منتديات خجلي - يمه قومي والله مو وقت المزاح

يمه..
يمه..
يمه ..
يمه ..قومي هذا مو قت المزاح

يمه شوفي خاله نوره

تنتظرنا من الصباح ..

يمه قومي

جهزي لبسي وهدومي ..

والله ان الوقت راح

يمه ردي وجاوبيني ..

يمه ادري تسمعيني ..

حتى شوفي الفرش طاح

يالله قومي.. ولبسيني

يوووووووووه يمه وش بلاك

هالكسل من وين جاك

وإلا تعبانه حياتي

يا جعل عمري فداك

وقامت الطفله تصيح ..

ودها تمشي وتطيح

صوتها غطى المكان ..

صوت مبحوح وجريح...

اختها سمعت بكاها

جاتها تجري وراها

راحت لساره ومالت ..

ثم قالت ..

ليه تبكي وش حصل ...

صاحت :

امي يا أمل ..

أمي

ماتت ..

ماتت..
...صدقيني .
ليه

يمه تتركيني ..

والله مشتاقه تجيني .. تحضنيني .. إتقبليني ..

إجمعيني من شتاتي .. وفي عيونك رتبيني

يمه أحضانك وطن

طفلتك بعدك لمن ..

ليتني وسط الكفن ..

وبيدينك تدفنيني ..

لو سألني الصبح عنك ..

علميني ويش اقول .. يمه قولي ويش اقول ..

شوفي كيف الورد يمه .. يمسح دموعه بكمه ..

ما ألوم الورد والله.. ما لقى منهو يشمه ..

يمه بكره لا إسألوني .. كل أصحابي عليك ..

يمه والله بيجرحوني .. علميني وين اجيك ..

يمه لو أبكي بتجيني ..

علميني .. تحسي فيني ..

يعني يمه بتسمعيني ..

وتمسحي شعري بيديك

يمه والله

صدقيني

كل ما ودي اضمك

كل هالدنيا تجيني

ويسألوني

وين أمك
وين أمك
وين أمك

علميني ويش اقول

لا فقدنا اللي نحب

يمه ما بيدي حلول ..

غير أبكي وانتحب ..

ليه .. يايمه رحلتي ..

وانتي لقلبي حياه

ليه عني ما سألتي ...

يوم قررتي الوفاه

يمه

من يضحك عشاني ...

ومن بيهدي لي أغاني .... ومن يسمعني حكايا ..

ومن بياخذني ل( أماني )

يمه ..قومي.. خاله نوره تحترينا

يا نجيها ... او تجينا ...

قومي يمه

وطمنينا

والله مو وقت المزاح ..

طفلتك ساره المعاقه ..

بتنتظر حتى الصباح..

بس

قومي واحضنيني والله مو وقت المزاح

ممارررررررررراق