|
أحبك أحبك كثر ماقد صار احبك رغم ما قد ماصار أحبك كثر مادنيا الزعل والصد مهجوره أحبك كثر ماتمطر بصدري من غلاك امطار أحبك كثر ماصارت اراضي الحب ممطوره أحبك كثر ماتفتح شبابيك الربيع أزهار أحبك كثر ماغنت عشان الصبح عصفوره أحبك كثر ماتاقف على جنب الطريق أشجار أحبك كثر مايقسى الشتاء وتهاجر طيوره أحبك كثر ماجاب المساء في معطفه زوار أحبك كثر ماجانا الصبح يشبهك نوره أحبك كثر ماتهدي كفوف الوصل من تذكار أحبك كثر ماشالت يدين المحب زهوره أحبك كثر مانقرأ عن الفارس عن المغوار أحبك كثر مانسمع ولا شفنا ولا أسطوره أحبك كثر ماتلعب بدنيا العاشقين أقدار أحبك كثر ما ذا الحظ دايم يلعن قصوره أحبك كثر ماعاثت رياح بحسبة البحار أحبك كثر ماالبحار يعشق نسمة بحوره أحبك كثر مايتلحف اللي منشغل باعذار أحبك كثر مافي الناس ناس بجد معذوره أحبك كثر ما ملت قصايدنا من التكرار أحبك كثر ما الشاعر تمنى حب جمهوره أحبك كثر ماشفنا على وجه الزمان آثار أحبك كثر مافي الأرض فقر وناس ميسوره أحبك كثر مافي الخير ناس بالخير مذكوره أحبك كثر مانرمى حكايات الحطب للنار أحبك كثر مانسمع حكايات حب مشهوره أحبك كثر ماضاق السجين بلعنة الاسوار أحبك كثر ماهاج البحر واجتاحته ثوره أحبك كثر ماننسى واحبك كثر مانحتار أحبك كثر مايسهر محب وفي يده صوره أحبك كثر مافي عينك من السحر والأغوار أحبك كثر مافيك الغلا ماوقت سطوره أحبك والزمن ساكن واحبك لو زماني دار أحبك يامدينة حب وسط الصدر معموره أحبك والتفت شاعر لعينك وانطرت أشعار حلف مايمسى الليلة قبل ما يكتب شعوره ورتبتك بصدري وأنت تستاهل وراعي دار تفضل قلب اوراق الغلا وايديك مشكوره وذكرتك وانت لو مثلك ذكرته هلت الانوار وقمت أجمع من أشواقي قصايد عشق منثوره تلبست الجمال وقلت ابهديك القصيد ازرار غلاك وصدق حبك ماترك لي نفس مكسوره أنا عاشق جمال وما خفاني في الجمال أسرار أنا لامن كتبت اعطيك واعطي العشق بك دوره كتبتك في القصيد ابيات من حسنك عليك تغار حروف العشق طفلة في ثياب العيد مسروره لقيتك والدلع والثقل شله والحسن ثرثار يقول أشياء كثيره للعيون ويثبت حضوره كفاية لو تطل ويفرح بطلتك دار وجار كفاية لو تشوف الناس في نظرتك مأسوره غرامك يغري حروف سقاها الصدق منك امطار كتاباتي بتشهد للغرام وتحفظ عصوره أحبك مهما ابتعد عني بسبة الاقدار أحبك واحبك لو حبي توصله لك طيوره أحبك رغم ماقد صار .. احبك حيل مهما صار أحبك دام انا طيب .. واراضي العشق ممطوره أحبكم :22: |
رد: أحبك آحببببك ي الغلآروووعه تسلم هالآيآدي |
رد: أحبك انتي مبدعه |
رد: أحبك [table1="width:70%;background-color:crimson;border:10px solid skyblue;"] | [/table1]قمة نعومه ولسعة كبرياء سلمت يمنآك وسلم كلك لآ عدمنآك ولآ عدمنآ جديدك الراقي أرق التحآيا لك ودي وشذى الورد فايف ستارز |
رد: أحبك الله أحوووووب هذي القصيده كثييير تسلمي يا مبدعه تقبلي مروووري |
رد: أحبك أحبك كثر ماتمطر بصدري من غلاك امطار أحبك كثر ماصارت اراضي الحب ممطوره أحبك كثر ماتفتح شبابيك الربيع أزهار أحبك كثر ماغنت عشان الصبح عصفوره غاليتي قمه نعومه كل الشكر لك على هالطرح .. يعطيييك العااافيه على هالاابياات الرائعه,, بأنتظااار جديدك .... راق لي حييل يتووج بالنجوم لجماااله ودي وعبير وردي لك.. |
رد: أحبك http://up.5jle.com//uploads/images/5jle-31418277a0.png تحيه لكم من القلب معطرة بكل مايحمله هذا الكون من رائحة زكيه ولكم جزيل الشكر لمروركم الرائع لكم ودي.. http://up.5jle.com//uploads/images/5jle-31418277a0.png |
| الساعة الآن 04:58 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها