كبسة البرياني , طريقة كبسة البرياني بالدجاج

صعب المنال

اول شي اغسلي كوبين رز وانقيعه انا نقعته بمويه مغليه اسرع ينقع
بعدين قطعي بصله صغيره مكعبات صغيره في قدر الضغط وحطي عليها زيت و2 فص ثوم مهروس وخليه على النار اذا ذبل وبدى يتشقر ضعي طماطم صغيره وفلفل بارد مقطع صغير
و7 اورق نعناع وشوي بقدونس مقطع صغيريعطي نكهه حلوه مره ويوضع على البصل وتخليه شوي وضعي اعواد القرفه وكم حبه قرنفل و2ورق غار



ثم ضعي الدجاج مشيوله الجلد ويحمس شوي ونضع الملح وبهارت الدجاج وكزبره مطحونه وشوي كركم







ثم نضع نص كوب ماء وزبادي ونحركه ونضغط القدر ونخلي النار وسط نتركه الى ان نخلص من طبخ الارز
معليش اخواتي نسيت اصور لما حطيت الزبادي
نجي للارز نضعه في قدر بعد مانصفيه ونضع ملح وماجي ابيض واعواد قرفه وورق غار وفلفل حار وزيت ومويه مغليه تكون فوق مستوى الارز شوي



تخلي نار الرز وسط واذا نشفت المويه شوي يعني اذا حركتي الملعقة تلقين شوي مويه في الرز طفي عليه


نشيل الصفيره حقت الضاغط واذا راح البخار نفتح يكون فيه شوي مرق مايغطي الدجاج


نضع الارز على الدجاج ونضع فوق الارز بصل مقلي (طبعا انا اقلى كميه وافرزنها )وزبيب وجزر مبشور ونضغط القدر على نار وسط لمده ربع ساعه
عند التقديم نشيل الكشنه ونضع الارز الابيض ثم الدجاج ويجمل بالكشنه

المصدر: منتديات خجلي - من قسم: مطبخ خجلي - اكلات - معجنات - حلويات - سلطات - مقبلات