متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
25 - 3 - 2012, 01:39 AM
| #1 | ||||
| |  قصيدة المعلمة سارة يوم شافت حبيبها حسين جاي يسجل بنته في نفس المدرسة
قصيدة المعلمة سارة يوم شافت حبيبها حسين جاي يسجل بنته في نفس المدرسة ....مررررررة حزينه ...هذا هو الوفاء ... يانورة بالله اسمعيني لاتصدين يابنت حزن مركزة بالصدارة شي جرالي قسم القلب قسمين وابلا ملامه افهمي للعبارة باول دوام المدرسه يوم الأثنين معلمه في وجه باب الأداره وقفت باللجنه على سادس اثنين مثل المجند ينتظر للأشاره هاذي تنادي وهاذي ابله انا وين زحمه وتو اليوم بأول نهاره اصوت لثنتين وبيدي ثنتين نوره مضاوي عايشه مي ياره وسمعت صوتن رجع القلب لسنين صوت الذي اسمه بنقش السواره اختي عن اذنش ناقل البنت هالحين تفضلي الأوراق والأستماره عجزت لا اجاوب ولا ارمش العين طول سكوتي وهو طال انتظاره حسيت ان الدم مثل البراكين شريان قلبي وصل حد انفجاره ورفعت راسي وصارت العين بالعين ولمحت في عينه سواة الشراره هو هو والا واهمه يامسلمين زوله ورفعة حاجبه مع سماره لا ماتغير فيه ياكود شيين حف الشنب والشيب زاد بوقاره اتلا علاقتنا ثلاثه وتسعين باول حلاة العمر قبل انكساره الشاهد الله ماحصل بيننا شين ولا يخدش احساس بنت وعذاره نعم الحبيب اللين الطيب الزين ونعم الرفيق اللي حفظ حق جاره ياوجه ابوي الوجه مرحب وسهلين لا يابعد روح ومعاليق ساره ودي المه وودي اصيح بس وين مثل الكسير اللي نشب وسط غاره مايستطيع المشي من دون رجلين وحوله جنودن تشتهر بالشطاره ياللأسف هالحين صرنا غريبين حكم القدر واصدر علينا قراره الهم والغربال والفقد والبين وانا اسيره تنتظر للزياره ويلي على لاماك ويلاه ياحسين يامن يجمعنا واسوق البشاره ساره وسكت له لحظه كنها سنين واقفا واشوفه يوم شب ال**اره رد حسين على قصيده معشوقته القديمه ساره يامرحبا ياغايتي ياهلاوين يابنت عودن فيه طيب ونعاره لا يابعد كل البنات المزايين يافرحت المظلوم يوم انتصاره من يوم ماغبتي وانا ماني بزين ضايق واحس القلب طال انتظاره دايم على بالي وانتي تمرين واقول يفدوها جميع العذاره لو الليالي ترجع لعشرة اسنين ماكان شفتي الشيب زاد بوقاره لا مانسيتك من ثلاثة وتسعين وشلون ابنسى حب واضح مساره تدرين شاللي هزني يوم الأثنين واللي ذبح قلبي بأول نهاره زولك لمحته يوم كنتي تمشين بين الصفوف اقبال باب الأداره وفز الخفوق وقلت ياربي تعين
هي هي ولاهي شبيهه لساره جيتك وقلت ابنقل البنت هالحين تفضلي الأوراق والأستماره طول سكاتك والبلا العين بالعين ضقت واحس بضغط مدري حراره وخانتني الدمعه وطاحت من العين كني طفل يبكي مضيع دياره بحط بنتي عندك بسادس اثنين عشان اكثر جيتي بالزياره واليا دخلت الصف لازم تخشين اسمي لانه مسجلن بالسواره وامانتك انك عليها تخافين لحدن يضايقها بأيت عباره بصارحك في شي يمكن تحسين ان الزمن اقفى علينا قطاره انا سمعت ان اكبر عيالك حسين  وانتي اكيد انك سمعتي بساره
المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء | ||||
 |
|
25 - 3 - 2012, 02:38 AM
| #2 |
| | رد: قصيدة المعلمة سارة يوم شافت حبيبها حسين جاي يسجل بنته في نفس المدرسة ....مررررررة حزينه ...هذا ه وربي يحزنون .gif "Eh S(11)") ي قلبي عليهم يسلمووو |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| للبنات فقط كل واحدة تختار رقم وراح نشوف حبيبها وش قال عنها | مصيره لاذكرني يشتاق | العاب - مسابقات - ترفية - العاب بنات - العاب منوعه | 15 | 14 - 3 - 2013 12:24 PM |
| يلعن أمك صارت مدحه | معجون سنسوداين | نقاش جاد - نقاش عام - الاتجاه المعاكس | 10 | 8 - 7 - 2012 03:04 AM |
| البنت اذا شافت وحده ماتحبها | صعب المنال | صور - كاريكاتير - مناظر - خلفيات - طبيعة - صور منوعه | 5 | 26 - 3 - 2012 03:27 PM |
| توبه وداد خالد , تغريده توبه وداد خالد , تويتر توبه وداد خالد | صعب المنال | اخبار عامه - سياسيه - اقتصادية - عالمية - متنوعة | 1 | 13 - 3 - 2012 05:16 PM |
| شافت الدبلة في يدي وزعلت | فهد | عالم ادم - اكسسوارات - عطورات - نظارات | 10 | 28 - 12 - 2011 12:40 AM |
العرض العادي
