منتديات خجلي - طريقة تحضير سلطة الجمبرى بالبرتقال

http://img.5jle.com/uploadcenter/upl...1416303748.jpg

سلطة الجمبرى بالبرتقال هى طريقة مبتكرة لعمل الجمبرى بدلا من الطرق المعتادة له مقلى او كفتة جمبرى او غيرها من طرقنا القديمة.

الجمبرى معروف بفوايده المتعددة للجسم واكيد وصفة سلطة الجمبرى بالبرتقال هاتعجب جميع افراد الاسرة وخصوصا اطفالنا لانهم بيحبوا التغيير فى الطعم والشكل.

كمان الوصفة دى توابلها موجودة عندك والبرتقال بيكون متواجد عندنا فى بيوتنا باستمرار يعنى فقط هتشترى الجمبرى وتعملى احلى سلطة جمبرى لاسرتك.

كمان سلطة الجمبرى بالبرتقال هتستفيدى من فوايد الجمبرى والبرتقال فى ان واحد يعنى كالسيوم وفسفور وفيتامين سى وكمان البرتقال هيحسن الطعم جدا وهايزيل اى رائحة غير مستحبة للجمبرى.

المقادير:

كيلو‏ ‏جمبري‏ ‏مقشر‏ ‏
‏توابل‏ ‏
برتقال‏
عصير برتقال
عصير‏ ‏ليمون‏
‏بصل‏ ‏
‏ثوم‏ ‏شرائح‏ ‏رفيعة‏ ‏
‏ ‏زيت‏ ‏
‏فلفل‏ ‏أخضر‏ ‏

الطريقة :

اولا طبعا هنقوم بتتبيل الجمبرى باى توابل عندنا بالملح وبودرة الثوم والكمون و عصير الليمون ونفرم بصل وثوم ثم نقطع البرتقال الى شرائح ونضعه مع الوصفة السابقة ونضعهم على الجمبرى للقضاء على اى زفارة والحصول على طعم مميز لسلطة الجمبرى.

ثانيا هنشوح الجمبرى بعد ماتبلناه فى قليل من الزيت الساخن مع شرائح من البصل والثوم وشرائح الفلفل ونضعه فى صينية وندخله الفرن ليكمل تسويته.

نقوم باحضار غطا ونغطى الصينية بعد خروجها من الفرن ثم بعدها بربع ساعة نضع عصير البرتقال الطازج على الجمبرى ثم يترك قليلا ويغرف مع ارز احمر او ابيض او اصفر.