متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 12 - 9 - 2012, 09:31 AM   #1

صعب المنال
خجلي موهوب
افتراضي رباعيات صلاح جاهين , صلاح جاهين , رباعيات صلاح جاهين كاملة








شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا


عجبي !!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!




- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


وقفت بين شطين علي قنطرة
الكدب فين و الصدق فين يا تري
محتار ح اموت .. الحوت خرج لي وقالي
هو الكلام يتقاس بالمسطرة
عجبي !!!


الدنيا أوده كبيره للانتظار
فيها ابن أدم زيه زي الحمار
الهم واحد .. و الملل مشترك
و مفيش حمار بيحاول الانتحار
عجبي !!

أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبي !!!


نسمة ربيع لكن بتكوي الوشوش
طيور جميلة بس من غير عشوش
قلوب بتخفق إنما وحدها
هي الحياه كده .. كلها في الفاشوش
عجبي !!!!

كروان جريح مضروب شعاع م القمر
سقط من السموات فؤاده انكسر
جريت عليه قطه علشان تبلعه
أتاريه خيال شعراء و مالهوش أثر
عجبي !!!

ياللي نصحت الناس بشرب النبيت
مع بنت حلوه .. وعود , وضحك , وحديت
مش كنت تنصحهم منين يكسبوا
تمن ده كله ؟ ... و الا يمكن نسيت
عجبي !!

ما حد في الدنيا واخد جزاته
و لا حد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!



رقاصه خرسا و رقصه من غير نغم
دنيا . . يا مين يصالحها قبل الندم
ساعتين تهز بوجهها يعني
يترجرجوا نهديها يعني نعم
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقت لك
نهار جديد انا . . قوم نشوف نعمليه
انا قلت يا ح تقتلني .. يا ح اقتلك
عجبي !!!

جالك أوان ووقفت موقف وجود
يا تجود بده يا قلبي يا بده تجود
ما حد يقدر يبقي علي كل شئ
مع إن – عجبي – كل شئ موجود
عجبي !!!













آخر مواضيعي

0 ريشار غاسكيه يفوز ببطولة الدوحة للتنس , غاسكيه يفوز ببطولة قطر للتنس , اخبار غاسكيه 2013
0 شجون الهاجري ترقص , صور شجون الهاجري ترقص على طريقة مايكل جاكسون
0 كريستيانو رونالدو يريد العودة الى مانشستر يونايتد , اسباب عودة رونالدو الى مانشستر يونايتد
0 تسمير البشرة 2014 , طريقة تسمير البشرة في المنزل 2014
0 مسلسل فولاني 2017
0 البشرة الجافة
0 مكياج شفايف , مكياج للشفايف 2013 , طريقة عمل مكياج شفايف
0 شيلاء سبت 2015 , صور شيلاء سبت 2015 , اخبار شيلاء سبت 2015 , شيلاء سبت 2016
0 الاكتئاب مابعد الولادة 2014 , علاج الاكتئاب مابعد الولادة 2014
0 انتحار فتاة بالحرم المكي , صور انتحار فتاة في الحرم , انتحار فتاة في الحرم 2012 , انتحار فتاة بالحرم


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الاطعمة سلاح ذو حدين أكششخ مهاأيطهـ مطبخ خجلي - اكلات - معجنات - حلويات - سلطات - مقبلات 0 20 - 4 - 2012 09:25 PM
ستائر ديكور هانى صلاح , ستائر هاني صلاح 2012 صعب المنال ديكورات - اثاث - غرف نوم - مطابخ - حمامات 1 16 - 3 - 2012 11:13 PM
ارقام المقبولين في سلاح الاشاره 1433 , اسماء المقبولين في سلاح الاشاره 1433 صعب المنال اخبار عامه - سياسيه - اقتصادية - عالمية - متنوعة 1 22 - 12 - 2011 09:35 PM
سلاح الحب دلوعه وكلمتها مسموعه مدونة - مدونات اعضاء خجلي 0 15 - 10 - 2011 06:46 PM
سلاح ذو حدين الدبلوماسي نقاش جاد - نقاش عام - الاتجاه المعاكس 2 18 - 7 - 2009 06:03 AM


الساعة الآن 07:00 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول