متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 13 - 10 - 2013, 12:50 AM   #1

افتراضي جائزة...نوبل...



جائزة..نوبل..
جلس.. يتصفح الجرنال.. باهتمام بالغ..
سأله..صديقه..
فيه.. ايه..
جوائز.. نوبل..
مين اخذها ...
ثلاثة.. من امريكا..
وواحدة.. من كندا..
ومن المانيا.. وانجلترا..
ليه.. همه.. كم جائزة..
خمس جوائز كل سنة..اربعة منها ..بيسلمها ملك السويد
فى فروع الفيزياء الكيمياء وفى الادب..والطب
وجائزة نوبل..للسلام.. بتتسلم فى النرويج..
ودى.. قيمتها كبيرة..
طبعا..قيمتها. كبيرة. ماديا ومعنويا..
يعنى تساوى.. كم جنيه كده
تقريبا.. عشرة مليون جنيه مصرى.. لكل جائزة..
مبلغ.. كبير وحلو..
حلو.. جدا. ..طبعا
فيه.. حد من العرب.. اخدها السنة دى
لا السنى. دى.. ولا اللى.. قبلها..
يا راجل.. دور.. بس
دورت.. لسة.. محدش خدها
طيب.. دور تانى كده.. يمكن تلاقى واحد مدارى.فى حتة .ولا فيه غلطة فى اسمه..ولا حاجة..
دورت.وحياتك.. وفليت الجرنال..بالكلمة والسطر...
ما لقيت.. ولا واحد من الدول العربية.. اخدها.
ولا حتى كان مترشح لاخدها ..
خالص..
تقريبا..
ياراجل فيه ناس.. اخدوها فى السلام
.ايوة صح.. فى السلام..بس...من زمان..
..وكل.. اخدوها.. كانوا زعماء..
وانت عارف..جوائز نوبل للسلام.. بتعطى للزعماء..ليه..
ايوه ايوه..انا فاهم....يعنى بيدوها.. للمرضى عنهم..
عليك..نور...المرضى عنهم..
سيبك من دول..
انا .باسأل.. عن الجوائز التانية.. زى بتاعة احمد زويل..
ما فيش حد تانى..اخدها.. من ايامه..
ولا واحد..
يا ساتر يارب..
ليه كده..
ما فيش شغل.صح.. يستحق الجايزة..
واحمد زويل.. عربى..
ايوة يا راجل..مولود فى مصر.. بس قاعد فى امريكا ومتجنس بجنسيتها..
انا قصدى الشغل اللى اخد بيه الجايزة..كان فى مصر ولا فى امريكا..
كان فى.. امريكا..
يبقى احنا.. بنتمحك..فيه..
هوه احنا..لقينا غيره..من خمستاشر سنة..وقلنا.. لا..
ما هو.. من مافيش..
طيب وبعدين.. امتى ناخد.. جوائز نوبل.. كده زى الدول الغربية..
.لما يفتحوا..فرع لجائزة نوبل..عن اعمال.الحماقة.. والغباء..
اقدر اضمن..لك وبشكل ممؤكد..اننا..سنحصل عليها..وربما..كل سنة...
انت عارف..ومتأكد انه فيه.حد يستحق..ياخد جائزة نوبل..فى الفرع..اللى انت قلته.عليه.ده..
قصدك.. فى فرع.. الحماقة. والغباء..
ياه...متعدش....طوابير..كتير..ملهاش.. اخر..
كتير ..قوى.. كده..
يا سلام ..دا احنا عندنا..تاريخ. واساتذة..فى الحاجات دى..
زى مين ..كده..
يا سلام..هوه انت جيت.. فى جمل..
عد..يا عم.. الحكومات..واللى اشتغلوا فى الحكومات والهيئات والجامعات ..
مالهم.. دول..
بيخرجوا.. عباقرة.. كل سنة..
عباقرة..
عباقرة ..مالهمش زى..
عملوا... ايه..يعنى....
اخترعوا..غباءات..جديدة...وحماقات..جديدة...
عملت ايه.. الاختراعات..الجديدة..دية..
قضت بسرعة.. على المشاكل الاقتصادية. والاجتماعية...
زى ايه..
زى مشكلة الفقر..
خلت الفقير..ينسى تماما.. مشكلة الفقر..
بان جعلته.. يلعب رياضة جديدة علمتها له بدون اى مصاريف
ايه هيه الرياضة دى
جعلته يلطم.. كل يوم.. على دماغه.. ودماغ اللى خلفوه....
لانهم.. ولدوه.. فى ظل.. هذه الحكومات..
وبعد ما يلعب رياضة على دماغه ودماغ اللى خلفوه زى ما انت بتقول بيعمل ايه
بيعمل خفيف
يعنى ايه
يعنى لمؤاخذة عقله فك من الضرب وطار..وما عدش يسال لا فى ميه ولا عيش
ولا سكن وبيبات فى الشارع ..وميت فل واربعتاشر..
طيب والمشاكل الاجتماعية..
قصدك.. يعنى الجواز..
الشباب جاب من الاخر.. قبل ما يلسع ..هوه التانى...وفك نفسه فى الشارع..
ازاى.. يعنى..
يعنى بقى لمؤاخذة.. يتحرش بالحريم فى الشراع....
طيب.. ليه كده..
الشقة.. سعرها مليون جنيه.. واكثر...
عاوز الحكومة..الموقرة.. تدى المواطن شقة بمليون جنيه..ليه هيه اتهبلت فى دماغها..
عن ابوه ما سكن.. ولا شم ريحتها...
امال الشقق محدودة الدخل.. بتروح فين..
انت سمعت عنها..
ايوه..
وانا كمان سمعت.. عنها..
طيب.. راحت فين..
تقريبا..والله اعلم.. بيصدروها للخارج..
يا راجل..
امال..احنا حالنا..بقى...بيتدحدر.. لورا.. ليه..
ايوه دا همه بينى وبينك.. عاوزين موسوعة جينز.. مش جوايز نوبل..
ايوه.. نرجع لمرجعنا..احسن..
وحكومة السويد ما خصصتش جايزة لفرع..الغباوة والحماقة ولو من باب المساعدة.ليه.
عاشان المأسوف على شبابه.. الفريد نوبل..ما وصاش .فى الوصية بتاعته..على منح جايزة فى الفرع ده
هو وصى بمنحها فى الفروع العلمية.. اللى فيها منافسة..علمية..
والفرع.. ده ما فيهش.. منافسة خالص..
يا سلام..
مين ح ينافسنا في الغباء واحنا عندنا منه بالكوم.. فطرى..ومخترع..ومتفبرك..
والحماقة..كمان..على كل لون.. يا حماقة..
حاجة تشرف..
قوى..
علشان كده رفضوا يعملوا.. جايزة فى الشيئ اللى احنا ممتازين فيه ومتقدمين كمان..فيه..
طبعا..اكيد...لانهم عارفين ان احنا ح نحتكرها...
يا سلام
ويمكن..كمان. نورثها.. جيل عن جيل..
يبقوا.. مستقصدنا.. بقى..
مستقصدنا.. بس..ومتهضنا.. كمان..
كلماتى وبقلمى
محمد جادالله محمد الفحل












آخر مواضيعي

0 اليوم..حفل..
0 ايتها..الشقراء
0 اى خمر هذا
0 الى متى يا عراق
0 ورقة ..كوتشينة
0 كلمات
0 سوق المدينة
0 برلسكونى
0 الرئيس..فلاديمير بوتين
0 خرج


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
جائزة الطفل الخليجي , الجمعية الكويتية للفنون التشكيلية , جائزة سعاد الصباح صعب المنال اخبار عامه - سياسيه - اقتصادية - عالمية - متنوعة 0 28 - 4 - 2013 03:23 PM
عائض القرني يرفض جائزة نوبل للسلام , اخبار عائض القرني 2013 , تصريحات عائض القرني 2013 صعب المنال اخبار عامه - سياسيه - اقتصادية - عالمية - متنوعة 1 12 - 2 - 2013 05:38 AM
جائزة التميز في العمل الخيري بالسعودية , انطلاق جائزة للتميز في العمل الخيري , جائزة التميز صعب المنال اخبار عامه - سياسيه - اقتصادية - عالمية - متنوعة 0 31 - 1 - 2013 03:15 PM
اول مرشح خليجي لجائزة نوبل , حبيب الصايغ اول مرشح خليجي لجائزة نوبل صعب المنال اخبار عامه - سياسيه - اقتصادية - عالمية - متنوعة 0 29 - 1 - 2013 02:13 AM
توكل كرمان " اليمنية " تتسلم جائزة نوبل للسلام 2011 فواز حسن اخبار عامه - سياسيه - اقتصادية - عالمية - متنوعة 0 11 - 12 - 2011 03:01 AM


الساعة الآن 01:57 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول