طريقه الشراء من موقع امازون
 

Amazon , موقع Amazon , شرح موقع Amazon , شرح الشراء من موقع Amazon , يوتيوب Amazon , يوتيوب شرح الشراء من موقع Amazon , يوتيوب شرح الشراء من موقع امازون , كيفيه الشراء من موقع امازون , موقع امازون , رابط موقع امازون , صور طريقه الشراء من موقع امازون , شرح بالصور الشراء من موقع امازون , كيف اشتري من موقع امازون , طرق الشراء من موقع امازون









موقع امازون من اشهر مواقع التسوق الإلكتروني، ومثل ما نلاحظ من فكرة شعاره البسيطة ان الموقع شامل كل شيط من A إلى Z . وفعلاً لما تدخله تنفتح نفسك، لانك بتلقى فيه كل شيء .. تحس ودك تشتري مقاضي البيت كلها عن طريقه

عشان تقدر تشتري من موقع امازون تحتاج يكون عندك صندوق بريد امريكي، وشرح كيفية الحصول على صندوق البريد تم شرحها قبل كذا في هالموضوع ( امتلك صندوق بريد امريكي الآن! – شرح موقع ورلد شيببالصور )، وعشان تستمر سلسلة مواضيع التسوق الإلكتروني بنكمل الشرح على صندوق البريد الخاص بشركة ورلد شيب ( WorldShip1.com)

في البداية نفتح الموقع : www.amazon.com

http://g.abunawaf.com/2012/1/15/tich...om-amazon1.jpg


نشاهد في الصورة شرح مختصر لواجهة الموقع، تقدر تكتب اي شيء تحتاجه في مستطيل البحث الموجود في الآعلى أو تتصفح الموقع حسب الأقسام المناسبه لميولك ( العاب، كتب، اكسسوارات .. الخ ). بالنسبة لي أكملت الشرح بالبحث عن كوب كانون ( Canon Coffee Mug )

http://g.abunawaf.com/2012/1/15/tich...m-amazon12.jpg


بعد البحث بنشوف النتائج بهالشكل، فيه اقتراحات للبحث في الآعلى بعدين تحتها المنتجات مصفوفه، يجي دورك عاد تتفرج وتدور المنتج المناسب لك من ناحية السعر والموصفات والتقييم .. أنا اخترت اول خيار في البحث، لاني حسيته مناسب لي فعلاً <<– قل اسرع لي ولا تجلس تفقش علينا


http://g.abunawaf.com/2012/1/15/tich...om-amazon2.jpg


بعد الاختيار بتفتح لنا الصفحه الخاصة بالمنتج، نشوف على اليسار صور المنتج وبجانبها البيانات الاساسية ( السعر الاساسي، السعر بعد الخصم، مبلغ التوفير، اسم المتجر اللي يبيع المنتج، العدد المتبقي " مهيب تطلع الا اذا كان المنتج حول مايخلص "، وعدد المتاجر اللي تبيع نفس المنتج وبكم يبدأ سعرهم ) بعدين على اليمين بنشوف سعر المنتج + سعر الشحن وفوقة خيار الكمية ( في حال تبي تطلب خمسة اكواب وتصير تحطهم مع القهوة المغرب

لو ننزل لتحت في نفس الصفحه بنشوف معلومات اضافية للمنتج ..

http://g.abunawaf.com/2012/1/15/tich...om-amazon5.jpg


مميزات المنتج، هل هو مصنوع من حديد، المنيوم، أو خشب مثلاً؟.. يفتح ويتسكر وإلا بس حاطين الغطاء معه زينه ؟ .. الخ

http://g.abunawaf.com/2012/1/15/tich...om-amazon7.jpg

تفاصيل المنتج، توضح لك وزنه ( تفيدك في الشحن ) والتقييم ولو فيه معلومات ثانية عنه بتنذكر هنا مثل الحجم على سبيل المثال ( ممكن يكون منتج بثر، وزنه خفيف لكن كرتونه كبير

http://g.abunawaf.com/2012/1/15/tich...m-amazon16.jpg

اراء الزبائن حول المنتج، يعرض لك تقييمهم والتعليق على المنتج .. هل هو زين؟ هل واجهوا مشاكل؟ وما إلى ذلك

بعد الإطلاع على جميع التفاصيل والتأكد بأن هذا المنتج هو المناسب لنا، نضغط على ( Add to Cart ) الموجودة فوق على اليمين عشان نضيف المنتج لسلة التسوق

http://g.abunawaf.com/2012/1/15/tich...m-amazon13.jpg


بتطلع لنا صفحه تبين لنا ان المنتج تمت إضافته للسلة، بعد كذا تقدر تستمر في التسوق لو تبي تكمل المقاضي حقتك يعني .. او تختار كلمة ( Proceed to checkout )

http://g.abunawaf.com/2012/1/15/tich...m-amazon11.jpg

بتفتح لك صفحه تسجيل الدخول / التسجيل في الموقع .. لو كان عندك حساب مسبق تختار الخيار الثاني، او تختار الخيار الثاني عشان تسجل عضوية جديدة ..

http://g.abunawaf.com/2012/1/15/tich...om-amazon4.jpg

تعبي البيانات المطلوبة ( اسمك، بريدك الألكتروني مرتين، رقم جوالك " اختياري "، كلمة المرور مرتين )

بعدين بيطلب منك بيانات الشحن، اللي هي عنوانك في امريكا .. لذا تفتح حسابك في موقع الورلدشيب وتنقل البيانات كما هي

http://g.abunawaf.com/2012/1/15/tich...om-amazon8.jpg

تنسخها من الورلد شيب للامازون زي كذا

http://g.abunawaf.com/2012/1/15/tich...m-amazon17.jpg

بعدين تضغط على كلمة Continue

http://g.abunawaf.com/2012/1/15/tich...m-amazon14.jpg


بعد ماتدخل عنوانك الخاص بالورلدشيب بيطلع لك موقع امازون اقتراح لتعديل عنوانك اللي دخلته، واللي هو عبارة عن اربعة ارقام في الرمز البريدي، وتعديل في ترتيب العنوان .. التعديل مايضرك بشيء بالعكس يساعد موقع امازون في التوصيل .. لذا اختر العنوان الخاص فيهم بعد التعديل وبعدين اختر Ship to this address

http://g.abunawaf.com/2012/1/15/tich...om-amazon9.jpg

بعد ما تختار العنوان المعدل بيرجعك لنفس الصفحه الأولى لكنه بيعرض لك العنوان بعد التعديل .. اضغط على Ship to this address

http://g.abunawaf.com/2012/1/15/tich...om-amazon3.jpg

هنا الموقع بيشاورك في الشحن .. اذا ما كان المنتج معه عرض التوصيل مجاناً، ف في الغالب الاستاندر ارخص

http://g.abunawaf.com/2012/1/15/tich...om-amazon6.jpg


وفي الاخير بيطلب منك بياناتك المالية، تضغط على الايقونة المحددة في الصورة عشان تضيف بيانات بطاقتك الفيزا او الماستر كارد ..

http://g.abunawaf.com/2012/1/15/tich...m-amazon15.jpg

بعد ماتضيف البيانات بتطلع لك البطاقة فوق عشان يعلمك انها انضافة لحسابك في الموقع، اضغط Continue

http://g.abunawaf.com/2012/1/15/tich...m-amazon10.jpg

وفي الاخير بيعرض لك ملخص طلبك وبيكتب لك عنوانك فوق وبيانات البطاقة اللي بتدفع فيها وطريقة الشحن وكل شيء .. خلاص كل شيء زين وتبي تسوي الطلب ؟ .. اضغط على Place your order
وخلاص مبروك عليك .. بكذا تصير اشتريت من موقع امازون .. يالله عاد الحين رجع عربة التسوق مكانها
* * * *

لنفترض انك ماتبي تشتري كوب وتبي جهاز الكتروني زي الايبود على سبيل المثال .. بكل بساطة تكتب في مستطيل البحث كلمة iPod وبتطلع لك نتائج البحث

http://g.abunawaf.com/2012/1/15/tich...m-amazon19.jpg


بتشوف تحت الجهاز مختصر للمعلومات ، سعره قبل وبعد الخصم، سعر المستخدم "في حالت كان فيه مستخدم للبيع" وتقييمه … وفيه على يسار الموقع مستطيل فيه خيارات تساعدك في البحث

http://g.abunawaf.com/2012/1/15/tich...m-amazon18.jpg

تحدد الجهاز اللي تبحث عنه جديد والا لا؟ وكم السعر اللي حاطه في بالك؟ حالة الجهاز جديد والا مستخدم والا مجدد؟ وتبحث برضو بالتقييم لو تبي








~

رد: طريقه الشراء من موقع امازون