منتديات خجلي - شفتك بعد غيبه

شفتك بعد غيبه

بسم الله الرحمن الرحيم

في جعبتي قصيده من قصائد الرائع صاحب الشعر الجزل ...,

الشاعر < حمد البريدي > ...,,

شفتك بعد غيبه ... وحاولت أحاكيك ...

مهوب من قلبي ولا هي من جراته ...,

بغيت أقول / فلان أزريت أناديك ....,

وكني سمعت أسمي معا الالتفاته ...

فزيت من نومي وأنا أقول < لبيك> ...,

وآثرك رؤيا في منامي .... وجاته ...,

صفقت كف .... وقلت ياحلم يشووويك ...

جددت لي جرح .. هني في مباته ...,,

ياللي شريت البعد .. ماغاب طاريك ...

حتى لو أن البعد ... سوى سواته ....,

مهوب محزني ... على حاجتن فيك ..

إلا إن قلبي شايفن بك غناته ....,

كن الطيوف تقول وش حال غاليك ..؟

وأقول راح ومابقى إلا غلاته ...,

لو أن ماجاني من الهم ياتيك ...؟

كان المصلي ماحفظ وش صلاته ....

مريت من شارعكم .. وصادفني أخيك ..

واللي قطع كبدي حلاتك .. حلاته ...

بغيت ألخبط من دعاياه . , وأدعيك ..

وأسمك وقف بين اللسان ولهاته ..,

وبغيت أجيب العيد وأقول : يرضيك...,

فاللي وصاتي له وضيع وصاته ...,

البعد شيب خافق ميت فيك ...,

والي مشى خطوه عثر في عصاته ..,

مشكلتي / إن قلبي يحبك ويغليك ...

ومشكلتك إنك شخص عايش حياته ...

كثر الجفا < نار > وحطبها تغليك ..

خف الحطب ... لاتزيد نار الشماته ...,,

إن ما حزنك جرحن برجواه يدعيك ..,

ماعاد تفرق عيشته مع مماته ....,

قلبي وعمري كلها بين أياديك ...,

العمر فدوه لكن القلب هاته ...,

وإن مابغيت ترد قلبي ما أوصيك ..,

أحسن عزاااآآآه ... اللي دريت بوفاته ....