متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
2 - 8 - 2012, 05:29 AM
| #1 | |||
| صعب المنال خجلي موهوب  |  رواية فمان الله يالغالي كاملة , تحميل رواية فمان الله يالغالي , رواية فمان الله يالغالي
[فمان الله يالغالي] ((1)) " العنيده.........." لعّاب درجه أولى..أوبعنى ثاني ((حريف))....مع إنه ما يحب البنات كثير ويفضل يسهر مع اصحابه على السهر مع بنت..إلا إنه بنفس الوقت ما يقدر يترك هالعاده...و المشكله إنه مفهم كل وحده إنها الحب الوحيد وان علاقاته الباقيه مجرد صداقات...مع إنه أكثر إنسان ممكن ينقال عنه إنه لا يؤمن بالحب...ولا يعترف فيه...ويعتبر اللي يحب مريض....وموبس كذا.. مقتنع تمام الإقتناع إن الإنسان اللي يحب يبيله علاج...وفوق هذا..اكبر ممثل يقدر يقنعك بحبه.. طائش لأبعد درجه ومتهور..وفوق هذا ممكن بلحظه يملك عقل هالعالم كله... جذاب...اكثر شي يجذب فيه..هدوءه واسلوبه في الكلام...هذا بس عند البنات وبالعالم الثاني أرج منه مافيه يموت عالفله والوناسه.. عنده أسلوب في الإقناع لدرجة إن الفكره المستحيله فنظرك يقدر يخليها بسيطه وممكنه بكم كلمه يقولها لك.. ماراح أطول عليكم بمواصفات هالإنسان اللي مانقدر نقول عنه مثالي لكن هو بطل قصتنا وراح تكتشفون هالإنسان مع الأحداث.. كالعاده جاء متأخر...دخل غرفته..رمى نفسه عالسرير وجلس يناظر السقف ويفكر...كان حييييييل متضايق والمشكله ما يعرف ليه.. جلس يفكر في حياته ..حس إنه ماله هدف وكل حياته راحت لعب..مغازل..بنات..سهر أخر الليل..والدراسه من على جنب..أهله ما يجلس معاهم...و...و..إلخ بعدها تذكر موبايله اللي له يومين مقفول لأن البطاريه فارغه..تنهد تنهيده طويله وقام من على سريره.. أخذ الشاحن ووصل الجوال فيه وتركه يشحن.. بعدها راح أخذ له دش وطلع وشغل موبايله..لقى34 مسج و20مكالمه لم يرد عليها..فتح أول مسج..قرأه كان مكتوب فيه "بليز هالرقم تمسحه وتنسى صاحبته أنت أحقر من إنه يكون بيننا حتى صداقه" تنهد للمره الثانيه لما تذكر موقف حصل له من كم يوم..مع جوري صديقة أخته .. هو ماعمره اهتم لأحد وخصوصا البنات زعلوا ولا رضوا كله عنده واحد وماتفرق معاه..بس هوه كان يعتبرها صديقه لا أكثر ولها فقلبه معزه.. نسترجع الموقف.. بندر وسهى بمطعم من أفخم مطاعم [برايتون].. كعادة بندر يحب الفشخره عند خوياته بندر:أقول سهى شخبار محمد معاك؟؟ سهى:اوووهوووه خلاص انحرق كرته ماصاربقلبي غيرك ياقلبي بندر:من جد؟؟ سهى ومبوزه:والله اتكلم من جد ليه انت دايم ماتصدقني؟؟ بندرمسك يدها وبهدوء:لأن اللي يحب مايكره وانتي كنتي تحبي محمد شلون تنسينه بهالسهوله!! سهى:ومن قال اني كنت احبه....تبي الصراحه أنا من بديت معاك حسيت اشلون الواحد المفروض يحب...فارس..أنا...............وسكتت بندرناظرها وعيونه كلها حب:إش فيك ياروح فارس كملي سهى وشبه معصبه:مو قبل ماتقلي منو هذيك؟؟ بندر:منو؟؟ سهى:هذيك اللي هناك بالطاوله اللي وراك...من دخلنا واهي تناظرك بندر لف يبي يشوف منو......ناظرها وحس انها مالوفه بس ماقدر يتذكرها...لف على سهى اللي كان مبين انها معصبه وبهدوء:ماعليك منها ياقلبي طنشي....أها سهى:خلاص ماعاد بقول لأني بج..................وقطع عليهم صوت.. جوري بسخريه:بندر شنو جالس تسوي مع هذي...وتأشر على سهى.. وقف بندر متفاجئ من هالبنت اللي تعرف اسمه...:هلا منو الأخت؟؟ جوري:معقوله ماعرفتني ما مداك تنساني تونا من اسبوع شايفين بعض..بس قلي منو هذي؟؟ انتبه بندر على نظرات سهى اللي كانت من جد مصدومه...:معليش اكيد غلطانه لأن أنا فارس مو بندر هذا أولا ثانيا..أنا أول مره اشوفك جوري:بندر....أصحى انا جوري!! "لا هذي من جد ناويه تفضحني" بندر بعصبيه:يابنت الذين قلنا لك أنا فارس وبعدين أنا ما أعرف وحده بهالإسم.....والتفت لسهى...يالله سهى....ومشى.... جوري:بندر انتظر أنا ماكملت كلامي.......بندر!!......بندر!! بس بندر ما التفت لها وطلع من المطعم... ولما وصل لسيارته ناظر سهى:اش فيك.....اركبي يالله سهى:منو هذي يافارس؟؟ بندر بنص عصبيه:لحووووووول قلت لك ما أعرفها سهى:وليه تناديك بندر... بندر عصب:انتي بتركبين ولا لا؟؟ سهى:فارس...انت جالس تكذب علي؟؟.......انت تعرفها؟.؟......صدق اسمك بندر مو فارس مثل ما قالت؟؟ بندر هنا مننننن جد وصل حده:انتي ما تفهمين ولا اش سالفتك؟؟....قلنالك وحده غلطانه...خلاص ليه هالتحقيق!!!! سهى وتبكي:لا انت اكيد تعرفها نظراتكم لبعض تدل على كذا....(عاد بندر دينه ودين أهله البنات لما يبكون قدامه من جد يعصب) بندر:على راحتك ماتبين تصدقين براحتك ما راح أجبرك....بس عموما دوري لك على تاكسي يوصلك....لأنك المفروض من هاللحظه تنسيني أوكي؟؟ وركب سيارته ومشى.......ولا كأنه سوى شي....كل اللي هامه هالجوري من وين طلعت وشلون عرفت اسمه الحقيقي؟؟.......جوري...جوري.....قبل أسبوع....أهاااااااااا............هذي صديقة دانه اختي.....لحوووووووول شنو اسوي معاها هذي....والله والبلشه نرجع لبندر.. بعد هالمسج رجع وقفل الموبايل وتركه يشحن واخذ له بكت سجاير وجلس يدخن..كان طفشان وزهقان حيييييل فقرر يجلس على "اللاب توب" تبعه فتح الماسنجر اول ما فتحه جاته إضافه..ماناظر الإسم أو الإيميله لأنه ما يهمه...سوى قبول..وناظر..لقي مسجات من.. أنجلي"Hi..where are you Fares..I miss you too much.. when you will be connected!!?" جواهر---"هلاااااا فارس إشلونك..في موضوع ضروووووري أبيك فيه بليييييييز أبي أكلمك" مها.."فوفوحبيبي وينك فيه؟؟.. لي 3 أيام انتظر ردك عالموضوع اللي قلت لك عليه..بليز خبرني متى حتكون متصل لأني أشتقت لك موت وخاطري أسولف معاك" سامي.."أقول أبو عزوز وينك يالبايع..أدق على موبايلك مغلق..عالعموم أول ما تفتحه عطني رنه أبيك ضروري" ومسج من جوي ومن نوره ونهى وجوجو ونوف وربا وميري و15 مسج من عبير وهند تعاتب ودلال تشره وليندا تقول(I Love you fares) وحااااااااااااااااااااله.. صح إنه نص العالم تبيه ضروري بس هوه حس إنه ما في شي مهم إلا صاحبه ..فقرر يقفل ويدق على سامي بس قبل لا يخرج جاه مسج من شخص غريب إسمه(koka)<< يعني خوخه بس هو مافهمها... مكتوب فيه.. "هاي بندر..أنا احلام.. كويس إني لقيتك اون لاين ..لا تستغرب اخذت إيميلك من سماهر قبل اسبوع وحبيت اتكلم معاك بخصوصها..فاضي الحين..لا تطنش لان الموضوع ما يتأجل" بندر استغرب"شنو سالفة هالبنات اليوم؟؟"!! الإيميل غريب عليه(koka).. وسماهر.. واحلام.. وموضوع ..والمصيبه الكبرى(بندر) هو ما خبر أحد بإسمه الحقيقي لكل البنات اللي يعرفهم بس بنفس الوقت كان عنده فضول يعرف مين هالشخص واش سالفة البنات هالأيام ..لأنه متوقع إنه مقلب من واحد من الشباب: إيه فاضي..إش فيه؟؟ koka خلود:ههههه..حلوهkoka تقدر تقلي أحلام (أحلام إسمها الحقيقي خلود بس هي مو راعية حركات فما قالت إسمها الحقيقي) بندر:أوك يا(أحلام)!! خلود:اول إذا ماعندك مانع ابي افهم شنو صار أمس.؟؟...أبي تفسير...بليز بندر باستهبال وهو موداري شالسالفه:ماصار شي خلود عصبت"جد متخلف....لا ويستهبل بعد...غبيييي":لا تستهبل انت ووجهك..سماهر قالت لي عالكلام اللي دار بينكم أمس وحسيتها من طريقة كلامها إنها متضايقه حيل وتبي السالفه تنتهي بندر حس إن السالفه جد مو مقلب بس كمل دام السالفه فيها بنات وبالمره يتأكد إنه مو مقلب فرد:طيب؟؟ كملت خلود:بصراحه ما عجبني حالها فقلت لها أنا بحل الموضوع وعطتني إيميلك عشان نتفاهم بندر مازال يستهبل:ليه ما خذيتي رقمي؟؟؟ خلود طلعت عيونها"جد متخلف إش يبي هذا؟؟":خيييييييييييييييييير؟؟؟؟ بندر مسوي فيها جد:الخير بوجهك...المهم...المطلوب؟؟ خلود بدت تفقد أعصابها من أسلوبه البارد..فقالت: كل اللي عليك إنك تسيب البنت بحالها وتنساها برضاك أفضل لك ولها بندر:لااا!!...والله تعرفين تهددين..زين وإذا ماتركتها؟؟ خلود من جد عصبت :الظاهر سماهر ما قالت لك وش سويت في اللي قبلك!!..بس ببساطه أقدر أرسل لك 3 يدوسونك ويعفسونك ويجيبون لي راسك بعد فااااااهم وإسأل عني وشوف <<< تخوف!! بندر لما شاف السالفه فيها أرواح ومعارك ولما حسها معصبه..تأكد إنها غلطانه بس مابطل استهبال:طيب قبل أبي أعترف لك بشي خلود:؟!!!<<يعني إيش بندر بيفجر القنبله: أنا مو بندر خلود:أجل أخوه الملقوف طلال بندر: ولا طلال خلود وبسرعه:أجل؟؟ بندر يلعب بأعصابها:أنا.......... خلود بقلة صبر:مييييييين؟؟ بندر حب يلعب بأعصابها شوي لأنه حس إنها معصبه فما رد:........................... خلود:أنا بقلك مين...انت واحد متخلف وأهبل ووقح..<<الأخلاق عندها صفر بندر ضحك على اسلوبها "هههه تعصب بسرعه":أنا فارس هذا اولاً.. ثانياً أنا ما أعرف أحد إسمه سماهر ولا بندر ولا طلال ولا حتى أحلام.. وخمنت إنك غلطانه بعد فتره جاه الرد<<مصدومه:كييييييييييييييف؟؟ بندر:كأنك غلطانه(احلام) تاكدي من الإيميل زين وبعد شوي راحت خلود تتأكد من الإيميل فاكتشفت إنها من جد غلطانه شرطه بسيطه غيرت مكانها من فوق لتحت قلبت كللل شي وودتها لشخص ثاني..ولما رجعت لقيت بندر مرسل بندر:سلامااااااااات!!.....ما صدقتي؟؟ خلود تبي تعتذر:معليش أخوي من جد طلعت غلطانه بجد سوري عالأسلوب اللي كلمتك فيه..بس كان فيه تشابه أسماء..بليييييز اعذرني بس عندي سؤال؟؟...<<توها الاخلاق طلعت بندر مسوي فيها اخلاق:حصل خير ..تفضلي اش تبين..<<بدأ يتميلح خلود:دامك ما تعرف لا سماهر ولا احلام ليه سألت عن الموضوع وكملت..????? بندر:أبد..توقعت واحد من الشباب مسوي مقلب..بس ما قلتي لي إنتي من وين خلود"والله يا هذا يبي يتخفخ هو ووجهه مصدق حاله":وإنت وش دخلك؟؟ بندر:بس أسأل!! خلود تبي تخلص:من الرياض بندر:يعني سعوديه خلود:لا مصريه..هاهاها بندر:هاهاهاها خلود اشتغلت عندها اللقافه:وإنت من فين؟؟ بندر:وإنتي وش دخلك؟؟<<يستهبل خلود تكمل إستهبال:بس أسأل!! بندر:من السعوديه بس ما أعرفها ولا رحت لها خلود متفاجاه:جد! بندر:لا عم..هاهاها..إي والله جد خلود:كيف يعني؟؟ بندر:انا من عرفت نفسي ساكن ببريطانيا خلود:بس ما شاء الله تعرف تحكي عربي بندر:أصحابي كلهم عرب وخليجيين بعد.. خلود:والله؟؟.. انا بعد عيال عمي عندك ببريطانيا بس إنت بأي مدينه؟؟ بندر:برايتون خلود: والله!! هم بعد في برايتون بندر: طيب مين هم يمكن أعرفهم..(حلوم) خلود عصبت"لا مصدق حاله يمون":أقول متى الميانه(حلوم) لااااااا صدق وقح عبالك بقلك إسم العيله..تراني مو غبيه وعلى فكره اسمي الحقيقي مو أحلام.. بندر:اجل!! خلود:إش اللي اجل صدق إنك خبل..ما قلت لك إسم العيله بقولك إسمي بندر:هيييييييييييييييييييي...هيييي....