منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   لاصرت ماتدري ليه انت رجال خسَاره فيك ذبح التمايم (http://www.5jle.com/vb/f9/t13063.html)

عــــ الاطبـــــــاع ــــذب 1 - 12 - 2011 05:04 AM

لاصرت ماتدري ليه انت رجال خسَاره فيك ذبح التمايم
 

لاصَرت ماتدري ليه انت رجال خسَاره فيك ذبح التمايم


http://i41.tinypic.com/15zgjz5.jpg


إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال
أو رزة صدور وفعل الزلايم

ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن) حر بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد أبويه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يا خوي هي طولة البال
هي العزم هي الصبر فالظلايم

فيها الكرم عزه دله وفنجال
فيها الكرامه عن ردى الطبع شايم

والدين لامنه خذا القلب منزال
مشى طريق الحق وابليس نايم

ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يا خوي نعم الغنايم

ولامن نصف ليلك قم صفي البال
يا عظم أجرك بين ساجد وقايم

ولا من رفع ربي له كل الأعمال
حسن الذكر لا قالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب الأنذال
وتتبع خوي إبليس راع النمايم

النفس خيل لك إذا كنت خيّال
ومن لا قوى نفسه قوته الهزايم

أنشودة المطر 1 - 12 - 2011 07:46 AM

رد: لاصَرت ماتدري ليه انت رجال خسَاره فيك ذبح التمايم
 
المرجله ما هيب كلمه وتنقال
وتروح ما راحت هبوب النسايم


كل الشكر أخوي عذب الأطباع,,قصيدة روووووووعة... عذب هناك من العذارى من خلد التاريخ اسمها...ومن الرجال من طوي اسمه وكأنه لم يكن

وشلون ابنسي 2 - 12 - 2011 12:46 AM

رد: لاصَرت ماتدري ليه انت رجال خسَاره فيك ذبح التمايم
 
صح لساااااااانك

ابيات في قمت الروعه



تحياتي لك ...,

سهر الليل 3 - 12 - 2011 09:14 PM

رد: لاصرت ماتدري ليه انت رجال خسَاره فيك ذبح التمايم
 
اخوي عذب الاطبااع
ابيااات القصييد
تعانق المعاني والأحاسيس
فنستريح على شواطئ أفكارك
وننهل من عذب انهارك
حروفك تقطر ذهبا وليس بغريب
أن تقطر حروفك ذهبا

لك مني جل الشكر والتقدير والاحترام
على هذا البوح الراقي

دمت بود ’’’




الساعة الآن 11:28 AM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team