|
قصيده اعجبتني ما كل من يركب على الخيل خيال ولا كل خيل تعجبك هي أصيله ولاكل من يعجبك هرجه برجال بعض العرب ملسون وايده بخيله الكل يلبس ثوب وشماغ وعقال وعند اللزوم افعاله مهي قليله الرجل تثبت له أقاويل بافعال لاقال شئ ونفذه هو دليله والرجل لاشفته مع القيل والقال ابعد عنه هذا صفاته عليله والكذب خله عنك مافاد لو طال قول الصدق ياصاح غنم وجميله وخلك شجاع وذي صفات للابطال اللي كما سيوف تبارق سليله واللي شراك اشريه لو كان بالمال خلك معه وانمال دوربديله واصبر ترى الدنيا تبدل بها أحوال وما كل شئ صافي تشوفه تجيله وبعد الكدرتشرب صفا عذب وزلال هذا الزمن فيه استقامه وميله وصاحب خليل لو جفا الوقت مامال ترى الرجل يعرف بقيمة خليله واقفل على سرك بكتمان واقفال بعض العرب يسمع و ينوي بحيله وخلك أمين إذا توليت الأعمال من خان في يوم الحشر يا حليله خل التواضع فيك واضح بالافعال ترى الكبر يردي بيوم وليله ولاتحسد اللي عنده اموال وعيال وش ينفعك لو كان حسدك يزيله ولاتزور تقلب الزين بطال الله عليم بالنوايا الدخيله وخلك رزين ترى المخفه للاطفال واصفح عن المخطي ولو زاد قيله واحمل همومك لو تزن وزن آلآثقال بكره تروح وتنجلي لوثقيله وصل الفروض ولاتنسيك آلآشغال محدن في الدنيا درى وش بقي له وزور آلآقارب للرحم كون وصال وخلك عظيم الشان وسط القبيله وصلاة ربي عد ماهل همال على النبي اللي صفاته جليله __________________ منقول |
رد: قصيده اعجبتني قصيدة رائعة جدا راقت لي كثيرا واصلي اختي سحر الغرب بهذا التالق |
رد: قصيده اعجبتني اللهم صل وسلم على رسولنا وآله وصحبه وسللللللللللللللم دام إبداااعك الجميييييييييل واختيارك الأمييييييييييز أختي سحر الغروب |
رد: قصيده اعجبتني تسلمين على القصيده الرائعه:eh_s(17): |
| الساعة الآن 04:36 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها