|
شجون الغلا أعجز عن التعبير والوصف والبوح .............................. وتعجز حروف الكون عن وصف خلي ريم الفلا ريان عوده ومملوح .............................. خشفٍ على عرش الجمال مْتعلّي جامع صفات الزين وبخده الضوح .............................. مثل القمر بين النجوم مْتجلّي ماشفت مثله بالملا طبع ومزوح .............................. لامن طرى لي خاطري مسفهلي له رمش وان سلهم فلاشك مذبوح .............................. فعله بقلبي جيش نازل مظلّي كله دلع صوته رخيمٍ ومبحوح .............................. يعزف وتر قلبي دلال وتغلّي باسباب ظرفه صرت انا منه مجروح .............................. ياما تمنيت الوصل .. ما حصل لي ولامن فقدته صاح في داخلي نوح .............................. تبكيه عيني والخفوق ومحلّي ياروح وين اللي سكن داخل الروح .............................. وين الذي تل المعاليق تلّي وين الذي عطره مع أنفاسه يفوح .............................. هو منيتي بالكون شمسي وظلي تفوح مع ذكره شجون الغلا فوح .............................. إي والله إنه مالكٍ كل كلي يمرني طيفه مع الليل ويروح .............................. وألمح خياله في منامي وأهلّي وسلاااااااامتكم محبكم/ وشلون ابنسي |
رد: شجون الغلا اخوي وشلون بانسى خطها لنا قلمك الجميل هناصح لساانك ,,, ماأجمل تلك المشاعر التي لقد كتبت وابدعت في الابياات كم كانت كلماتك رائعه في معانيها وجزله في اسلوبك بين سحر حروفك كل الشكر والتقدير لك ’’’ |
رد: شجون الغلا هلا اختي سهر الليل وصح بدنك ولاهنتي على الحضور الراقي وشهادتك افتخر بها ..تحياتي لشخصك .. دمتي بووووووود |
| الساعة الآن 06:11 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها