منتديات خجلي

منتديات خجلي (http://www.5jle.com/vb/)
-   خواطر - نثر - عذب الكلام - خواطر حب - خواطر حزينة (http://www.5jle.com/vb/f11/)
-   -   فاقد الاحساس مايعطي القليل.. (http://www.5jle.com/vb/f11/t14353.html)

وشلون ابنسي 11 - 12 - 2011 08:49 PM

فاقد الاحساس مايعطي القليل..
 

http://m6m5.com/vb/images/icons/09876543ertyulkj.gif فاقد الاحساس مايعطي القليل http://m6m5.com/vb/images/icons/09876543ertyulkj.gif


http://www.b3k3.com/vb/imgcache/1e44...c2e4a54b77.jpg




قول عادي .. بالي الليله طويل ..
شُوف لِك عذرٍ قديمٍ / وأقبِلَه !!

لا تحاتي ... قلبي مِتعَوِّد يشيل
( الجُروح ) اللي تجي له مُقبِلَه

" طيبتي " صارت مثل( كف البخيل)
أيِّ شَي طايح .. تِشُوفه ؟ تحمِلَه

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَه

وعادي جداً .. إنِّي الليلة ( عليل ) ..
الحزن : يحْسِبني واحد مِنْ هَلَه !!

ومو غريبه .. لو تِمَنِّيت الرحيل
البقاء أحيان , يعني .. البهذلَه !!

http://www.b3k3.com/vb/imgcache/acae...9c986dd999.jpg


مِنْ يلاقي لدنيتي هذي بديل ..؟
خل يجيني أي شخص .. أبَدِّلَه

وعيب راسي لا بغى شي " مستحيل "
يوصله مو طيب .. غصبٍ يوصلَه

ليه راجع ؟!
ليه ذاكر ..؟
ي الأصيل ..؟؟
إنت ضايق .. ؟!
في خطأ بالمسألَه !!

وليه تبكي مِنْ كلامي ي الدخيل ..؟
المشاعر .. ما لَهَابقلبك صِلَه ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى ب اليَد .. حيل
ولو بكيفي ..؟ [ قلبي ] محدٍ يدخلَه

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَه!!

فاقد الإحساس / ما يعطي القليل
وإن عطيته إحساس قلبك ؟يقتِلَه !!

إيه ب أرحل والطريق أدري .. طويل ..
مشكله" قربك " .. وبُعدِك مشكلَه..

وإن خذاني المُوت إترك قال وقيل ..
قول ه الجُمله .. وخطاك محلِّلَه :



سهر الليل 11 - 12 - 2011 09:43 PM

رد: فاقد الاحساس مايعطي القليل..
 
إيه ب أرحل والطريق أدري .. طويل ..
مشكله" قربك " .. وبُعدِك مشكلَه





اخوي وشلون بانسى ’’’



لَلإَبدآآآعٍ وَقْفَةأخْرى بْين يديْك
فكَلِمَاتك لَآمَستْ احْ سَاسِيِ
وطَرحَكِ فَرِيْدٌمِنْ نَوْعهِ
شَاهَدْتُ بُوحآً
يَنْزِفُ ترانيماً عذبة رغم الشجن محتويهاا وكاسيهاا
فسُطِّرت الحرُوْفْ بِإَبدَاعِ قَلَمِك
بحق رَاقَتْ لِيَ سُطُوْرِك
كُلْ الشُّكرْ لأَنآمِلِك اخووي
لآنفاسك عبق الورود

وشلون ابنسي 11 - 12 - 2011 10:00 PM

رد: فاقد الاحساس مايعطي القليل..
 
سهر الليل...
عذب حضورك كالسلسبيل وكنسائم الصباح المعطره برائحة الورد الزكي

وكانفاس طفل لم تختلط يوما بالخطيئه
لتواجدك نبض شجي ولنبضك تواجد يبهج قلبي
ودي لك سيدتي


الساعة الآن 05:27 PM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team