غلطة الشاطر عشر ...

[TABLE1="width:85%;background-image:url('http://www.5jle.com/vb/mwaextraedit4/backgrounds/27.gif');background-color:gray;border:5px double silver;"]

ما اذل القلب لجلك وانقهر
ما يحرك ساكني مثلك بشر

انته رمشه من عيوني لو تطيح
وش ترى صاحبها لو طاحت خسر؟

غلطتي من جيتك اشكي لك ظما
كنت احسبك بالنظر اعذب نهر

غرني موجك ...ولكن للاسف
كيف اباشرب؟وانت يا مالح بحر؟

عزتي اغلى من اقلوب وجروح
وان جرحني الوقت صدق ما نجبر

ضربتك ما تعور احساسي انا
ضربتك بالعون قوت لي الظهر

ما تشرفت ابهواك وعشرتك
ماابي دربك ولو دربي جمر

مستعد امشي على نارٍ وشوك
الا دربك ارفضه لو هو زهر

ماهو من بادل شعوري اعشقه
ماهو من طال السما اصبح قمر

لو هو كل من حبني اصبح محب
ما بقى في الوادي صدقني شجر

افضل انك تبتعد عني ترى
لا تحاول ..لا ولا تعيد النظر

لا تفكر تشرب ابكاس الهوى
كيف تشرب ؟واصل كاسك منكسر

يا خساره ما كتبته في هواك

يا خساره بيت وقصيد وشعر

غلطة منها تعلمت الكثير
علمتني غلطة الشاطر عشر

انتهى مشوار حبك انتهى
والامل وياك ما عنده صبر

ما يفيدك لو رجعت ولو رجيت
من يزول الغيم لا ترجى مطر