متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
20 - 11 - 2012, 03:40 PM
| #1 | |||
| |  رواية عشق بدوي يابنت ماتفهمينه كاملة للجوال 2013 , تحميل رواية عشق بدوي يابنت ماتفهمينه كاملة 2013
رواية عشق بدوي يابنت ماتفهمينه كاملة للجوال 2013 , تحميل رواية عشق بدوي يابنت ماتفهمينه كاملة 2013 , هناااااارواية عشق بدوي يابنت ماتفهمينه كاملة للتحميل بصيغة txt نبذه عن الروايه الكاتبه ستيفانه الطائيه (ياالله متى تجي الإجازه.. أوف ليش أحس تأخرت الإجازه هالسنه..) هالعباره دايم أقولها كل سنه لأن أنتظر بفارغ الصبر متى يجون عمامي من الرياض...موب لسواد عيون عمي بس لعيون لمى... طبعا لمى تصير بنت عمي عبدالله وقلبي متولع فيها أخ بس أخ بموت عليها لكن محد حاس أو داري وخلوني أدخل بالقصه وأقولكم كل شي.. أنا مساعد أعيش بقريه من قرى الشمال..صحيح إني موب حلو لكن مانيب شين مملوح..وبنات قريتنا كلهم مطيحين معي..مفتول العضلات ولوحت الشمس بشرتي السمراء الداكنه وخلتني شديد السمار..وبالعربي الفصيح أنا بدوي..وبصراحه أكثر أنا ماأبتسم واجد((ماأقدر أقولكم سبب عدم إبتسامتي مستحي أخاف ماتكملون القصه..)) المهم..جت الإجازه وجاء عمي عبدالله ومعه العائله الكريمه ومن باب الضيافه والكرم على طول جبت خروف وحاطه على متوني وطبعا كاشخ قدام لمى علشان أوريها إني شقردي وسنع...وهذيك الليله ياإني إشتطيت بعمري وبس أنادي أمي ونوف علشان لموي تسمع صوتي.. مر يومين وعمامي عندنا ومن عوائد أهل القرى ومن زود الطيب الكل يشيل الضيف فوق رأسه،،وصار عندنا حوسه كل شوي واحد عازم عمي عبدالله،،وأنا بس حاط يدي على قلبي خايف لمى تشوف صويلح أجمل فتى بالقريه<< عند البنات وألا هو يجيب المرض>> (إلا قول ذابحتكم الغيره) المهم صار الشي اللي أنا كنت خايف منه وأبو صويلح عزم عمي عبدالله وأهله،،ياالله كم تمزق قلبي إربا إربا،،،مت من القهر وش لون لو لمى شافت صويلح آه والله ماعاد تناظر خشتي،،،أخ ياليت أشوف حل وفعلا لقيت الحل،، مساعد:محمد تكفى الفزعه وهذي حبه على خشمك. محمد:أفا يارجل رقبتي سداده. مساعد:اليوم عمي عبدالله معزوم عندأبوصويلح. محمد:إي والله أبوصويلح طول عمره طيب. مساعد:أقول إنثبر ماعنده سالفه. محمد:وش بلاك على الرجل ماسوى غيرالواجب. مساعد:إسمع أنا ماودي أشوف خشة صويلح الليله دبر حل وأبيه ينقلع عن وجهي. محمد:تبيني أذبحه. مساعد:منى عيني،،بس لا لا صويلح طيب لكن المهم سو أي شي علشان مايكون الليله موجود، محمد وبذهول:يامساعد والله عيب أبوه يسوي عشاء والولد موب موجود، مساعد وبحسره: محمد تكفى لاتردني، محمد وبرجوله:أبشر والله لأدبغه اليوم وأربطه وأحطه بشبك الغنم إلين تنتهي العزيمه، مساعد وبوجه مستبشر خير:يابعدي والله أعرفك شهم ماتخيب الهقاوي فيك، (واللي خططنا له فعلا صار صويلح ومربوط بشبك الغنم وأنا حضرت عزيمة أبو صويلح وكانت الإبتسامه تشق الوجه،،ومسكين أبو صويلح ماله وجه يقابل الرجال وولده ماهوب موجود،، أبو صويلح:والله إن هالولد مايستحي مدري وين طس، عمي عبدالله:لا ياأبو صويلح يمكن طراله شغل، أبوصويلح:إلا قل هذولا عيال هالزمن مايعرفون السلوم والمراجل، عمي عبدالله:ياأبو صويلح ماحصل إلا الخير وهذا مساعد عندك إعتبره مثل صويلح، (هنا أنا عصبت على آخر زمن أنا مثل صويلح أبوعصاقيل وشفايف زهريه ماعاد إلا هي،،ضاعت علوم الرجال أنا مثل صويلح يهبا،،) أبو صويلح:إيه والله مساعد نشمي وراعي فزعات، عمي عبدالله:إيه والله مساعد شقردي، (طبعا أنا قاط إذني وتشققت من الوناسه والإبتسامه السحريه كل مالهاتزيد) إنتهت أخيرن الضيافه وكلن رجع لبيته،، الفصل الثاني: أصبح الصباح وأهل القريه كلهم تجمعوا لصلاةالفجر ،،ومافيه شاب أو شايب يغيب عن الصلاةواللي يتأخر ياويله من مطوعنا أبو سالم والله لايشهر فيه بالقريه ،،وقبل ماتبداءالصلاةبشوي قاموا يناظرون الموجودين،، أبوسالم:ياأبو صويلح إلا ولدك مانشوفه عسى ماهوب مريض؟ أبو صويلح وهو مندهش ووجهه ضارب جميع الألوان:والله ياأبو سالم العلم علمك من البارح ماندري عنه، أبوسالم:لازم تشوف ولدك وينه لايكون صاير شي لاقدر الله وحنا موب دارين، أبو صويلح:الساترالله بعد الصلاه ندوره، (بهاللحظه حسيت إني بموت قعدت أناظرلمحمد وينه صويلح،،أثري الدلخ محمد نسى صويلح مربوط بشبك الغنم من البارح،، وأول ماكبر الإمام على طول أنا ومحمد إنحشنا نبي نفك صويلح المسكين،،بالنهايه فكيناه لكن ماإفتكينا من عصا أبو سالم مسكنا حنا الثلاثه وكسر العصا على ظهورنا،، رجعت للبيت وأنا أدعي على صويلح ومحمد ،،آه وش لون لو درت لمى إني ماأصلي ،،وش لون لو دروا أهل القريه إني ماصليت يافضيحتك يامساعد،،) للتحميل الروايه المصدر: منتديات خجلي - من قسم: قصص - قصص قصيره - روايات - قصص واقعية - روايات طويلة | |||
 |
|
| مواقع النشر (المفضلة) |
| الكلمات الدلالية (Tags) |
| تحميل رواية عشق بدوي يابنت ماتفهمينه كاملة 2013, رواية عشق بدوي يابنت ماتفهمينه كاملة للجوال 2013 |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تحميل رواية فارس احلامي كاملة , تحميل رواية مشاعل من اروع روايات النت كاملة | ملآك | قصص - قصص قصيره - روايات - قصص واقعية - روايات طويلة | 6 | 28 - 6 - 2014 03:28 PM |
| رواية الله يسعد شخص ساكن بي هنا كاملة 2013 , تحميل رواية الله يسعد شخص ساكن بي كامله للجوال 2013 | لمسه حنان | قصص - قصص قصيره - روايات - قصص واقعية - روايات طويلة | 0 | 20 - 11 - 2012 03:29 PM |
| رواية توامتان بثوب وعقال كاملة 2013 , تحميل رواية توامتان بثوب وعقال كاملة للجوال 2013 | لمسه حنان | قصص - قصص قصيره - روايات - قصص واقعية - روايات طويلة | 0 | 20 - 11 - 2012 03:25 PM |
| رواية بنات الجيران كاملة 2013 , تحميل رواية بنات الجيران كاملة للجوال 2013 | لمسه حنان | قصص - قصص قصيره - روايات - قصص واقعية - روايات طويلة | 0 | 20 - 11 - 2012 03:15 PM |
| عشق بدوي يابنت ماتفهمينه | بقايا انسان | قصص - قصص قصيره - روايات - قصص واقعية - روايات طويلة | 5 | 11 - 1 - 2009 05:02 PM |
العرض العادي
