ياهوى البال

فديت امي

اقول احبك ياهوى البال واغليك
وتقول بمشي ! بس بعدين اقابلك !

وان قلت لك بدري عسى الله يهديك
كنك تقول احسن من إني اجاملك !

بالله علمني انا كيف اجازيك
ابغى اهتمامك لي والقى تجاهلك !

وش ذنبي إني صرت متعلق ٍ فيك
ارسل لك اشواقي وتقطع رسايلك !

وش حيلتي لاصرت كلي احاتيك
اعاملك بالطيب وأكره تعاملك !

اقل حاجه , حس في حال مغليك
اسألني وشلوني كثر ماني اسألك

بيع الذي باعك وعود لشاريك
وبادلني في حبك مثل ما ابادلك

وان قلت احبك وانت تسمع بذانيك
لاتصّرف الموضوع واحّسن تعاملك

اطلب ولك مني على طول ألبيك
شفني شسوي يوم تشر بناملك

تدري لو إنك قلت دهرين واجيك
اقضي سنيني شوق ناطر مواصلك

يعني نصحية عاشقك اغسل يديك
ابقى احبك غصب ماني محايلك

وان كان قصدك من فعايلك اجافيك
تبطي ولا انسى حضرتك وآتجاهلك

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء

طلال العجمي

فديت امي
كلمات روعه من قلم لا ينضب نبعة
في تجسيد المعني بحلاوة احساسك
راق لي المرور بمتصفحك
تحيتي لسموك

جحــود!!

فديت امي

طلال العجمي ؛؛؛ جحوود

سلمي لي قلمك طلال وم قلمي شوووء تلميذ يتعلم منك
لمساات الابدااع والاناقه تحياااتي
لسموووووك
ومرورك العطررري


جحوود

تحيااتي لمرورك العطررري