متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 17 - 10 - 2011, 12:51 AM   #1

جديد قصيدة قويه عن الفراق




بسم الله الرحمن الرحيم
عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الجزء الثاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات



قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات













آخر مواضيعي

0 تسريحات كوريه
0 كيف نذاكر ونتفوق تعالي معا نحو القمة
0 اخطررر مكان سياحي في العالم
0 طهرً السسسمآآآءً
0 موضي الشمراني تحيَ عرس ويليام وكيت
0 لانني انثى , ولانك رجل
0 لكي تحقق احلامك لا بد ان تسيتقظ اولا
0 كم هو مرا الاتي
0 تقديم مباراة █ الإتحاد Vs الأهلي █ دوري زين للمحترفين
0 حب بين السطور


  رد مع اقتباس
قديم 17 - 10 - 2011, 02:16 AM   #2

الفيلسوف
خجلي نشيط
افتراضي رد: قصيدة قويه عن الفراق



مؤلمه حزينه هي القصيده

تسفر عن فراق شخص واحد لن اقول شخصين
شخص فارق نفسه نعم من عاش تجربة الحب يعرف ان حبيبيه هو نصف يكمله لا شخص اخر



ملاحظه: القصيده طويله قد يمل القارى منها عكس لو كانت مسموعه قد يستمتع بها










آخر مواضيعي

0 تكلم عن سلطان الخير
0 للبيع
0 خآآص.. هذي حيآتي !!
0 حضووور
0 إعترف للذكريات إحساس
0 ماذا تعلمت من منتدى خجلي
0 معآ لنصل الى 1000 حديث
0 أوعدك
0 و و و
0 أتحداك تعد من 1 الى 10 بدوون ما يجي احد يقاطعك


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
خواطر عتاب قويه 2012 ملآك جوالات - اتصالات - مسجات - sms - mms - برامج جوال - نغمات - ثيمات 3 27 - 3 - 2012 03:43 PM
قصيدة حلوة اسيرة الــــعيـــــون الـعسليه شعر - قصائد - قصايد صوتيه - همس القوافي - قصائد الشعراء 1 16 - 10 - 2011 11:09 PM
قصيدة :{ كف البكاء } فاقدة حنان شعر - قصائد - قصايد صوتيه - همس القوافي - قصائد الشعراء 4 28 - 9 - 2011 09:43 AM
ابيات شعر قويه... اختناق): شعر - قصائد - قصايد صوتيه - همس القوافي - قصائد الشعراء 1 19 - 9 - 2011 11:59 AM
كلمات شعر قويه معبره عن احساسك مهندسة االحـ~ـب شعر - قصائد - قصايد صوتيه - همس القوافي - قصائد الشعراء 3 17 - 8 - 2011 07:15 AM


الساعة الآن 03:32 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت