|
قصائد عن المظلوم - اشعار عن المظلوم - عبارات عن المظلوم يالله طلبتـك والمدامـع حزيـنـه يالله طلبتك وازرق الدمـع همـال بي ضيقةٍ لو تنتشـر فـي مدينـه والله فلا يضحك بها حتى الاطفـال مسكيـن قلـبٍ فارقتـه السكينـه قلبٍ يقطعه الآسى من غثى البـال امن القهـر قـام يتزايـد ونينـه ينوح نوح اللي تعلت على الجـال يرجف من اللوعات رجف المكينه تلوعه الدنيا على شـط الاهـوال امن اولٍ كانـت جروحـه دفينـه واليوم اصبـح للغرابيـل مدهـال باح العزاء والقلـب بيـح كنينـه ولاعاد باقي للصبـر فيـه مثقـال يصيح باعلى الصوت يامن يعينـه يامن يوصل شيخنا الظلم بالحـال قولوا له ان الظلـم اكبـر غبينـه لجا من اللي بالعدل مضرب امثـال دسوا عليه اهل الوجيـه اللعينـه اهل الوجيه الكاذبه قـول وافعـال حطوا المظالم تحت اسمه رهينـه وحطوا السيادي دونهم ستر وظلال وقاضي المظالم كف عنها يدينـه وقال السيادي مالنا فيـه مدخـال اعرض على اللي بالعدل خابرينـه اللي مضاريبه على الظلـم تنهـال شيخٍ على الفزعات يضوي جبينـه بس الوصل دونه رجاجيل واقفـال والشيخ ماهو شمس يشرق بعينـه بالعدل وصى وبعضهم خان الامال ياما على العادل تطوف الرطينـه وياما مع الطيب يخونون الانـذال ماتصفـق اليمنـى بليـا عوينـه ومايروي الظميان طرد اشهب اللال اضرب بعدلـك تستقيـم السفينـه اضرب بعدلك اسودٍ كنـه الشـال بالعدل .. تصبح كل عجفا سمينـه وبالظلم .. تجنح كل خصبا للامحال ياقلب لاتحمـل عليهـم ضغينـه يكفيكهم عالـم خفيـات الاحـوال ياقلب تُفـرج والفـرج محترينـه بامر الذي انزل تبـارك والانفـال ـ أبكي وعيني تسهر الليل يـا ريـم مدري بلاها الشوق والاالظليمـه ياريم دمع العين مدري على الريم والا على قلبـن تواكـل صميمـه تقول لاطمني علـى نونهـا سيـم أبكي وعندي لأزرق الدمع قيمـه ويمكن يكون الدمع للعيـن تكريـم ويمكن يكون إلها عذاب وحريمـه والله يا لولا دمعتـن كنهـا الديـم راحت ضلوعي من عذابي حطيمه ودام البكا يا ريم ما فيـه تحريـم يا عنك والله لأرخص الدمع شيمه وابكي على حالي من الوجد وآهيم لين الزمن يخلـف عليّـه نسيمـه أبكي حياتن صافيه ما بهـا غيـم وين المحبـة والقلـوب السليمـه أبكي قهر وابكي من الغبن والضيم وابكي من طعونن بقلبـي قديمـه غدر الزمن خلّى بوجهي مراسيـم وما يذبح الرجال مثـل الهزيمـه بعض المصايب شرها ياكل الهيـم وشلون بكبود الرجـال الكريمـه وبعض المصايب يخلفن المفاهيـم تبغى على ما قيل صبر وعزيمـه مظلوم بالدنيـا وغيـري مظاليـم من عرض ناسن لبسوهم جريمـه ما عاد أبي من سود الأيام تعليـم عقب العذاب اللي كلاني جحيمـه ولو تصفي الدنيا علـيّ الملازيـم ما عاد أدور من وراهـاغنيمـه / / ماأضعف الأنثى إذا جار الزمن****فلكم دهاني في الهوى خضوعها. هي است فحيلتُها البكاء لخصمها***وسلاحُها عند الدفاع دموعها. هي متعة المستمتعين وليتها****كانت لِزاماً لايجوز مبيُعها. فوليها عند الزواج يبيُعها****وحليلها عند الطلاق يُضيُعها.. وكلاهما مُتحكمّاً في أمرها****هذا يُعاندها وذاك يُجيُعها. |
| الساعة الآن 03:45 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها