مسجات شوق للجوال 2015 ، رسائل حنين للهاتف 2015

ياليت لي ف بال الاحباب طاري
ياما على وصلك تحريت ذكرى
وياما ع طاريك عطرت داري
لمصافحك كفي من العام عذرا
تغار من لهفة يميني يساري

أحتاجلك لاضيّق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أحتاجلك في كل لحظه بعمري
لاصرت روحي كيف أحيا بلاها



لو تدري الشوق بعدك وين وداني
مكان والله يمر البعد في بالك
تبقى حبيبي ولو تزعل وتنساني
تبقى بقلبي كبير ودايم لحالك
الليل بعدك ظلامه طال وأشقاني
والفجر نوره تعذر يطلب وصالك



الغالي أدري وين ماراح غالي
وأدري يعود من الوله يم مغليه
لكن بلاي إن صد وأسرف بحالي
وأقفى وقلبي سبحةً بين أياديه
وجلست أصـفق في يميني شمالي
بين المكان وذكرياته وطاريه



الحب جملة تحترق لين تنقال
شعور غامض صعب شي خيالي
تحس في قلبك من الشوق زلزال
نار توقد والسبب بعد غالي
تعبت عقبك حيل ما تشوف هالحال
واصبحت مثل الي من العقل خالي



ياللي كتبتي من دم القلب حبك
الله حسيبك كيف هان ومحيتيه
يا هاجرة ما خفتي الله ربك
في قلبي اللي طول عمرك ملكتيه



ياللي تناسيتي حياتي بقربك
انا القتيل اللي بكفك قتلتيه
ساقي تعب يمشي على طول دربك
يتبع سراب في طريقك رسمتيه



احبك رغم تجريح الليالي لقلبي المقهور
أشوف الجرح يكبر وأنت تكبر وسط تفكيري
احبك لو يموت الحب وتصير القلوب قبور
احبك كلمه لو حرموها حل تفكيري
احبك من هنا حتى طلوع الفجر حد النور




رق الخفوق اللي عروقه تلون
من كثر ما عاف الصبر والتوابه
مشتاق لك يا من غرامه تكون
في كل ما في الكون صدقه وسرابه
مشتاق لك يا من لعينه أدون
أجمل معاني الحب بأحلى كتابه



يا ليتني شمس تداعب جبينك
اشرق على خدك وحضني يدفيك
يا ليتني قمر يضوي سنينك
امسي على نورك ونوري يمسيك
يا ليتني ما بين رمشك وعينك
اشوف لك دربك وانا تايه فيك



ان غبت لحظه تهل العين لك عبره
والقلب توقف على فرقاك دقاته
والعقل يتلف وحالي ينتهي صبره
والصدر في غيبتك ياكثر ضيقاته
شفت الوطن ياعديل الروح وش كبره
تضيق فيني بعد هجرك مساحاته



الله يعين الروح كم هي تمنى
شوف الحبيب ساعة عقب حرمان
والله يجازي اللي بلطفه هدمنا
وقت تبدل وأصبح الوصل هجران
أقفى عشير الروح راح وتركنا
وشوك الثرى دسناه في درب الأحزان



لو غديت بدرب حبك وش يصير
كم سفينة ضاعت بعرض البحر
لو نزل دمعي على شانك غزير
يستحق الورد رشات المطر
لو بقيت الليل من شانك سهير
تستلذ العين لأجلك بالسهر
لو فؤادي كل ماشفتك يطير
من يلوم الطير في حب الشجر



ولع رماد الشوق يا معذبي نار
من كان يحلم بشتعال الرمادي
ما كنت أحسب إنه يكون اللقا حار
لين إلتقينا و أشبكتنا الأيادي
و قامت لنا الذكرى تغني على الطار
تنساب بأسماعي نغم حب هادي
حسيت شي لفني مثل الإعصار
واستيقظت نشوة غلاك بفؤادي


أدق هاجوس الغلا وأشعل الضو
وأمدح رفيقي يوم يطري عليا
له منزل ركنه عزم نجمة الجو
متمركز بين القمر والثريا



الموت كله في عيونك
طاغي سحرها يملك القلب
في الصدر صابتني طعونك
أصيح لك وأنا معذب
ماعيش صدقني بدونك
جميل وكل مافيك ينحب
كنك قمر في وسط كونك
مايختفي نورك ورى السحب
ماخذتني والله بهونك
وانا عليك اشره واعتب
اخذت روحي من عيونك
حرام روحي مالها ذنب



حلفت لك باللي على القلب ولاك
واللي عطاك الزين مع زود فنا
ان الشموس اتطل في وقت لقياك
وان الظلام يحل لا غبت عنا
وان كنت تبغي الصدق لا عدمناك
ما يدرك الغايات كل من تمنا



قلبك العاشق ومن عشقه كساني
لو تبي هالروح ماتغلى عطيتك
اطلب البسمة وبك جرحي نساني
بس أبيك تكون في قربي رجيتك
جيت لك بأهديك عمري مع زماني
حيل أحبك يا سما عمري فديتك
حيل أحبك ما حد غيرك حواني
لا تقول اليوم اني ما هويتك
قول قلبي مايعيشه شخـص ثاني



يصير الخل يتناسى لخلانه
يصير الزهر يتنكر لسيقانه
يصير الورد يتبختر بألوانه
يصير البدر يتكبر على أخوانه
يموت الحب و تبقى حيّة أحزانه



قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالاحساس حلت
وقل للخفوق اللي عجز عنه الأطباب
ترى المشاعر من عنا البعد ملت