منتديات خجلي - همسة حزن

على همس ا لشفق تكتب حروفي رحلة الاحزان
يجددني غروب الشمس.. وأبدأ رحلة أحزاني

اسامر شوقي الظامي اعاني لوعة الكتمان
سكون الليل يملكني بصمته0..0وازعج الحاني

اقلب صفحة الماضي00ليالي عشتها حرمان
تعاندني ظروفي000واتجاهلها بنسياني

هلابك يالقصيد اللي ترنم مثل غصن البان
تقادح بالورققصة غياب البوح..والجاني

هلابك كثر ماحنّ الغريب لديرته شفقان
هلابك كثر ماضج المسافر بعد الاوطاني

هلابك كثر ماحل الفراق000 وشتت الخلان
هلابك كثر تفكيري00ولوعاتي00وحرماني

قصيدي يوم جيته ماخذلني 00000فجّر القيفان
خذل كل المصاعب والظروف وفزّ لي عاني

توارى فوق هامات الورق يعزف شقاي الحان
تغنىبالبيوت بكل طرق00وكل الاوزاني

بدأ من منطلق حبٍ قديم وكان ياما كان
محبه بعثرت سير الصفوف وهزّت اغصاني

كتبها وجه عثرات الزمان وملها النسيان
وخطبها الموت لدروب الهلاك..00وقلت: من شاني

حضنت الحب في صدرٍ يضيق ويشتعل نيران
واعرف الحب مايرحم حياة فلان.. وفلاني

تخيّرت الطريق الصعب الاضيق في رجا الرحمن
زبنت اضيق منافذ للحياة 00وربي انجاني

تخيل كنت احبه حب ماينكال بالميزان
تصدق كنت اعزه عن جميع اهلي وخلاني؟

ولكن للأسف جازاني التقدير بالنكران
وتركني للدروب العوج تلعب بي وتشناني

قطع حبل الوصل في صمت لاراضي 00ولازعلان
زرع في الشكوك وشتت افكاري وخلاني

قصيدي فك ستر الصمت عني وافضح الكتمان
ترى طالت وانا عايش بلوعاتي وحرماني

ابيك اكبر من الفرقا 00ابيك اقوى من الحرمان
ابيك تبوح دام البووح بأمكانك وبأمكاني

انا هقواتي ابعد من خيالي واكره الخوان
واحب الوافي اللي ماكذب عمره00ولاخاني

وانا ماهوب انا اللي لاهرج في هرجته نقصان
انا دايم صريح ولاهرجت الساني حصاني

حبيبي ليه تتركني بلا مبدأ بلا عنوان؟؟
ترى محدِ يسد بغيبتك لو كانوا اخواني

انا لو قلت ماحبك ! تراي اخفي شعور انسان
مشاعر صادقه حلت تفاكيري 00ووجداني

عشقتك كثر مااشتقت لدفاك وجيت لك ولهان
كثر مااشفق عليك وكثر مااحبك وتجفاني

انا اللي ضعت لجلك واختفى ظلي ورى القضبان
تخيّل بعد كل الظيم واللوعات تجفاني

اعيش اسّير بيدين الغريب ورحمة السّجان
وانا اللي كل ماجيت اكتبك بيديك تمحاني

تعذر بالزمان وبالليالي والظروف احيان
وانا ماسامحك لاصرت بأعذارك تحداني

امانه لاتقول الحظ خانك000 والزمن خووان
تراك انت الخيانه والزمن مظلوم باعياني

احبك لو تقول ابعد000احبك والعذاب الوان
احبك لو.. تعذبني.. وتتركني... وتنساني

وعلى جرد الورق جيت اكتب القصه بلا عنوان!!!
عبث فيها الزمان وضاع فيها البوح والجاني

تحية من : طلال