منتديات خجلي - كل واحد يذكر موقف محرج مر عليه

بالنسبه لي حصل موقف لي ولبنت اخوي ولساتني اذكرها فيه هههه

كنت بثاني ثانوي وطبعآ انا وبنت اخوي بنفس الصف انا جالسه بالأخير وهيا قدامي .. طبعآ انا ولا اهتم بأحد كنت مو متعوذه من ابليس بس والله ركدت المهم جت حصة معلمة العربي وهيا عليها لسان طويل وطبعا محد يرد عليها غيري و وشلتي المحترمه وهيا بالذات ماأحل لها واجبات كذا كذا بتطردني من الحصه حق شنو اتعب اعصابي بنت اخوي كانت تخاف منها لانها صديقة خالتي وصديقة ام بنت اخوي وكل يوم اقولها لاتخافين تقول انتي ماعليك مو صديقة جدتي صديقة أمي مو مثلك صديقة خالتك وارد عليها واقول لها وانا عمتك واقولك لاتخافين اللي بيصير لك بيصير لي ترد وتقول عادي عندك ياأم دم بارد مالكم بالطويله يومها ماحليت وكنت حاطه رجل على رجل وبنت اخوي قدامي سألت البنات حليتو الواجب البنات قالو ايوه انا مارديت حركت رأسي بس بلا شافتني احرك رأسي وقالت قومي ياحمممماره وتآشر بيدها علي وقفت بنت اخوي من الخرعه هههههههه لانها قدامي قالت لها الاستاذه انتي حمماره خلاص خليك واقفه قومي ياعمة الحمماره طبعا انا ماأحب اخلي بنا اخوي تنحرج ضحكت وقلت لها العتب مو على الحماره العتب على عيونك تآشرين بأصبعك علي وتناظرين فيها من اول قوي امسكو الباب بنعطيك ظهورنا الفصل متعودين على لساني قامو يضحكون وانطردت برى انا والحماره والشله المحترمه اللي ضحكو هههه والا الآن أقولها لمن ماترد علي قسسم ماكذبت لمن تقولك حممممماره ههههههههههههه موقف ماأنساه ..