متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 13 - 9 - 2011, 08:05 PM   #1

معجون سنسوداين
خجلي رائع
22 بشويش ضميني على الصدر تكفين واذا طلبتك شي لا تمنعيني



رواية بشويش ضميني على الصدر تكفين .. و إذا طلبتك شيء لا تمنعيني

الكاتبه : Broken Dream R3





السلام عليكم ورحمة الله وبركاته

صباحكم/ومسائكم ورد وياسمين

حبيت انزل اول رواية لي في منتدى غرام الغالي

روايتي من نسج خياالي >>>>>> اتمنى تنال على اعجابكم

ان شاء الله راح انزل بارت كل أحد واربعاء

لو سمحتو اللي يبي ينقل الرواية يكتب اسمي Broken Dream R3

معلومة : للأمانة الخواطر والاشعار منقولة من المنتدياات



رواية : بشويش ضمّيني علىَ الصدر تكفين ..وإذاا طلبتك شيّ .. لااا تمنعيني
للكاتبة :Broken Dream R3

بشويش ضمّيني علىَ الصدر تكفين
وإذاا طلبتك شيّ .. لااا تمنعيني

ودي أشمّ أنفاس عطر الرياحين
زيدي مِن انفاسك علي .. ولّعيني

خلاص طشّ العقل صرنَاا مجَانين
أنَاا سكرتك بالهوىَ .. واسكريني

إيه اثمليني بالهوىَ .. لااا تخافين
طفّي لهيبي .. وارجعي واشعليني

تدرين لااا جاك التعب .. وش تسوين؟
إنتِ اشهقيني داخلك ،، و اتركيني

انتظروني بالبارت الأول










البارت الأول
ksa
كانت متمددة على سريرها وفي حضنها دبدوبها الأبيض الكبير وسرحانة في خيالها قطع عليها افكارها صوت رنين جوالها خذت جوالها تشوف مين المتصل لقت " تؤم روحي " يتصل بك ابتسمت لا اراديا وردت : هلا وغلا بأحلى غلا
غلا بصوت متقطع : ج جو جووري
نطت جوري من السرير وبخوف:غلا حبيبتي وش فيكي ؟؟
غلا وهي تشهق وتبكي : جوري تكفين تعالي عندي محتاجتك
جوري وهي خايفة على تؤم روحها كل شي ولا غلا يصيبها شي : غلا قلبي مسافة الطريق وأكون عندكِ بس أنتِ لا تبكين وأهدي
غلا : أوكي بس لا تتأخرين تكفين
جوري بقلق : اوكي ما راح اتأخر
سكرت جوري من غلا وهي مستغربة ليش تبكي هم دائما شعارهم بالحياة " لا للدموع ونعم للمستحيل " قطعت جوري افكارها وراحت خذت عبايتها وشيلتها ونزلت من غرفتها ولقت امها بالصالة قاعدة تشوف التلفزيون
جوري : هاي مامي
أم الجوري : اهلين , شو ع وين رايحة ؟؟ >>>>> أم الجوري سورية
جوري : بروح عند غلا
أم الجوري : هلأ ؟؟
جوري بعجلة : ايه ماما الحين ضروري يلا باي
أم الجوري : باي وديري بالك ع حالك
طلعت جوري من الفيلا مستعجلة دخلت السيارة وقالت للسايق يروح بيت غلا ....
**********
نروح لأفخم القصور الموجودة بالسعوديه " عائلة ال...." من أفخم وأكبر العوائل المعروفة بشركاتهم الضخمة وأسهمهم وتجارتهم ما في شخص ما سمع عن هالعائلة.........
بداخل هذا القصر وبأحد الأجنحة كان جالس بغرفته الكبيرة الواسعة وبيده فنجان النسكافيه ويتابع فيلم من أفلام "جاكي شان " قطع عليه متابعته رنين جواله رد : هذا وقتك تدق !!
ريان بدون سلام : خالد تعال النادي ابيك
خالد وهو مستغرب من ولد عمه : ريان ايش فيك ؟؟
ريان وهو يتنهد : قلت لك تعال بعدين اقولك كل شي
خالد : اوكي ربع ساعة بالكثير وأكون عندك
ريان : انتظرك .
سكر منه واخذ رشفه من فنجانه وقام لبس بنطلون جنز اسود وتيشرت اسود ضيق يبرز عضلاته وتقاسيم جسمه الرياضي أخذ جواله والبوك ومفاتيح السيارة وخرج من جناحه قابل أخته ندى وهي طالعة ع جناحها بس وقفت لما شافت خالد نازل لكن طنشها وكمل نزوله
ندى : خالد وين رايح ؟؟
خالد : مالكِ شغل
وطلع ركب سيارته الجيمس وانطلق فيها بأقسى سرعة ...
**********
دخلت جناحها بعصبية وخبطت الباب وراها بكل قوتها فكت شعرها وانسدحت على سريرها : أوووووف وبعدين مع الملل ؟
أختها نوف بشهر العسل مع حبيبها وأختها شهد بزر ما تجاوز عمرها الأربع سنين وأخوها خالد دائما مب فاضي لها وهذي السنة ما في سفر بسبب كثرة الشغل ....
طاحت عينها ع لاب توب صار لها مدة ما فتحت ايميلها تربعت ع سريرها ولمت شعرها بشكل عشوائي وفتحت اللاب توب وسجلت دخول ع ايميلها بس خاب كل املها لما لقت كل اللي عندها أوف لا ين !!
ندى بطفش : يالله وش هالحظ ؟
وجاء ع بالها تدخل شات كثير سمعت عنه بس ولا عمرها دخلته والحين قررت تدخله عشان تقتل الملل اللي فيها ودخلت عالم الشات باسم " قطرة ندى "
ارتسمت ابتسامة ع شفايفها بعد ما شافت الترحيب من الناس الموجودة بالشات ( هلا قطرة ندى.. نورتي الشات .. مرحبا قطرة ... هااي ...الخ )
طقطقت بسعادة ع ازرار اللاب توب وصارت ترد ع الموجودين بالشات ..
**********
صوت جوالها ازعجها وقطع عليها أحلى نومة وبصوت نايم ردت : هلااا
وجدان بصريخ : كلللللووووويش أخيرا رديتي !!


كشرت شوق : وجع أن شاء الله ترى أذني أبيها
وجدان : ليش حضرتكِ ساعتين عشان تردي ؟؟
شوق : والله كنت نايمة وحضرتكِ ازعجتيني وصحيتيني من احلى نومة
وجدان : انتي ما تشبعين نوم ؟
شوق بإبتسامة : لأ


وجدان : المهم شوشو ابيكي تجين عندي بوكرا !!
شوق : أولا اسمي شوق مو شوشو خربتي اسمي !! ثانيا ليش تبيني اجي وش عندك ؟؟
وجدان : بنات عمي بيجون ابي اعرفك عليهن
شوق بتفكير : ممممم اوكي بس عادي اجيب ندى بنت عمي ؟؟
وجدان بسعادة : والله يا ليت عشان تكمل وتصير جمعة بنات !
شوق : خلاص اجل بوكرا نكون عندك ان شاء الله
وجدان : انتظركم
شوق : بأمان الله
وجدان : بحفظ الرحمن
**********
ksa
بقصر وزير ال ..... كان جالس ع وحده من الكنب الموجوده بالصاله والدخان بيده وموبايله باليد الثانيه ويكلم بنت من البنات اللي يعرفهاا: الليله اللي تنامين فيها معي بعطيك 10 الاف ريال !!
هي بصدمه : عشره ؟؟
راشد بخبث : ايوا كل ليله بعشره موافقه ؟
هي بدون تفكير : موافقه بس ترسل الفلوس اليوم وبعدين اقولك متى تجي
راشد بذكاء : لا يا حلوه الفلوس ما تاخذيهم غير لما اضمن وجودك معي وثانيا انتي اللي بتجيني مو انا بجي عندك
هي وتبغى فلوس باي طريقه : موافقه متى اجي عندك ؟
راشد بخبث : الليله
هي : اوكي الليله اكون عندك
راشد : انتظركِ
**********
ماليزيا
بأحد الفناادق الراقيه
نوف وهي تقاوم قبلات سعود وبهمس : سعود خلاص
سعود وهو يناظرها بحب : تدرين اني ما اشبع منك ؟
نوف بخجل : سعووووود
قرب منهاا سعود وهو مو قادر يقاوم خجلهاااا ^-^
**********
ksa
كانت بداخل السيارة مع السواق وبالها مشغول بغلا , يا ترى ايش فيها ؟ وليش كانت تبكي ؟؟ فجأة لقت السواق وقف السيارة !!
جوري بعصبية : ليش وقفت بسرعة امشي تراني مستعجلة !
السواق : ماما هاد في سيارة وقف قدام مال أنا كيف هادا يمشي ؟
جوري بعصبية أكثر : ماما بعينك
فتحت الباب ونزلت من السيارة واخلاقها مقفلة واتجهت للسيارة اللي مو راضية تمشي وسادة عليهم الطريق .
**********
خالد وهو يضرب السيارة برجله : هذا وقتك تتعطلي , مسك جواله بيده يبي يتصل بس قطع عليه صوت انوثي ناعم : هييييه أنت !!
لف خالد ع الصوت : نعمممم خير ؟؟
تصنمت جوري مكانها وخالد ما كان احسن منها كمان تصنم بمكانه وعيونه مركزة عليها .....
**********
بعد ما انتهت من مكالمتها مع وجدان اتصلت ع بنت عمها
ندى : هلا
شوق : هلا بك زود كيفك ؟
ندى ببرود : عايشة
شوق باستغراب : ندى وشفيكِ ؟؟
ندى باندفاع : يا اختي الملل راح يموتني !!
شوق بضحكة : ههههه خلص حبيبتي انا راح اصير عشانك مجرمة واقتل لك الملل !!
ندى بطفش : وكيف يا انسة شوق ؟؟
شوق بابتسامة : بنت خالتي وجدان مسوية جمعة بنات بوكرا وشرايك تجين ؟؟
ندى : ..............
شوق باستغراب : ندى ؟؟
ندى : ..............
شوق خافت : ندى ؟.. ندى ليش ما تردين ؟؟
ندى : ..............
شوق بصريخ وشوي وتبكي : ندىىىىىى
**********
<<<<<< تابع البارت الأول






خالد
مازال واقف بمكانه وعيونه متعلقة بجوري وهو يسأل نفسه من وين طلعت هذي الحورية ؟؟ من وين جايبة هذا الحلى كله ؟؟ صار يطالع السما يمكن صار الليل وطلع القمر ^-^ بس السما زرقا والشمس مازالت بوسط السما ومازلنا بوقت العصر .....
( الجوري .. 18 سنة .. البنت الوحيدة بعائلة ابو سامي .. هذي البنت آية من الجمال اللي يطالع فيها ما يقدر يشيل عيونه من عليها .. شعرها اسود طويل عاملة فيه خصلات بنية مطلعه احلى ..عيونها ملونة اخضر مع بني.. رموشها طويلة وكثيفة نظراتها تذبح اللي واقف قدامها وتجذبوو وجهها طفولي وبريء وبشرتها بيضاء وصافية وخدودها محمرة من اشعة الشمس خشمها صغير وشفايفها توت جسمها مثل عارضات الأزياء .. وتكره كل الشباب لأنه بنظرها كلهم كذابين ويلعبون بمشاعرالبنات وما تثق فيهم .. كرامتها فوق كل شي وما تحب تبين دموعها لأحد صوتها في بحة ويشبه الأطفال اقرب شخص لها غلا ....)
**********
الجووووري
واقفة بمكانها ومتنحة بخالد راح فكرها انه الشعب الامريكي انتقل ع السعودية .. بس كيف امريكي يتكلم سعودي ؟؟ هي متأكدة أن خالد تكلم عربي وقال لها " نعم خير " !!!!
( خالد .. 24 سنة .. الشب الوحيد بين ثلاث اخوات بعائلة ابو خالد .. وسيم مرررره جسمه رياضي وعضلاته واضحة..شعره بني طويل لحد رقبته وعيونه واسعة ولونها الزيتي يسحر..واللي محلي أكثر غمازاته الواضحة..ملامحه تدل ع رجولته وشخصيته القوية مغرور ويكره جنس حواء لأنه يشوف فيهن دلع زائد ودموعهم ع خدودهم ع اتفه الأسباب^-^ فيه حنان ورومانسية بس ما يحب يظهرهم غير في أوقات محددة !! هو المتكلف بشركات العائلة بسبب ذكائه وخبرته ودراسته ببريطانيا والكل يحترمه ويحسب له الف حساب .. يكره اي شخص يغلط معه بالكلام إذا عصب الكل يتجنبه وإذا كان رايق الكل يستغل روقانه ويتميز بصوت حلووو بالغناء واقرب شخص له ريان ... )
الجوري حست ع نفسها أن مصختها وهي تطالع فيه وبهدوء يختلف عن العصبية اللي كانت فيها : ممكن تبعد نبي نمر ؟؟
تخدر خالد بصوتها المبحوح ونظرات عيونها الملونة بس ما بين وابتسم ابتسامة سخرية بانت فيها غمازاته :ليش عيونك ضاربها العمى ؟ ما تشوفي السيارة مو راضية تمشي !!
عصبت الجوري من كلامه وردت بعصبية : وحضرتك تعطل اشغال الناس عشان سيارتك ؟؟ صلحها يا اخي مو توقف كذا واتنح بمكانك !!
ضحك خالد وهو مستانس على عصبيتها وبغرور : مو خالد ابن عائلة
ال ... يصلح سيارات وبعدين حضرت جنابك اللي متنحة وكأنك معجبة وغمزلها : تبين اعطيك الرقم ؟؟
انصدمت جوري من اسم عائلته وذابت من ضحكته وغمازاته وبسخرية قالت : هذا الناقص أخذ رقمك !!
استغرب خالد من جوري اول مرة يشوف بنت ما تبي رقمه .. دائما البنات يطلبون رقمه وهو ما يعطيهم وجهه .
خالد بنظرات غرور : لك الشرف انك تكلمي خالد ابن عائلة ال .....
انقهرت جوري منه ومن غروره جت تبي ترد بس قطع عليها صوت السواق حقها : ماما هادا ماما أم سامي يريد أنا لازم في يروح !
جوري بعصبية : ماما في عينك مو ناقص غير تقول لي جدتي أووووف .. وبعدين وين تروح حضرتك وانا انطق هنا بالحر ؟؟
مات خالد من الضحك ع كلامهااااا ^-^
طالعته جوري بنظرات غضب وطنشته طلعت جوالها واتصلت ع امها .
وقف خالد ضحك وصار يناظرها ويشوفها ايش بتسوي !!
جوري : هاي مامي ... أنتي اتصلتي بالسواق؟ .... طيب شو بدك بالسواق هلأ ؟ يا مامي انا لسا بالطريق ما وصلت ؟ والله ؟ متى ؟ خلص مامي راح ابعته فورا لعندك وطمنيني عليه ؟ هههههه اكيد هادا حبيبي أنا ؟ خلص مامي لا تخافي أنا بعرف اتصرف ؟ باي .
كانت تتكلم مع أمها ومو منتبها لنظرات خالد المستغرب من كلامها اللي انقلب توها الحين تكلمني سعودي وش فيها قلبت سوري ولا لبناني ولا مدري وش ؟؟ وتضايق من كلمتها " حبيبي " ما يدري ليه قلبت مزاجه هالكلمة وده يعرف مين كانت تقصد !!
قطع عليه افكاره صوت جوري تتكلم مع السواق : خلاص روح عند أمي
راح السواق عنها وهي كانت بتمشي بس وقفها صوت خالد : لحظة
لفت عليه وهي مقفلة معها وبغضب : نعمممم ؟؟
خالد بنظرة حادة : وقت تردي عليه لا ترفعين صوتك فاهمة ؟
جوري : أنت م
كانت تبي ترد بس رنين جواله وقفها شافته وهو يشوف شاشة جواله ويرد بعصبية : كان ما رديت ؟ بدري ؟ ... صار لي ساعة اتصل وما ترد ؟؟ بس بس ما ابي اسمع شي .. جيب سيارتي الثانية بسرعة ... وربي اذا بتتأخر اوريك !!
قال له على مكانه وقفل الخط .....
جوري بسخرية : إذا أنت معصب تحط حرتك بالناس ؟؟
خالد ببرود : سواقي أكلمه بالطريقة اللي تعجبني !!
تذكرت جوري غلا اللي تنتظرها وطنشت خالد وجت تبي تروح بس صوت خالد وقفها للمرة الثانية : لحظة
لفت عليه جوري : أووف نعم ؟ وش تبي ؟؟ ما يكفي يا اخي عطلتني انت وسيارتك ذي ؟؟؟
خالد ببرود : ما ابي شي منك !! بس انتظري الحين توصل السيارة واوصلك للمكان اللي تبي ؟!!
ابتسمت جوري ع كلامه وبسخرية : ليش استخفيت أنا اطلع مع واحد ما اعرفه ولا يقرب لي ؟؟!!
انجن خالد ع ابتسامتها وبسخرية مماثلة لسخريتها : يعني أنا اللي ميت عليكِ وأبيكِ بسيارتي ؟؟ مب أنا اللي اركض وراء بنات أنا ابي اوصلك كعمل انساني فقط !!
جوري بسخرية : مشكووور والله ما تقصر
خالد بغرور : احسن انطق هنا تحت الشمس
وصلت السيارة الثانية لخالد سيارة سوداء مكشوفة نزل منها السايق وسلم المفاتيح لخالد وراح يصلح الجيمس ..
ركب خالد سيارته ولف ع جوري وبابتسامة : هاه ؟ وش قررتي اوصلك ؟
جوري وهي ميتة ع غمازاته : لا روح تراني مو بنت صايعة اطلع بسيارات شباب ما اعرفها !!
خالد وهو يطالع بعبايتها المفتوحة وشيلتها اللي مبينة خصلات من شعرها ووجها المكشوف له : بس شكلك يقول تعرفين للصياعة ؟؟
انقهرت جوري من كلامه : كلن يرى الناس بعين طبعه
خالد وهو معجب بردودها : المهم اطلعي الحين عشان اوصلك لأني المسؤول عن وقفتك ولازم اساعدك ولا تخافي مو مسويلك شي ؟
قربت جوري من شباك خالد وهمست باذنه بثقة : مو خايفة لا منك ولا من عشرة مثلك بس أنا عندي قاعدة بالحياة " البنت اللي ما تصون نفسها ما احد بيصونها " وبعدت عنه وقالت له مع السلامة ..
أما خالد ظل بمكانه متخدر من قربها وريحة عطرها وصوتها المبحوح الهامس والأهم من هذا ثقتها بنفسها ، بعد هذي الأفكار من راسه وهو يقول لنفسه مب بنت اللي تشغل عقلي وتفكيري كذا وانطلق بسيارته للنادي بدون ما يناظرها مرة ثانية .
طارت خصلات شعرها مع انطلاق سيارته وعيونها تناظره حست نفسها تبي توقفه بس شالت هالأفكار من راسها واتصلت بغلا وطلبت منها ترسل السواق اللي عندها وقالت لها ع مكانها ...
**********
عند شوق
شوق بصريخ وشوي وتبكي : ندىىىىىى
ندى وهي خايفه من صراخ شوق : وشو ؟
شوق بخوف : شفيكِ ما تردين ؟
ندى بضحكه : آسفه والله نسيتكِ بس جالسه ع النت وانشغلت .
شوق بعصبيه : وتضحكين بعد يا حماره خوفتيني مالت عليكِ أنتِ والنت
ندى وهي كاتمه ضحكتها : آسفه والله ما اكررها ايش كنتِ تقولين ؟
شوق ومازالت معصبه : عشان اذبحكِ إذا كررتيها ، كنت اقولك بنت خالتي وجدان مسويه جمعه بنات بوكرا تبين تروحي ؟
ندى بفرحه : طبعا ابي اروح خلي اروح هالملل
شوق : اوكي بوكرا تكوني جاهزه بمر اخذك
ندى : أوكي قلبي
شوق : يلا اقلبي وجهك روحي عالنت حقك
ندى بضحكه : اوكي قلبوو باي
شوق : بايوووو
( ندى أخت خالد .. 18 سنه .. بشرتها بيضا تشبه خالد بعيونهاا الزيتيه شعرهاا بني فاتح لحد اكتافها جسمها خيال وطولها متوسط ..... طيوبه ومرجوجه وتكره الغرور .. تحب السفر والطلعات ^-^... وراح نتعرف عليها أكثر مع الأحداث .... )
( شوق أخت ريان .. 18 سنه ..شعرها جالكسي عيونها رماديه مكحله وتتميز برموش كثيفه بشرتها تميل للبياض جسمها يجنن خاصه خصرها ^-^تحب الروايات ... عنيده وكتومه .. متعلقه باخوها وتتمنى يكون عندها أخت ... ما عندها ثقه بأحد ... )
**********
رن جرس الفيلا واعلن وصول جوري
جوري : هاي سوني <<<< اسم الخدامه
الخدامه سوني : هلوو مداام
جوري : وين غلا ؟
الخدامه سوني : مدام غلا فوق في غرفه
طلعت جوري الدرج درجتين درجتين وصلت غرفه غلا وهي تلهث فتحت الباب وانصدمت من منظر غلا .. كانت جالسه بوسط السرير وعيونها منتفخه وخشمها احمر من كثر البكي وقاعده تسمع اغنيه ماجد المهندس " مالقيتش الا انا " ودموعها اربع اربع ....
ما لقيتش إلا أنا
بقى يعني خلاص الدنيا بحالها ضاقت بيك
ما لقيتش إلا أنا
ليه بتضيعني وأنا اللي مليت الدنيا عليك
كل أيامك أنا عيشتهالك
كل أحلامك أنا كملتهالك
كل دمعة أنا كنت ببكيها بدالك
وكل فرحة لوحدك إنت سبتها لك
وحكايتنا اللي احنا ياما عشنا بيهم
جاي تقول لي دي حكايات راحت عليهم
ناس كتيرة عشانك إنت باضحي بيهم


ليه تخلي شكلي مش حلو بعينيهم
ما لقيتش إلا أنا
ضيعت عليك من عمري ومن أحلامي كتير
ما لقيتش إلا أنا
سبتني ومشيت ونسيت
ويا ليت كان فيك الخير
دخلت جوري الغرفه وتقدمت لمكان غلا وبقلق : غلا حبيبتي وشفيكِ ؟
ارتمت غلا بحض جوري وصارت تبكي وتشهق
لمتها جوري بيدينها وصارت تمسح ع شعرها : بس حبيبتي أهدي وقولي لي
و شفيكِ ؟
ابتعدت غلا عن جوري وهي تجاوب بكلمات متقطعه : ت ت ر ك ني ق قال ما يبيني ..وزادت بكى
جوري بهدووء : فيصل
هزت غلا راسها بالايجاب واستمرت بالبكاا
طفت جوري المسجل ولفت ع غلا : قومي غسلي وجهك وتعالي قولي لي وش صار بالضبط ؟
استجابت غلا لجوري وقامت غسلت وجهها ورجعت لجوري وآثار الدموع مازالت على وجهها البريء
جوري : الحين قولي لي وش صاار ؟
غلا والدموع بعيونهاا : اتصل امس وقال لي بوكرا ملكتي على بنت عمي وما ابيك تتصلي بي واحذفي رقمي مثل ما انا بحذف رقمك وانسي واحد اسمه فيصل
ورجعت دموعها تحرق خدودهاا وصوتهاا راح من كثر البكاا : ال ي و و م م ملكته
الجوري : ......
غلا وهي تطالع جوري بنظرات رجاء وحزن : جوري تكفين قولي له اني ابيه .. هوو لي أنا ! هو قال يحبني ليش يتركني ؟؟
وزاااااااادت بكااااا ......
جوري عورها قلبها على تؤم روحها : غلا حبيبتي دموعك غاليه ، أنت الف واحد يتمنى نظره منك .
غلا : بس أنا أحبه
جوري : اللي ما يبينا ما نبااه
غلا بعناد: بس أنا ابيه ، مقدر اعيش بدونه ، مقدر ما اسمع صوته كل يوم !
صرخت جوري بعصبيه : غلا
طالعتها غلا بخوف من صريخها ووقفت بكاا
جوري تكمل بعصبيه : أنت متى بتفهمين أن الشباب كلهم كذابين ؟ متى بتستوعبي أن ما في شب يرتبط ببنت كلمها ع الجوال ؟؟
غلا : ......
جوري تكمل : كنت متأكده من هذي النهاايه ! وانا ايام وليالي اقولك لا تكلمي ولا تحبِ احد ، بس انتِ عنيده كنتِ تقولي فيصل غير الشباب .. فيصل ما يكذب علي .. فيصل يحبني .. ما سألتي نفسك ليش ترك حبكِ وملك ع بنت عمه ؟
غلا ودموعها اللي رجعت وقفت رجعت سالت ع خدها : قال مو واثق بي ! قال اني اكلم عشره غيره ! بس انا والله ما اكلم غيره
كملت وهي تشهق : قال بنت عمه اشرف مني لأنها ما اتكلم شباب ، جوري كلامه قتلني وربي قتلني ..... غطت وجهها بيدينها وانهارت بكاا
ضمتها جوري لحضنها وهي تهدي فيها
غلا بصوت رايح : ابي انتقم منه ! ابيه يندم ع الساعه اللي فكر فيها يتركني ويجرحني !!
جوري بهدوء : ولا يهمك راح ناخذ حقك منه ، راح يدفع ثمن دموعك وثمن كذبه ، بس انتِ اصبري وكل شي بوقته حلوووو !!
ارتاحت غلا لكلام جوري وما حست بنفسها غير وهي بسابع نومه .....
( غلا .. 18 سنه .... البنت الوحيده لأهلهاا وتكون بنت خالة الجوري وبنت عمها بنفس الوقت " يعني ام غلا سوريه "... تشبه جوري ببشرتهاا البيضاء ووجها البريء ... شعرهاا اسود سواد الليل وعيونهاا ازرق غامق وفيهم لمعه تجذب ... طولها وجسمها مثل جوري .. تحب الحب وتحب تعيشه رومانسيه وفيها شويه عناد .. واذا اعجبت بشب لازم تاخذ رقمه بأي طريقه ^-^ بس من اول ما وقعت بحب فيصل ما كلمت ولا شب بعده .... كرامتها ودموعها غالين عليها بس احيانا الظروف تترك للدموع الحريه بالسيلان مثل ما صار مع غلا !! .... )
**********
في النادي كان جالس ع طاولة قريبة من المسبح ولابس برموضا اسود وصدره عاري ويردد كلمات أغنية " راحت " وقلبه يتألم من الجرح اللي بداخله ....
راحت ولا علمتني حتى ولاكلمتني
بايدينها للعذاب والسهر سلمتني
يعني نست من أكون وكيف حالي بيكون
عشان بس تعرفون وش قد هي ظالمتني
راحت وأنا اسأل وراها ودموع عيني تهل
معقول للحد هذا أنا فراقي سهل؟؟
ما تدري إني أبيها وقلبي تعود عليها
وعشت مخدوع فيها الين ما المتني
لو قلت بأندم أحس حرام فيها الندم
