متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
3 - 6 - 2015, 07:04 PM
| #1 | ||||
| صعب المنال خجلي موهوب  |  عبارات عن مصر
مصر ياأم الحضارة والعصر مصر يا أم الطيابة والأصل مصر يا أم النيل الجديـــــــد مصر يا أم الوادي الجديــد مصـــــــــــــــر بلادي أحبها من كل دمي وفؤادي مصر ياأم الاراضي الخضراء مصر يا أم السماء الزرقاء مصر يا أم العلم والعلماء مصر يا أم الفقه والفقهاء مصـــــــــــــــر بلادي أحبها من كل دمي وفؤادي مصر يا أم الجبال الصفراء مصر ياأم النخيل الخضراء مصر يا أم المياة العذباء مصر يا أم القلوب البيضاء مصـــــــــــــــر بلادي أحبها من كل دمي وفؤادي مصر يا أم الشعر والشعراء مصر يا أم أمير الشعراء مصر ياأم المنيا عروس الصعيد في الدنيا مصر يا أم الاسكندرية عروس البحر الأبيض دي حاجة تانية كلام في حب مصر على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت
فيه القمر مصطفى حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر أنا اللي اسمي حتحـور .. أنا بنت رع مثـال الأمـومـة ورمـز الحـنـان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش ليش وحصان صهل صحى جميع الجيش على اسم مصر النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة أسمعها مهموسة والا أسمعها مشخوطة شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أو حيحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد أقوله لحد القمح ليه اسمه قمح اليوم وأمس وغد ومصر يحرم عليها .. والجدال يشتد
المصدر: منتديات خجلي - من قسم: مواضيع عامة - مواضيع ثقافيه - مواضيع منوعه | ||||
 |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عبارات عن المولود الجديد , عبارات للمولود الجديد , عبارات مولود جديد | صعب المنال | التربية - الطفل - الرضاعة - العنايه بالطفل | 0 | 5 - 10 - 2013 02:30 PM |
| عبارات عن الضحك , عبارة ضحك , عبارات مضحكة , كلمات عن الضحكة | صعب المنال | مواضيع عامة - مواضيع ثقافيه - مواضيع منوعه | 0 | 10 - 9 - 2013 01:29 PM |
| عبارة عن الخريجات , عبارات للخريجات , عبارات خريج , اجمل عبارات الخريجات | صعب المنال | مواضيع عامة - مواضيع ثقافيه - مواضيع منوعه | 0 | 10 - 9 - 2013 01:11 PM |
| عبارات 2013 , عبارات حلوه 2013 , عبارات قصيرة 2013 , عبارات جديدة 2013 | صعب المنال | خواطر - نثر - عذب الكلام - خواطر حب - خواطر حزينة | 0 | 25 - 11 - 2012 01:42 PM |
| عبارات للعيد 2013 , عبارات عيد الفطر السعيد 2013 , عبارات تهاني بالعيد 2013 | صعب المنال | جوالات - اتصالات - مسجات - sms - mms - برامج جوال - نغمات - ثيمات | 0 | 6 - 8 - 2012 08:59 PM |
العرض العادي
