متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
28 - 3 - 2014, 11:24 AM
| #1 | |||
| صعب المنال خجلي موهوب  |  روايه طموح خريجه , روايات طموح خريجه , روايه خريجه
في فيلا فخمه باحد مناطق الكويت ديكور راقي البيت مسور بسور اسود يغطي جزء من الحديقه الواسعه بداخل البيت بالتحديد بغرفه يوسف غرفه بسيطه بالوان هاديه < ازق بابيض برمادي يوسف منسدح على سريره مسند ضهره بالمخده يطالع الطوفه وبايده زقاره وبيده الثانيه تلفونه غمض عيونه وخذا نفس عمييق وبدا يفكر فكره رايحه وفكره راده :P *رن تلفونه فجاه* يطالع التلفون بتملل > ارد ولا ما ارد ؟ __ يوسف : الو -.- عزيز : هلا والله يوسف يوسف : هلا فيك عزيز عزيز : لا يكون نايم يوسف : لا قاعد شعندك؟ عزيز : ما عندي شي بس دقيت اتطمن صار لي يومين موشايفك عسى ماشر يوسف : ماشر بس محتاس هاليومين وينك انت عزيز : انا رايح الجامعه الحين يوسف : محاضرتك الساعه جم ؟ عزيز : الساعه 11:00 يوسف : عيل الساعه 12 انطرك عند كاريبو "كوفي" ابيك بسالفه عزيز: قلت فيك بلا ما صدقتني يوسف : مافي شي بس ابي استشيرك بموضوع عزيز : ابشر اخلص واجيك يوسف : تبشر بالجنه عزيز : يلا تامر على شي ؟ يوسف : لا سلامتك عزيز : يلا مع السلامه يوسف : مع السلامه حط فونه على الشحن وقام من فراشه خذا له دش دافي صحصح من وراه وتعطر بذاك العطر الي يشمه اخر بيت ............... واهو نازل من الدرج لمح امه قاعده بالصاله مع اخته الكبيره يسولفون __ ام يوسف : انت من متى بالبيت ؟ يوسف : ما طلعت اليوم ام يوسف : غريبه مالك حس يوسف : اوه عبير عندنا عبير : من امس يالدايخ *يسلم ع عبير ويبوس راس امه* يوسف : لايكون تطلقتي ؟ ام يوسف بانفعاليه : فال اللله ولا فااالك !! عبير : قل خيرا او انجب يوسف : هههههههه شدعوه يما اتغشمر ام يوسف : لا يما لا تتغشمر بهالسوالف يوسف : ان شالله , يلا انا بطلع تامرين على شي ام يوسف : لا سلامتك بس دير بالك على نفسك يوسف : ان شاللله يلا عن اذنكم ام يوسف : حافظك الله عبير : اذنك معاك __ عبير اخت يوسف الكبيره 29 سنه حنوونه حيل وقلبها طططيب وكل عطله تنام عندهم عشان تتونس مع امها عندها بنت وحده عمرها 4 سنوات و مخبله بيوسف و ولد عمره 6 سنوات ولا واحد فيهم يحب يوسف مع انه يموت فيهم وكله يحاول يتقرب منهم بس ماكو مجال :Pp __ الساعه 12 يوسف سافط سيارته عند كاريبو وينطر عزيز يشرف دقايق و عزيز داخل الكوفي __ عزيز : تاخرت ؟! يوسف : لا اصلا توني واصل > صار له ساعه ينطر عزيز : ها شفيك ؟ شعندك ؟ يوسف : اول شي شتشرب ؟ عزيز : يوسف ادخل بالموضوع ماني صاحبتك تعزمني نظام جنتل مان ! يلا قول يوسف : مو كفو هههههههه اسمع عزيز : اسمعك يوسف : انا احب ................... < قاله عن اماني عزيز : حلو باين انها محترمه بس موجنها صغيره ؟ يوسف : انت لو تسمع سوالفها ما تعطيها على هالعمر ! عزيز : زين وين المشكله ؟ ما فهمت يوسف : اهو مافي مشكله بس انا احبها! عزيز : زين ! يوسف : حتى صوره ما شفت لها عزيز : ولييه شلون ما شفت صورتها ! يوسف : ماطلبتها عزيز : خو لازم تطلب ! خوفك تطلع سحت وتتوهق فيها يوسف : لا مو سحت بس مو هذا الموضوع عزيز : ها عيل ؟ ترا دوختني يوسف : ابي اواعدها عزيز : انت صوره ما طلبت منها !! تبي تواعدها ؟؟ يوسف : اواعدها احسن من اطلب صوره ! عزيز : شلون احسن بالله ! يوسف : الصوره يمكن تخاف تدزها لاكن اواعدها مافيها خوف جدام الناس! عزيز : بالنسبه لك عادي جدام الناس بس البنت سمعه ! مو حلوه تواعدك جدام الناس يوسف : يعني بالله بتقبل اواعدها بمكان مافي احد ! عزيز : انت الحين جم سنه صار لك معاها ؟ يوسف : تقريبا بندش السنه الثالثه عزيز : والله انت طيب ! ثالث سنه وما شفتها!! يوسف : أي انا ماكنت ابي اشوفها! مابي اواعدها ! بس الحين ودي اشوفها ! ابي احس فيها عزيز : ما اتوقع بتوافق يوسف : أي هذا اهو ! مرح توافق عزيز : زين باقي لها جم شهر و بتتخرج ! اذا دشت الجامعه مستحيل ما تشوفها يوسف : وليش واثق جذي ! عزيز : خذها مني ! مسستحيل تمر علاقتكم وما تشوفها واهي بالجاممعه يوسف : ما ابيها تضيع مني ! راضي حتى لو اشوفها من بعيد! عزيز : والله وطلعت مو هين ! ثلاث سنين تحب ومحد يدري ! يوسف : وليش احد يدري ؟! انا ابيها حقي مو ماخذها تقزيره عشان امشي واسولف عنها عزيز : كفو والله شنب :Pp __ الساعه 06:00 المغرب على شوااطى بحر الكويت بوقت غروب الشمس والاجواء رومنسيه وهاديه الجو بارد مع صوت امواج الماي المرتفعه وهمسات الناس في كل مكان ونسمات الهوا تداعب خيالك امماني منسدحه وسارحهه بخيالها لابعد الحدود موح اسه باحد كانها بالبحر بروحها تفكر بيوسف وتتخيله معاها تتذكر صوته وسوالفه ..! شلون مرت هالسنين اهم مع بعض شلون مرت الايام بالسرعه امس كانت طفله مغمضه ...! لقت يوسف و بدا يعلمها كل شي كبرت و وعت على الدنيا معاه ما تتخيل لحضه تمر بحياتها بدونه اول ما تستانس تفكر فيه وتفكر تكلمه وتقوله الي صار معاها حيل متعلقه فيه _ "اماااني" قاطع تفكيرها صوت من بعيد " اماني" فزت من مكانها ولفت على بنت خالتها من بعيد __ اماني : هاااا :@ فرح : يللا العشا ! ولا ما تبين تاكلين ؟ اماني : بلا الحين جايه ^ قامت من مكانه ونفضت التراب الي على ملابسها وتوجههت للمكان الي فيه خخالتها وامها اماني تطالع الاكل بدون نفس ام اماني : مو عاجبج صح ؟ اماني : يععني من متى احب المشاوي ؟ فرح : وانا مالي نفس :D ام فرح : انتي مع الخيل يا شقرا ام اماني : مافي عشا غير هذا تبون ولالا ؟ ااماني : انا ابي اطلب لي من برقر كنق هناك ام اماني : وين هناك ؟! بعيد عليكم فرح بحماس : لالا خالتي مو بعيد عادي بنطلب ونرد ام اماني : لا تتاخرون بسرعه اماني : ان ششالله ام فرح : معاكم فلووس ؟ اماني : أي معاي < فرح تقرصها عشان تسكت فرح : لا ما معانا ام فرح : اخذي من بوكي فرح *تاخذ الفلوس* اماني : هههههه يلا بسرعه __ توجهت اماني وفرح للمطعم واهم يتمشون خذتهم السوالف ولهتهم عن المسافه الشااسعه الي بين البحر و المطعم > عووب :Pp __ اماني ودها تقول حق فرح عن يوسف بس متردده خصوصا ان يوسف حذرها ما تعلم احد تحفظا عليها وعشان ما تصير مشاكل بس اماني واثقه بفرح حيل بنفس الوقت خايفه تكلمها فرح كبيره مو صغيره ! بثانيه جامعه ! يمكن تعلم ام اماني عن يوسف ! ويمكن تحافظ على السر من كثر ما اهي عاشقه يوسف مو قادره تكتمه السر تبي تسولف لحد عنه ....! تبي تقولهم شكثر اهي تحبه ..! تبي تعبر بس ماسكه نفسها كل هذا عشان يوسف فرح : اماني شفيج ساكته ؟ وكل ما جت تقول حق فرح تتذكر كلام يوسف "اذا زل لسانج احتمال منتواصل مع بعض ابدا!! ديري بالج" اماني: اممم مادري ماعندي شي اقوله فرح: زين شخبار المدرسه ؟ اماني: ماعليها تمام :P فرح : لي الحين ما قررتي شنو تدخليين؟ اماني: اممممم والله لي الحين مافكرت فرح: كلش كلش ؟! اماني: شنو تشورين علي؟ فرح: انتي رسامه وتحبين الرسم ! دشي تربيه اساسيه رسم اماني: بس ما ابي اصير ابله ! فرح: مو شرط ابله كملي دراستج صيري دكتوره بالجامعه ! اماني: ما اقدر اكمل دراستي بالكويت مافي ! فرح: زين شفيها الابله ؟ راحه امان: لاا مسستحيل اصير ابله ! اطلع من مدرسه عشان ادش مدرسه ثانيه !! اماني: ابي AUM فرح: شمعنه ؟! اماني بقلبها "عشان يوسف" : بس فرح: شنو بتدخلين اماني: ابي ادخل اداره اعمال او محاسبه فرح: حلو والله ! وانتي شاطره بالانجليزي وتحبين الرياضيات منقول الروايه من صاحبه الروايه سكر كروز المصدر: منتديات خجلي - من قسم: قصص - قصص قصيره - روايات - قصص واقعية - روايات طويلة | |||
 |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايه انتقام بويه , روايات بويه , روايه بويه , روايه انتقام بويه كامله | صعب المنال | قصص - قصص قصيره - روايات - قصص واقعية - روايات طويلة | 0 | 28 - 3 - 2014 11:22 AM |
| مالذي يريده ويتوقعه الزوج من زوجته | بينو بنت حسن | الحياة الزوجية - زواج - الحمل - مشاكل الزواج | 0 | 8 - 10 - 2013 04:17 AM |
| تحميل روايه حب في جمس , روايه حب في جمس كامله 1434 | لمسه حنان | قصص - قصص قصيره - روايات - قصص واقعية - روايات طويلة | 0 | 26 - 11 - 2012 07:00 PM |
| روايه ولد العم 1434 , تحميل روايه ولد العم 1434 , روايه ولد العم كامله لتحميل 2013 | لمسه حنان | قصص - قصص قصيره - روايات - قصص واقعية - روايات طويلة | 0 | 20 - 11 - 2012 02:55 PM |
| مريض نفسي يعتدي على عدد من موظفي جريده عكاظ | صعب المنال | اخبار عامه - سياسيه - اقتصادية - عالمية - متنوعة | 1 | 18 - 11 - 2011 10:08 PM |
العرض العادي
