منتديات خجلي - مقتطفات من قصائده الجميلة

هذه مقتطفات من قصائد وخواطر الشاعر المرحوم بإذن الله: طلال الرشيد
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني

.....

يا جرح
من وين أبتدي؟
و انتَ معي من مولدي
و عيّت يدي
على وداعك تهتدي
بس أنت علمني الجفا
دامي عجزت
أعلمك كيف الوفا
علمتني كيف السهر
و نسيتني الممسى
علمتني وشلون أحب
علمني كيف أنسى ؟ ؟!!

.....

كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيـك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعال شفنـي وانـا استنـاك اشبهـك
يطري علي الف راي و راي واحتار فيك
اجي مكان الوعـد والا اسبقـه انطـرك
والا آخذ الموعد اللي يحتريـك واجيـك

.....

يابنت في خدك وهج سيل الشمـوس الساطعـه
احرق بداخل داخلـي انسـان ماهـو للتـراب
واللي خلـق ظلـمى الليالـي بالعيـون الهاجعـه
اني من الحرمـان اتسائـل وحرمانـي جـواب
يـوم الـوداع تخيلـي مالـي حبيـب اوادعـه
محروم انا وتخيلي محروم حتى مـن العـذاب
يابنـت لـي قصـه تطـول بكلمتيـن موجعـه
هي باختصار اني انا اركض ويطردني السراب

.....

أموت من فرقاك .. وأمـوت بلقـاك
وأموت من جورك ..وأموت بحنانك
كلِ قضـاه يمـوت مـرّه ويفـداك
وأنا أموت ألفيـن .مـرّه . عشانـك

.....

حبيبتـي كـل الـعـواذل تشـابـه
قلبٍ ظلام ووجه يشبـه للأصحـاب
ولا ما غدى لك صاحبٍ ينحكى بـه
لا تسمعي أن كان لك قلب وأحبـاب

.....

عيون الحب لا يمكـن تناظـر
عيوب الخل لو هو عيب كلـه
تماري فيـه وبوصفـه تكابـر
ترى من فوق خلق الله محلـه

.....

أنا مقدر أكون .. اني حبيب فـي بعـض أحـوال
أنا كلـي أجـي .. و الا أروح بعزتـي .. كلـي
تخيرت الفـراق و مادريـت إن الفـراق وصـال
أقول اني نسيتك بس مـدري كيـف تاصـل لـي

.....

الـلـيله احـسـاسي غـريـب
عـاشـق وانــا مـالي حـبيب
حـبيت ... كـل الـناس لاموني
حـبيت ... كـل احبابي iiباعوني
قـلـت احـب الـحب احـسن
قـلـت احـب الـحب اضـمن
لا احــــن .. ولا اتــــوه
ولا بـعـد فــي يـوم احـزن

.....

كنـك مـلاك وطلـع تـوه
الله وش كـثـر مـحـلـوه
ماعاد بـه غيـرك حكايـه
جيتـي وكـل تـرك جــوه

.....

هذا ما أستطعت أن أقطفه لكم من بساتين هذا الشاعر المبدع
والذي أعتبر نفسي من عشاقه لأخلاقه الراقيه أولا رحمه الله.

دمتم بود من تحبون،،،

زياد