" النهارده هلبس دبلتك "

http://a2.sphotos.ak.fbcdn.net/hphot...26673546_n.jpg

تخطيطى لليوم ده كان كبير اوى ..

مش هقول لك انه مفيش حد بيهتم بيه .. بس اهتمامى أنا مختلف .. :$

لإن أنا وضعى مختلف .. أنا النهارده هلبس دبلتك .. والنهارده .. يوم ميلاد جديد ليا .. والنهارده انت حبيبى ♥

تعرف انى مستنيا اليوم ده ..

بقالى كتير اوى ..

طيب تعرف انى كنت زمان بدرب صباعى بخاتم محوطة بيه صباعى دايما ً ..

علشان لما البس دبلتك مزهقش منها ..

بس عارف التدريب ده طلع ملوش اى لازمة ف الدنيا .. ♥

لإن ودبلتك ف ايدى ..

أنا حاسه بالأمان ... وحاسه بالإستقرار .. وحاسه بالحب ..

عارف حاسه بإيه كمان .. حاسه انه كل الدنيا ف حضنى ..

و إنى مهما عملت ... صعب اعوض لحظات الفرحة اللى قضيتها

وأنا جنبك .. وأنا وياك .. وانت معايا ♥

ف اليوم ده .. أنا كنت مبسوطة .. وفرحانة .. ومنشكحة .. اي نعم معرفتش انام كويس .. ما هو انا من كتر فرحتى معرفتش انام .. .. لكن حسيت انى مش محتاجة انام .. كل اللى كنت محتاجاه .. هو انى اشوفك .. وبس ♥


ف البيت بقى .. قعدوا يشغلوا لى غنوتى اللى بحبها .. واللى كان نفسى على طول اسمعها ف اليوم ده .. وكنت بحلم باليوم ده علشانها ..

" ♥ يا دبله الخطوبة .. وعقبالنا كلنا .. ونبنى طوبة طوبة .. ف عش حبنا ♥ "

كنت خايفة احلم .. مش قادرة اصدق .. إنى أنا النهارده عروسة .. وانك انت النهارده هتبقى خطيبى .. ..

بس الحمد لله .. طلعت ف واقع .. وفوقت من الكوابيس دى على احلى واقع ف الدنيا .. انك معايا ♥

ما على طول كل ما بحلم بيك بلاقيك .. وكل ما افكر فيك بلاقيك ... ♥

فوقت من الحاجات الوحشة دى على صوتك ف تليفون بابايا ..

اصلاً مكنتش عاوزة ادي لك نمرتى غير لما نتخطب – غتاتة - http://www.3gypt.com/vb/images/smilies/biggrin.gif

لقيت بابا جاى بيقول لى

" تليفون علشانك يا حبيبتى .. "


" مين يا بابا ؟ " – بستعبط :P


لقيت فرحة الدنيا ف عينه .. وهو فاهم كويس إنى بستعبط ...

وقال لى :

" بطلى استهبال بقى .. وخدى شوفى مين http://www.3gypt.com/vb/images/smilies/smile.gif "

<<< أول ما خدت التليفون لقيتك بتضحك .. –اتاريك كنت سامع الحوار ده كله - http://www.3gypt.com/vb/images/smilies/biggrin.gif

قعدنا نضحك كتير .. واتكلمنا كتير .. ونسينا انه النهارده خطوبتنا .. واننا لازم نجهز بسرعة علشان منتأخرش .. :P

بعد ما قفلت معايا على طول .. حسيت انك واحشنى ♥

ولقيت ماما داخله عليا .. وبنفس فرحة الدنيا اللى كانت ف عيون بابايا ... لقيتها بتقول لى يلا يا حبيبتى البنت اللى هتعمل لك الحاجة وصلت http://www.3gypt.com/vb/images/smilies/smile.gif

وحضننا بعض واحنا بندمع .. ولقيتنى بقول لها ..

" يا ماما دى خطوبة .. يعنى هرجع ابات معاكى هنا .. ايه لزوم الدموع دى بس .. "


" قالت لى من فرحتى يا حبيبتى .. مبتسمعيش عن دموع الفرحة ؟ "


" بسمع يا ماما .. بس خليهم للفرح بقى http://www.3gypt.com/vb/images/smilies/biggrin.gif "

" طيب يلا يا لمضه .. اخرجى http://www.3gypt.com/vb/images/smilies/smile.gif "

بسرعة كنت خلاص خلصت .. وبسرعة الوقت فات ..


ولقيتنى ببص لنفسى ف المراية .. واقول لنفسى ..

" انتى النهارده عروسة .. والنهارده هتتخطبى لحد يستاهلك .. ويستاهل قلبك .. الإنسان ده هيكون زوجك .. لازم تسمعى كلامه .. وتحافظى على مشاعره .. وتخلى بالك منه .. ، "

فوقت من اللى انا فيه ده على تليفونك برضه ♥ مش قلت لك .. كل ما بتيجى سيرتك بلاقيك ♥ ♥

ودخلت اخدتنى من ايدى ..

ومش عاوزة اقول لك بقى كل الناس كانوا فرحانين ازاى ..

وزغاريط وحب حوالينا .. مشوفتش زيهم .. غير ف فرحنا إن شاء الله

– اكيد هبقى احكى لك عنه بعدين http://www.3gypt.com/vb/images/smilies/biggrin.gif :$ -

صور الإستوديو .. يا خراشى على جمالها :$ مش قادرة اوصف لك انت بسطتنى وكسفتنى ف نفس ذات الوقت قد ايه :* يا مجنون

http://www.3gypt.com/vb/images/smilies/biggrin.gif


وبسرعة دخلنا قاعتنا .. وبسرعة اتزفينا .. وبسرعة لبستنى شبكتى .. وبقيت همووت من الكسوف .. ودبلتك بتحاوط صباعى ..

ولقيتك بتوشوشنى ف ودانى .. وبتقول لى : " حبى ليكى زى الدبله دى ف دورانها .. ملوش بداية .. وملوش نهاية .. هفضل احبك لحد ما اموووت :$ ♥ "

يا ربى ... مبقتش عارفه ارد عليك !

وبقيت ابص لإيدى وأنا مش مصدقة نفسى .. بجد احساس فورى بالأمان دخل قلبى .. أول ما دبلتك استقرت ف ايدى ♥

أنا قلت لك قبل كده إنى بحبك علشان جنانك ده .. صح ؟؟

لقيتك كنت متفق مع واحد صاحبك .. جاب لك لاب توب .. وحطوه ادامنا .. وحضرتك صممت اننا نغير الماريتال بتاعتنا ع الفيس بوك ادام الناس كوووووووولهااااااا http://www.3gypt.com/vb/images/smilies/biggrin.gif http://www.3gypt.com/vb/images/smilies/biggrin.gif

ووصلت اللاب بشاشة العرض الكبيرة .. علشان كل الناس تشوف ..

وقلت لى : " مش كفاية غيرناها لوحدينا لما قرينا الفاتحة ؟؟ يبقى لازم الناس كلها تشوفنا واحنا مخطوبين http://www.3gypt.com/vb/images/smilies/smile.gif "

وبغتاتى المعتادة قلت لك .. " طيب والفرح بقى يا سيدى .. "

لقيتك بصيت لى بصة حلوة أوى .. وبتقول لى : " ف الفرح !! .. هنغيرها ف برج القاهرة http://www.3gypt.com/vb/images/smilies/biggrin.gif http://www.3gypt.com/vb/images/smilies/biggrin.gif :P "




وف الأبديتس ..

♥ انتقلت من مرتبطة ب .... إلى مخطوبة ل ..

و ♥ انتقل ....... من مرتبط إلى مخطوب ل ... –

ما هو الفيس مش بيترجمها خاطب .. بيكتبها مخطوب :P :P -

والنقط دى سببها إنى لسه مش عارفه اسم حضرتك ايه http://www.3gypt.com/vb/images/smilies/biggrin.gif

وعملنا الكونيكشن بتاعتنا .. وبقيت خطيبى .. وأنا بقيت خطيبتك ..

وبقى ف إيدى اليمين دبله .. مكتوب عليها ........... ♥ ♥ ♥