منتديات خجلي - قصتي مع فتاة بالرياض وهيئة الامر بالمعروف والنهي عن المنكر

بسم الله الرحمن الرحيم .

مسائكم ،صباحكم .

خير ومسرات .

هذي قصة حقيقيه حصلت لي . مع فتاة ومع هيئه الامر بالمعروف .والنهي عن المنكر .

راح اتكلم من بداية القصه الى نهايتهآ وهي قصه مؤثرة بالنسبه لي .!

حصلت معاي هالقصه قبل اسبوع ونص تقريبآ من كتابة الموضوع .!

كان يوم الاثنين وانا في جامعه الامام .! اتصلت علي الوالده .!

.وقالت لي متى بتطلع .. قلت الساعه 4 العصر . طلبت مني اغراض للبيت اجيبها وانا جاي .!

المهم في عادتي انا ماحب امر الاسواق ولا احب ادخل الاسواق نهائيآ ..

طلعت من جامعه الامام الساعه 4 وعلى طول ل كارفور اللي على طريق خريص .!

المهم دخلت السوق وفريت في دهاليز السوق وقفت عند قسم الماء اللي بكارفور .!

استغربت بعض الميآه اللي عندهم .مسكت واحد منهآ جلست اقراء فيه . لقيته جاي من فرنسا الماء وعلبه صغيره ب4 ريال . وانا جالس اقراء محتويات الماء وفوائده . مادريت الا وهالبنت جايه يمي .

للامانه البنت من اروع البنات اللي شفتهم .! ك شكل .! سلمت علي وحذفت ورقه بالعربيه اللي معي . وقالت لي ( تكفى دق علي ابيك ضروري )

انا انهبلت وانصدمت وانلسعت . ومدري وش صار فيني ..

وحتى الان لم انطق بحرف واحد .!

البنت راحت على طول وانا ماتكلمت ابدا .!

اخذت الورقه حطيتها بجيبي على طووول .بعد مالاحظت انه موجود رقمهآ بالورقة

أول شى طرا على بالي .!

اني انا بالفتره هذي ماني فاضي لاي شى . لاحب ولا غرام ولا صداقه ولا شى ابدا .!

بحكم اني انا اكثر شخص تضرر درآسيآ وعلميآ وعمليآ ومستقبليآ والسبب ( الحب ) .!

مآبي اعيد سنوآت اقدر اسميهآ بسنوآت الضيآع ..! وهي سنوآت عشتهآ بالحب .!

المهم الورقه بجيبي ولا فكرت للامانه اني اتصل عليهآ ..!

اخذت الاغراض وطلعت وحاسبتهم ومشيت طوالي للبيت ..

وصلت البيت وحطيت الاغراض بالمطبخ . ورحت غيرت ملآبسي ولبست ملآبس ريآضيه بحكم اني بطلع للاستراحه .! لاني كنت جاي من الجامعه .!

طلعت الاستراحه من بعد صلآة العشاء . ورجعت البيت الساعه حدود الساعه 12

دخلت غرفه النوم لبست ثوب نومي وانا البس ثوب النوم لقيت الورقه اللي عطتنيهآ البنت طايحه ع الارض .!

اخذت الورقه وجلست على السرير وحتى الان تفكيري كلهآ ( اني ماراح ادق عليهآ .! )

المهم وانا جالس ك عادتي اسولف على نفسي .! تذكرت كلمة البنت يوم قالت لي

تكفى .! وهالكلمه هذي .! فيهآ استرجاء وطلب ,! قلت البنت يمكن تبي شى مهم ولا عندها شى .!

حسيت اني فعلآ قآسي .. مسكت الجوال وطوالي اتصلت عليهآ .!

دار الكلام بيني وبينهآ وبصرآحة البنت بزود ماهي عليهآ جمآل .. عليهآ صوت . ماشاء الله عليهآ .!

طلبت مني طلب انهآ تقآبلني يوم الاحد الجاي . واليوم الاثنين يعني بعد اسبوع تقريبآ ..!

كررت السؤال اكثر من 20 مره ..؟ ليش وش السالفه .!

وكان الجواب .. اذا جيت بحكي لك كل شى .!

حاولت اعرف وش تبي بس ماقدرت ابدا .!

اتفقت معهآ نتواعد بمطعم بالريآض والمطعم ( عمو حمزه ) بحكم انه قريب من المحل اللي لقيتهآ فيه ..! يوم الاحد .!

بصرآحه الفتره هذي جلست اسولف مع نفسي . قلت البنت دامهآ تبيك مستحيل تتركك .!

ودائم البنت اذا هي اللي تبداء بالحب .. مستحيل تخون ..! لان البنت مشاعرها وعاطفتهآ . بسرعه تنهآر من اي شى .!

وهالاسباب هي اللي جعلتني اني اعطيهآ وعد واروح لهآ .!

المهم جاء يوم الاحد واتفاقي معآهآ الساعه 10 .! تاخرت ربع ساعه بسبب زحمه خريص وماأدراك مازحمة خريص .!

المهم يوم وصلت لقيتهآ على باب المطعم .! طوالي دخلنا المطعم .!

سلمت عليهآ ., وجلست مقابل لهآ .!

للآمآنه اول ماسالتهآ واول الكلام معهآ كان .!

وش السالفه . < هالسؤال ذا نقزته على طول بوجهه .!

وقسم بالله تفاجئت يوم البنت ناظرت لي نظره .. وربي انصدمت صدمه قويه ..

اقسم بالله شوي واطيح على الارض .!

لقيت دموع البنت نازله على خدهآ .!

مدري وش اسوي .. ومدري وش اقول .! مصدوم صدمه خيآليه اقل شى اوصف صدمتي .!

وبعد طول انتظآر قلت شفيك تكلمي .!

قالت لي تكفى انا محتاجه مساعدتك .!

قلت امري وش تبين كنت اقول بخاطري لو تبي الدنيا كلها بحاول اجيبهآ لهآ ..!

حرآآم دموع البنت قدامي موقف جدآ محزن بالنسبه لي .!

قالت تكفى .. انا اتمنى الموت اذا مانحلت مشكلتي .!

خفت وحسيت مشكلتهآ كبيره ومدري وش اسوي ب هالموقف .

قلت لها تكلمي ومالك الا اللي يرضيك .!

تكلمت البنت وحكت لي قصتهآ .!

وقصتهآ مع شاب . كان يدعي انه يحبهآ . والمسكينه ارسلت له صورهآ ..!

ويهددها بالصور وقال لهاآ اذا ماطلعتي معي يوم الخميس الجاي راح انشر صورك على سيارة ابوك واخوانك .! وجيرانكم .! وانشرها باليوتيوب ومواقع النت .!

انا اخذت معلومات الشاب واخذت رقم جواله وعطيتهآ وعد اني احل لها المشكله .!

اتفقت معهآ وقلت لها بيننا اتصال طلعت من المطعم طوالي ورحت للبيت .!

وانا تفكيري كله كيف اساعد هالمسكينه .!

وانا في طريقي . الشباب يتصلون علي تعال بالاستراحه .فيه لعب بلوت وطائره .! اعتذرت منهم وقلت اني تعبان وماقدر اجي .!

وانا بالبيت اتصلت بالشاب اللي مواعد الفتاة .!

الشاب كان اسمه فيصل .! اخذت منه موعد في مطعم ماكدونالدز .!

وبصراحه بصعوبه وافق لانه مايعرفني ولا اعرفه .بس انا قلت له انا صديق واحد من اخوانك وذكرت له اسم اخوانه بحكم اني ماخذ معلومات من البنت .!

المهم تقابلت معه يوم الاثنين .سلمت عليه .! وبديت معه بالموضوع طوالي

وقلت له تكفى ياولد ابعد عن البنت انا احبها .! واغار عليها .. وبتزوجها .! ومن هالكلام .!

حاولت اقنعه مارضى .!

يعلم الله من القهر كنت افكر حتى اقتله لانه فعلآ قتلني بكلامه وباسلوبه الوحشي .!

طلعت من المطعم وانا شايل هموم الدنياء كلها . حتى العشاء ماتعشيت .!

والنوم مانمت . وحالتي حالة .!

اتصلت علي البنت ... كنت محبط بعد ماقابله الشاب لاني احس مافيه امل له حل .!

رديت عليهآ . وحاولت اهديها قلت المشكله انحلت بنسبه 50% .! وانا قابلة الشاب وبيصير خير انشاء الله .

قالت تكفى لاتقابله يمكن يفضحني قلت انا قابلته وماعليك ماراح يفضحك واوعدك حتى اهلك مايدرون عن شى .!

البنت ماكانت مقتنعه بكلامي ..! وللامانه انا حتى كنت حاس اني ماقدر اسوي شى .!

مر يوم الثلاثاء وانا ماسويت شى والايام كانت سريعه .! وموعدها مع الشاب يوم الخميس .!

المهم يوم الاربعاء .اتصل علي صديق لي جاي من القصيم .! قال يأتركي . < اسمي

انا جاي جهز القهوه والشاي .! .. قلت حياك الله .. ويعلم الله هالصديق عزيز وغالي .لكن الوقت جدا ماهو مناسب لي .!

دخل صديقي البيت وكان معه واحد مطوع .! وهنا نقطه تحول القصه .!

دارت السوالف بيني وبينهم ويعلم الله بنص السوالف ماني يمهم .! تكلم المطوع !

وجلس يحكي قصص ابتزاز ومابتزاز وحاولت افهم بالموضوع واكتشفت انه من الهيئه .!

وبصراحه وجهه ابيض ومنور وماشاء الله عليه قمة بالاخلاق والتواضع .!

يوم طلعو يبون يروحون .! اخذت المطوع على جنب .

وقالت ياشيخ . في موضوع فيه حياه وموت .! تكفى ياشيخ .! السالفه كذا وكذا وكذا .!

قال لي ابشر باذن الله احلهآ .! وكررت على الشيخ .! كل شى الا الفضيحه لاتفضحون البنت تكفى .!

اكثر من 100 الف مره اقولها .. لدرجه انه قال لي . ياخي اعتبر رقبتي مقصوصه اذا انتشر الخبر .!

بعد هالكلمه . استانست واتصلت على البنت وقلت لها اوكي انتي اذا اتصل عليك بكره اطلعي معه وماعليك لاتخافي كل شى بيصير تمام

يوم جاء يوم الخميس .! وجاء الشاب عند بيت . البنت ..!

وانا راكب مع المطوع هذا .! اول ماوقف الشاب . طلعت البنت وركبت معه .!

المطوع اتصل عليهم وقال اوكي تمام الوضع قالو له تمام .!

قال يالله .!

قال ابشرك مسكنا الولد قلت ياشيخ اترك الولد .. البنت وش صار عليهآ .! قال البنت راحت مع الشرطه ..!

زعلت ونزلت من سيارته . وركبت سيارتي طوالي لمركز الشرطه .!

يوم دخلت مركز الشرطه لقيت المطوع موجود .! قلت له

البنت وينهآ وين راح كلامك لي ؟؟!!!

قال لي العسكري لاتخاف البنت عند اهلها .!

يعلم الله على طول حركه غير شعوريه حبيت فوق راس المطوع والعسكري وسجدت شكر لله .!

فرحت فرح غير طبيعي هذيك اللحضه .!

طلعت سيارتي مسكت الجوال لقيت ملايين الاتصالات .! اكثر اللي اتصل علي البنت .!

وعلى طول وانا اشوف اللي داقين علي . الا وهي تدق علي . وارد عليهآ .!

وتدعي لي ولقيتهآ تبكي .! فعلآ كانت محبطه المسكينه ..! ولا تدري شلون تتصرف ..!

يعلم الله كل هذا بفضل الله ثم هيئه الامر بالمعروف والنهي عن المنكر ..!

للمعلوميه تغيرت نظرتي تجاه الهيئه . انا من اول كنت اسمع عنهم اشياء ماهي حلوه .!

لكن بعد هالموقف .. صرت ادعي لهم مثل مالبنت تدعي لي .!

والحمد لله طلعت بعد هالحادثه للاستراحه اللي فارقتها اكثر من 5 ايام بالرغم من اني كنت مافارقها يوميآ ...!

مودتي لكم .