|
خواطر عن القلب الطيب لو القلوب الطيبه فى الدنيا دى اتحكمت كان يبقى إايه شكل الحياه كان السلام والخير يبقوا مزروعين على كل الوجوه ولا فيه خلاف ولا خصام ولا خضوع من ناس ضعيفه لناس قويه ومفتريه بمال وسلطه ونفوذ وجاه كان الامل حيبقى من أهل المكان واليأس يرحل ويتنسى لاخر الزمان والفقر يبقى ماضى وموضه قديمه ومنتهية والخوف هرب من القلوب مالوش مكان مع السعاده وألامان حلم قصير لكن جميل يا ريت فى يوم يصبح حقيقه ومش بعيد يحصل لنا لو النفوس راعت ضميرها وعرفت إن عملها متسجل عليها كده بقى حلم وبتحلمى اصحى وفوقى وافهمى الطيبة ضاعت من زمان يوم قالوا الشوك ريحان لما الفلوس بقت للسلطان الكل انحنى واتهان الطيبة راحت من البيوت والشوارع والحوارى والنجوع ولم اتولد طفل بالطيبة اتملى كتموا النفس والطيبةتاهت فى الجبال الطيبة راحت للفضاء الطيبة كانت يوم هنا الطيبة كانت وسطنا والطيبة راحت مننا بتقولو ليه الحلم ضاع وان الامان زمانه راح لسه القلوب الطيبه موجوده فينا يمكن تكون غافله عن حلمها ولا حزينه لكن فى يوم حتفوق وتحيا وتبنى بكرة بأيد امينه تحى اللى مات وتعيد ساعات فيها الامل والابتسام يجى الامان لبيتنا تانى يحرس امانى لما تكبر تبقى حقيقه لكن حرام نقول خلاص الطيبه راحت مننا الطيبه فينا لكن حبيسه لازم نفك اسرها لجل الولاد تحيا بامان والامهات تدى الحنان والرحمه تجمع الجيران حتى لو فوق فى الفضا لازم نعيدها ونردها مافى امل منغير وجودها فى وسطنا |
| الساعة الآن 04:26 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها