منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   بلغوه أقل شي بخالص الشكر الجزيل (http://www.5jle.com/vb/f9/t1124.html)

الدبلوماسي 7 - 5 - 2009 02:50 AM

بلغوه أقل شي بخالص الشكر الجزيل
 
السلام عليكم ورحمة الله وبركاته


لوخسرتك ماخسرت العمر.. والدنيا متاع
وأدري أني لو خسرتك ماخسرت.. إلا قليل



بس فكر زين تعرف من خسر فينا وضاع
وتعرف إنك لو تلف الأرض .. وتدور بديل


والله إن تبطي ولو لفيت كل البقاع
ولو تسوي وش تسوي ماأنت لاقي لي مثيل!


وين تلقى مثل شخصي شخص..وطباعي طباع
ووين تلقي مثل قلبي قلب .. أو مثلي خليل.؟

البشر واجد .. نعم .. لكن فرق الانطباع.!
يجعلك يمي تميل .. ويم غيري ماتميل....


يارفيقي .. انتبه .. واحسن إلي الاستماع..
للمواقف دور في كشف المزيف .. والأصيل..

وأنت ماقصرت فيني موقفك جداً شجاع..
طعنتك لي في الظهر كانت إثبات ودليل....


بيض الله وجهك اللي ساتره تحت القناع
ورايتك بيضا معي وياعسى عمرك طويل...

يعني أعطيك الثقة وتردها ب"لوي"الذراع!!
ياخي ماشاء الله عليك مبدع برد الجميل..


مدري كيف أشكرك؟؟!
مدري كيف أرد الصاع صاع؟؟؟!!
كنت أحسب أنك عزيز النفس .. تطلع لي ذليل...

كم وأنا عييت أصدق فيك قدر المستطاع
من غبائي كنت أسكت وأعذرك .. وأثر الحصيل!!


جرح قلبٍ ميزته في كل يوم الاتساع..
ودمع عين" ينهمر من ضيقتي في كل ليل...

والله والله إني كنت أحبك حب .. وأتبعك إتباع..
كنت لجل أرضي غرورك بس ...أسوي المستحيل


كنت أعمى فيك .. لا.. لا .. ميت للنخاع..
كنت مدري كيف ؟ لكن كنت صادق معك حيل...


كنت أمارس في غرامي لك سياسة الانصياع
وكنت لاغي معك فكرة أعتزل او أستقيل....


اندفعت بكل مافيني .. وسوء الاندفاع...
يجبر الإنسان أحياناً.. يفكر بالرحيل...

صدمتي فيك إنت .. خلتني أفكر باقتناع..
إن قتل النفس راحة لو أنا كنت القتيل...


انفجر راسي من التفكير.. وازداد الصداع
كيف أنا بفتك من جروحك ودوشة "قال قيل"


صرت سيرة في حلوق الناس.. وتالي هالضياع
" انتحر ؟ معقول ! ياالله وش هذا الغليل..


رحمتك يارب لامن ضاقت امنحني وساع..
أنت حسبي في الزمان الجاير ونعم الوكيل...

لا غدى "مستقبلي والماضي" أطراف النزاع..
وصفحة الماضي سواد وشئ من هذا القبيل...


فلازم انسى لجل أنهي بداخلي هذا الصراع..
ولازم أتقوى .. عشان أحقق النصر الجليل...

وطالما إن الهجوم أفضل وسيلة للدفاع...
مستحيل أرضخ لو أن الحمل ياربعي ثقيل...


والبخيل اللي نساني واشتري فيني... وبااااااع...
يذلف .. الله لا يرده .. والله بجرحي كفيل...

وإن سأل عني وجاكم بعد فترة انقطاع!!!
علموه أني نسيته بس أنا ماني بخيل...
طالما كان السبب في قوتي .. قبل الوداع...
بلغوه أقل شئ بخالص الشكر الجزيل


أخوكم........

الدبلوماسي

ملاك 7 - 5 - 2009 03:04 AM

رد: بلغوه أقل شي بخالص الشكر الجزيل
 
يوم نصدق مالقينا من يفهمنا ويوم نكذب كل مخلوق يبينا وان قلنا لقينا اللي عشقنا مامدانا باول اللقيا بكينا يازماني وش من الدنيا اخذنا غير فرقا من نحبة ويازماني وش بعد فرقاة غير دمعة في الليالي تحترينا... هذا حال الدنيا صدمة ورا صدمة جرح ورا جرح عشان كذا لازم نطنش عشان نعيش

الدبلوماسي 7 - 5 - 2009 03:16 AM

رد: بلغوه أقل شي بخالص الشكر الجزيل
 
وان قلنا لقينا اللي عشقنا مامدانا باول اللقيا بكينا


رائعه يا الغلا

الله لايحرمني من ها الطله

ملآك الصمت 7 - 5 - 2009 09:46 PM

رد: بلغوه أقل شي بخالص الشكر الجزيل
 
يارفيقي .. انتبه .. واحسن إلي الاستماع..
للمواقف دور في كشف المزيف .. والأصيل..

وأنت ماقصرت فيني موقفك جداً شجاع..
طعنتك لي في الظهر كانت إثبات ودليل....


بيض الله وجهك اللي ساتره تحت القناع
ورايتك بيضا معي وياعسى عمرك طويل...


\

\

صح الله لسان الشاعر

وسلمت يدينك على الاختيار

يعطيك الف عافيه
كل شكري لك

نزف المشاعر 8 - 5 - 2009 04:01 AM

رد: بلغوه أقل شي بخالص الشكر الجزيل
 
اقتباس:

وإن سأل عني وجاكم بعد فترة انقطاع!!!
علموه أني نسيته بس أنا ماني بخيل...
طالما كان السبب في قوتي .. قبل الوداع...
بلغوه أقل شئ بخالص الشكر الجزيل
انا اعجبتني القصيده كلها بس لفت نظري هالبيت
تسلم يدينك اخوي

جمره غضى 8 - 5 - 2009 03:18 PM

رد: بلغوه أقل شي بخالص الشكر الجزيل
 


ماشالله رووووعه
يعطيك العافيه

صديق الحب والخيانه 8 - 5 - 2009 08:34 PM

رد: بلغوه أقل شي بخالص الشكر الجزيل
 
تسلم يالغالي مبدع باعمالك لك مني احلى تحيه

الدبلوماسي 9 - 5 - 2009 03:43 AM

رد: بلغوه أقل شي بخالص الشكر الجزيل
 
لاهنتوا جميع

إتحاد ارائكم على جمال النص بحد ذاته شهاده

شاكر ومقدر مروركم

الدبلوماسي

بنت نجد 9 - 5 - 2009 03:47 AM

رد: بلغوه أقل شي بخالص الشكر الجزيل
 
صح الله لسان الشاعر !!

هذا الشاعر الذي تمكن من رسم صوره رائعه!!

شكري لك ولذائقتك !!

الدبلوماسي 9 - 5 - 2009 03:51 AM

رد: بلغوه أقل شي بخالص الشكر الجزيل
 
لاهنتي يا الغلى على المرور

لاتحرميني من تواجدك

في صفحاتي

أخوك

الدبلوماسي

Яayed 9 - 5 - 2009 04:12 PM

رد: بلغوه أقل شي بخالص الشكر الجزيل
 
قصيدهـ
أخذتني لعالم اخر
لن اخذ بيت او بيتين
لان جميعها
رائعه


الساعة الآن 03:44 PM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team