|
أدري اني من تراب وفي طريقي للتراب بس مدري لي متى وانا اقترف لي معصيه أدري اني من تراب وفي طريقي للتراب .. بس مدري لي متى وانا اقترف لي معصيه يعتريني حزن .. مدري حاله من الإكتئاب ....................سمّه اللي ودّك اصلاً ما تهمّ التسميَه المهمّ اشعر بضيقة صدر ياخي .. واغتراب ................لا ذكرت اني أعيش بعصْر "لا .. للتضحيَه" عصْر فيه من العَجب ما لايُريك ايّة عُجاب ..................يعني فيه من الغرابه .. ما يثير السخريه خلّ عنْك التقنيات اللي يسيل لْها اللُّعاب .................آنا في حاجة بشر .. ماني بحاجة تقنيَه والاّ قُول اش يستفيد اللي ركض خلف السراب؟ ................لا وصَل يمّه .. ولا فكْرة رجوعه مُجديَه ينتهي وضعه مثل وضعي .. فلا ودّى وجاب ..............عايش بروحي مع انّي في نطاق التغطيَه ودّي ابْدي للحظوظ المايله .. بعض العتاب ..............بسْ ما للحظّ شِغل .. وحالتي مستعصيَه كم خسرني من حبيب وكم خسرت من القراب ............والخساره واحده .. دام الوجيه مقفّيَه ولّ .. ياسيف القطاعه والخصيمه والغياب ............ليت ينفع فيك أمْر العفْو أو دفْْع الديَه كان يمديني دفعت اللي دفعت ْمن الرقاب .............ولا أطيح بقبْضتك واموت موته مُضنيَه لي ثلاث سنين فاقدني .. والاقيني مُصاب ..............والمرض أحيان ناتج من تعاطي الأدويَه فْيقطع الله من تغذّوا في قفاي مْن الصحاب ...........بئس والله ما كلوا منّي.. وبئس التغذيَه كلّما أمنح ثقه لانسان .. سوّى إنقلاب ............ناقص الاّ يصْدر بحقّي قرار التصفيَه عشت نوع من التخبّط في قراراتي.. وطاب .............خاطري من كل مستقبل وحلم وأمنيَه لي متى؟؟ وانا أعاني من توتّر واضطراب ..............في شعوري الداخلي بين الندا والتلبيَه أسمع الدنيا.. ولا البّي .. وانا سمْح الجناب ............ردّني عن شرها .. ديني وحسن التربيَه قول كيف اصمد؟ وانا في وسط غابه من ذئاب ..............يجبرونك ع الخطأ واشياء ماهي مُرضيَه صحّ ماهو بمنطق استسلم لمبدأهم .. واهاب ...............بس انا مانيب "إبن حنبل ولا بن تيميَه" شاعر ولو كنت صاحب فكر وارائي صواب ...............لازم اضعف يوم .. قدّام الحياه المُغريَه والدليل انّي كثير احيان .. لا أملك جواب ................لو سألني أحْدهم وين الدروب ْمودّيَه؟ أدري انّي من تراب .. وفي طريقي للتراب ..............بس مدري لي متى وانا اقترف لي معصيَه؟ كلما حطّيت لفراقي عن الدنيا .. حساب ...............فزّ شيطاني على نظرة فتاه .. وُأغنيَه ليتني أذنبت ذنب وخفت من تالي العذاب ...............كان حالي ماغدت هالحين .. حاله مُزريَه بس اجاهر في معاصيّي علشَان الشباب ...............يُعجبون ْبقدرتي عند اللهو والتسليَه "عفْوك اللهم" يوم يحين تسليم الكتاب ................يوم ما تنفع معاه الواسطه والتوصيَه يوم لا يستر عُريّ الآدمي .. لبْس وثياب ................وقتها تشوف الذنوب اكبر عوامل تعريَه من دموعي.. أوديَه بتفيض وتسيل الشعاب ................وآه ياجدب الشعاب.. ويا جفاف الأوديَه ْفلا تسمّي حالتي .. ياخوك حالة اكتئاب ...............هذا "تأنيب الضمير" إذا تصحّ التسميَه شوف وجهي وانت تدري ليه ماكنّي بشاب ...............كنّي من كثرة ذنوبي شايب وعمري ميَه ..! لشآعر الرآآقي .. / محمد آلشهري ., آتمنى آن ترتقي لذآئقتكم |
رد: أدري اني من تراب وفي طريقي للتراب .. بس مدري لي متى وانا اقترف لي معصيه عزيزتيشوؤوقي وكيف لهذا الكم من الروووووووووعة ألا يرتقي للذائقة!!!!!!! انتقاااااااااااء لايكون إلا من تفكير مختلفففففففف لاحرمناااااااااااااك ولافض فوك شاعرنا الجميييييييل |
رد: أدري اني من تراب وفي طريقي للتراب بس مدري لي متى وانا اقترف لي معصيه :73:تسلمين ياا قلبي عالرد الحلووو زيك نوووررتيني:eh_s(7): |
| الساعة الآن 12:36 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها