قصيدة عن الصديق

ملآك

قصائد عن الصديق , قصيدة رائعة عن الصديق , اجمل قصائد الصديق , مدح الصديق , خاطره عن الصديق , خواطر عن الصديق , شعر عن الصديق , ابيات عن الصديق , كلمات ابيات عن الصديق , قصائد خاصة بالصديق






يا صعب والله ما تحصّل لكْ بهالدنيا صِديق
تزرع كثيره للأسفْ ياقلّ ما تحْصل ثَمر

بعض العرب صداقته من وين ما جيته يطيق
اليا نصيته فزّ فيكْ وقال تآمرني آمر

لا قال كلمة تمّها والا اعتذر عذرٍ يليق
اليا وقف وقفة بطل وإن هدّ هدّات النمر

وبعض العرب صداقته ما هي على طول الطريق
يقطع صداقة واحدٍ تقول شايل لك جمر

أما الرفيق اللي يلوذ اليا تنصّاه الرفيق
اضرب على علاقته اكسين بالخط الحمَر

وش لك بلحْية خوةٍ تمشي على خيطٍ رقيق
مادام ما هِي خوةٍ تبقى على مرّ العمر

ياهيه ياللي مستوي عندي زفيره والشهيق
إن جيت أردّ أخشى الندمْ وليا سكتْ أدهى وأمرّ

ماني مفرّح شرذمة ولا مزعّل لي فريق
الصبر مفتاح الفرج والسوسْ ما ضَرّ التمر

مادام يمكن طمرها هو ليه أولعها حريق
بعض السوالف ما لها عند الرجال الا الطمر

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء

كل مافيني جريح

ودي لسموك على الطرح المميز,,

همس المشاعر

رااائعه في زمن قل فيه الصديق الصدوووق
دمتٍ كما تحبين .

لوعه الحب

يسلمووو
ويعطيك العافيه

...& فوضويهـ &...

يسلموووو

يعطيك الف عااااااااااافيه