متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 27 - 11 - 2013, 07:52 AM   #1

صعب المنال
خجلي موهوب
افتراضي اجمل كلمات شعر 2014 , كلمات شعر 2014 , كلمات شعر قوية 2014



1: الذهب

يا كثر مـا رافقـت خـلان واحبـاب
ويا كثـر مـا فـي شدتـي هملونـي




على كثر ما أعدهـم ستـر وحجـاب

على كثـر مـا احتجتهـم واتركونـي

من صارت الخوه ثمن حفنـة تـراب

نفس الوجيه اللي نصوني... نسونـي

من غير ذكر فروق، وعروق، وأنساب

كانـوا ثلاثـة ...والثلاثـة جفونـي

علمتهم وشلـون الأهـداف تنصـاب

ولما سواعدهـم قـوت... صوبونـي

عشاني أصغرهم عمر صاروا أحـزاب

عشانـي اصدقهـم قصيـد اظلمونـي

اللي نجاح اسمي زرع فيهـم أنيـاب

حتى النصيحة مـا بغـوا ينصحونـي

دام العطايـا عندهـم ديـن وأتعـاب

والله لو أطلـب ذنبهـم مـا عطونـي

طالب نصيحة، كنـي طالـب أرقـاب

وهي نصيحة؟!كيـف لـو زوجونـي؟

كنت أكتب لنفسـي مشاريـه وعتـاب

ولا ادري إن اللي قروني... قرونـي

تضاربت من دونـي عقـول وألبـاب

واجد بغوا غيري... وواجـد بغونـي

أقفل هدب... تسهر على شعري أهداب

كني حبسـت إرقادهـم فـي جفونـي

لو شفتهم واحد... يشوفوني اسـراب

مـن ويـن مالـدوا نظرهـم لقونـي

أثري وجودي بينهم محرق أعصـاب

ومزعل بعضهم من بعض لو طرونـي

يا كبري بعينـي وأنـا تونـي شـاب

واهـم كتـاب الشـعـر حاربـونـي

حتى ولو يهوي على نجمـي شهـاب

يكفينـي إن إسمـي كبيـر بعيونـي

كد قال ابوي: ان هبتهم قول: ما هاب

لو يقدرونـك قـول: مـا تقدرونـي

مادام قبـري محتضـن راس مرقـاب

علـى كثـر مـا تقـدرون ادفنونـي

لو ماني بذيب إنهشت عظمـي ذيـاب

لو ما عرفت اثبـت وجـودي لغونـي

لو ما سكنت وجيههـم مـت بغيـاب

لو ما قدرت أمحـي ورقهـم محونـي

أصبحت الأصعب لأنهم كانوا اصعـاب

جننتـهـم مـثـل مــا جننـونـي

ماجيت أبدبل كبدهـم شعـر وخطـاب

ليـن أدبلـوا كبـد الـذي خلفونـي

يا ويل وجهـي كـن للدمـع مخـلاب

ما جف ماه ولا استحى مـن طعونـي

كل ما طرالـي منظرمريـب وأرتـاب

كان الوحيـد اللـي يحـرك شجونـي

قبلة صلاة،وذكر، وخشـوع، وكتـاب

وأمي علـى سجـادة النـور دونـي

تدعي لي الله يفتـح بوجهـي أبـواب

تتوسلـه بالشـده يـكـون عـونـي

من كثـر مـا خفاقهـا بالدعـاء ذاب

صارت تحس إن زمـلاي اكرهونـي

بشرتها: يمه معـي ربـع وأصحـاب

مانـي لحالـي واجـد اللـي يبونـي

من يوم ما حاز قلمـي كـل الالقـاب

قلطتهـم فـي دفتـري واحفظـونـي

الله وهبنيهـم بنـي عـم وأجـنـاب

من يوم جيت اعجبتهـم واعجبونـي

واعجابهم فيني ما هو بأيـه اعجـاب

باسلوبي، بشرحي، بطرحـي، بلونـي

لوقلت عن نفسي( بشر)..صرت كذاب

لو قلت : ( دمي من ذهب) صدقونـي

لو بكيفهم كان ازرعوا دربي أعشـاب

لوبيـدهـم يتشبـهـون اشبهـونـي

من كثر ما صاروا من طبوعي اقـراب

حتـى بلبسـة شمغـهـم قلـدونـي

واجد دعوني واغلقوا دونـي البـاب

واكثار ناس أبكـي لهـم مـا بكونـي

لوطالـوا لهدمـي مناسيـب وأطنـاب

كان وغلاتك مـن زمـان اهدمونـي

مدام حطـوا فينـي عيـوب وسبـاب

جنبـت عنهـم مـثـل ماجنبـونـي

أصلا لـو أن بخوتـي شـي ينعـاب

ذبحـت نفسـي قـبـل لايذبحـونـي

أنا يدي لـو ماكسـت متنـي ثيـاب

نذر ٍ على لقطع يـدي مـن متونـي

موعيب أجي مدعو ولا أشوف ترحاب

العيب لـو إنـي رجعـت إن دعونـي

مادمت اجي ولا يحسبون لى حسـاب

حرمـت اروح اذا يبونـي يجـونـي





بعد ماقابلتني عاتبوها


على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي قرّبوها

وأنا ماتعّبت قلبي خيانه

خيانه رتّبوها وأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي وأزيله

وأخرّبها مثل ماخرّبوها

وأذوّقهم ندم ماصار فيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا لأبوها













آخر مواضيعي

0 كلمات عن اليوم الوطني السعودي , عبارات عن اليوم الوطني السعودي
0 والد الطرف الثاني في حادث طالبات حائل شاهدت الجثث ولم اعلم ان طامي بينها
0 صور من مونتريال , مدينة مونتريال , صور من مونتريال في كندا , مدينة مونتريال في كندا
0 ميريام جورج , صور ميريام جورج وصيفة ملكة جمال العالم
0 اسماء المرشحات لوظائف جدارة الدفعة الثالثة بمنطقة حائل
0 رسائل تهنئة بالمولود
0 تراجع ياسر القحطاني من الاعتزال , ياسر يتراجع عن الاعتزال , ياسر القحطاني يتراجع عن الاعتزال
0 طريقة تحضير المغربية
0 كولكشن فوتوشوب 2013 , تحميل كولكشن فوتوشوب 2013 , كولكشن ملحقات فوتوشوب 2013
0 برنامج الابتعاث 1439


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
كلمات شعر , كلمات شعر جميلة , كلمات شعر رومانسية , كلمات شعر حب , كلمات شعر للاصدقاء صعب المنال شعر - قصائد - قصايد صوتيه - همس القوافي - قصائد الشعراء 0 4 - 10 - 2013 03:46 PM
اجمل كلمات الشوق , كلمات شوق , خواطر شوق , قصائد شوق , كلمات شوق قصيرة صعب المنال خواطر - نثر - عذب الكلام - خواطر حب - خواطر حزينة 2 6 - 5 - 2013 04:31 AM
عبارات دينية رائعة 2014 ، كلمات تشرح النفس ، كلمات تطمئن القلب ، حكم اسلامية جميلة 2014 أنشودة المطر مواضيع اسلاميه - فقة - عقيدة 2 8 - 4 - 2013 11:23 PM
كلمات تأثر على نفسية الطفل 2013 - كلمات لا تقال امام الأطفال 2014 - كيف نربي الطفل على الاخلاق 20 آلُفَتآة آلُآسستثنئآئيَہ التربية - الطفل - الرضاعة - العنايه بالطفل 0 7 - 4 - 2013 11:07 AM
كلمات حزن وفراق ، كلمات قصيرة ، كلمات حزن الغياب والم جمر الغلا جوالات - اتصالات - مسجات - sms - mms - برامج جوال - نغمات - ثيمات 0 2 - 7 - 2012 05:41 AM


الساعة الآن 11:51 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول