منتديات خجلي - انا قبلك بلا عنوان

انا قبلك بلا معنى انا قبلك بقايا انسان مسافر مالقى ديره تعوض عن شقا بيته غريبه صرت في قلبك انا قصه بلا عنوان كتبت الشعر من قلبي بدم الجرح خطيته غريبه هذي الدنيا بها وافي وبها خوان حسافه مامضى مني حسافه عمر امضيته شكيت الحب على قلبي علامه حطم الوجدان سالت القلب متى ياقلب اشوفك صرت حبيته كثير قلوب من حولك واخبرك تعشق النسيان لقيت الحب في نبضك وشعور صادق ابديته لقيت الحب في نبض زهور تنبعث رياحينه سكنت الحب في روحك وباقي الناس خليته انا جيتك ادور فيك مايروي ظما العطشان لقيتك ظامي قلبي وظما قلبي ارويته حفضت الشوق في قلبي ووصيته على الكتمان لقيت الشوق في قلبك على قلبي وضميته كتبت الشعر في وصفك قصايد كلها الحان لجل اوصل حشا قلبك كم مره تمنيته احبك كلمه معناها شعور ممتلى اشجان ابي اكون ذاك اللي باسم قلبك تبنيته ابي وعد وعهد منك توفي لي بلا نكران وعد مني تكون اللي من اقصى القلب حبيته انا اسعد بشر عادي اتولع في غرام انسان كتبت حبه على صدري ووسط القلب ضميته بسافر في بحر حبك وابيك تكون لي ربان اموت ولا يخون قلبي ولو خانك توطيته ابي اسكن وطن حبك ترى مليت هالاوطان ابيك تكون ذاك اللي قصيده عشق سميته