منتديات خجلي - ناسن على لكزس وناسن على رنج وناسن على باصن بليا مكيف

منتديات خجلي (http://www.5jle.com/vb/)

ناسن على لكزس وناسن على رنج وناسن على باصن بليا مكيف

السلام عليكم ورحمة الله وبركاته :-

’،
’،
’،
’،

ناس(ن) على لكزس وناس(ن) على رنج
.................... ............... وناس(ن) على باص(ن) بليا مكيّف

وناس(ن) تجينا همها تلقط الهرج
.................. ............... ورجل(ن) بلا مال(ن) تشوفه ضعيّف

ورجل(ن) ليا كبرت همومه فلا دج
.................... ............... ورجل(ن) كبير وهم مثله صخيّف

وهم(ن) كبير وواضعينه وسط درج
.................... ............... وراس(ن) عريض ويتبعه هم ريّف

وطفل(ن) على رغم الصغر عقله ارتج
.................... ............... وشايب ثبت في رغم جرف الجريّف

ووقت(ن) يرفّعنا على نايف البرج
................... ............... وبرج(ن) سقط من عقب كونه نويّف

وضيف(ن) بوسط المجلس يقوم ويسج
.................... ............... وناس(ن) تنقّد وين وجه المضيّف

وجندي يدير الحرب ويرجها رج
.................... ............... وناس(ن) تقول الوقت ماهو حليّف

ورجل(ن) يحارب بالسلاح المدجج
.................... ............... واحد(ن) فيَ الهيجا سلاحه مزيّف

واحد(ن) مع القوات ويعاون العلج
.................... ............... طبع الخيانة في عروقه لفيّف

ورجل(ن) يوضح لك في القول والهرج
.................... ............... واحد(ن) عن الهرجه كلامه يحيّف

وشايب ليا كثرت خطاياه ما حج
.................... ............... ما يعرف الدين القويم الحنيّف

وناس(ن) تعد الزاد لسهيل وتهج
.................... ............... واحد(ن) على الشدة ببيته مصيّف

واحد(ن) يراقب وسط الاجواء والعج
.................... ............... واحد(ن) سنينه كلها فالخريّف

وناس(ن) لها فالخير مصدر ومنتج
.................... ............... وناس(ن) تصدر للشرور وتجيّف

وناس(ن) فيَ الدجة معَ كل من دج
.................... ............... ورجل(ن) ثقيل وكنت احسبه خفيّف

واحد(ن) لجل عين الغنج يهرج بغنج
.................... ............... (بايع كلام وكل هرجه لطيّف)

واحد(ن) تعود عالقوانين يحتج
.................... ............... اثره على القانون مبعد تكيّف

واحد(ن) سفيه وراسه يدور ويصج
.................... ............... وناس(ن) لها فالوقت حكمة ونيّف

واللي ذكر في قولتي لكزس ورنج
.................... ............... ناس(ن) على باص(ن) بليا مكيّف

’،
’،

رد: ناس(ن) على لكزس وناس(ن) على رنج وناس(ن) على باص(ن) بليا مكيف

واحد سفيه وراسه يدور ويصج
وناس لها فالوقت حكمة ونيّف:victory:

وناس في الدجه مع كل من دج :wooow:
ورجل ثقيل وكنت احسبه خفيّف

لاهنت وعساك ع القوه