|
أنا سميتك الدنيا وانت أش تسميني فديتك ياهوى نفسي مع الشدات خاويني فديتك ﻻقسى وقتي علي وناحت أشجاني أبيك في لحظة الفزعه تحط يديك بيديني وأبيك لياشكيت الياس تكون بساحة أوطاني أبيك البلسم لجرحي وأبيك النوم في عيني وأبيك اللي ليامني صحيت ألقاه بأحضاني طلبتك يابعد ذاتي أماااااااااانه ﻻتخليني تراني لو رحلت أبقى ضحية كيد عدواني سألتك بالله الواااالي سألتك ﻻتجافيني ﻷني أمووووت بغيابك ياروحي وجثماني معي واصل مشاويرك أواسيك وتواسيني معي إبقى مثل ظلي حذااااري ﻻتعداني أبي منك الوعد إنك على غيري تبديني وأنا هذا وعد مني ماأبيعك وأشري الثاني وإذا بلسانك الصادق نطقت وقلت تغليني أنا بأعلن خبر عاااااجل تعالوا إقروا إعﻼني أبكتب داخل اﻹعﻼن إلى من صار يغليني إلى قلبي إلى عمري إلى من صار يهواني إليك أهدي نغم شعري وكل عرق نبض فيني وإليك أهدي شذى عطري وياسميني وريحاني وأبكتب داخل اﻹعﻼن وصيه كان شاريني معي بالطيب عاملني وﻻتجرح بهجراني ومهما تقسي الدنيا علينا ﻻتعاديني وﻻتسعى أبد في يوم في عندي وعصياني أبيك دكتور ﻵﻻمي من أحزاني تداويني وأبي ﻻكفت أبصاري تكون النور ﻷعياني وأبي ﻻفاضت أنفاسي تكون أول معزيني وأبيك بيدينك الثنتين تلف الجسم بأكفاني وبعد ماأكون في قبري تذكرني وتبكيني وأكون حزن على بالك ماتغفل وتنساني أبي ﻻقالوا العذال وش اللي بينك وبيني؟ تبسم وتدمع عيونك من الحسره وفقداني وتجاوبهم إني حي وباﻷضﻼع تخفيني وإني سلوة الخاطر معك ﻻصرت وحداني أبيك تقول هو مامات أحاكيه ويحاكيني أبيك تقول هو موجود وخبيته بوجداني أبيك تقول هو دمي اللي في شراييني ﻷنك دمي اللي كان يضخه عرق شرياني وأبي ﻻزادت جراحك تخيلني وتناديني وتفتش داخل شعورك وتهمسلي وتلقاني وإذا طال السفر إقرا كتاباتي ودواويني وقل ياكثر ماخلي كتب لي شعر وأهداني ترى لو للقصيد عيووون والله ماتقديني ﻷني للقصيد عيون وإسمك رمز ديواني وترى لو للحروف أهداب تعجز ﻻتغطيني ﻷني للحروف إيحا ووحيك سر ﻹذعاني تداركت الزمن يمك اﻻ ياليت يمديني أخاف أجيك متأخر وسيف الوقت ياطاني نسيت من أجلك الصادق اللي الروح يعطيني ونسيت اﻷول واﻵخر والقاصي مع الداني وجاري المسح للباقي وأنت اللي تكفيني حرام أحط معك غيرك وأحبك وأظلم الثاني كفايه أنت في دنياي أمل باقي يسليني أمل صوته إذا ضاع اﻷمل ألقاه بأركاني كفايه همسك الحاني إذا جاني يدفيني ويبدد وحشة ظروفي وتشرق فرحة أكواني تراك بعالمي شمعه تبدد ظلمة سنيني وتراك بدنيتي دنيا لها لون وشكل ثاني ودنيا" مابها حسك ماأبيها وعمرنا فاني: أنا سميتك الدنيا وأنته وش تسميني؟ ** تحياإاإاتي ...... |
رد: أنا سميتك الدنيا وانت أش تسميني ؟؟؟ أبيك في لحظة الفزعه تحط يديك بيديني وأبيك لياشكيت الياس تكون بساحة أوطاني يعطيك العافيه ع الطرح الرائع والكلمات في قمه الروووعه وودي الدائم لك:eh_s(17)::eh_s(17): |
رد: أنا سميتك الدنيا وانت أش تسميني كلمات رائعه شذى طيبه اشكرك على ذائقة الشعريه اسمحيلي يالغلا مكرر ربي يسعدك دوووم |
| الساعة الآن 10:33 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها