متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 13 - 11 - 2012, 11:40 AM   #1

صعب المنال
خجلي موهوب
افتراضي تحميل روايه رماني القدر باحضانك , روايه رماني القدر باحضانك كاملة









البارت الأول:

منى بعصبيه:خلود معك يومين تجيبين جمانوه
خلود بتوتر:وإذا ماقدرت
منى تقوم واقفه وقالت بتهديد:لو ماقدرتي صورك ألي معي بتكون بيد زوجك ياحلوه قالتها بسخريه
خلود بخوف ممزوج بعصبيه:بالله عليك تقولين لي كيف أقدر وهي رافضه هالموضوع
منى برود:شوفي أنا مسافره لمصر أسبوع وأول مرد أبيها تكون بين يدي ماهو شغلي كيف تسوين هالشي
خلود وقفة ومسكت يد منى وقالت بترجي:الله يخليك شليها من بالك فيه مليون بنت تتمنى قربك
منى وهي توخر يد خلود وتاخذ عباتها:حبيبتي أنا أبي من هالمليون جمانه وبس جمانه وبس فاهمه قالتها بصرخه
خلود بقل حيله:خلاص بجيبها لك
منى وهي تلبس عباتها:شاطره حبيبتي يالله أخليك الحين وراي طياره لمصر
خلود في نفسها"عساك ماترجعين"
========================================
جمانه نايمه على بطنها وتلعب برجولها وتكلم بجوالها
جمانه:ههههههههه سوير بموت ضحك منك
ساره بعصبيه:لاتقولين سويره أكره نفسي
جمانه بعبط:إلاسوير وش أخبار جنو
ساره بتهديد:جمانوه إذا كررتي هالأسم بقول لوليد يأجل الزواج لسنه الجايه
جمانه بخوف:لا خلاص توبه كله إلا إن زواجي يتأجل
ساره ببتسامه:أي أبيك كذا مطيعه لاخرب عليك
جمانه بحالميه:لاحبيبتي وليد مايرضى علي
ساره بضحكه:بلاك ماتدرين عن ألي يصير من وراك
جمانه وهي تجلس على السرير:سارونه لا تلعبين بعصابي
ساره بجد:تصدقين أغار من حب الوليد لك
جمانه بحب:فديته حبيبي
ساره:أقول ماوديك تزورينابنات عمامي بيزورونا الليله
جمانه بتفكير:أمممممممم بقول لدادي ورد عليك
ساره وهي تضحك:هههههههه دادي ماتليق دادي على أبوك
جمانه بحزن:معك حق
ساره بندم:جوجو مو قصدي صدقيني
جمانه بهدوء:حبيبتي أدري بالي بقلبك
ساره:أوك حبيبتي أخليك الحين بلبس
جمانه:مع السلامه
ساره:باي
جمانه بعصبيه:لاتقولين باي مايجوز معنى في حفظ البابا للمسيح
ساره بضحك:خلاص مع السلامه
جمانه ببتسامه:أي كذا أبيك مع السلامه

جمانه تطالع في الجوال بعد ماسكرت الخط من ساره وتفكر كيف تقنع أبوها تروح لخالتها مشتاقه لهم
جمانه"عمرها 20 سنه وهي في ثاني كليه أدبي إنجليزي وحيدة أبوها أمها متوفيه من ثلاث سنوات بحادث"
"أبوها موظف في شركه وراتبه كله يروح على البلاوي ألي يشربها ومتزوج من سنه
وعمره 43 سنه وسيم ألي يشوفه يقول عمره 30 سنه "
"خلود هي زوجة أبو جمانه وعمرها 24سنه تزوجة أبو جمانه لأسباب بنعرفها من خلال الروايه "
جمانه بعد تفكير طويل قررت تنزل وتكلم أبوها معنها تكرهه وتكره الكلام معه بس مجبوره
بدلت لبسها البيجامه بتيور جينز لونه أزرق غامق وتي شيرت لونه أبيض بأكمام طويله ممسوكه من النص بشريطه ولمت شعرها بشباصه وتوكلت على الله ونزلت تحت

خلود جالسه جمب أبو جمانه بنفس الكنب وتطالع في جمانه بحقد وهي وهي تنزل مع الدرج ألي ينزل على الصاله ألي جالسين فيها
جمانه ببتسامه باهته:السلام عليكم
خالد رفع نظره وشاف جمانه وطالع فيها فتره بعدين رد السلام
خالد:وعليكم السلام
جمانه بتوتر:ممكن أروح لبيت خالتي
عبدالله بقهر:ليه ماتقولين يبه ممكن أروح إلا ثقيله على ألسانك
جمانه في نفسها"بعد ألي سواه يبيني أقوله يبه "
عبدالله بعد ماطال سكوت جمانه قال برود:روحي
خلود بقهر:ليه تسمحلها خلها تنطق في البيت
جمانه خزتها بنظره لها مغزى وقالت:أنتي مالك دخل فيني زي يوم مالي دخل فيك
خلود بحقد وخوف:كيفه أبوك يبيك تروحين هو حر
جمانه وهي تصد عنهم:عن أذنكم
عبدالله:دقي على مشاري هو ألي يوديك لاتروحين مع غيره
جمانه"يعنني خايف عليك مهنا ":إن شاء الله
طلعت جمانه لغرفتها ودموعها ماخذه مجراها على خدها كل ماتشوف وجه أبوها تتذكر أبشع شي صار في حياتها مسحت دموعها بعد ماوصلت غرفتها ودخلتها تبدل لبسها وتدق على مشاري ولد عمها يوديها لبيت خالتها
=========
في حي أخر من أحياء الرياض

عناد:السلام عليكم
الكل:وعليك السلام
أم عناد:هلا وليدي تعال أجلس عندي
عناد بعد ماحب راس أمه:أخبارك يالغاليه
الأم:بخير بشوفتك
عناد بعد ماجلس جمب أمه قال:أخبار أم ناصر
أم ناصر:الحمد الله بخير
جنان تزم شفايفها وهي تقول:وأنا مالي نصيب
عناد ببتسامه:النصيب كله لك
جنان بسخريه:أي واضح
الأم:جنو خلي أخوك يرتاح
جنان وهي تقوم:خلاص بروح غرفتي أحسن لي
عناد بهدوء:جنو أجلسي صبيلي قهوه
جنان بقهر:حاضر
أم ناصر:عناد ماشفت ناصر
عناد وهو ياخذ الفنجال من يد جنان:لا والله ليه ماهو مع أبوه
أم ناصر:مدري عنه
عناد يطلع جواله من ثوبه:بدق على يوسف أشوفه معه وإلا لا
دق عناد على جوال أخوه يوسف وبعد فتره رد
يوسف:أرحبووووووو
عناد ببتسامه:هلا السلام عليكم
يوسف:وعليكم السلام أمر وش عندك
عناد يضحك:يابوك أسلني عن أخباري أول
يوسف وهو يرد على ألي عنده:وجع خله مكانه لادوس بطنك
عناد بجد:يوسف خلك معي وترك ألي عندك
يوسف يرد يكلم عناد:هاه قول وش تبي
عناد:ناصر معك
يوسف:أي معي غيره تبي شي
عناد بيأس:لا مابي منك شي يالله مع السلامه
يوسف سكر الجوال من غير لا يرد على عناد
عناد ببتسامه:الله يعينك يا أم ناصر على أبو ناصر
أم ناصر:تعودنا عليه بس ناصر معه
عناد وهو يقوم:أي معه يالله يومه بروح أنام وصحوني لصلاة المغرب
أم يوسف:يمه لاتنام الحين نومة المغرب ماهي بزينه
عناد وهو يرفع يدينه لفوق ويشبكها ورى راسه دليل على التعب:والله حدي تعبان
أم يوسف بحنان:خلاص لا تروح دارك نام في المجلس عشان مايحلا لك النوم ولا تقوم لصلاه
عناد ببتسامه:من عيوني
بعد ماطلع عناد وراح للمجلس ينام
جنان:نوره ماودك نروح بعد المغرب لسوق
نوره وهي تنزل نقابها :بشوف يوسف إذا وافق نروح وش ورانا
جنان:أجل بروح لغرفتي أطقطق على الاب لين الأذان وبعدها أجيك
نوره:وأنا بعد بقوم لجناحي
أم عناد بهدوء:جنو مالك والي تاخذين رايه
جنان وهي تتوجه امها وتحب راسها قالت:أفا يمه تتوقعين مني أروح من غير أذن لو أسويها ماكون تربيتك
أم عناد:أشوف تقولين لمرة أخوك ولا عبرتيني
جنان ببتسامه:كنت بشوف رد يوسف بعدها بجي أقولك
أم عناد بحنان:خلاص يمك روحي بس قبل قولي لعناد
جنان بلويت بوز:يذا العناد
أم عناد بعصبيه:جنو وش تقولين
جنان بضحكه:سلامتك يمه ماقول شي يالله بروح غرفتي تامريني شي
أم عناد:الله يحفضك
طلعت نوره وجنان كل وحده لغرفتها وأجلست أم أعناد تقول أذكار المساء تتنتظر أذان المغرب
بعرفكم بعايلة عناد
عناد"عمره 32 سنه وهو ضابط في المباحث وهو وكتوم محد يعرف عنه شي وهادي نادر مايعصب يكره أحد يعانده أو يقول له لا صوته فخم وفيه بحه"
يوسف"عمره 35 سنه مزاجي وعصبي وهو دكتور في الجامعه وهو يشبه عناد كثير وعنده ولد أسمه ناصر عمره 9 سنه وبنوته أسمها حور عمرها 6سنين وتوأم ريان وريتاج عمرهم 4 سنوات"
جنان"دلوعة البيت بحكم أنها أختهم الوحيده وعمرها 23 سنه مخلصه جامعه وجالسه في البيت"
جاسم"عمره 28 سنه حبوب ماخذ الدنيا وناسه مايحب يزعل أحد منه وهو يشبه جنان يعني ألي يشوفهم يقول توم وهو مدرس "
أم ناصر"نوره وهي تصير بنت عمهم زوجة يوسف وعمرها 26 "
أبوهم متوفي من عشر سنين
جمانه تركب السيارة مع ولد عمها مشاري
جمانه بعد جلسة ورى:السلام عليكم
مشاري:وعليكم السلام وين تبين تروحين عندنا وإلا عند خالتي
جمانه بهدوء:لا عند خالتي
مشاري حرك السياره متوجه لبيت خالته وطول الطريق ساكة وجمانه بالمثل
في بيت أم وليد
ساره:يمه وين البخور ببخر غرفتي
أم وليد وهي تحط الفحم في المبخره:سوي لنفسك هذا ببخر فيه مجلس الرجال
ساره بلوية بوز:يمه
أم وليد:وصمه أقول ماني فاضيه لك الحين بيجون عمامك وأنا ماسويت شي
ساره وهي تطلع من المطبخ:بقول سونيا تسوي لي وطلعه غرفتي
أم وليد بعصبيه:ساره تعالي أنتي سوي سونيا ماهي فاضيه لك
ساره ترد تدخل المطبخ وهي تتحلط مع نفسها:ياربي وش هالعيشه
أم وليد تحط العود على الفحم:وش تقولين أنتي
ساره ببتسامه:أقول أحبك
أم وليد وهي طالعه:الله يهديك
في المجلس وليد جالس يكلم بالجوال
وليد:هههههههههه يوسف ماني فاضي لك والله بيجون عندنا عمامي
يوسف:كيفك بس ترى بتفوت عليك جلسه على كيف كيفك
وليد:أقول يوسف يالله ضف وجهك ماني فاضي لك
يوسف:بضف وجهي بس بكره لا تدق علي لأني ماراح أرد عليك
وليد ببتسامه:أي هين منت راد ترى مالك غيري
يوسف:نشوف يالله أخليك
وليد:مع السلامه
سكر يوسف من غير لا يرد عليه هذا طبع يوسف
أم وليد وهي داخله:من تكلم يمه
وليد وهو يحط الجوال بجيبه:يوسف
أم وليد بخوف:لاتقول بتطلع معه
وليد ببتسامه:أفا يمه قالولك ماعرف الأصول
أم وليد وهي تحط المبخره على الطاوله:أدري أنك تعرف الأصول بس خايفه يوسف لعب براسك
وليد وهو يقوم:لاتخفين كرشته
أم وليد ببتسامه:يعني حاول معك
وليد وهو يضحك:يوسف وتعرفين طبعه أهم لاعليه وناسته
أم وليد:يالله روح بدل قبل عمامك يجون
وليد وهو طالع:تامرين يالغاليه
عايلة وليد
وليد "عمره 31سنه يشتغل في شركة أبوه وهو عصبي مره يعني كبريت سريع الأشتعال وهو خاطب جمانه عن حب"
ساره"عمرها 20 سنه مع جمانه في الجامعه ونفس التخصص دمها خفيف
مخطوبه لولد خالتها مشاري"
جنا"عمرها 18 سنه في ثالث ثانوي شعرها بوي وهي دلوعة البيت حلوه تشبه ساره كثير بس عيون جنا أصغر من عيون ساره وهي أطول من ساره نفس طول جمانه"
فرح"25 سنه متزوجه ولد عمها فهد وعندها بنوته أسمها رنا عمرها 5سنوات ولد أسمه وليد عمره سنتين "
فارس"عمره 14 سنه "
نزلت جمانه من السياره بعد ماشكرة مشاري وأستقبلتها ساره عند الباب
ساره ببتسامه:حيالله بنت الخاله
جمانه ترد لها الأبتسامه:هلافيك حياتي
ساره تمسكها مع يدها وتدخلها:بسرعه دخلي لأن عمامي على وصول
جمانه: بروح غرفتك بشوف شكلي
ساره تدفها قدامها:شوفي شكلك في هالمرايه
جمانه بضجر:سارونه فكيني بروح غرفتك
ساره بملل:أووووف يالله روحي
جمانه أسفهتها وطلعت غرفتها وهي تتمنى تشوف وليد عشان كذا أطلعت بعباتها ونقابها هي تبي تشوفه بس مو معناته تخليه يشوفها وهي كاشفه

وليد طلع من غرفته وهو ماسك جواله ومفتاحه في يده وشماغه على كتفه وطاقيته وعقاله على راسه وقف يطالع البنت ألي تطلع الدرج يعرفها بين مليون بنت تقدم وليد من الدرج وقال:سلام
جمانه رفعت نظرها شافته قدامها أخذت وقت تطالع فيه تملى عينها منه
وليد مايدري ليه ماردت لأنها مغطيه عيونها فقال ببتسامه:رد السلام واجب
جمانه ببتسامه:وعليكم السلام
وليد بعد عن الدرج شوي عشان تقدر تمر وقال:أخبارك
جمانه "ياناااااااااس أحبه أحبه"
وليد على باله البنت مستحيه فقرر ينسحب مادرى أنها ذايبه عليه
وليد ببتسامه:ممكن تمرين بنزل
جمانه حست على نفسها وطلعت بسرعه وقلبها يضرب من الفرح
وليد يطالع فيها لين دخلت غرفة ساره وقال بحب"الله يحفظك
جنا من وراه:منهي
وليد صد عليها بسرعه وقال:تنحنحي قبل خوفتيني
جنا ببتسامه:تصرف هاه
وليد طالع فيها بعدين نزل وهو يقول:بسرعه أنزلي ساعدي أمي
جنا بضحكه: قول لجمانه أنا توني ماخلصت
وليد سفها لأنه وصل لأخر الدرج وكمل طريقه لمجالس الرجال
في بيت أبو مشاري
طلعت عهد وهي تتحسس الطريق قدامها تخاف في مغيره مكان شي في البيت عشان تصدم فيه وتطيح تعرف طبعها
في وهي جالسه في الصاله:العمياء لاتخافين مافيه شي قدامك
عهد في نفسها"الله يكفيني شر يافي"
في قامة من مكانها وتوجة ناحية عهد ومسكة يدها وقالت بمكر:تعالي بسوي فيك خير ووصلك للمكان ألي تبين
عهد بخوف:مابي منك شي أنا أعرف طريقي
في وهي تجرها معها:أقول تعالي معي
عهد بصوت عالي شوي:في فكيني
في وقفة وقالت بتهديد:عهد أمشي برضاك معي لا أسحبك بشوشتك فاهمه
عهد بخوف:وين بتوديني
في بقل صبر:خلي عنك الكلام وتعالي معي
مشت عهد مع في وقلبها يرجف من الخوف وتتمنى يعدي هالموقف على خير
في مشت بعهد لمجلس الرجال وهي تتمنى توصل قبل لا أحد يشوفها
عهد حست أنها متوجهه فيها لمجلس الرجال فقالت بخوف:في ليه ماخذتني لمجلس الرجال
في بخبث:دقيقه وتعرفين ليه
عهد أسحبت يدها بقوه من يد في وقالت بعصبيه ممزوجه بخوف:في خافي الله بتدخليني على أخوانك أنا كاشفه
في بسخريه:لو يشوفينك خواني رجعو ما أكلو ياقلبي من شينك
عهد والدموع متحجره في عينها:الله يخليك فكيني
في أسخبتها بقوه ودزتها في المجلس ألي كان بابه مفتوح شوي وركضة لداخل قبل لا أحد يشوفها
عهد حست أنها داخل المجلس بس ماتدري فيه أحد وإلا لا
خالد كان جالس يطقطق في جواله في المجلس ينتظر صديقه يجيه ماحس إلا بدخلت أحد عليه
خالد رفع نظره وشاف عهد واقفه في نص المجلس
خالد قطب حواجبه وقال بهدوء:عهد
عهد تحس بماي بارد أنكب عليها من الحياء والخوف لآخر شخص تتمنى تسمع صوته تسمع الآن
خالد قام واقف وتقدم من عهد وقال بنفس الهدوء:عهد وش عندك جايه هناء
عهد بخوف وقهر:جيت بالغلط وأنت لو سمحت صد عني ولا تقرب مني
خالد نزل عيونه للأرض وقال بنفس هدوئه:هذا أنا صديت عنك وأنتي أطلعي قبل أحد يشوفنا
أم مشاري بصدمه:خالد
خالد رفع نظره لمه ألي واقفه عن الباب وتطالع فيه بشك
خالد بخوف:عهد أدخلت علي بالغلط
أم مشاري بعدم تصديق قالت لعهد:ليه ياعهد وأنا عادتك مثل في بنتي
عهد ودموعها على خدها قالت:يمه صدقيني جيت بالغلط
أم مشاري وهي تتقرب منها قالت:أصدقك لو منتي عايشه طول عمرك في هالبيت وتعرفينه
عهد بخوف:خ
ماكملت عهد كلامها إلا بكف على خدها من خالتها
خالد بقهر:ليه يمه ليه
أم مشاري بعصبيه:أسكت أنت وشغلك مع أبوك لا رد وأنتي تعالي معي
أخذت أم مشاري عهد وطلعت فيها من المجلس
أما خالد جلس وهو يفكر برد أبوه لا درى يعرف أبوه زين ويعرف وش بيحكم عليه
==
بعرفكم بعايلة أبو مشاري
مشاري"عمره 29 سنه شب مغازلجي رقم واحد والبنات يموتون عليه وهو ملك على بنت خالته ساره وهو دكتور أسنان"
خالد"عمره 27 سنه هادي مغرور شوي ويشتغل مع أبوه في شركته"
في"عمرها 22 سنه في الجامعه وهي مغروره كثير"
عهد"بنت عمهم وأبوها وأمها متوفين بحادث وعمرها سبع سنوات وهي كانت معهم وهو سبب عماها وعمرها 18 سنه ثالث ثانوي في مدرسه للمكفوفين"
غاليه"عمرها 18 سنه كبر عهد وهي حبوبه وتحب عهد "
مرح"عمرها 32 سنه متزوجه من ولد عمها"

في بيت أبو وليد

وليد جالس مع عيال عمه وأعمامه أبوه في المجلس
أبو فهد:إلا متى بتملك ياوليد
وليد ببتسامه:قريب إن شاء الله
أبو فهد ببتسامه:والله إنك خساره في بنت هالسكير
أبو وليد بهدوء:وش هالكلام يابو فهد
أبو فهد بقهر:وأنا صادق أجل وليد زينت شبابنا يروح لبنت هالسكير
وليد بهدوء يخفي خلفه عصبيته:عمي ترى ماأرضى على خالي عبدالله ولا بنته
أبو فهد:وأنا وش علي منك أنت ألي بتاخذها وبكره عيالك ألي بينادون هالسكير ياجد مهو أنا
فهد يتدخل:يبه الله يهداك وش هالكلام
أبو وليد ينهي هالنقاش:وليد قوم شوف العشاء وش صار عليه
وليد وهو يقوم:تامر يبه
فهد:خذني معك
فيصل:وأنا بعد
طلعو الشباب من المجلس وقال فيصل ببتسامه:تحبها
صد وليد عليه وقال متفاجأمن سؤال فيصل:هاه
فيصل وهو يضحك:ههههههههههه وراك تنحت
وليد ببتسامه:لا تنحت ولا شي بس أستغربت سؤالك
فيصل بمكر:يعني سمعته يالله رد علي
وليد بنفس الأبتسامه:أحبها أو ماأحبها شي مايخصك
فهد وهو يضحك:هههههههه طيحو وجهه
فيصل يسوي نفسه معصب:أنا ولد أبوي لي هالكلام
وليد ببتسامه:للي سأل السؤال
فيصل ببتسامه:أشوى ماهو أنا ألي سأل
فهد:أي أنا ألي سأل
وليد رفع عيونه للنجوم بعدين قال:شوفو القمر وسط النجوم
فيصل وفهد رفعو عيونهم بعدين قالو:وش فيه
وليد بهدوء:جمانه القمر والنجوم غيرها من البنات
فيصل يصفر:أووووووو الولد رايح فيها
فهد بأسف:وليد لا تاخذ في خاطرك من كلام أبوب تراه مايقصد
وليد ببتسامه:لا تخاف يافهد يعرف عمي ودري إنه يقول هالشي من حبه لي
فهد براحه:الله يخليك لوالدينك
فيصل يسوي نفسه متأثر:تصدقون ببكي
وليد يدفه قدامه:أقول أمش خل عنك الخبال بنروح نشيك على العشاء
فهد:إلا وين بدر ماجاء مع عمي
بدر من وراه:لأنه مايبي يشوفك
فهد صد عليه وقال:أما عاد
بدر:السلام عليكم
الشباب:وعليك السلام
فيصل:ليه تأخرت
بدر بقهر:أبد شوي مشاغل
وليد وهو يضحك:شكل الأخلاق مقفله
بدر ببتسامه:ومن يقابل مرة الوالد الله يرضى عليه ماتقفل أخلاقه
فيصل بجد:تصدق بدر أحسك ظالمها
بدر بقهر:بلاك ماتعرفها
وليد:أقول أنت وهو بترحون معي نشوف العشاء وإلا خلوني أروح
الشباب:لا بنروح معك
بعرفكم على عمام الوليد
عمه أبو فهد
فهد"عمره 34 سنه متزوج فرح أخت الوليد ويحبها موت وهي تحبه يشتغل في شركة أبوه"
فيصل"عمره 28 سنه دمه خفيف ويشتغل مع وليد في شركة عمه عشان أبوه ما يحاسبه على الدخله والطلعه ففضل يشتغل في شركة عمه عشان ياخذ راحته "
رفيف"عمرها 22 سنه نعومه وجمالها هادي حبوبه"
روان"16 سنه دلوعه وتحب المقالب "
محمد"12 سنه "
أبو بدر
بدر"عمره 30 سنه أبوه متزوج بعد وفاة أمه وهو عصبي وخلقه ضيق ومتقلب المزاج ويكره مرة أبوه وهو مدير في بنك "
ضي"22 سنه متزوجه من ولد خالتها عادل وعندها ولدين بدر 3 سنوات ورايد سنه"
أريام"25 سنه ومتزوجه من ولد أحد معارفهم أسمه سلطان وعندها بنوته لمار أربع سنوات"
فواز"20 سنه وهو يحب روان وناوي يخطبها"





بارت الثاني
عناد:طلال الله يخلك سكر على الموضوع
طلال بجد:أبي لمتى منت ناوي تتزوج ياخي فكر في أمك
عناد بملل:الحين وش المطلوب
طلال ببتسامه:أبيك تخطب بنت عمك في
عناد ببتسامه:وش معنى في وإلا المدام مرشحتها
طلال بعصبيه:ليه ماهي عاجبتك في
عناد وهو يضحك:يابوك ماقلت شي لا تعصب علينا
طلال بجد:عناد معك لآخر الأسبوع تقرر
عناد بهدوء:يصير خير
عدنان وهو داخل:السلام عليكم
عناد وطلال:وعليك السلام
عدنان بعد ماجلس:عناد ورى وجهك شين
عناد ببتسامه:أخوك غاثني من اليوم يبيني أتزوج
عدنان:ماشاء الله ومنهي ألي أمها داعيه عليها
عناد يرميه بالخداديه:داعيه عليها هاه
عدنان يمسك الخداديه لا تضرب في وجهه:إلا قول الكل داعي عليها
طلال بجد:عدنان وش رايك في بنت عمي في
عدنان بخوف:لا تقول تبيني أخذها تراني مابيها أبي غاليه
عناد وهو يضحك:ههههههفضح نفسه الولد من الخوف
طلال ببتسامه:ماشاء الله حاط عينك على البنت
عدنان بخجل:ياخوك القلب متعلق فيها
طلال:ورى ماقلت للوالد يخطبها لك
عندنان بجد:أخاف أقوله يقول أخطب الكبيره
طلال بخبث:خلاص الكبيره بياخذها عنك عناد
عناد وهو مقطب حواجبه:يرحم أمك لا تلزقها فيني
طلال بشوي عصبيها:وش فيها عشانك رافضها
عناد بهدوء:طلال إذا بغيتها جيتك أخر هالأسبوع وقلتلك تعالو معي نخطبها قبل كذا لا أسمعك تجيب سيرة الموضوع
طلال وهو قايم:براحتك
عدنان بعد ماطلع طلال:وأنت ليه ماتبيها
عناد بقهر:تدري ليه لأنها ترشيح مرة أخوك وأنا ماطيقها فكيف أخذ وحده تبيها لي
عدنان بهدوء:للحين مانسيت السالفه
عناد بقهروحزن:وعمري ماراح أنساها
عدنان بجد:بس البنت مالها ذنب في السالفه
عناد بهدوء:مدام مرح هي ألي أختارتها فنا مابيها لها دخل أو لا مايهمني
عدنان:الله يهديك
عادل:السلام على الحلوين
عناد بسخريه:خير يالخو تراك داخل على رجال
عادل وهو يضحك:ههههههه تصدق عاد ماذابحني غيرك
عناد بقرف:أقول أقلب وجهك لضي لوعة كبدي
عادل وهو يجلس جمب عدنان:ضي بكفه وأنت بكفه
عناد:عدنان فكني من أخوك لدوس في بطنه
عدنان ببتسامه:عادل خله ترى بيحط حرةأخوك فيك
عادل:وش مسوي طلال فيه
عدنان ببتسامه:يقول له تزوج في بنت عمي
عادل بجد:وش فيها في عشان يرفضها
عناد وهو قايم:تصدقون أنا الغلطان ألي جالس معكم
عادل بقوم يمسكه:يابن الحلال أجلس ترى محد غاصبك وإذا ماتبيها خلاص
عناد يرد يجلس وهو يقول:روح فهم أخوك
عادل ببتسامه:ترى كل ألي يسويه طلال يضغط عليك بس
عناد بقهر:ياخي لا يضغط علي ولا له دخل في
عدنان بسخريه:ورى ماقلت له هالكلام بدل ماتقوله من وراه
عناد ببتسامه:مايهون علي أبو مشاري أقوله هالكلام
عادل بجد:إذا تبي شوري خذها ترى منت لاقي أحسن منها
عناد ببتسامه:إخذها أنت
عادل ببتسامه:لا ياخوك ضي تكفيني عنها وعن مليون غيرها
بعرفكم بعايلة أبو طلال
طلال"36 سنه متزوج من مرح بنت عمه وعنده ثلاث أولاد
مشاري 10 سنوات ومروان 5 سنوات وريان سنتين وعنده شركه خاصه فيه"
عادل"عمره 32 سنه متزوج من بنت خالته ضي مع عناد في المباحث"
عدنان"28 سنه دكتور أطفال "
نوره سبق التعريف بها
أمهم متوفيه بعد ماجابت نوره بثلاث سنوات
ساره لرفيف:تدرين وليد بيملك على جمانه هالأسبوع
رفيف بصدمه:شنوووو
ساره بستغراب:وراك أنصدمتي
رفيف تلاحقة عمرها وقالت:ماوراي شي بس أستغربت
ساره:تصدقين مستانسه إن جمانه بتجي معي في البيت
رفيف تداري حزنها:الله يهنيها جمانه تستاهل كل خير
ساره ببتسامه:وش بتلبسين في الملكه
رفيف تحاول تبتسم:مدري
ساره:وش رايك نروح بكره لسوق ونشوف شي حلو يليق بالملكه
رفيف وهو تحس بالمراره:منه لبكره يصير خير
ساره بخوف:رفيف وش فيك وجهك صار أصفر
رفيف في نفسها:آآآآآآه ياساره لو تدرين وش فيني" بعدين قالت:لا ياقلبي مافيني شي بس من الصباح قايمه
جمانه وهي داخله وعباتها في يدها:يالله بنات سي يو
ساره وهي قايمه:أنتظريني بطلع معك
جمانه ببتسامه:لا ياقلبي خليك مع رفيف جنا بتطلع معي
ساره ترد تجلس:ريحتيني
جمانه:مع السلامه رفيف
رفيف ببتسامه باهته:مع السلامه
جنا بستعجال:جمانه بسرعه وليد يقول مشاري برى
جمانه تطلع معها:يالله هذا أنا بلبس عباتي
جنا ببتسامه:جوجو وش شعورك وملكة بعد أسبوع
جمانه بحياء:أنتي وش تشوفين
جنا بخبث:أشوف وجهك أصفر وحالك مختبص
جمانه تضربها بشنطتها:وجع أنا وجهي أصفر
جنا وهي تضحك:تصدقين وليد محضوض ألي بياخذ وحده مثلك
جمانه بحب:إلا أنا ألي محضوضه ألي باخذ مثل وليد
جنا تشوف جوالها ألي يدق:جمانه هذا الوليد يالله بسرعه
جمانه تسكر نقابها:يالله مع السلامه
جنا وهي تمشي معها للباب: ديري بالك على نفسك
جمانه ببتسامه:سلمي على خالتي
طلعت جمانه وشافة وليد واقف عند باب مشاري يسولف معه
جمانه فتحت الباب الخلفي وركبت
مشاري لوليد:يالله أخليك الحين
وليد ببتسامه:دير بالك على نفسك ولا تسرع
مشاري بضحكه:لا أسرع عشاني وإلا عشان ألي معي
وليد ببتسامه:كلك نظر
جمانه ماتت من الحياء وهي تقول في نفسها"فديتك "
مشاري:يالله مع السلامه
حرك مشاري بالسياره متوجه لبيت عمه عبدالله

خلود تفكر في شي يخلصها من جمانه للأبد هي تدري إن جمانه مستحيل ترضى بالي تبيه منى وتبي شي يفكها من جمانه خلال هاليومين قبل ترد منى من السفر

دخلت جمانه البيت وشافته هادي وطلعت لغرفتها بسرعه قبل لا أحد يشوفها
نزلت جمانه عباتها بعد ماقفلت غرفتها عليها وأخذت لها بيجامه قطن وراحت تاخذ شور عشان تصلي الشفع والوتر وتنام

في بيت أبو مشاري الدنيا مقلوبه
أبو مشاري بعصبيه:أيا الحقير تختلي بنت عمك
خالد بقهر:يبه الله يهداك هي ألي أدخلت علي
أبو مشاري عطا خالد كف وقال بأمر:بكره تملك عليها
خالد بقهر:أملك على عمياء
أبو مشاري بعصبيه:ماعرفت إنها عمياء يوم إنك تختلي فيها
خالد بغضب:إذا رفضت أخذها
أبو مشاري أمسكه مع ثوبه من قدام وقال بعصبيه:عشان أذبحك بيديني
دخل مشاري وشاف أبوه ماسك أخوه وركض بسرعه وفك أخوه من أبوه وقال:يبه الله يهداك مافيه شي يستاهل تمد يدك على خالد عشانه
أبو مشاري بقهر:بلاك ماتدري هالخسيس وش مسوي
مشاري يطالع في خالد:وش مسوي أنت
خالد بقهر:ماسويت شي
أبو مشاري بغضب:آيا الخسيس مختلي بنت عمك وتقول ماسويت شي
مشاري بصدمه:صدق ياخالد
خالد بقهر:ماصار ماصار
أبو مشاري بتهديد:شوف بكره بعزم عمك وعيال عمك على الملكه وشوف وش بيصير فيك إذا كسرة كلمتي
خالد بعصبيه:مايهمني وش بتسوي أهم شي ماخذ هالعمياء
أبو مشاري رد أمسكه وعطاه كف بقوه وقال بغضب:خالد هي كلمه ماراح أثنيها إذا ماجيت ترى منت ولدي وهالبيت لا عاد تدخله فاهمه قالها بعصبيه
مشاري يبعد أبوه عن خالد :مالك إلا ألي يرضيك يبه
أبو مشاري دف خالد عنه وطلع لغرفته
خالد يشد شعره من القهر:قهر قهر أنا أخذ هالعمياء
مشاري بستفسار:وش صاير
خالد بقهر:مدري أدخلت علي هالعمياء وشافتنا أمي وقالت إني مختلي فيها
مشاري بهدوء:وش بتسوي الحين
خالد بقهر:وش بسوي يعني مالي غير أخذها وصدقني لكرها في حياتها
مشاري بجد:خالد وش هالكلام البنت مالها ذنب
خالد بعصبيه:وأنا وش يديني أنها ماهي قاصده تدخل علي عشان أدبس فيها
مشاري :الله يهداك وش هالكلام
خالد وهو يطلع لغرفته:أقول الله يرحم والديك حل عني
عهد كانت تسمع الكلام كله وقلبها يتقطع من القهر ماكانت تتمنى إنها تكون من نصيب خالد يمكن لو واحد غير خالد بترضى بس خالد لا
صحت جمانه على صوت المنبه في جوالها لصلاة الفجر
جمانه وهي تسكر المنبه:اللهم أنت ربي خلقتني وأنا عبدك على عهدك ووعدك مااستطعت أبوء لك بنعمتك علي أبوء لك بذنبي فغفري فأنه لا يغفر أذنوب غيرك
قامة جمانه توضي للصلاه وهي تردد أستغفر الله أتوب إليه
تحت كان عبد الله نايم على الكنب والكاس قدامه وطفاية الزقاير
بعد ماخلصت جمانه صلاتها وقرأة سورة الكف لأن اليوم الجمعه نزلت تحت لأنها تحس بجوع
جمانه بعد ماأنزلت أخر درجه شافة أبوها نايم والكاس قدامه نزلت دموعها على خدها وهي تقول"الله يهداك الله يهداك"
قربت جمانه منه وأخذت الكاس وطفاية الزقاير وتوجهة للمطبخ عشان ترميها
عناد ويوسف وهم رادين من صلاة الفجر
يوسف:يانا دايخ نوم
عناد بسخريه:من السهر ماترد إلا آخر الليل
يوسف وهو يدخل البيت:أقول مخلي العقل لك ياالشايب
عناد ببتسامه ساخره:يعني إذا ماسهرة أكون شايب
يوسف سفهه وتوجه لجناحه يكمل نومه
عناد توجه للمطبخ لأنه يدري أن أمه فيه هذي عادتها
عناد وهو داخل:السلام عليكم
أم يوسف وهي تحط أكواب الحليب في الصنيه:وعليكم السلام هلا يمه
عناد يحب راسها:الله يهداك يمه ورى ماتخلين الشغاله تسوي الشغل عنك
أم يوسف ببتسامه:ماأحب شغلها يمه
عناد وهو يجلس على الطاوله:أقول يمه باخذ رايك في موضوع
أم يوسف حطة الصنيه على الطاوله وسحبت كرسي وجلست بعدين قالت:خير يمه
عناد بتوتر:وش رايك في في بنت عمي
أم يوسف ببتسامه:والله ماأعرف عنها إلا كل خيرليه تسأل عنها
عناد بهدوء:أفكر أخطبها
أم يوسف فرح:مابغيت
عناد وهو قايم:أنا قلت أفكر ماقلت أكيد
أم يوسف وهي تهز راسها:مامنك فايده
طلع عناد لغرفته وهو يفكر في خطبته لفي يحس ماهو مرتاح لها
بعد صلاة الجمعه في بيت وليد
ساره وهي نازله تركض:يمه يمه
أم وليد طلعت من المطبخ قالت بخوف:خير وش فيك
ساره راحت لها وقالت ببتسامه:سمعتي أخر خبر
أم وليد:لا
ساره:خالد بيملك على عهد اليوم
أم وليد بصدمه:من صدقك أنتي
ساره ببتسامه:أي تو غاليه مكلمتني وقالت لي الخبر
أم وليد وهي ترد تدخل المطبخ:معقوله خالد المغرور يخطب عهد العمياء
ساره وهي داخله معها:وليه لا ترى عهد مزيونه حيل والعماء ماهو عيب
أم وليد بهدوء:العماء ماهو عيب عندي وعندك بس عند خالد أكبر عيب
ساره سحبت لها كرسي وجلست وقالت بفرح:ماتتخيلين وش كثر فرحت يوم قالت لي غاليه
أم وليد وهي مشغوله في تقطيع السلطه:ماني مرتاحه للسالفه أحس فيه شي
ساره:يمكن يحبها
أم وليد وهي تضحك:يحبها مستحيل
ساره ببتسامه:ياخبر اليوم بفلوس بكره بلاش
أم وليد وهي تترك شغلها:سارونه كملي تقطيع السلطه بروح أكلم خالتك أشوف وش السالفه
ساره بحماس:خلاص روحي كلميها وأنا أكمل عنك
طلعت أم وليد تكلم أختها أم مشاري وساره كملت التقطيع
==
مرح:يعني موافق
طلال بهدوء:يابنت الحلال الولد قال بفكر ماقال لا
مرح بقهر:ليه أختي يبي لها تفكير
طلال ببتسامه:خلي عنك في وفرحي لخالد بيتزوج
مرح بفرح:صدق ماأحد قالي
طلال:أي صدق وبياخذ عهد بنت عمي
مرح بصدمه:خالد يتزوج عهد
طلال ببتسامه:أي ليه لا
مرح بقهر:الحين خالد الكامل ياخذ هالعمياء
طلال بعصبيه:مرح حاسبي لكلامك
مرح قامة واقفه وقالت بعصبيه:أنا مدري خالد وش جاه ماهو كان مايطيقها وش غيره الحين
طلال بتهديد:مرح إن سمعت إنك تدخلتي في الموضوع ماتلومين غير نفسك
مرح تطالع فيه بصدمه:لي هذه الكلام ياولد عمي
طلال قام وقرب منها ومسكها مع أكتافها وقال بجد:مرح أنتي تعرفين غلاتك عندي بس هالموضوع لاتتدخلين فيه
مرح بقهر:كله عشان هالعمياء
طلال ضغط أيدينه على أكتافها وقال بهدوء:مرح خافي ربك
مرح دفته عنها وقالت بقهر:أنا تهاوشني ياطلال
طلال بصبر:لاحول ولاقوة إلا بالله الحين أنا وش قايل لك
مرح ودموعها على خدها:تهددني وتقول ماقلتلي شي
طلال سحبها بيدها لصدره وقال بهدوء:قلبي حياتي أنا أهددك من خوفي عليك لايعاقبك ربي بناتك
مرح بعدة راسها عن صدره وقالت بجد:بس حرام خالد ياخذ عهد
طلال ببتسامه:لاتحرمين شي الله ماحرمه ويمكن ربي يكتب له السعاده معها
مرح ببتسامه:الله يسمع منك
طلال حبها على راسها وقال:يالله قلبي بروح لبيت عمي
مرح:أنتظر بروح معك
طلال:يالله أنتظرك تحت
في بيت أبو مشاري

وليد ببتسامه:من يصدق خلود بيملك
خالد بقهر:خلود في عينك شافيني أصغر عيالك
وليد وهو يضحك:ياخي فكها ماكن اليوم ملكتك
خالد بعصبيه:وليدوه فكني منك لاأسمع صوتك
وليد قام يسوي حركات بيدينه لخالد وهو يبتسم
خالد بصوت عالي:مشاري تعال أخذ نسيبك لا أذبحه
وليد وهو يضحك:بقوم بكرامتي قبل لا يروح عمري غلطه
أبو وليد:وليد تعال يابوك عندي ترى ماني بايعك
خالد تفشل من كلام أبو وليد وقال يرقع:هوالله يهداه نشب لي نشبه
أبو طلال ببتسامه:لا تخاف عاذرينك
عناد لعادل:ماتلاحظ إن خالد كاره هالملكه
عادل ببتسامه:تصدق أحس إن السالفه من تحت راس عمي وإلا خالد ماله نيه
عناد بخوف:الله يستر لا يلحقني الدور
عادل وهو يضحك:تلاحق عمرك لا يستوي فيك مثل خلود
عناد ببتسامه:تصدق رحمة خالد
عادل يبادله الأبتسامه:ياخوفي يجي بكره ويرحمك خالد
عناد بقهر:تتمنى أنت
عادل ببتسامه:أقول أسكت أبوي باكلنا بعيونه
جاء الشيخ وتمت الملكه على خير
عهد تبكي في غرفتها وغاليه معها
غاليه:عهد أرحمي عمرك ألي يشوفك يقول بنعدمك
عهد بقهر:ليه ملكتي من خالد ماهي إعدام
غاليه وهي تضمها:عهد أرحمي عمرك ورحميني
عهد وهي بصدر غاليه:آآآآآه ياغاليه ماتدرين وش ألي أحس فيه
غاليه بعدة وجه عهد عن صدرها وقال بحب:صدقيني حاسه فيك
عهد وهي تمسح دموعها:معقوله أنا الحين حرم خالد
غاليه ببتسامه:شفتي
عهد وهي تبتسم:مسخره صح
غاليه بجد:وبعدين معك صدقيني خالد حبوب
عهد وهي تحاول تقوم:مهنى حبوب
غاليه تمسكها:وين رايحه
عهد ببتسامه:بتوضأ وصلي ونام
غاليه بهدوء:عهد تدرين متى الزواج
عهد بخوف:لا متى
غاليه قامة ومسكتها مع أكتافها وقالت بتردد:بعد أسبوعين
عهد بصرخه:حرااااااااااااام حرااااااااااام
غاليه ضمتها لصدرها وقالت بحنان:"قل لن يصيبنا إلا ماكتب الله لنا"هذا مقدر ياعهد مقدر لاتقولين حرام
عهد أخذت فتره وهي تبكي بصدر غاليه وبعدها قالت:فكيني بروح أتوضأ وصلي
غاليه بعدتها عنها وقالت:بنتظرك هناء
عهد ببتسامه خاليه من الحياه:لا روحي نامي سهرتك معي
غاليه بأسف:سامحي أبوي ولا تدعين عليه
عهد بعصبيه:غاليه وش هالكلام هذا أبوي مو عمي
غاليه ضمتها وقالت:الله يوفقك
عهد وهي تضحك:غاليه وفري هالأحضان لبن الحلال وخليني أروح أصلي
غاليه وهي تبعد عنها:يالله تصبحين على خير
عهد:وأنتي بخير
طلعت غاليه من عند عهد ألي توجهة للحمام"الله يكرمكم"تتوضأ
عهد بعد ماخلصت جت بتطلع من الحمام"أكرمكم الله"لكنها زلقت فيه لأنها كانت تتحرك بسرعه بسبب الغضب ألي فيها طاحت وضرب راسها حافة البانيو وفقدة الوعي

جمانه في غرفتها تكلم ساره
جمانه بحزن:تصدقين عمي ماقال لأبوي عن الملكه
ساره بجد:جوجو أنتي تدرين إن عمك مايحب أبوك ولا يتشرف فيه
جمانه بقهر:أدري بس مهما صار تراه أخوه
ساره:أخوه من الأم يعني مايعتبره أخو
جمانه بغضب:يعني إذا كان من أمه مايكون أخوه
ساره بهدوء:جوجو لا يسمعك يقول توك تعرفين عمك
جمانه بقهر:والمشكله إني أعرفه ومالومه أهو ماهو مقصر معي بس مايحب أبوي
ساره بحنان:جوجو لا تفكرين في الموضوع ترى تتعبين
جمانه بحزن:آآآآه ياساره وشلون ماأفكر وهذا أبوي
ساره تغير الموضوع:أقول جهزتي فستان الملكه
جمانه بهدوء:لا
ساره بقهر:وليه لا وش تنتظرين
جمانه بحزن لحالها:من يوديني أبوي ألي دومه فاقد
ساره بعصبيه:أسمعي بروح أقول لمي إني بمرك العصروأنتي خلك جاهزه
جمانه بسرعه:لا تعرفين أبوي مايحبني أركب مع وليد
ساره:لا تخافين باخذ السواق وأخذ فارس معي
جمانه:كذا أوكي
ساره:يالله مع السلامه
جمانه:مع السلامه
في بيت بدر
كانو أبو بدر وفواز جالسين على طاولة الطعام
أبو بدر:فواز وين أخوك
فواز:نايم
أبو بدر بعصبيه:روح صحه للحين نايم ليه ماعنده دوام
فواز بهدوء:يبه الله يهداك دوامه الساعه تسع يعني بدري على دوامه
أبوبدر:أقولك روح قومه يجي يفطر معنا ماعاد نشوفه هالولد
قام فواز على دخلت مرة أبوه
أم سماهر:السلام عليكم
أبو بدر:وعليكم السلام
جلست أم سماهر يمين أبوبدر وقالت بتردد:فهد بكلمك بموضوع
أبوبدرببتسامه:أمري وش بغيتي
أم سماهر ترد له الأبتسامه وقالت بتردد:سماهر بتجي تعيش معي إذا ماعندك مانع
أبو بدر بحب:أفا يا منيره تتوقعين إني برفض جيت سماهر البيت بيتها
منيره ببتسامه:الله يخليك لي
بدر وهو داخل:السلام عليكم
الكل:وعليك السلام
أبوبدر:أخيرا قمت
بدر ببتسامه لبوه:لو مافواز كان ماقمت
فواز من وراه:قول لو ماكوب الماء ماقمت
أبوبدر ببتسامه:زين سويت فيه
بدر سحب له كرسي وجلس وقال:وش يصحيني دوامي تسع
أبو بدر:تقوم تفطر معنى لي يومين ماشفتك
بدرببتسامه:وين يومين وأنا مصلي معك الفجر
أبوبدر:الحين هذي تسمى شوفه أنا أقصد بجلس معك أسولف
فواز وهو يشرب كوب الحليب:أقول عن أذنكم تأخرت على الكليه
أبوبدر:يعني لازم تاخذ ترم صيفي
فواز وهو قايم:من الملل
بعد ماطلع فواز قال أبوبدر:ترى سماهر بتجي تعيش معنى في البيت
بدر بستغراب:منهي سماهر هذي
أبوبدر:بنت خالتك منيره
بدر بعصبيه:نعم وهذي وين عمانها عنها
أبوبدربحزم:بدر لاترفع صوتك وبعدين هذا بيتي ماهو بيتك فاهم
بدر رفع نظره لخالته شافها منزله راسه وقال بقهر:ماقلنا شي بس كيف بتعيش في بيت فيه عيال
أبوبدر:ماتشيل هم أنت أنا بجهز لها الغرفه البعيده عن غرفكم
بدر وهو قايم:كيفك هذا بيتك وأنت حر فيه
أبوبدر:ورى ماكملت أكلك
بدر بقهر:شبعت الحمدلله
أبوبدر:لاترد تنام
بدر في نفسه"وبعد ألي سمعته لي نفس في النوم












آخر مواضيعي

0 فقمة الراهب المتوسط
0 شنط عروس 2013 , شنط عرايس 2013 , شنط للعرايس 2013 , شنط للعروس 2013
0 يارا اغنية مابقت لي غير صوره
0 مسجات بمناسبه رمضان 2014
0 علاج تصلب الشرايين
0 امراة حامل في 9 توائم
0 صور شيرين عبد الوهاب في مجلة هيا , صور غلاف مجلة هيا , مجلة هيا العدد الاخير
0 افضل السيارات الرياضية في العالم
0 رسائل شوق للزوج 2013 , رسائل شوق 2013 , رسائل شوق للزوجة 2013 , مسجات شوق 2013
0 تاثير الاغذية على دماغ الطفل - دماغ الطفل


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
روايه ساهر الليل كاملة , تحميل روايه ساهر الليل , روايه ساهر الليل صعب المنال قصص - قصص قصيره - روايات - قصص واقعية - روايات طويلة 1 24 - 9 - 2012 04:36 AM
روايه لن تعشقي غيري فانتي فتاتي , تحميل روايه لن تعشقي غيري فانتي فتاتي كاملة صعب المنال قصص - قصص قصيره - روايات - قصص واقعية - روايات طويلة 0 2 - 8 - 2012 06:33 AM
روايه يوميات حبي وحبه , روايه يوميات حبي وحبه كاملة , تحميل روايه يوميات حبي وحبه صعب المنال قصص - قصص قصيره - روايات - قصص واقعية - روايات طويلة 0 2 - 8 - 2012 06:27 AM
رواية رماني وقال مابيها كاملة , رماني وقال مابيها , تحميل رواية رماني وقال مابيها صعب المنال قصص - قصص قصيره - روايات - قصص واقعية - روايات طويلة 0 28 - 7 - 2012 01:26 AM
تحميل روايه ناداني ولبيته كاملة , روايه ناداني ولبيته صعب المنال قصص - قصص قصيره - روايات - قصص واقعية - روايات طويلة 1 28 - 6 - 2012 04:50 AM


الساعة الآن 02:22 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول