ما أبيك لو تلفظ من أنفاسك الروح ..

غندا

ما أبيك لو تلفظ من أنفاسك الروح ..

هو انت اللي تو .. رحّب .. وهلّا !!

غريبه !! لكن ابتعد عنّي .. وروح ..


روّحت قبل العام .. قصدك .. تسلى ..

تلحق هوى غيري .. مولّع .. ومشفوح ..


ويوم ان [ ثوبك ] من [ وسخهم ] تملى ..

واصبحت / متعافي .. وامسيت .. مجروح ..



واللي بحياتك !! عن حياتك .. تخلى ..

عوّدت لي شايل .. من جروحك .. جروح ..


وحده من [ الثنتين ] مخطي .. وإلا !!

من عفتني لجله !! نوى عنّك .. يروح ..


ظنك ابصفح لك !! وتلقى .. محلى !!


في قلب قبل العام .. بيديك .. مذبوح !!


ياصاحبي [ لا ] من تغلى !! يخلى ..

مابيك .. لو تلفظ .. من انفاسك .. الروح ..


العام .. يوم اني .. اجي لك .. تغلى ..

تركتني [ اسامر ] البوح .. بالنوح ..


مابين / يمكن / او عسى / او لعلى ..

املت نفسي لين .. ماطحت .. مطروح ..


ماعاد لك .. في قلبي [ الميت ] الى ..

صوره وحيده .. عقب ماكانت .. صروح ..


وغصن الحنان اللي .. فقلبي تدلى !!

ذبل .. وهو متمركياً له .. على .. سفوح ..


الغصن اللي .. من [ عذوقه ] تحلى ..

لا جيت [ خالي / كف ] واعصابك .. تفوح ..


ماقلت .. لك / كلا / وكلا / وكلا ..


ماقلت لك : إلا .. تفضل .. ومسموح ..


مسموح لو تخطي .. عليّ .. وتبلى ..

قلبي [ سفينة / نوح ] ماقادها .. نوح ..


يومك تجيني .. وفي يديني .. تعلى ..

تغزل من الغيمه .. وشاحين .. ولفوح ..


لكن حبك .. يوم وليت !! ولى ..

واللي جنت يمناك !! ياصاح .. مربوح ..


مايعني ان غيرك .. سطابي .. وتجلى ..

لكن [ باب / الود ] ماعاد .. مفتوح ..


قلبي على [ جثمان ] ماضيك .. صلى ..

واللي بقى له [ ذكرى ] ايام .. وتروح ..


روّح .. وانا [ مروّح ] وحبك !! مخلى ..

ماعاد باقي شيء .. يستاهل .. البوح ..

بُعدك .. عطاني وقت .. ارد .. للمصلى ..

واسجد .. بها [ لله ] واعالج .. الروح ..

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء

بنت البحر

يسلمو يالغلا على الانتقاء ربي يعطيك العافيه

سهر الليل

ياصاحبي [ لا ] من تغلى !! يخلى ..

مابيك .. لو تلفظ .. من انفاسك .. الروح ..
العام .. يوم اني .. اجي لك .. تغلى ..
تركتني [ اسامر ] البوح .. بالنوح ..



غاليتي غندا
آبدعت بإنتقاائك
مشكورة ع الاختيار المميز
والله يعطيك العاافيه
لك كل الشكر والامتنان
فايف ستارز راق لي حييل
دمتى بوود

مشتاقه

تجننن تستاهلي احلى تقيييم

غندا

سهوره بنوته مشتاقه
فديتكن والله وفديت مروركن
اغلب مواضعي انت فيها
بمروكم هذا تحفزني اكثر علي العطاء ودي لكم