أقوووول بلاش نغلط على بعض خلود ضحكت:آسفين بس جد أسئلتك سخيفه انتبهت لعمرها:اوه سوري بندر:والله ألفاظك رااااايحه فيها خلود:هاهاها..يا شينك ياأخي..يالله انا مضطره أروح أتفاهم مع بندر(الحقيقي) بندر:بس أكتبي الإيميل عدل هاه<<دقه خلود:لا ما عليك يالله باي بندر وناوي على شر:لحظه لحظه.. خلود في نفسها"إش يبي هذا بعد": هلا بندر:هلا فيك بس بغيت طلب خلود:آمر اخوي<< ما تدي فرصه بندر:أبد بحكم إن الصدف جمعتنا مع بعض... خلود ما انتظرته يكمل كتبت:اخلص الزبده بلا صدف بلاهم.. بندر بنفسه"لا هذي يبيلها شغل شكلها صعبه":أبد عادي احتفظ بإيميلك؟؟؟؟؟؟؟؟؟؟ بندر كان متوقع الرد على طول...وغمض عيونه عشان لا يشوف.. خلود بعد تفكير:إيه عادي وبعد فتره فتح عيونه وناظر شاشة اللاب..وصرخ:يس!!! بندر:اوكي نتقابل... خلود استغربت"نتقابل؟؟":...باي بندر:بااااااااااااي وقفل الماسنجر وطنش الباقيين وكان حيل مبسوط ومستانس لانه لقي له وحده جديده يلعب عليها زماااااان ما استهبل على أحد جديد كل اللي عنده من زمااااان...بس هو ناوي يغير لأنه طفش كثير.. والظاهر إنها صعبه وهو يموت عالتحدي<<مع نفسه طبعا أما خلود بعد ما قفلت الماسنجر سرحت بأفكارها وهي مستغربه ليه وافقت يحتفظ بإيميلها على قولته بس أقنعت نفسها بأن السبب إنها كانت طفشانه والسالفه تسليه وإنه حتى لو فكر يستهبل ويسوي حركات يمين وشمال فهي وقتها تعرف تتصرف معاه..وبالنهايه كذا ولا كذا كل الدعوه إيميل لا راح ولا جاء.. هذا اللي كانت خلود تقنع حالها فيه.. ************************************************** ************************ احم أحم.. أعرفكم على بندر.. بندر:عمره(21) سنه ملامحه خوووقااااق وعليه ابتسامه عذاااب ..ماخذ الدنيا لعبه ومهزله..ماله إهتمامات محدده...طويل وجسمه مره جناااان عيونه وسيعه مع حواجب مرسومه رسم واللي تعطيه ملامحه حده وبنفس الوقت جاذبيه مع رموشه الكثيفه نظراته تعيشك بعاااالم انفه سلة سيف..له شنب خفييييف..مزااااجي درجه اولى أما طبعه واخلاقه سبق وتكلمنا عنها ************************************************** ************************ قام بندر وفتح موبايله ودق على سامي خويه .. بندر:ألووووووووو صاحب السمو<< بندر دايم يقله صاحب السمو سامي:هلااااااااااااااااا بندر وينك يابو الشباب بندر:والله بالبيت<<يستهبل سامي:لا والله جد وينك وليه جوالك كلش مغلق بندر:ابد البطاريه فارغه سامي:يومين فارغه يالنصاب!! بندر:إيه والله وتوي شحنت سامي:عيل نعيماًً<<عيل بالكويتي=أجل بالسعودي بندر:أنعم الله دنياك إلا شخبارك وشخبار الشباب سامي:والله بخير ويسألون عنك قلت لاهي مع بناته..وانت اشلونك بندر يضحك على كلمة بناته:الله يسلمك..إلا إش الموضوع اللي صجيتني فيه سامي:إيه زييييين ذكرتني الله يذكرك بالشهاده بس ما يصير عالموبايل بندر:طيب وين أشوفك فيه سامي: براحتك إشرايك تمرني بالبيت بندر:على خير إنشالله أبدل واجيك مسافة السكه بس سامي:فمان الله بندر:مع السلامه سامي:هو صاحب بندر الروح بالروح من 6 سنوات وهوه كويتي بس أمه أجنبيه وساكن ببريطانيا عند أخواله.. ويحبون بعض كنهم أخوان وتقريبا يشبه بندر كثييير في كل شي بس يختلف عنه إنه مو راعي بنات وإنه راح للكويت قبل وتقريبا كل إجازه يروح لها.. ************************************************** ******* لبس بندر ملابسه وأخذ جواله ونزل..لقي أمه وخواته بالصاله جالسين.. بندر بابتسامته المعتاده اللي تظهر غميزاته:هايوووووووو أم فيصل:هاي بندر..وينك..ماصرت أشوفك.. بندر يضحك ويبوس راس امه:هههههههههه يمه الله يهديك ما عليك حي أرزق على وجه الكره الأرضيه.. عهود بدفاشه:إخخخس من وين جايبها ذي..حي أرزق بندر:من مسلسل مدبلج يا أبو الشباب.. عهود:أقول أقول بالله طالع وجك بالمرايه وجه مسلسلات مدبلجه.. بندر:ليه وش فيه وجهي كاني أهبل والبنات كذا علي ..ويأشر بيده عهود: أنا ما قلت تهبل ولا لا أنا أقول مو وجه مسلسلات مدبلجه بندر:لا أنا مسلسلاتي المدبلجه تجي عالطبيعه كذا عهود:إييييييييييه قول كذا من أول بندر:شفتي إش لون!!..وبتريقه:إنتي هنا..تصدقي ما شفتك ويأشر على دانه دانه:أشلونك بندر وشنو أخبارك وأخبار السياسه وياك.. وتغمز له <<السياسه يعني جوري بندر:والله انا تمام بس السياسه هاليومين فيها خراب وأمور غلط وزي مانتي عارفه يعني دانه:إييييييييه وصلتني الاخبار عهود بخبث:لا والله احلف إنت وياها..إش سياسه وما سياسه إش السالفه.. بندر يصرف باستهبال:لا ياقلبو..هذي سواليف كبار لا كبرتي تفهمين طيب ياحبيبة ماما عهود عصبت:هيييي إش تحسبني بزره تستهبل معاي بندر:لاااااا حاشاك بس أحسبك بزره..هاهاها عهود:هاهاها بايخه بندر:اقول يمه أنا طالع احسن من مقابل وجه هالقرده<<يقصد عهود.. وانتي يادانه بعدين أبي اكلمك دانه:أوكي عهود ضغطها ارتفع:بندرووووووووه أنا القرده يالخنزير يالثور ..<<الأخلاق عندها مو شي بندر ما رد عليها ووقف..طالعها بنظره وابتسم ولف:يالله ماما قود باي..سي يووو أم فيصل:باي ..تيك كير بندر بندر:أوكي وجابيطلع وما حس إلا بضربه على راسه كانت بتفقده الذاكره..لف مفجوع لقي عهود وباين إنها واصله حدها وضغطها واصل الألف..مسك على راسه وطلع وهو خايف:أييييييي حشى ماهي بنت هذي وحش.. فيصل كان توه راجع من الشركه و شاف أخوه وشكله طالع من حرب:سلامات بندور شالسالفه تصفقت..؟؟!! ويضحك بندر:ابشرك..صراحه أكتشفت ان بالبيت وحوش فيصل:ههههههههه أكيد عهود هي اللي مكفختك بندر:إيه والله ياخوك ومن غيرها كنت بفقد الذاكر يمه منها تخوف فيصل يضحك:إلا على وين أبو الشباب بندر:رايح لسامي فيصل:ياااااااااا هذا السامي يأخي ارحم هالولد كلش ناشب فيه خله يتنفس بندر:أقول أقول عن اللقافه..بروح لخويي وإنت اش خصك؟!! فيصل ويضحك: زين وصله سلامي بندر:يوصل بس اش رايك أروح بسيارتك سيارتي يبيلها شغل ما أعرف إش فيها فيصل:زين خذ المفتاح بس شوي شوي لا تسويلنا مصيبه..ولا تدخن فيها ما أبييصير ريحتها بندر اخذ المفتاح وهو ماشي:لا توصي حريص فيصل:الله يستر منك ما أخاف إلا لاقلت هالكلمه ركب بندر السياره ومشى.. ************************************************** ********* أعرفكم بعائلة أبو فيصل.. ابو فيصل  عبد العزيز) رجل اعمال ناجح وله مكانه راقيه بالمجتمع يدير شركات العيله بالخارج عشان كذا هو ساكن هناك على طول حنون حيل و يحب البنات كثير بس مع الأولاد يكون شديد أحيانا..ام فيصل(جواهر): جميله وجديه كمان وهي زوجة ابو فيصل...سعوديه بس عايشه كل حياتها بالخارج..لها زيارات بسيطه للسعوديه..عشان كذا تعرف تحكي عربي بس مو مره..واللي ساعدها مكان سكنهم اللي حولهم كلهم عرب وخليجين..واحتكاكها مع الأجانب قليل فيصل:الولد الكبير بالعيلة يدرس بالجامعه آخر سنه قسم هندسه ويشتغل بعد الدوام مع أبوه بالشركه عمره(23)سنه مملوح وشخصيته مره حلوه بين الجديه والفله ويغلب عليه الهدوء..مرررره رومانسي..طويل شوي يعني أطول من بندر.. وملامحه هاديه تعطي إحساس بالراحه للي يشوفه لأول مره..عيون ناعسه مع رموش كثيفه وانف معتدل مع شنب خفيف وسكسوكه مرتبه معطيته جاذبيه بندر:عرف سابقا<<هذي سارقتها دانه:عمرها(20)سنه دلوعه وحلوه والدلع لايق عليها بالمره شعرها ناعم ولونه بني غامق جسمها نحيف وبشرتها بيضاء عيونها وسيعه مع رموش كثيفه وخدود متورده وناعمه...مرررره كيوت.. عهود:عمرها(18) سنه تشبه بندر كثييييييير حبوبه ودمها خفيف بس إنها رجه وفيها دفاشه أحيانا ..تحب تغامر وفيها فضول يذبحها بس تعصب بسرعه وإذا عصبت الله يعين..لون بشرتها زي دانه بس هي تتعمد تخليها سمراء أو برونزي...ماتحب أحد يدوس لها على طرف لو مهما يكون ووألزم ماعليها كرامتها..شكلها طبيعي كيوت راكان:أصغر العيال ودلوع العيله ومع إنه أصغرهم إلا إنه أعقلهم وذكي بالمره وملامحه وأسلوبه في الكلام زي الكبار..عمره(16)سنه ************************************************** *************** نرجع للعائله.. عهود:إلا دندونه حبيبتي إش كان يبي منك بندر..واش كان يقصد بالسياسه دانه بأسلوب غريب:لا سلامتك ما يبي شي.. عهود بعفاشه:أقول بلا هبال وقولي دانه وهي تشد على أسنانها:أقلك ما كان يبي شي...وناظرت أمها عهود أخيرا فهمت إنه ما ينفع السالفه تنقال قدام امها:أهاااا..إيه طيب سكتوا شوي.. أم فيصل:عهود متى يبدى الexam تبعك عهود:أوهووووووووه يا ماما باقي كثييييير يعني حول سكس ويكز ام فيصل: أهااا..قود لاك دانه:وانا ماما مالي رب.. أم فيصل: نو مو قصدي..بس أنتي ماينخاف عليك..أختك اللي آخر إهتماماتها الدراسه عهود:ماما بقي بدري عالهم لا صرت بآخر سنه بشد حيلي أم فيصل:الله يوفقكم....(وقفت) أنا رايحه أشوف إذا جهزت الأغراض فور تمورو دانه:ليه إش فيه بكره.. ام فيصل:تمورو آي إنفايت ماي فريند هير.. عهود:إكككككككشخ..ياللي تعزم..غريبه بالعاده انتي تروحين لهم أم فيصل:عشان كذا هالمره قلت العزيمه عندي عهود:والله حركاااات أجل دام البيت بيكون مشغول بكره أنا بروح لوجود دانه:وانا بروح السوق ناقصني شوية أغراض أم فيصل:اللي يريحكم..يالله أنا بقوم......وقامت ام فيصل انتظرت دانه لين دخلت أمها المطبخ.. دانه:الله يرجك يالخبله بغيتي تفضحينا عندماما عهود بعصبيه:وأنا وش يدريني إن السالفه فيها إن دانه:واضحه..من أول وبندر يتكلم بالألغاز عشان امي ما تفهم وبعد أستهبالك والتناكه اللي فيك أحس امي حست أن فيه شي بس ما تكلمت عهود:إيه ما علينا الحين قولي لي إش السالفه.. دانه:طيب تعالي فوق بغرفتي وأحكيك عهود:يالله.. ويوم جو بيطلعون إلا الباب ينفتح ودخل راكان دانه :هلاااااااا راكان.. عهود:هلااااااااا أخوي كيفك واش أخبارك وينك؟؟ راكان:والله أنا موجود بس إنتم اللي ما تسألون عن أخوكم هو حي ميت..الله يسامحكم بس عهود:يعينك إنت اللي متقطع عشاني راكان:أنا الصغير.. عهود:وانا بنت.. راكان يستهبل:والله..تصدقين؟!..حسبالي واحد من الشباب عهود:الظاهر إنك بتلحق أخوك.. دانه وهي تضحك:أقول راكان إلحق عمرك قبل لا يصير فيك اللي صار في بندر من شوي راكان:إلا هو وينه؟ دانه:طلع من شوي راكان:شوف النذل ..اليوم موصي علي يقول لا يجي المغرب إلا وانت هنا دانه:ليه إش كان يبي منك.. راكان:يقول إنه اليوم ما عنده مشاوير ويبينا نختم شريط البلايستيشن الجديد عهود:صدق إنكم فاضيين..لو أنا ولد كان ما تشوفوني بالبيت وانت جاي تختم شريط بلايستيشن راكان ويرفع يده::الحمد لله إنك منتي ولد وإلا كان لندن عليها السلام.. عهود بعصبيه:شقصدك يعني؟؟ راكان وهو ماشي:أبد ما أقصد شي..أقول دانه قولي للخدامه تعطيني شي آكله ترى جوعان حدي دانه:زين تامر أمر راكان من بعيد:تسلمين يالغاليه.. عهود:أقول إمشي خليك من هالرومانسي وتعالي قولي لي عالسالفه دانه وهي تضحك:يالله بس لا تعصبين.. ************************************************** *********** بندر:سلاااااااااااااام سامي:هلاااااااااااا وينك يا أخي مغبببببر زمان عليك بندر:كح كح سامي:سلمات تعبان؟؟ بندر:لا عندي ربو من الغبار سامي بدلاخه:أي غبار بندر:مو على أساس أنا مغبر؟؟ سامي:ههههههههه الله يحييك إلا اشلونك.. وجلسوا بندر:توي مكلمك وقايلك بخير<<يحب الإحراجات سامي:إيه ما علينا...خلني اقلك السالفه.. تخيل من كلمني..!! بندر:إنت جاي تقولي سالفه وإلا خيال..مين؟؟ سامي:جوري بندر بصدمه:جوري!!!!!!!!! سامي:إيه جوري بندر وهو بقي مصدوم:متى وكيف واش تبغى ومن وين جابت رقمك واش قالت لك واش قلت.. سامي:الحين على إيش أجاوب بالضبط.. بندر:عليهم كلهم سامي: لهالدرجه تهمك!!..طيب ياعمي طبعا كلمتني قبل يومين وسألتني ليه موبايلك مغلق فقلت لها إني ما أعرف وإني أنا بعد أدق ومغلق ورقمي ماقالت من وين جايبته وسألتها إش تبي فقالت لي أول ما أقابلك أقلك:إنها اكتشفت إنها فاهمه السالفه غلط وتبي تعتذر عن المسج اللي ارسلته لك.. وعن اسلوبها معاك.. بندر:طيب ليه دقت عليك إنت بالذات..أقصد ليه ما دقت على دانه مثلا سامي: أنا بعد سألتها نفس السؤال فقالت:إنها ما حبت يوصلها شي قبل ما تنحل السالفه.. بندر:طيب تتوقع كيف عرفت إنها غلطانه.. سامي:والله ما اعرف بس إنت دق وشوف.. بندر:خلها الحين لا رجعت البيت بدق.. سامي:طيب ليه مادقيت ولا سالت علي ياخي بالكذب حتى بندر:والله مشغول مع الوالد بأمور الشركه يعني تعرف سامي:الوالد وإلا......شوي إلا دق موبايل بندر رد بندر:هلاااااااااا جسوم.إش لونك.. جاسم:والله بخير إشلونك انت بندر:والله تمام..كيف الشباب جاسم:بخير نحمد الله وينك يا أخي لنا يومين ماشفناك ولا حس ولا خبر.. بندر:أبد والله مشغول جاسم:والحين وينك بندر:الحين انا مع سامي جاسم:وهو وشلونه بندر:بخير ما عليه جاسم:طيب حنا بشقة عبود متجمعين ويا الشباب إش رايك تجونا بندر:أوكي بشوف سامي وأرد لك....خلك عالخط........أقول سامي الشباب مجتمعن عند عبود إش رايك نروح؟؟ سامي:نروح والله لهم وحشه بندر:إيه خلاص الحين جايين مسافة الطريق بس.. جاسم:على خير بندر:مع السلامه ومشو عالشقه... عبود هذا واحد من أخوياء بندر من السعوديه مالهم إلا 3شهور متعرفين عليه لأنه جاي يدرس وبيجلس عندهم 6 شهور بس بسرعه خذا عليهم وهمه كمان نفس الشي وصارت علاقتهم قويه جدا.. وهذا عبود أخلاقه مو شي بس بندر متعلق فيه لأنه فله ويفهم على بندر كثير واثنيناتهم حقين بنات ************************************************** ******** في غرفة دانه عهود:أجل بندر يحب جوري.. دانه:هههاااي بندر يحب؟؟...لااا..بندر ما يحبها بس مجرد صديقه بس الظاهر هي تحبه عهود:وانتي كيف عرفتي.. دانه:أولا..واضح من كلامها عنه..ثانيا هي لو ما تحبه كان ما تغار من وحده بندر يكلمها ولا وتسوي زعل وتهزئ عهود:طيب..هي كيف عرفت السالفه.. دانه:مني طبعا...هي دقت تشكي لي منه وانا فهمتها إن بندر يعرف كثير غيرها بس كلهم لعب.. ولا وحده يحبها وإنها هيه الوحيده اللي يحمل لها معزه وبس وسألتني ليه أنكر غنه يعرفها...فقلت لها ان بندر لما يتعرف على بنات مايقل لأي وحده فيهم اسمه الحقيقي عشان هالشي مايضره لو حب وحده عن جد.....وفهمتها انه ما تذكرها مع اني بجد مو عارفه ليه بندر انكر انه يعرفها عهود:أهاااااااااااا..والله منت بسهل يابندر..هالولد شيطان... دانه:إيه..عرفتي السالفه..خلاص أبي أنام عهود:هذي طرده؟؟.. دانه:لااااا حاشاك..بس من جد تعبانه وبكره وراي جامعه عهود:أوكي تصبحين على خير يالدافوره دانه:وانتي من أهله بس سمي علي عهود وهي طالعه:ما بسمي خليك تخفين على نفسك شوي دانه وهي تضحك على كلام اختها:الله يهديك يا عهود ************************************************** *************** في سيارة بندر سامي يسولف:إيه وأقولك........ورن موبايل بندر للمره العشرين بندر برومانسيه مصطنعه:هلااااااااا والله وغلا بهالصوت سامي:الله ياكثر ما تشلخ ياشيخ.<< تشلخ=تكذب عبير:هلا فيك يابعد قلبي بندر:إشلونك عبير عبير:تمام وأنت اشلون فوفو اشتقت لك حيييييييييل ليه الطنش بندر:أبد والله مشغول هاليومين عبير:طيب على الأقل رد على مسجاتي بندر:قلت لك مشغوووووووووول عبير:طيب والحين.. بندر:حتى الحين مشغول...بس ولا يهمك اليوم قبل لا أنام بكلمك.. عبير:اوكي حبيبي انتظرك بندر:اوكي..باي حبيبتي عبير:باي ياقلبي وقفلت وبندر يقلد صوتها"باي يا قلبي":ياخي هالبنات كرهوني بالرومانسيه ما يصلحون أبد للرومانسيه سامي:يعينك يالرومانسي إنت..و دامهم كرهوك على قولتك بالرومانسيه إش اللي حادك على هالبنات....وبعدين هذي عاشر وحده تقلها بكلمك قبل لا أنام من بتكلم ومن بتخلي.. بندر:من قال إني بكلم أحد ولو بكلم يمكن جوري.. بس تبي الصراحه وناسه اللعب ومو كل يوم بتلاقي من يسليك ويسمعك كلام معسول ببلاش سامي:إيه إش معنى جوري؟؟..لا يكون........ بندر يقاطعه:أقول لا يروح فكرك بعيد..بس عشان كنا متزاعلين والسياسه خربانه فما يصير.. سامي:إيه..بس تبي الصراحه..يوم كان جوالك مغلق أفضل..ياخي عالأقل أهلك يقدرون يسولفون معاك مو مثلي كل ما جيت ابابدأ يرن موبايلك.. وتراني.... وما مداه يكمل إلا يرن موبايل بندر بس لما حس إن سامي معصب حطه عالصامت.. وجلس سامي يناظر بندر وعيونه بتخرج من مكانها زي اللي حااااااااااقد بندر وهو يضحك:خلاص ولا يهمك..أول ما نطلع من الشقه بمر اشتري رقم جديد عشانك وبخليه خاص لك وللشباب والأهل سامي بقهر:إيه زين تسوي...بس قلي إنت متى بتبطل سجاير؟؟؟ بندر:لو بكيفي اليوم قبل باكر...بس مو بكيفي سامي:اجل بكيف منو؟؟ بندر:ما اعرف والله بس انت شفت حالتي لما تركته أسبوع سامي:إييييه هو انا أنسى هذاك الأسبوع...صاير كبريت بس احد يقلك كلمه قمت عليه أعوذ بالله بندر:ههههههه زين إنك بقي فاكر وجلسوا يسولفون لما وصلوا للشقه.. طبعا سهروا إثنيناتهم لما الساعه1 بالليل وبعدها طلعوا لأن بندر ممنوع يتاخر عن البيت أكثر من هالوقت بسبب النظام الصارم اللي حاطه أبوه عبد الله:على وين شباب بندر:والله لازم نمشي أولا أنا تعبان وثانيا بكرا عندي دوام بالمعهد سامي:وانا بعد هم عندي دوام عبدالله:أجل نتقابل بكرا بندر:امممم على حسب لو كنت فاضي مريتكم عبدالله:أأووووكي ورجع كل واحد على بيته طبعا بندر أول ما رجع للبيت كالعاده فتح الماسنجر لقى خلود أون لاين "حلو داخله...هذي فرصتي"....أرسل لها:مساء الورد خلود كانت حييييييييل طفشانه ومزاجها مقففففففل لأنها نامت كثير بعد مارجعت من المدرسه وماصحت إلا 11 فما جاها نوم ولما فتحت إيميلها ماكان فيه احد داخل فجلست تطقطق بالنت لما جاها مسج بندر وكأنها اللي ماصدقت تلقى حد تسولف معاه فأرسلت:هلا والله مساءالنور بندر:كيف الحال خلود:تمام انت شلونك بندر:تمام...شكلك مشغوله مو؟؟.. خلود:لا بالعكس زهقااااااانه حيل ومو قادره انام.... خلود بنفسها بعد ما ارسلت المسج"شاللي خلاني أقله كذا صدق اني غبيه" بندر بنفسه"حلو...زهقانه!!" وارسل:وليه موقادره تنامي شاللي شاغلك خلود:ولاشي بس لأني نايمه بالنهار بندر:أهاااااااااا....طيب ماعندك دوام بكرا؟؟ خلود:وانت شدخلك عندي ولاماعندي موشغلك؟ بندر:يووووه منك ماتبين تسولفين؟؟ خلود:وانت هذي سواليفك صدق ممل!! بندر عصصصب وقرر يوريها لأن محد قد قاله كذا:زين ياست الحسن ورينا سواليفك خلود:غصبا عليك ست الحسن.... بندرهنا وصلت معاه:احد ضاربك على يدك وقايل لك سولفي معي!! خلود:من زينك عاد أنا بس كنت زهقانه قلت اتسلى عليك انت ووجهك بس والله جاني نوم من سواليفك بروح انام...وطلعت حتى قبل لايرد عليها بندرلما شافها طلعت جد:يؤيؤيؤ صدق ماهي سهله هالبنت سحبت علي وطلعت بس هييييييين اما طيحتك على وجهك يا أحلام ما اكون بندر وراح ينام وكانت الساعه 3 الفجر وطبعا ماراح المعهد لأن أخونا ماصحى من الأساس إلا العصر....(حشى كيس نوم يابندر) أول ماصحى على صوت موبايله..كانت جوري..."اووووف شتبي هذي" ورد بصوت كله نوم:هلا جوري بصوتها اللي كله نعومه:مساء الورد بندر بأسلوب جاف:مساء النور جوري:بندر أنا آسفه أدري انك لسا زعلان مني بس والله ما كنت ادري ان الموضوع كذا ولما فهمت الموضوع حاولت ادق عليك واعتذر بس موبايلك كان على طول مغلق فرحت ودقيت على سامي واتوقع قالك اش قلت له بندر بنفس لاسلوب:إيه قال...والمطلوب؟؟ جوري:بندر تكفى ما احب تكلمني بهالاسلوب انا بس حبيت اعتذر لك عن اللي حصل..وياليت اللي بيننا يظل مثل ماهو بندر:جوري اساسا مابيننا شي ..كل اللي يربطنا انك صديقة اختي دانه..و...... قاطعته جوري:بس أنا يابندر أحبك بندربحنان مصطنع:وانا قلت اللي عندي...أنا ماعمري اعتبرتك إلا مثل دانه وإذا موأقل فمو أكثر واعتقد كلامي واضح...جوري أنا ما أبيك تحقدين على أو تنجرحين مني ولاتتوقعي بيوم اني كنت العب واتسلى معاك مثل بقية اللي اعرفهم كل السالفه اني اعتبرتك اخت وصديقه لا أكثر...وياليت تفهميني جوري وكبر بعينها بندر أكثر:أنا ماعمري بحقد عليك أو أكرهك ولو ماحسيت بلحظه اني اعنيلك ولو شي بسيط ماسمحت لنفسي اني احبك((أبو الثقه ياجوري..)) بس ما أقول غير الله يهنيها اللي بتاخذك... بندر يصرفها:طيب جوري انا الحين عندي موعد وما أبي أتأخر انتبهي لحالك زين ولو احتجتيني بيوم انا حاضر جوري:مشكور يابندر وما تقصر الحين مابعطلك وانت كمان انتبه لحالك بندر:مع السلامه جوري:باي بعد ماقفلت..بندر بنفسه:وهذي جوري خلصنا منها وقام أخذ شاور وتكشخ ونزل عند أهله بندر:مساء الورد لأحلى أم بالدنيا كلها وباس راسها أم فيصل:هلابندر مساء النور بندر للبنات:هايوووو بنات كيف الحال دانه تمام عهود من راس خشمها:أنا مو تمام بندر:أفااااااااااااا عهوده مو تمام وليه؟؟ عهود:زهقانه وماما موراضيه نطلع انا ودانه لف بندر على امه:صدق ماما؟؟ أم فيصل :يس.. بس من خوفي عليهم ماصرت اتطمن عليهم وخصوصا عهود إذا طلعت مارجعت حتى اموت من الخوف عليها بندر:أفاااااااااااااا يالغاليه عهود بالعكس ماينخاف عليها هذي ينخاف منها بس دانه اللي جد ينخاف عليها عهود بعصبيه:شقصدك؟؟ بندر يغمز لها:وانا صادق عهود فهمت:إيه أكيد دانه:شلون يعني عهود تطلع وانا لا؟؟ بندر:لا ان ما قلت كذا....بس أنا عندي اقتراح؟؟ أم فيصل:وإش اقتراحك يااستاذ!! بندر:أبد الله يسلمك آخذ البنات وانا أطلعهم بنفسي عهود:يس!!....أبو الأفكااااااااااار أم فيصل: انت يبيلك من يطلع معاك... وخصوصا بعد ما صرت تكنسل دواماتك على كيفك!! دانه وعهود:خخخخخخخخ بندركشر:جد ماهقيتها منك يالغاليه بس تدرين؟؟(ابتسم)....زي العسل على قلبي ام فيصل وتضحك:هههههههه فديت روحك يماما...أموت واعرف من وين تجيب هالكلام فمك يقطر عسل.. بندر:هههههههههههههههه...هذي الله يسلمك كورسات دانه:وانا بعد ابي آخذ كورسات وتغمز لبندر بندر طلعت عيونه:والله اذبحك!! دانه وعهود:هههههههههههههههه دانه:فديت اللي يغارون بس بندر:هه مايحتاج تاخذين ماشالله طبيعي ماخذه دانه انحرجت وتوردت خدودها عهود بدفاشه:هاه شقلتي ماما نطلع ويا بندر؟؟ م فيصل وهي تقوم:إيه إذا بيحط باله منكم أوكي بندر:أفا الغاليه لا توصيني هذولي بعيوني دانه:تسلم عيونك بندوري عهو:يلا يلا نتجهز بندر:لحظه وين تبون تروحون عهود:مو مشكله انشالله الصين أهم شي نطلع بندر:هههههههه اوكي أنا انتظركم بسيارتي راحوا البنات وتجهزوا وطلعوا ويا بندر وراحوا ملاهي وبعدها راحوا السينما وراحوا لأماكن أول مره يشوفونها مع بندر(ماشالله يابندر خبره!!..يحق لك) رجعوا عالساعه10 بالليل وهم منهد حيلهم ... دخل بندر غرفته وشغل موبايله اللي مقفل من لما طلع مع أخواته(تدرون يخاف من الفضايح) لقى نص العالم كالعاده داقين عليه... دق على سامي واعتذر منه لأنه ماقدر يقابله لا بالمعهد ولا برى المعهد وبعدها...دقت عليه سهى وتمت تعتذر وبندر يصد عنها لحد ماقفل بوجهها بالنهايه..وبعدها دقت عليه مريم اللي ماقفل منها حتى طيحها على وجهها مثل مايقول وسلوى اللي كسر غرورها بمكالمه وحده ولا نهى اللي رماها ببحره ونساها.....و............و.............إلخ من البنات اللي بندر بعالمهم وهم عنده ((صفرين عالشمال مثل مانقول أو تمشية حال)) كل البنات ألعاب بيده يوديهم ويجيبهم مثل مايبغى ومع كذا مايرضى أحد بس يناظر خواته...هذا هو [[ بندر]] عالساعه 1 ونص بالليل كان بندر توه مخلص مكالماته...وبس يترك جواله من هنا يمسك الماسنجر من هنا هذي حياته... دخل لقى كثيرين متصلين بس هو داخل اوف لاين.. وكان بس منتظر خلود تدخل لأنها الوحيده اللي مامشت على هواه..وعلى قولته كان يبي يوريها طريقها عدل.......<<بلاك ماتعرفها عدل يابندر بعد ساعه تشقق بندر من الوناسه لما شاف.."تم تسجيل دخول العنيده" حول حالته على...اتصال..وما أرسل لها شي خلود لما شافت مافي أحد من صديقاتها متصل.."أفففف....اش هذا القرف والله ملل...شنو اسوي الحين؟؟" شوي إلا جاها:تم تسجيل دخول فارس وبس شافته كذا قفلت إيميلها وراحت تنام بندر بس طلعت خلود ارتفع ضغطه اول مره تجي له وحده ومايفهمها ولا يعرف شلون يتعامل معاها مع إن جاله أصعب منها بس بيومين قدر عليهم أما ذي غير بندر بنفسه"هذي ماعندها احساس !!....شلون تشوفني متصل وماترسل شي..حتى لو ما أهمها...معقوله أنا ممل صدق لهالدرجه وسوالفي ممله مثل ماتقول!!....بس لا كم وحده أعرفها أنا ولا وحده قد قالت لي هالكلام..وبعدين حتى لو هذا شي طبيعي أنا ما أعرفها شنو تبيني أسولف فيه أذكر أول مره سولفنا فيها ماعطتني فرصه حتى أقلها حلوم..وإذا كنت محترم قالت سوالفي ممله...يووووه اش فيني مهتم بالموضوع بالطقاق مصيرها لي مثل غيرها" بعدها جلس بندر يومين وهو كل مايفتح إيميله يلاقي خلود أو مثل مايسميها[العنيده]...مو متصله ويطلع على طول مايدري ليه ..كأنه بس يفتح إيميله عشانها مع إنها ترفع ضغطه بس كان يستانس نوعا ما لما تتحداه وماتعطيه وجه<< البس مايحب إلا خناقه و هذيك الليله كانت خلود متفقه مع بنات عمها على اساس بالليل يفتحون إيميلاتهم.. وفعلا دخلوا سوا وظلوا يسولفون حوالي ساعتين..وبعدها كل وحده راحت تسوي شي..أما خلود كالعاده ماعندها شي محدد لأن اوضاعها مقلوبه ومتنام إلا لما اللي بالبيت يصحون وتصحى لما ينامون وتداوم مدرستها مواصله وحالتها حاااااااله...بعدماخلصت محادثاتها مع البنات جات بتقفل إيميلها لقت بندر متصل...قالت تشوف اخباره مو بالعاده يديها طنش كذا فأرسلت: سلاااااااااام بندر كان من اول ينتظر خلود تعطيه وجه وكان متطمن لأنها أكيد شافته متصل بس هالمره ماطلعت وسحبت عليه مثل كل مره وبس شافها عبرته تشقق من الوناسه فرد وقلك ثقل:هلا خلود ومستغربه من اسلوبه:كيف الحال؟ بندر:تمام وانتي؟ خلود بنفسها"لالالا الولد مو طبيعي": ماشي الحال اش مسوي شكل مالك خلق تسولف بندر:لا مو كذا بس على اساس سواليفي ممله مو؟؟؟ خلود:والله أول اهون على قول المثل"العوش ولا العمى" سواليف ممله ولا هالبرود بالردود بندر هنا بدا يدرس هالبنت...(1- ماتواطن البرود):لا أخاف تسبي وتلعني وتطلعي مثل المره الأولى.. خلود:أوووه لسى فاكر....سوري بجد وقتها كان مزاجي مقففففل أنا كذا لما اعصب بندر وكمل استنتاجات(2- أخلاقها مو شي ---> معناها معصبه أو متضايقه) ورد:وليه تعصبي ترى مافي شي يستاهل تعصبي عشانه خلود:على قولك مافي شي يستاهل.. وكملوا سواليف وكانت هالمره هي أول مره يسولفون كذا بس هالمحادثه أفادت بندر اكثر من اللي قبلها...ما..كمل معاها حتى عرف عنها أغلب طباعها وبدون ماتحس عرف إش الشي الي يقهرها وينرفزها والشي اللي يعجبها وكل كلمه كانت تقولها كان يحللها مزبووووط ويفهمها...<< مو أقلكم حريف بعدها كانوا بندر وخلود تقريبا كل يوم يسولفون ويا بعض...بس لازال بندر مو قادر يوقع بخلود..ومازالت خلود ماتعطيه وجه...يعني كلللللل تحليلاته واستنتاجاته مافادته بشي وهذا اللي مخليه يتجنن مو لاقي طريق يوصل لهالأحلام... بعد فتره...تقريبا أسبوعين.. كان بندر كالعاده طالع ويا سامي...ويسولفون...دق عليهم عبود بندر:هلا والله أبو عبيد عبود:هلافيك بندر:كيفك وكيف الشباب عبود:تمام كلهم يسلمون عليك وانت شلونك وشلون سامي خويك بندر:تمام كاهو وياي وطالعين عبود:يعني مو مشغول الليله بندر:لاعادي ليه تامر بشي عبود:أبد والله اشتقنالك وقلت اعزمك عند بالشقه اليوم بتجمع كللللنا وفيه كم واحد كمان يبون يقابلونك بندر: يبون يقابلوني انا؟؟؟...منو؟؟ عبود:ماتعرفهم بس هم من أخوياي بالسعوديه ومن كثر ماتكلمت لهم عنك تحمسوا يشوفونك فقلت اشوف إذا تقدر تجينا بندر:اوكي بشوف اوضاعي وبشوف سامي وبرد منك عبود:أوكي بنتظرك بندر بعد ماقفل من عبود يكلم سامي:ه>ا عبود داق يبينا نروح لهم بشقته سامي:والله ياهالعبود أخلاقه ماتعجبني بندر:لابالعكس أحسه يفهمني زين سامي:أحم احم بندر:لا عااااد صاحب السمو غير محد مثله سامي:إيه أحسب بندر:هههههه هاه إش قلت نروح لهم؟؟ سامي:نروح وامرنا لله بندر:يالله أجل مشينا ودق على عبود وقاله انهم جايين بالطريق وصلو ونزلوا..وسلموا عالشباب وسهروا لما صبح اليوم الثاني سهره لا تخلو من الأفلام والبلوت والمسخره والخمر طبعا كل الشباب يشربون ويسكي ويشيشون إلا هو وسامي بس هالمره بندر شرب ولاول مره بحياته بس سامي لا..وبعدها رجع..للبيت بعد ما وصله سامي لأنه كان سكرااااان.. ************************************************** ************** في بيت أبو فيصل الكل جالس عالفطور نزلت عهود... عهود: صباح الخير بابا كيفك..والله لك وحشه.. أبو فيصل وباين انه متضايق:هلا بنتي.. بخير الحمد لله..إنتي اشلونك عهود:والله بخير وراحت جلست جنب فيصل..:كيفك فصول شخبارك.. فيصل:بخير دامك بخير.. عهود:تسلم ياأخوي.. راكان:وأنا ما بتسأليني إش لونك.. عهود:لا...أعرف لونك بني محروق..هاهاها راكان:هاهاها..طيب أوريك ياالفوشيه في هالوقت نزلت دانه.. دانه:صباح الورد لأحلى عائله بالدنيا..شلونك بابا.. أبو فيصل:هلا والله بخير الحمد لله كيفك إنتي دانه:بخير دامك بخير..شلونك فيصل!!...شلونك راكان.. شلونك ماما؟؟ فيصل وأمه:الحمد لله بخير راكان: أنا بصير بخير لاانتهت المدرسه.. دانه:إلا وين بندر ما أشوفه.. دقتها عهود..إنه لا تسألين فيصل يصرف ويكلم راكان:إلا قلي شخبار الدراسه.. راكان:ماشي شاد حيلي والله أبو فيصل وهو معقد حواجبه وكأنه مهموم او تذكر شي مو زين:على طاري الدراسه..امس اتصل فيني المسؤول بالمعهد.. راكان أنأخذ عقله وجلس يتذكر إش مسوي من مصيبه بس ما حس إنه مسوي شي فتوقع إنه اتصل يمدح فيه عهود بخبث وتناظر راكان:إيه يبه وإش كان يبي؟؟ فيصل:غريبه راكان موعادته يسوي شي أبو فيصل: ومين قال إنه مسؤول معهد راكان الكل باستغراب:اجل؟!! أبو فيصل:بندر راكان ارتاح بس مو مره لأن برضو بندر ماعليه كلام فيصل:إش فيه بندر؟؟. أبو فيصل:يقول إنخفض مستواه 180 درجه وإنه مو بندر الأول فيصل: الله يهداك يبه وهذا اللي مضيق صدرك ..ماهي جديده على بندر أبو فيصل:بس هو بآخر سنه ولازم يشد حيله وبعدين ماهو هذا اللي مكدر خاطري السالفه أكبر من كذا..بعدين بتعرفها فيصل فهم إن ابوه ما يبغى يتكلم قدام أخوانه لأن الظاهر السالفه كبيره وخايف يطيح من عينهم..وشي ثاني لأن أبوه كان معصب ومايبي يتذكر السالفه.. أبو فيصل:إلا هو وينه.. دانه:مو بالبيت من أمس.. فيصل وعطى دانه نظره:أمس المغرب شفته طالع وقال بيروح حق سامي ومن بعدها ما شفته أبو فيصل:طيب دق عليه..وشف وينه لحد الحين فيصل:على أمرك.. وأخذ موبايله ودق على بندر..طبعا موبايله محطوط عالصامت عشان كذا ماسمعه.. فيصل:دقيت عليه مرتين بس ما يرد أبو فيصل ما علق على كلام فيصل والظاهر إنه مصعصصصصب بعد شوي عمت لحظات سكون قطعها صوت الباب ينفتح.. طبعا بندر كان سكران وكان متأخر عن البيت وشكله كان مايطمن والكل كان ساكت فدخل وجا بيطلع من الدرج وما انتبه إن فيه احد بالصاله وتفاجأ بصوت أبوه وهو معصصصصصب:بندر!!!! بندر:............................. ياترى اش بيصير لبندر؟؟ وإش دور خلود بحياته؟؟ ولا هي مثلها مثل اللي قبلها؟؟ المصدر: منتديات خجلي - من قسم: قصص - قصص قصيره - روايات - قصص واقعية - روايات طويلة | |||
 |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تحميل رواية فارس احلامي كاملة , تحميل رواية مشاعل من اروع روايات النت كاملة | ملآك | قصص - قصص قصيره - روايات - قصص واقعية - روايات طويلة | 6 | 28 - 6 - 2014 03:28 PM |
| رواية ضيعتني حسبي الله عليك , تحميل رواية ضيعتني حسبي الله عليك كاملة | صعب المنال | قصص - قصص قصيره - روايات - قصص واقعية - روايات طويلة | 3 | 3 - 11 - 2012 01:10 PM |
| فمان الله | عذبة الاحساس | شعر - قصائد - قصايد صوتيه - همس القوافي - قصائد الشعراء | 4 | 28 - 6 - 2012 09:11 PM |
| خلفيات فمان الله للايفون 2012 ، خلفيات ايفون فمان الله 2013 ، خلفيات فمان الله للايفون 2013 | بدرر | الايفون - برامج ايفون - خلفيات ايفون - ثيمات ايفون - العاب ايفون | 2 | 27 - 3 - 2012 01:45 AM |
| فمان الله | عذبة الاحساس | خواطر - نثر - عذب الكلام - خواطر حب - خواطر حزينة | 6 | 18 - 3 - 2012 08:30 AM |
العرض العادي
