عبارات عن السمي
 

كلام عن السمي

سميّت أمي لابكت ضحكوها ..
سمّوا على أمي بالإسم مانسوها ..
اللي نحب رجولها قبل يديها ..
ماهيب حي الله كذا وازهموها ..
زهمه لها قلوب منهم ذويها ..
صفوا لها طابور واستقبلوها ..
بنت الفهد والتوت في وجنتيها ..
ياوالديها لاغفت فوّقوها ..
لاطوّلت شمس العصر تحتريها ..
في ظل أبوها ويل من جاكروها ..
حمّاي روس القوم غصب يحميها ..
خوالها بالزين شبه جذبوها ..
والنص الآخر عندنا يعتليها ..
سمّوا عليها لاضحكت واسندوها ..
ولاسلهمت بالذات سمو عليها ..
جعلي فداها قبل لا أفدا ابوها ..
عمها وأنا منها وفيها وإليها ..
سميّت أمي لابكت ضحكوها ..
الدمعة أصلاً تستحي ماتبيها ..
وكل ابتسامة حايرة قلّطوها ..
في المبسم اللي يصنع التين فيها ..
اللي تبي لاغبت عنها عطوها ..
ﻷنّي إذا موجود غصب بيجيها ..
يا اهل العيون الحاسدة جنّبوها ..
قولوا ماشاء الله والله يحميها ..