عبارات عن السميه
 

سمو على أمي بالإسم مانسوها ..
اللي نحب رجولها قبل يديها ..
ماهيب حي الله كذا وازهموها ..
زهمه لها قلوب منهم ذويها ..
صفوا لها طابور واستقبلوها ..
بنت آل فهد والتوت في وجنتيها ..

سميت بنتي على اسمك لاني اغليتك
نذر نذرته من أول ماتركتيني!
إن جيت ناديتها في القلب ناديتك
فيها شبه منك في فكري وفي عيني
بالضبط مثلك وربي ماتناسيتك
مثلك خجوله ولكن حيل تغليني
تحرجني احيان تسألني وش أهديتك
واصد عنها وتتأسف وترضيني
وارد في داخلي كني تحديتك
روحي وقلبي وتفكيري وتكويني
وان جيت بتذكر فيها تمنيتك
اقرب من انفاس روحي تسكني فيها
لاتنشديني! عن الهجران ياليتك
فيني وفيني وفيني مايكفيني
اعتقت كل الجروح وجيت وارضيتك
في ذمتي مابقى جرح يدانيني
إيه اعشقك مووت والله موت حبيتك
انتي في قلبي في دمي في شرايني
بنتي وسميتها باسمك وهنيتك
لاتسأليني ليه وأترجاااك تعفيني