قصائد غزلية 2017

قولي وانا أسمع كل كلمه تقولين
عن كل مافي داخلك حدثيني

قولي وش تحبين وش ما تحبين
قولي كرهتك .. قولي إنك تبيني

أنا هويتك قبل اعرف الهوى وين
عرفت حبك قبل ما تعرفيني

حبيتك بسمعي قبل نظرة العين
وحبيتك أكثر يوم شافتك عيني

حبيت طبعك زين ولا ماهو زين
في كل حالاتك معي تعجبيني

في قسوتك والظلم في العطف واللين
في كل شي صار بينك وبيني

صحيح غيرك ناس واجد وغالين
لكن انتي شي مني .. وفيني

وداعك أصعب من وداع المحبين
ونسيانك اصعب من تناسي حنيني

دخيل ربك قبل عني تروحين
!!قولي ما أحبك لو كذب وأتركيني



تعـالـي نمطـر احسـاس وأمـانـي
تعـالـي نـزرع الـدنيــا تـهـانـي

تعـالـي عطـري روحـي بشـوفـك
دعيتـك حــب واحسـاسـك دعـانـي

تعـالـي نــور لعيـون تـشـوفـك
أعيـش العمـر فـي قـربـك ثـوانـي

تعـالـي بسمـة فـوق الشـفـايـف
وأغلـى حـرف ينطـق بـه لسـانـي

تعـالـي نكتـب الفـرحـة قـصيـدة
تعالـي وأعـزفـي شـوقـي أغـانـي

تعـالـي يا حيـاتـي فـي حيـاتـي
أمـانـي عـلقـت فيـك الأمــانـي

تعـالـي نرفـض سنيـن التبـاعـد
نعيـش بحــب واخـلاص وتفـانـي

تعـالـي درب مـا يعـرف نهـايـة
تعـالـي شـط وأمــواج ومـوانـي

غـروب الشمـس مشتـاق لشروقـه
يقـول أمـوت لـو بـاكـر نسـانـي

تعـالـي غـيـري لـون الليـالـي
مثـل ما غيّـر احسـاسـك كيـانـي

غـرامـك حلـم نـوّر لي وجـودي
غـرامـك كل شـي فـي زمــانـي

غـرامـك دم يسـري في عـروقـي
وباسمـك ينبـض الخافـق معـانـي

أنـا اللـي كثــر حبـي لك أحبـك
أنـا اللـي فيـك مجنـون وأنـانـي




أموت في حبه

أكيد احبه .. أكيد اموت في حبه
أكيد انا بفقده لاغاب عن عيني

غلاه مدري كذا يجيك من ربه
من يوم شفته وحبه ساكن فيني

موج الغلا صار يلعب بي ويلعب به
اغليه انا وزاد قدره يوم يغليني

الشوق لاغاب كنه نار مشتبه
ولافيه شي سوى شوفته يرضيني

هذا لحاله ولا احد فيه يتشبه
لافي غيره يحركني ويغريني

الزين يذبح وحتى الخال له حبه
لا شفتها فيه ضعت اقول انا ويني؟

غصب علي امدح فيه واكتب به
ان ماخذاني لشعري من يوديني؟

والله احبه .. واموت اموت في حبه
!! ومن يوم شفته وغيره طاح من عيني

طلال العبدالله الرشيد
* العطيب *