منتديات خجلي - يابنت درب الهوى ماعاد انا صوبه

من صدمه الوقت كني وسط غيبوبه

ماعدت افرّق عدويني من اصحابي

الله يجازي زمانن زادت عيوبه

الي جعل كل طعناتي من احبابي

ما اكذب الي خدعني طيبه اسلوبه

ولا اصدق الي يقول اعدائي اقرابي

وماكنت داري غدت الاوضاع مقلوبه

الين شفت المطوع سمي ارهابي

ياكلمه الحق منتي صدق مرغوبه

الله يحييك يمي فاتح ابوابي

عاقل وهادي لكنك صرتي عقوبه

مرات اقفل عشاني قفلت اعرابي

لو كنت اجامل والفي كل منجوبه

ماكان لاجا المعاند تسبق اركابي

ولو كنت شخصن يسد حضور مندوبه

ماكان لاغبت تفقدني من غيابي

لو كان غيري بيدين الوقت لعبوبه

انا من الناس وقتي يحسب حسابي

لان البدن مالبس ثوبٍ مهو ثوبه

فقير لله ربي واعرف ثيابي

يا بنت درب الهوى ما عاد انا صوبه

لو زاد شوقي عليك المر عيابي

الناس بالشام مذبوحه ومسلوبه

وأنتي تبين الهوى والشوق يزهابي

أنا أشهد انه بصدري نار مشبوبه

واللي يسوي بهم كنه يسوابي

صحيح نصف العرب ما فيهم عروبه

لا من تذكرت فيصل تغرق اهدابي

يا بنت وين الرجال اللي لهم نوبه

انا على المسلمين انهارت اعصابي

العمر مكتوب والارزاق مكتوبه

جعلي اجي في يميني شايل كتابي

لاهنت يالي كلام الحق عذوربه

الله يستر عليك وسجل اعجابي