متابعين خجلي على تويتر

متابعين خجلي على الفيسبوك

 


العودة   منتديات خجلي > عالم بنات حواء الخاص > مطبخ خجلي - اكلات - معجنات - حلويات - سلطات - مقبلات

إضافة رد
 
LinkBack أدوات الموضوع انواع عرض الموضوع
قديم 28 - 4 - 2011, 11:09 AM   #1

فايزه ستايل
Post طريقة حفظ جميع الخضروات و الفواكة



طريقة حفظ جميع الخضروات و الفواكة فى الديب فريز



طريقة جميع الخضروات الفواكة

اولا الطماطم :


أنا بجيب الطماطم مستوية وبعدين اضربها فى الخلاط واصفيها بصفايه .. وبعدين احط لكل كيلو طماطم تلات ملاعق سمن واسيبها لحد ماتنشف مايتها خالص وبعدين احطها فى اكياس وكل كيس على قد الاكلة..


ثانيا الثوم:أنا بشترى الثوم فى شهر مايو لان سعره بيكون رخيص وكمان بيكون مش جديد فيبقى تقشيره صعب ولا قديم فيبقى فاضى ....
بجيب الثوم واقشره واحطه فى الخلاط واحط معاه لكل كيلو ثوم اتنين ملعقة كبيرة زيت ونص ملعقة ملح... واضربهم لحد مايبقى ناعم... واحط معظم الكمية فى برطمان زجاجى (والزيت عشان لون الثوم مايتغيرش وكمان يحتفظ بالنكهة بتاعته.. اما الملح عشان مايجمدش فى الفريزر واعرف اخد منه بالمعلقة بطريقة سهلة).... اما باقى الكمية باحط معاهم فى الخلاط فلفل اخضر وكسبرة خضرة وكمون كتير وبضربهم مرة تانية لحد ما المكونات تنعم وبحطهم فى برطمان تانى عشان تتبيل السمك وطواجن الجمبرى والكاليمارى.. وتتبيلة البدنجان المخلل وحاجات كتير.......وبيقعد عندى من السنة للسنة اللى بعدها....


ثالثا البسلة:بجيب البسلة واخرج حبوب البسلة من قشرتها واحطها فى كيس مع جزر مقطع مكعبات صغيرة ... وبس
مصدرى فى نقل هى المعلومات
Make Potato Lentil Soup..
رابعا الفاصوليا:بقطع طرفى الفاصوليا وبعدين اقطع الفاصوليا الى قطع متوسطة وبعدين اكون حاطة على النار حلة فيها ماء مغلى وملح واسقط الفاصوليا لمدة دقيقة بعد ما اشيل الحلة من على النار واصفيها فى مصفاة وبعد متتصفى خالص اكون مجهزة طبق فيه ماءوثلج كتير واحط المصفاه بالفاصوليا في الماء المثلج لمدة ثوانى حتى تحتفظ بلونها اخضر زاهى ..... واصفى الفاصوليا مرة اخرى واعبيها فى اكياس على حسب الأكلة..



خامسا الخضرة:بالنسبة للبقدونس والكسبرة والشبت بغسلهم كويس اوى وانقعهم بعد كده فى ماء مضاف ليه معلقة خل وبعدين افرمهم ناعم اوى بمخرطة الملوخية وواصفيهم لمدة ساعتين على قطعة قماش وبعدين احطهم فى كيس وكل ما احتاج شويه اخدهم من الكيس على طول..وباستخدمه لخلطة المحشى والممبار والفول بالتقلية وساعات لما بيكون عندى عزومة بافرشهم تحت الاكل فى الطبق وارشهم على الطبق ...


سادسا البطاطس المقلية:باقشر البطاطس واغسلها بعد ماأقشرها بس... وبعدين اأقطعا صوابع متوسطة وطويلة.. وانقعها فى ماء ساخن وملح وخل وملعقة سكر..(لكل كيلو بطاطس 1لتر ماء ساخن و3ملعقة ملح صغيرة وربع كوب خل وملعقة سكر) واتركها فى الماء منقوعة لحدمايبرد (مش اوى )يكون دافئ واحمرها فى زيت غزير وساخن جدا واقلبها باستمرار لكن بعد ما تاخد اللون الاصفر الفاتح.. واقلبها لحد لونها ما يبقى دهبى فاتح وأنشلها على ورق ماص للزيت واسيبها لحد ماتبرد وبعدين احطها فى علبة بلاستيك فى الفريزر... واخرجها فى اى وقت على الطاسة اللى فيها زيت ساخن جدا على طول من الفريزر(عشان درجة برودة البطاطس هتقلل درجة حرارة الزيت فلازم يكون الزيت سخن اوى اوى)


سابعا ورق العنب:باقوم برص ورق العنب واحدة عكس واحدة... يعنى امسك الورقة من العنقود واحطها فى اتجاه معين والورقة اللى بعدها اخلى العنقود فى الجهة الاخرى .......واشيلهم فى اكياس فى الفريزر ولما باطلع الكيس باسلق ورق العنب وهو متجمد..


ثامنا الباميه:باقمع البامية وأغليها لمدة تلات دقائق فى مية مغلية على النارواطلعها من المية المغلية على مياة فيها مثلجة(فيها تلج)واصفيها كويس من المية واشيلها فى اكياس ولما باستخدمها بحطها وهى متجمدة مش بسيبها تفك عشان لونها يبقى حلو مش غامق..


خامسا الموز:لكل كيلو موز ربع كوب لبن و2 ملعق سكر واضربه فى الخلاط هايبقى عندك جرانيتا موز تحفة ... باخد منها بالمعلقة واعمل عصير موز باللبن او بحطها على فروت سلاط بدل الأيس كريم وبحطها كمان على الكيكة وهية لسه طالعة من الفرن (ساخن مع بارد) بس مش هاقدر اوصفهالكو يميي موت..


سادسا الجوافة:باقطعها شرايح واحط عليها سكر واشيلها فى الفريرز فى اكياس حسب الحاجة...
هى المعلومات نقلتها اليكم من مصدر


سابعا البلح الرطب (الاسمر):باشيله فى برطمان بعد ما أشيل النوى وأقسمه نصفين.. باحطه بالطول جنب بعض وده بيسهل انى اخد منه من غير مايتقطم .. وعلى فكرة مش بيتجمد أبدا" .. وبعمل منه تارت البلح وكيكة البلح فى اى وقت فى السنة...


ثامنا الرومان:بافصص الرومان واخرج الحب واحط عليه سكر واشيلة فى اكياس ... ومش بيتجمد برضه.. وباستخدمه فى الفروت سلاط وسلاطة الرومان وتارت الفواكه وكزينة لكثير من الحلويات والايس كريم.. وكمان بعمله عصير واصفيه ..

تاسعا العنب: باشترى العنب اللى حباته كبيرة سواء كان أحمر أو أخضر.. وباشيله فى اكيس بعد ما بأفرط العنب من العنقود واغسله.. وباخد كمية منه واسيبها يومين على صينية كبيرة مفروشة بورق ابيض وعلى الورق فوطة قماش .. وبعدين اجيب حلة واحط فيها ماء مغلى وزيت لوز (لكل لتر ماء ملعقة زيت لوز صغيرة) ونضع فيها العنب بعد ان أصبح ذابلا" لمدة ثلاث دقائق وبعدين باصفى العنب وبعدين باحطه مرة تانية على نفس الصينية وباسيبها فى مكان مشمس اوى لمدة عشرة ايام وكل يوم باقلبه.. هايبقى عندك زبيب بيتى .. انا باعملة لو كان العنب اللى عندى بقى ذابل او كان مش حلو اوى...


عاشرا" الليمون والبرتقال البلدى:الاتنين باعملهم بنفس الطريقة... الاول بابشر قشر الليمون اوالبرتقال بمشرة صغيرة اوى.. ماتبشريش الجزء الابيض... وباحتفظ بيهم فى علب تلاجة صغيرة اوى او برطمانات صغيرة لانى باعمل كميه كبيرة جدا..وبعدين باقسم الليمون والبرتقال اللى بشرت قشرتهم نصفين وباعصرهم كويس وباحطهم فى علب مكعبات التلج ... وباعملهم مكعبات ليمن وبرتقال.. وكل مكعب على قد كوب العصير لو قلبناه كويس مع ماء وسكر... او كميه مكعبات فى الخلاط مع مياة وسكر.......وكمان مكعبات الليمون باتبل بيها الفرخ والبفتيك مع باقى المكونات طبعا.. وباعمل منها كل حاجة.. الشربات بتاع الحلويات.. وباغلى مع مكعب ليمون شوية مياه فى اى حلة المونيوم يكون لونها بقى غامق... وحاجات تانية كتير .. يعنى انتى ومزاجك..





طريقة جميع الخضروات الفواكة













آخر مواضيعي

0 اجمل 40جملة
0 طريقة حفظ جميع الخضروات و الفواكة
0 آخر صرخات المكياج لخديجه العلي
0 عطوني رآيكم
0 طفل لايحب الرسول صلى الله عليه وسلم
0 سبحان الله مولود براسين وجسد واحد
0 هل تعلم ماذا يفعل لك القران عند موتك ؟؟؟
0 الصلاة نور
0 ذكرياتك عن أمك
0 فضل سورة البقرة


  رد مع اقتباس
قديم 27 - 12 - 2011, 06:36 PM   #3

افتراضي رد: طريقة حفظ جميع الخضروات و الفواكة



يعطيك الف عاااافيه










آخر مواضيعي

0 عليييييييييييك صح ,, جرحك بالصميم


  رد مع اقتباس
إضافة رد

مواقع النشر (المفضلة)

الكلمات الدلالية (Tags)
الخضروات, الفواكة, جميع, طريقة

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ارجوا حذف جميع مشاركاتي ورود الحاضر مواضيع عامة - مواضيع ثقافيه - مواضيع منوعه 10 28 - 8 - 2011 11:58 PM
كى يرضى عنك حميع الناس آآلجرجآآوى مواضيع عامة - مواضيع ثقافيه - مواضيع منوعه 0 25 - 8 - 2011 02:03 AM
فوائد الخضروات الورقية حنين الروح صحة - طب بديل - اعشاب - تغذية - رجيم - نصائح طبيه 1 23 - 8 - 2011 07:21 PM
فوائد الفواكة المجففة حنين الروح صحة - طب بديل - اعشاب - تغذية - رجيم - نصائح طبيه 1 14 - 7 - 2011 07:32 AM
جميع المناهج السعودية في ملفات pdf خجلي الارشيف - المواضيع المكرره - المواضيع المحذوفة 0 30 - 11 - 2008 09:02 AM


الساعة الآن 08:41 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت