منتديات خجلي - اكبر عيالج على اسمي لاتسمينه

.

انا ادري انج من اعماقج تحبيني
................... وانا ادري اني غلاج اللي تمنينه
هذا مكانج مسيطر مثرن فيني
................... في وسط قلبن لج الله ما تخونينه
شوفي . غلاتج على دربي تخاويني
................... وسلمان لولا غلاتج ما دمعة عينه
من يوم رحتي وطيفج ما يخليني
................... في كل يوم يجي و يروح من حينه
في قربج العام كانت تضحك سنيني
................... وليل الشتا كم يسريج و تسرينه
واليوم حالت مسافه بينج و بيني
................... مالي جدا غير حلمٍ ولا تزورينه
واصبحت متغرب و ضايع و مسكيني
................... وانتي بعد من ظروف الوقت مسكينه
ي روح روحي ي عمري ي نظر عيني
................... ي زارع قلبي وجنته و بساتينه
تكفين عندي طلب وابيج ترضيني
................... لا ينكسر خاطرج لا شفتي أزينه
وابي بعد منج لامنج ذكرتيني
................... ما تنزف أجروح قلبج من شرايينه
وأخر طلب كل ماقوله يبكيني
................... ( اكبر عيالج على أسمي لا تسمينه )
يمكن مع الوقت والأيام تنسيني
................... و يمكن ( حليلج ) من أظروفه تحبينه
ماني معزيج وانتي لا تعزيني
................... و الحب لا صار ميت لا تعزينه
عقبج ترا مالقيت اللي يسليني
................... و انتي بعد من يسليج و تسلينه
وان ما قويتي فراقي ربج يعيني
................... و أن ساء وقتج ف سوي ما تسوينه
ي وقت لا نمت تكفى لا تصحيني
................... خلني على نومتي و النوم ي زينه
مدام صرتي من اعماقج تحبيني
................... سلمان و شلون يصبر باقي أسنينه