منتديات خجلي - والله انك اغلى انسان بحياتي

السلام عليكم ورحمة الله وبركاته

ودي أحكي عن شعوري له وأقوله
وإنه أول من عرفته في حيـاتي

كيف أبوصف له وأنا منه خجول
خايف ظلمه وتكذيبه ..وأحـاتي

في حياتي صار له دور البطولة
وكان أجمل حلم عاش بذكريـاتي

قبل أعرفه عايش عمري طفوله
ولاهي تعنيني سواليـف البناتــي

ومن عرفته صرت أنا أشتاق وأوله
امتلك روحي وتفكـيري وذاتـــي

والغريبه ...صوّب القلب بســــهوله
وهو محصّن في دروع وحامياتــي

قلبي اللي انتفض من شاف زوله
وكل أحاسيسي صحت بعد السباتي

وإلا غيره... مـايدلّه ولايطولــه
ولاحشى ماطاع شيطـان وعصاتــي

لاني بسهل... ولانفسي عجول
مبدإي راسـخ.... ويحكمي ثباتــي

والكرامة راس مالي والسيوله
والوفا والصدق هــم أبرز صفاتـــي

ولد قوم و ولد عز ومن حمولة
مارخيت الطــرف ولاطاح بشآتي

هو لخبط في الوضع عرضه وطوله
وأمنيات الأمـس ماعاد أمنياتــــي

ياحروف الشعر جودوا واكتبوله
لايضيع العمر من ظلــمه فواتـــي

وأسألوه إن كان يطريني ويوله
وبلغوه بحالـي وهمـي وسكاتــي

ربما ماصابني منه.. يــهوله
وعلــها تبين بعيــنه تضحياتــي

لاذكرته.. والمسا أعلن حلوله
انحدر دمــع العيـون الباكياتــي

لو توارى نجمه وأعلن فلوله
علموه إن ذيك هي ساعة وفاتي

لو يدوّر من بعيد ومنهو حوله
مايلاقي من يسـوي له سواتــي

صاحبي بالله صدّق هالمقوله:
"والله إنك أغلـى إنسـان بحياتـي"