لأني ما شفت منها غير التعب والألم
وإن كان هذا جزايا على جروحي وعنايا
بابعد وربي معايا وأنسى إنها عذبتني
قطع عليه جلوس خالد مقابله : سلاااااااااام
طالع فيه ريان وعيونه مليانه حزن وضيق
خالد باستغراب : وشفيك ريان ؟؟ ليش كل هالحزن والضيق ؟!
ريان : أول مرة يا خالد اكتشف اني غبي !
ناظره خالد باستغراااااااااااااااااااااااااب !!!
كمل ريان بسخرية : كذبت عليه خدعتني واوهمتني بحبهاا ؟ خلتني اتعلق فيهااا ؟ وآخر شي تركتني وقالت لي بكل برود اليوم ملكتي !!
خالد بصدمة : داانه ؟؟؟
ريان وهو يتنهد : ايواا داانه
خالد : وليش سوت كذااا ؟ وهي تحبك وتموت فيك ودووم محرقة جوالك باتصالاتها ؟؟!!
ريان بابتسامة سخرية ع اللي صار : قالت لي كنت اتسلى ؟ وتبي توري صديقاتها وتوريني ان يمكن ينضحك ع شباب عائلة ال .... اللي رافعين خشمهم ؟؟؟
خالد عصب كل شي ولا ولد عمه والعائلة : والله لأوريها ! هذا الناقص بنت تلعب وتتسلى بعائلتنا ؟
ريان بضيق : المشكلة اني احبهاا جد وما اقدر اعيش بدونها !!
خالد : ريان انا اعرفك قوي وما يهزك شي ، لا توقف حياتك ع بنت ما تستاهلك ، والبنات حولك كثير وكلهن يبونك ؟؟
ريان : بس أنا ما ابي غير دانه !
خالد ببرود : يا اخي لا دانه ولا غيرها ! عيش حياتك بدون البنات ودلعهم وصدقني بيكون طعم الحياة أحلى ؟
قام ريان من الكرسي بعصبية لدرجة طاح الكرسي ع الأرض ورمى نفسه بالمسبح وصار يفرغ كل عصبيته وضيقه بالسباحة لدرجة هلكت عضلاته وصار يلهث ودقات قلبه تسارعت من التعب .....
خالد بعصبية وبصوت قوي : رياااااااااان
وقف ريان سباحة وناظر خالد وهو يلهث ويجمع انفاسه
خالد : كافي يا اخي ارحم نفسك
اسند ريان جسمه ع حافة المسبح وغمض عيونه وبدا يسترخي جسمه بعد الجهد والتعب اللي قام فيه .....
بعد عشر دقائق فتح عيونه بصدمة وكأنه ما صدق اللي قاله خالد : وش قلت ؟؟
ضحك خالد وهو مستانس أن بدأ يطلع ريان من حالته : اقول لك اليوم عرضت رقمي لبنت !
ريان ومازال مصدوم : أنت خالد ابن عائلة ال .... عرضت رقمك لبنت ؟
خالد وهو مازال يضحك : وشفيها ؟ دائما البنات هم يعطوني الرقم قلت اجرب انا اعطي الرقم !
طلع ريان من المسبح واخذ المنشفة وصار ينشف جسمه من قطرات الماء ولف ع خالد وابتسم : ومن هذي البنت اللي جابت راسك ؟
خالد بابتسامة : ومن قال انها بنت ؟؟
ريان باستغراب ونسى سالفة دانه : اجل ؟؟
خالد وابتسامته زادت : ملاك مو بنت
صفر ريان وهو يضحك : خالد يعترف بجمال امرأة من وين اليوم طالعة الشمس ؟؟
ابتسم خالد وبدأ يحكي لريان عن جوري واللي صار بينهم
( ريان ..24 سنة ..ولد عم خالد وما عنده غير اخت وحدة شوق^-^ .. يخقق بشعره الاسود الطويل لحد رقبته وعيونه الرمادية ..جسمه رياضي ويساعد خالد بشركات العائله ..فيه شويه غرور وعنده غميزه وحده بخده اليمين .. حنون وروماانسي وراعي بنات ومن بين كل البنات حب دانه اللي خدعته بحبهاا مع الاحداث توضح شخصيته أكثر ^-^ )
**********
ماليزيا
سعود وهو يمرر ورده حمراء ع وجه نوف :حبيبتي قومي
نوف وهي مو شبعانه نوم : اممممم
سعود وهو يقرب منها ويحاوط خصرها وبهمس : ما شبعتي نوم ؟
نوف وهي تفتح عيونها وبدلع وهي تاخذ الودره منه : لا ما شبعت
ذااب سعود بدلعهاااا
( نوف أخت خالد الثانيه .. 22 سنه .. شعرهاا كثيف كيرلي لونه بني عيونها زيتيه خشمها صغير وفمها صغير كل ملامحها نااعمه ..خجوله وتحب الأفلام ... وتموت بشي اسمه سعوود ^-^ )
( سعوود ..28 سنه .. حنطي البشره شعره اسود عيونه عسليه ناعسه .. جريء وحنوون ورومانسي.. يحب البزران واذا عصب ما يعرف امه من ابوه ^-^يشتغل بشركه ابو خالد وفي يوم جاء لبيت أبو خالد عشان يعطيه اوراق للشغل وشاف نوف بالصدفه وحبها وتزوجها ^-^ )
نهاااااااية البارت الأول

اتمنى قراءة ممتعة للجميع
لا تحرموني من ردود بشويش ضميني الصدر تكفين واذا













آخر مواضيعي

0 ديكورات صالات فخمه 2012
0 لميس رضي الله عنها
0 أيهما أهم بحياتك كرامتك أم قلبك
0 اغنية قلب قلب بالتحريف السعوودي
0 لماذا تقول الحمد لله بعد العطس
0 أي الجروح أكثر ألما
0 فساتين صبايا كيوت
0 الطفل اذا طااح بيد البنات
0 شنط جديده 2012
0 بشويش ضميني على الصدر تكفين واذا طلبتك شي لا تمنعيني



التعديل الأخير تم بواسطة معجون سنسوداين ; 13 - 9 - 2011 الساعة 10:13 PM
  رد مع اقتباس
قديم 13 - 9 - 2011, 10:03 PM   #2

سهر الليل
• مشرفة قسم العامة •
افتراضي رد: بشويش ضميني على الصدر تكفين ..واذا طلبتك شي لا تمنعيني



الله يعطيك الف عافيه على هالطرح الرائع

سلمت وسلمت يمنااك بنتظار البارت الثااني

دمت بود










آخر مواضيعي

0 كراكيب مفعمه بغبار الحروف
0 شعلة متوهج بروح عطائكِ همس المشاعر الف مبروك
0 شواطئ البكائين
0 قطرات السعادة
0 اذكريني فى كل كتاب وفى كل حرف خطاه قلمك
0 كن مثل الجبل ولكن بقلب انسان
0 تفسير قوله تعالى وما من دابة في الارض إلا على الله رزقها
0 اسهى واحس انك تنادي والبيك
0 شعور يحتوينى
0 جسد أغتيل على أرض الحلم


  رد مع اقتباس
قديم 15 - 9 - 2011, 03:16 AM   #5

...& فوضويهـ &...
خجلي فعال
افتراضي رد: بشويش ضميني على الصدر تكفين ..واذا طلبتك شي لا تمنعيني



يسلممممممممممممممممممممممممممممممممموو










آخر مواضيعي

0 صرِتْ أعبّرعنْ جُ‘َروحِي ب [الڪَلامْ] وقُمتْ أحِ‘َس إن [الحِ‘َزِنْ] شخصٍ عشقني..!
0 ابي ترحيب حار


  رد مع اقتباس
قديم 18 - 9 - 2011, 09:04 AM   #8

افتراضي رد: بشويش ضميني على الصدر تكفين ..واذا طلبتك شي لا تمنعيني



تسلم ايدك قصة طويلة بس حلوة










آخر مواضيعي

0 اهداء للاحبة
0 الى حبيبتي
0 بطاقة حب
0 الى احبائي


  رد مع اقتباس
قديم 10 - 10 - 2011, 04:43 PM   #12

افتراضي رد: بشويش ضميني على الصدر تكفين ..واذا طلبتك شي لا تمنعيني



ابداع فديت عمرك










آخر مواضيعي


  رد مع اقتباس
قديم 27 - 1 - 2012, 01:47 AM   #14

افتراضي رد: بشويش ضميني على الصدر تكفين واذا طلبتك شي لا تمنعيني



يعطيك العافية
ماننحرم من جديدك المميز
امنياتي لك بدوام التألق والابداع
بحفظ الله ورعايته
::

::












آخر مواضيعي

0 اروع ماقيل بالصور
0 تدلل بس بالراحة أنا لك والعمر يفداك
0 و ما زالت للدموع حكاية لن تنتهي
0 بششوف ترحيبكم:p


  رد مع اقتباس
قديم 27 - 1 - 2012, 02:11 AM   #15

Ehsas*
• مشرفة سابقاً •
افتراضي رد: بشويش ضميني على الصدر تكفين واذا طلبتك شي لا تمنعيني



يسسعدك ربي
ماننحرمش من هالابدداع
الرراويه رروعه بسس لسسى ماكملتها










آخر مواضيعي

0 لمة الاحباب عبدالمجيد الفوزان
0 أسئله لكم ياشباب
0 بردان ابدفا من شعورك دقايق
0 ماهي الفلسفه
0 الكثير نخسرهم في امور بسيطه
0 آي الاسمين أحلى ..
0 مااروع حرف الذال
0 شباب ليت ربي خلقني ولد
0 عندما تغيب بالصور
0 اه ماأرق الرياض


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
درس عمل تشويش تلفزيون 2012 ، درس عمل تشويش 2012 استاذ الغرام فوتوشوب - فلاتر - فلاشات - سويتش - دروس - خامات - سكرابز 4 28 - 3 - 2012 04:15 PM
امور اقوى من السحر , اشياء اقوى من السحر ملآك مواضيع اسلاميه - فقة - عقيدة 4 27 - 11 - 2011 02:09 PM
يمه بقول شي بس تكفين لاتعصبين؟؟ اختناق): نكت - ضحك - الغاز - وناسة - فرفشة - مواقف مضحكه 6 3 - 11 - 2011 11:53 PM
يابرد تكفى طلبتك لاتزودها بوجع ٱڼـثے مڼ حـرﯾڔ♣ جوالات - اتصالات - مسجات - sms - mms - برامج جوال - نغمات - ثيمات 7 20 - 8 - 2011 06:35 AM
طفله تسولف لي عن الحب بشويش 。◕‿◕。 آنـسـه رجـه 。◕‿◕。 تصاميم - صور للتصاميم - لمسات - ابداع - تصاميم الاعضاء 0 4 - 8 - 2011 12:46 AM


الساعة الآن 11:32 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت