابس هنادي .. فتحت النور .. دخلت الغرررفة

لقتها فاضيه !!

مشيت حليمة تبغى تروح للبلكونه تشوفها يمكن هناك مسكره ع نفسها !!

بس مالقتها !!

جات بتخررج ( مرت من جنب الدولاب ) إلا هنادي تفتحه بوجهها :: بوووووووووووووووووووم

الشغاله صرخت :: وااااااااااااااااااااااااااااااااء

هنادي :: هههههههههههههههههههههههههههههههه

الشغاله ( حطت يدها على قلبها ):: بسم الله الرحمن الرحيم ايش هادا وقربت من هنادي تبغى تصقعها مع يدها

هنادي حطت رجلها وتضحك :: هههههههههههههه
الشغاله للحين مفجوعه تجري وراها :: انتا مجنون انا كان في موت دحينا

هنادي وهي ميته ضحك :: هههههههههههههه ( ماهي قادره تتكلم من الضحك ) دخلت للصاله وصارت ورا الكنبه

والشغاله قدامها الا وتبغى تصقعها ( تبي تبرد على قلبها ) ههههههههههههههههههه

حليمة :: والله انا في علم ماما

هنادي :: خلاص حليمه سوري سوري

ملاحظة ( حليمة ( اندنوسيه ) لها ست سنين تشتغل عند عائلة أبو رائد وعلاقتها بهنادي كأنها أختها!! تمون عليها الشغاله )

حليمة :: استغفر الله انتا جني جني من يجلس هنا هادا عقل مافي

هنادي ( وهي تنط ع الكنبه من فوق وتجلس ) والله الجني ماغيرك

روحي بس سوي لي شاي عطيتك وجه !!

حليمة :: ههههههههههههه مجنون انتا مجنون


( هنادي 19 سنة بنت مهويه شعارها بهالدنيا هي خاربه خاربه متخرجة من الثانوي بنسبة 91% قسم أدبي وماسجلت لا بكلية ولا بالجامعة تبي تريح سنة على قولها )

*

*


العصر 4 ونص

:: نوافوووووووووووووووووووه ورى ماتقوم تذاكر ولاتبي تصير زي ابوك يالخايب

قوووم بسرعه امسك كتابك ماتشوف اخوك نايف يذاكر !! ولا تبيه يطلع احسن منك

نواف منسدح تحت التلفزيون اللي بالصاله " يتفرج على فيلم بقناة تو " والريموت فوق بطنه !! ويتفرج ( الأخ داخل جو الظاهر ماسمع حكي أمه )

أم لمى بعصبيه :: نايف قوم جيب لي الخيزرانه خلني اربيه من أول وجديد !!

نواف من سمع خيزرانه تعدل بجلسته ( إنا لله ) حتى الواحد ماياخذ راحته بيوم خميس !!

وبعدين ياامي الله يهديك تحسبينا بزران زي أول عشان تضربينا !!

أم لمى وماسكه نفسها عنه :: لو ماسكت الحين وجبت كتبك ياولد سعد !! لافص رقبتك لك سامع !!

نواف قام من الغرفه ..وهو يتحلطم !!

أم لمى بصوت عالي :: تجيب شنطتك وتنزل تذاكر قدامي انت وأخوك !!

نواف بقلبه ( ياربي ماصارت هذي ناشبه لنا كأننا ثالث ابتدائي مو متوسط )!!

أم لمى تلتفت لنايف اللي جالس يحفظ ( مو من زود الشطاره إلا من خوفه من أمه اللي تسمع له !!)

نويف سكر التلفزيون !!

وتمسك التلفون وتضغط ع التحويله 545 ..

:: آلوو

أم لمى :: هلا سوير جيبي كتبك وانزلي أنتي ولمى !!؟

سارا بتكشيره :: طيب

وسكرت أم لمى

سارا :: يااااااااااااااربيه مايمديني حتى افرح ع بالي نسيتني اووووووووووووف

لمى :: يالله بس نزلنا

سارا بعبوس ( اخذت شنتطتها ) :: متى بس متى يجي يوم وتنساني

*

*

الساعة 7 المغرب

الشغالة :: هنادي هنادي هادا رجال في روح خلاص

هنادي :: قووووووووولي والله

الشغاله :: والله انا في شوف يشيل شنطة

هنادي بضحكه :: ههههههههههههههه فكه واخيرا

الشغاله بخوف :: بابا لو في يعرف في يذبح انتا

هنادي والفرحه على وجها :: اقول اسكتي بس انا الحين فرحانه لازم اليوم نسوي حفله

روحي جيبي ورقه وقلم بسرعه


الشغالة :: انا في كلام من زمان انت واحد مجنون

هنادي تدور بالغرررفه وتصارخ :: يس يس واخيرا افتكييييييييييت منه

ايوا كذا الواحد ياخذ راحته يروح ويجي ع كيفه

جات الشغاله واعطت هنادي القلم والورقه

هنادي مسكتها وجلست بالارض عند الطاولة وكتبت

كيك شوكلييييت ( وسط)

عصير كوكتيل

بيوقلز بالجبنة

فشااااااار

مكسرات

2 فيلم هندي قديم

وارسلت الورقه مع الشغاله تعطيه السواق يشتري لها

طلعت جوالها من جيبها وبحثت عن اسم " دنياي " وضغطت زر اتصال ::

*

*
كانت جالسه بالحديقه مع قطتها (لولي ) ع العشب .. رن موبايلها بنغمة ::
أكتر حاجة بحبها فيكي هو ده آه هو ده .. آه ه ه ه قلبك و أكتر حاجة شديتني ليكي هى دي آه هي دي
طيبة قلبك وأكتر حاجة بحبها فيكي هو ده
" على الدنيا السلام " يتصل بك
رفعت السماعه وقالت بصوت هادئ :: هلا والله هنودي
هنادي :: اهليييييييييين ياقلبو ازيك عامله ايه دانتي واحشاني
بشاير :: الحمدلله بخير انتي اللي لك وحشه وينك ماتنشافين
هنادي بحماس :: تعرفين كان عندي مهمه
بشاير بإبتسامه :: ها نقول مايجيبها الارجالها
هنادي بضحك :: افاااا عليك مايجيبها الا هنووودي
بشاير بجديه :: من جدك ؟؟
هنادي :: اي والله خليته يخرج من العماره طفشته وكرهته طعم النوم
بشاير بضحك :: الله يرجك وش سويتي
هنادي :: قولي وش ماسويت.. المهم وش رايك تجين عندي بهالمناسبه تراني محتفله .. وبحكيك السالفه من طقطق لسلام عليكم
بشاير بتردد :: ماوعدك .. اكلم خالتي وارد لك
هنادي :: اقول ماتبين اطير بعد عمتي
بشاير بضحك :: لاتكفين الا عمتك وخري عنها .. انا اشهد انها بتفجرك مو تطيرك
هنادي :: اي والله من جد أعوذ بالله من اللسانها محد يقدر عليه

بشاير :: هيه اشوفك بديتي تغلطيني

هنادي :: اقول طيررري بس يالله كلميها وردي خبر سلام

بشاير :: اوك سلام

بعد ماسكرت من هنادي شالت بستها بيدها اثنتين وتغني لها وهي ماشيه ::
انا ئوووطة مشمشه
ميو
دايما مفرفشه ميووو اكل واغسل ايديا وانام بعد العشاء
ماني ئووطة مشمشه ميوو
**
وصلت لباب مدخل القصر وصلها صوت استهزاء :: الحمدلله والشكر يارب

بشاير التفت للصوت :: خير !!

:: يالله ان عطيت تصلح

بشاير ماقدرت تمسك نفسها من الدعوة :: ههههههههههههههههههههههههههههه سوير اشك انك جدتنا
سارا :: حشى مو بسه ( قطة) كأنها بنتك اللي مخلفتها !!
بشاير :: واكثررر من بنتي .. أنتي وش حارقك .. إلا وين خالتي عنك !!

سارا ( من سمعت اسم خالتها ) شهقت :: يااااااااااويلي .. ( وحطت رجلها ماتشوف الا غبارها )

بشاير :: الله لايبلانا .. واتجهت للصاله .. لقيت لمى ونايف يتضاربون ..

:: والله أخر لعبة

نايف بعصبيه :: كل شوي اخر لعبه اخر لعبه يالله انقلعي ( ويسحب يد البلاي ستيشن منها بقوه )

لمى :: والله اعلم ماما عليك

نواف يتدخل :: ياخي بزر عطها تلعب

نايف :: وليش أنت ماتعطيها وتخلينا أنا وهي نلعب !! ولا على راسك ريشة

ويقطع عليهم صووووت بشاير :: ياكبرك أنت وهو .. تقارنون نفسكم بطفله ..
لمى راحت عند بشاير :: الله يخليك خليهم يلعبوني
بشاير ( راحت لجهة التي في وفصلته بوجهم ) انتهى وقت اللعب ( وتطالع الساعه 8) !!

نايف ونواف ولمى :: ايششششششششششششششش

نواف :: الظاهر نظام جديد
نايف :: لاتقولين أمي مرسلتك علينا !! والله إن تجيني جلطه
لمى تناظره :: ادق على الاسعاف ؟
بشاير وهي تناظرهم بنظارات حاده حقرتهم ومشيت ..
نواف يضرب لمى ع كتفها:: كله منك يادبه
لمى :: والله الدبه ماغيرك ياباااااقيرا
نايف جاء بيتكلم :: ا... ( قطع عليه صوت بشاير وهي طالعه مع الدرج ) اقول يالثلاثي المرح اللي يبي يطلع معاي يروح يلبس !!
نواف بفرحه :: ياهووووو طيراااااااااااااان .. وطلع من الصاله
نايف يكلم لمى :: تتوقعين صادقه ولا تلعب علينا !؟
لمى :: من متى بشاير تكذب امش امش بس خلينا نلبس
نايف وهو ينقز من مكانه يلحق نواف :: ياااااااااادب انتظرني
بشاير وصلت جناح خالتها دقت الباب ::
أم لمى وهي جالسه ع كرسي التسريحه :: ادخلي يابشاير
بشاير فتحت الباب ودخلت وهي مبتسمه :: وش عرفك انه أنا
أم لمى :: محد يعرف أصول الأدب غيرك .. ولا الباقي الله يصلحهم
بشاير :: هههههههههههه .. امين يارب .. إلا اقولك خالتي هنادي دقت علي مسويه حفله تبغاني اجيها
أم لمى :: حفله ؟.. والله إن بنت أخوي ماهي بصاحية هذي كل اسبوع عندها حفله
بشاير :: لاتلومينها من الطفش
أم لمى وهي تحط احمر الخدود ع خدودها :: زين روحي لها وخذي المقاريد معاك ولاتتأخرون.. أنا بروح عند أم مشاري .
بشاير وهي خايفه من الرد :: خاله اليوم خميس الله يخليك خلينا نسهر عندها
أم لمى بحزم :: لا .. تكونون في البيت 11 !!
بشاير بمحاولة ثانيه :: تكفين خالتي الله يسعدك تكفيييييييييين بس اليوم .. خلاص ماباقي على الاختبارات غير اسبوع
خلينا نستنانس ونغير جو لأول مره بالتاريخ .. تكفين طلبتك .. طلبتك
أم لمى :: زين زين خلاص تعالو 12
بشاير :: خاااااااااااااااله بليييييييز خليها 3 وبعدين معانا نايف ونواف يعني مافي عذر انك تخافين علينا لمن نرجع مع السواق متأخر .. وقربت منها وباستها ع خدها تكفيين خاله قووولي طييييب
أم لمى ماحبت تكسف بشاير وترفض :: زين يابنت خلاص روحو فكيني من حنتك
بشاير استااااااااااانست :: اممممممممممممموااه يااحلى خاله ..
وطلعت من الغرفه .. دقت ع جوال هنادي وخبرتها أنها جايه ..

*
*
:: اوووف وتناظر ساعتها وترجع تتأفف من جديد اوووووف وش هالحاله .. أنا وش يجلسني عند النايمين
خليني اروح عند حرمة ابوي اتونس عليها .. ابرك من اني انتظرهم يصحون
خرجت من شقتهم متجهه للشقه اللي مقابلتهم دقت الجرس ..

فتحت لها زوجة ابوها :: حيا الله مرام
ردت بمرح :: الله يحييك ويسلمك .. بابا موجود .؟
أم مهند :: ايه بس نايم .. ادخلي
مرام بعد مادخلت وجلست بالصاله قالت :: روحي صحي بابا !!
أم مهند بمكر :: ياقلبي عليه ابوك جاء تعبان من الشغل مانام إلا قبل شوي
مرام بلعانه :: بتصحينه ولا أنا ادخل اصحيه ؟
أم مهند :: اقولك تعبان ابوك !! خليه يرتاح صاحي من الفجر
مرام قامت من مكانها :: زين أنا بصحيه ..
أم مهند باستسلام :: خلاص اجلسي انا بروح اصحيه
وراحت لغرفة نومهم .. بعد دقائق خرجت :: ماهو راضي يصحى
مرام بنذاله :: زين انا رايحه اقووومه .. ومشششيت بسرعه لغرفة ابوها



"

أم مهند عمرها 30 سنة كانت أرملة وعندها ولد عمره سنة ... تزوجت أبو بندر "


فتحت النور ونطت فوق السرير وتضرب ع كتف ابوها بشويش :: بابا بابا


ابو بندر فتح عيونه وطالع في بنته .. مرام ماعطته فرصه ينطق بكلمة :: نيالك ياعم القمر بنفسه جاء يصحيك
ابو بندر بإبتسامه :: الله يحفظ لي القمر ..



مرام :: يالله بابا قووووووووووم تراني طفشششششانه حدي خلينا نتمشى


ابو بندر يبعد البطانيه عنه:: زين هذا انا قايم .. روحي قولي لهم يسوون لي قهوه وشاي


مرام :: اووكي دااااااااااادي


*


*
:: ولدك وينه ماشوفه ؟
أم رائد وهي تشرب القهوه :: مدري عنه ع قومته الصبح للحين مادخل البيت
أبو رائد :: الله يعينه على نفسه.. إلا هنادي وينها؟
أم رائد :: بنتك هذي بتجيب لي الضغط والسكر
أبو رائد وهو يقلب بالقنوات:: هههههههههههههه وش مسويه من مصيبه ؟؟
أم رائد :: ماغير مقفله على نفسها ماتشوفها حتى الغداء والعشاء ماتأكل معانا ,. الشرهه مو عليها الشره عليك يوم طاوعتها تعطيها الملحق
أبو رائد :: ابي افتك من رجتها .. الواحد يجي البيت يبي يرتاح وهذي تدوخ اللي مايتدوخ
أم رائد :: والله بنتك عن 10 بزران.. لمن تنزل عندي تدوخني بكثرة كلامها غير اقولها اطلعي اطلعي لعزبتك
أبو رائد :: الله يهديها ويصلحها إن شاء الله
أم رائد كأنها تذكرت :: إلا صحيح المستأجر وش طلعه ماكمل حتى شهر .؟
أبو رائد :: مدري عنه .. بقلعته
ودخل عليهم بهاللحظة رائد :: السلام عليكم
أبو رائد + أم رائد :: وعليكم السلام
أم رائد :: بدري دوبك اللي جيت ..؟ كأن جلست برا كمان
أبو رائد :: وين كنت يارائد ؟
رائد وهو يدخل المفاتيح بجيبه ويستريح ع الكنبه اللي مقابل ابوه :: خلوني اخذ نفس بالأول ع طول استلمتوني
أم رائد :: هذا جزاتنا يوم نخاف عليك
رائد :: أمي الله يهديك تراني كبير اعرف مصلحة نفسي
أبو رائد يلتفت لزوجته :: اسكتي ياحرمه .. خلني اعرف وين كان ...؟ " ويناظر برائد " ماجاوبت وين كنت ؟
رائد :: كان عندي شغل
أبو رائد :: ماشاء الله وش هالشغل اللي يخليك تطلع من الصباح وماترجع الا 9 بالليل ..؟
أم رائد ونظرها ع ابو رائد :: مو قلت لك ولدك شايف له شووفه ؟؟
أبو رائد يسكتها :: مو قلت اسكتي أنتي .. علمني وش هالشغل ؟؟
رائد ببرود :: كان عندي اجتماع بالشركة
أبو رائد باستهزاء :: ماشاء الله كل هالوقت اجتماع " ويناظر بزوجته ويغمز لها "
رائد وهو يغير السالفه :: الا وش عشاكم
أم رائد بحنيه :: سويتلك فاصوليا عارفتك ماغير تحوم بالشوارع ع الجوع .. تحسد نفسك حتى الساندوتش ماتشتريه لنفسك ..
رائد يضحك :: ههههههههههههههههههه
أبو رائد بجديه لولده:: انتبه على نفسك يارائد.. والله إن بكره طحت بمصيبه ماراح اسأل عنك..هذاني علمتك .. !!
لو إن شاء الله تدخل السجن ..ماجيتك !! هاا انتبه .. كل واحد يتحمل مسؤولية تصرفاته وانت كبير مانت صغير عشان اعلمك من الصح والغلط
ماشاء الله داخل ب 25 .. اللي زيك فاتح له بيت وعنده عيال .. أنا كم مره نصحتك واشهدي يامريم ( ام رائد) إن مالي شغل فيه لاطاح بمشكله.



أم رائد :: سامع كلام ابووووك .. ولا أنا مالي شغل . اترك عنك سهراتك وطلعاتك اللي ماتجيني غير اخر الليل .!! ماندري انت وينك فيه؟؟


رائد بإبتسامة :: خلصتووو نصائح ابي عشاااء
أم رائد :: هذا بيذبحني هو وهنادي ببرودهم
رائد بضحك :: إلا ع طاري هنادي ورا ماتجيبون لها عريس
ماشاء الله كل شي موجود فوق عندها ناقص العريس بس
أبو رائد يشاركه الضحك :: والله إنك صدقت
رائد :: والله بنتكم فلللله مصدقه نفسها ولد..المفروض انا اخذ الملحق
أم رائد :: ايه عشان خير شر مانشوفك
رائد :: هههههههههههههههههه
أبو رائد :: دق ع اختك خلها تنزل تتعشى معنا
رائد :: ماهي بنازله عني انا .. قبل شوي كنت عندها .. تقول مسويه حفله لصحباتها .. لاتحسبوني بالعشاء
أم رائد :: الحمدلله والشكر يارب
أبو رائد :: وش فيكم عليها خلوها تنبسسسط
أم رائد :: محد بيخربها غيرك
رائد " ينادي حليمة " :: حليمه حلييييييمة
الشغاله جات له :: نعم بابا
رائد :: استوى العشاء ولا لسه
الشغاله :: باقي شويه 10 دقيقه
أم رائد :: اذا استوى حطييييه بسرعه .. شكل هالولد ميت جوع أول مره يسأل عن العشاء
رائد ويدق بهاللحظة جواله ..اعطى المتصل مشغول وقام من مكانه
أبو رائد :: على وين إن شاء الله
أم رائد تدخل :: من دق جواله وهو ينقز زي المقروص
رائد يدخل الجوال بجيبه :: والله عليكم تفكير شي يعني مانتو شايفيني معفن
رايح اتروش واغير ملابسي
أبو رائد :: زين روح روح بس
*
*
(دق جرس الملحق ) رن رن رن
بصوت عااااااااااالي من ورا البااااااااااااااب ايواااااااااااااااااا جااااااااااااااااايه




فتحت الباب .. هلا والله بحبايب قلبي


( كانت تهاني وبشاير واقفين جنب بعض ووراهم نايف ونواف .. )


هنادي سلمت عليهم ودخلتهم ..جاء بيدخل نايف ونواف صرخت :: هييييييه انتو على وين يالله هناك هذا ملحق الحريم


نايف باستهزاء :: تكفين ياعجوز


نواف ناظرها من فوق وتحت ودفها ( خلاها ترجع على ورا ) ودخل
ولحقه نايف



هنادي قبل ماتسكر الباب ( طلت براسها برا ) تشوف باقي أحد ؟؟


ورجعت سكرت الباب وقالت :: يالله حيهم يالله حيهم.. ياهلا وسهلا ياهلا وسهلا


نايف ويناظر نواف :: مو قايلكم عجوزه


تهاني + بشاير :: الله يحيك ويسلمك


هنادي :: اخباركم علومكم ؟؟ كأنكم ناقصين ؟؟


بشاير :: الحمدلله طيبين


تهاني حاطه رجل على رجل وماسكه الجوال بيدها :: ماتشوفين يختي الهدوء .. سارا ولمى رميناهم عند خالي ابو شهد


هنادي شهقت وضربت يدها ع راسها :: يووه نسيت اعزم شهد الحين تزعل


بشاير :: استريحي ماهي داريه عنك .. رايحه لملكة صحبتها


هنادي بإرتياح :: اشوى مو ناقصه زعل


نايف بلعانه :: اقول ماعندكم عصير مانقا يبرد على قلبي


نواف :: هي انت استح على وجهك مانبي مانقا نبي جوافه


هنادي بضحكه :: افا شباااااااااب تبون عصير ؟ تدللو بس


نايف :: ياليت بس لو مانقا يكون عز الطلب.. ويغمز لها


هنادي بمكررر :: والله المنقا تلاقيها تحت عند خالك روح انزلها ويشربك ..هنا مافي غير قهوه هههههههههاااي


نواف قام من مكانه :: قم قم نايف خلنا نروح نسلم قبل ماينام الشايب


هنادي :: شايب بعينك .. وينه عنك يسمعك


بشاير :: هي بسسسسسسس عاد خلصنا من سارا ولمى جيتو انتو


تهاني وهي تطالع الجوال وبالها مو معاهم


نايف يمسك اخوه بيده :: يالله حنا ماشيين نسلم على خالنا ثم بنروح ندور لنا درب


بشاير بحزم :: ياويلكم لو تتأخرون فاهمين ( وتناظر ساعتها الحين الساعه 9 وربع .. ماتجي 11 الا وانتم محضرين هنا فاهمين !!


نايف + نواف :: فاهمين ياابله ههههههه


نايف هو ماشي التفت على تهاني وقال :: الحمدلله والشكر مجننها هالفارس


تهاني سمعته وعصبت رمت عليه المخده الصغيره كان ورا ظهرها وقامت تبي تلحقه :: تعااااااااااال تعااال


نايف + نواف ركضوا لين باب المحلق فتحووه وسكرو الباب وهم يضحكون


هنادي وبشاير :: ههههههههههههههههههههههه


بشاير :: وش فيك قمتي عليهم ماقالو شي غلط


تهاني :: اسكتي انتي ... إلا رن جوالها وقامت من عندهم


راحت للبلكوونه تتكلم !!


هنادي :: والله اشهد انكم كلكم مهسترين


بشاير :: ماعلينا اي قولي وش اخر مغامراتك بهالاسبوع


هنادي تتنهد :: آه لاتذكريني .. بروح اجيب العصير والحلى واعلمك


بشاير :: يالله قومي وانا اساعدك


هنادي :: ياااااااشيخه ويلومني بحبك
*
*




انتهى البارت الثاني












آخر مواضيعي

0 فساتين نجوى كرم 2014
0 صور رولا سعد بالبرقع - صور رولا سعد بالعباية
0 ثيمات ريال مدريد 2017
0 مسجات شوق طويله , رسائل شوق طويله , وسائط شوق طويله , مسجات ورسائل شوق طويله
0 ايقاف مسلسل ساهر الليل , مطالبة بايقاف مسلسل ساهر الليل , جدل بسبب مسلسل ساهر الليل
0 فوائد الفضة
0 مسلسل مربى العز الحلقة 30
0 رويال رامبل 2013 , Royal Rumble 2013 , اخبار رويال رامبل 2013
0 عصير الليمون
0 بي سي الجنه , بيسيات الجنه , برودكاست الجنه ,


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية ام الجماجم وحب في المقابر , تحميل روايه ام الجماجم , روايه ام الجماجم كامله صعب المنال قصص - قصص قصيره - روايات - قصص واقعية - روايات طويلة 4 1 - 2 - 2015 07:36 PM
رواية عفتك وعفت قلوب ممشاك كامله , تحميل رواية عفتك وعفت قلوب ممشاك صعب المنال قصص - قصص قصيره - روايات - قصص واقعية - روايات طويلة 1 23 - 1 - 2013 12:25 PM
شجرة تاكل كل شيء يقترب منها - صور شجرة تاكل كل شيء يقترب منها صعب المنال صور - كاريكاتير - مناظر - خلفيات - طبيعة - صور منوعه 1 28 - 5 - 2012 09:34 AM
رواية شما وهزاع - رواية ناعمة الهاشمي صعب المنال قصص - قصص قصيره - روايات - قصص واقعية - روايات طويلة 1 23 - 4 - 2012 03:09 PM
قسيس يحاول تنصير طفلين مسلمين جودي $ يوتيوب - مقاطع اليوتيوب - youtube 1 20 - 1 - 2012 04:25 AM


الساعة الآن 11:14 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت