|
صلاة الجماعه انا وش اللي بغيبتك مستفيده ؟ صدري وصل م.. الهم حد الشباعه الصبح يضحك لي بضحكه جديده وانا الى هالحين مانمت ساعه اسهر واسامر كل نجمه فريده وان نمت ؟ قالت ليه هذي القطاعه ياغايبه والليل لا قويت ايده ؟ يدي ضعيفه ماتقاوي صراعه الحب دمٍ والمواصل وريده والقلب هو اللي يزيد اندفاعه غبتي وسميتك : قريبه بعيده والعين تحسد خافقي عالقناعه جاعت عيوني شوفتك ياعنيده ماترحمين اللي بلته المجاعه ؟ بيني واحزاني علاقه وطيده مثل العلاقه بين عقرب وساعه فراقك الله يمحقه لا يعيده لازاد زاد الجرح معه اتساعه نسياني اكذب من كلام الجريده وكتماني اعتم من عتام الإشاعه وأشواقي اصدق من فعايل رفيده وأبلغ من طعون اليدين الشجاعه شوقٍ هبا في القلب وسم الحديده والقلب لولا الصدر ؟ تم انتزاعه ولاجداي الا حروف القصيده عسى تزودني شوية مناعه لك الله اصبر عالرياح الشديده يالمركب اللي ضاع منه شراعه عسى الفرج يقبل ويهناك عيده وتبات عين اللي شقا البُعد لاعه وأقول للنجمات فرصه سعيده والمعذره دامي نويت القطاعه ياغايبه والنخل يبّس جريده ولا يغرك راسها وارتفاعه به في غيابك فايده بس وحيده يمكن إنها هي العزا والشفاعه تدرين وش في غيبتك مستفيده ؟ اني اصلي الفجر ويا الجماعه..... |
رد: صلاة الجماعه [table1="width:70%;background-color:crimson;border:10px solid skyblue;"] | [/table1]مغروره بعزتها سلمت يداك الآلماسيه على هذا الابداع والرقي يعطيك الف عافيه أستمري والي الآمام لروحك عبق الورد بانتظار جديدك القادم دمتِ بسعاده فايف ستارز لجمال محتواها |
رد: صلاة الجماعه غاليتي مغروره بعزتي كل الشكر لك على هالطرح .. يعطيييك العااافيه على هالاابياات الرائعه,, بأنتظااار جديدك .... ودي وعبير وردي لك |
رد: صلاة الجماعه كل الشكر لتواجدكم حبايبي |
رد: صلاة الجماعه اول ما قريت العنوان فرحت وقعت اردد القصيده الاني حفظتهاا هذي من ابداعات الشاعر سعيد بن مانع تسلم يمناااج مغروره على الطرح ... |
رد: صلاة الجماعه لو حاضرين لطيبين يالغلا كل الشكر لتواجدك |
| الساعة الآن 12:14 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها