منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   يابوي عطني شماغك بتلثم واحتمي به (http://www.5jle.com/vb/f9/t42681.html)

Ehsas* 27 - 8 - 2012 12:37 PM

يابوي عطني شماغك بتلثم واحتمي به
 

~..


~.. يآبُوٍيً عُطَنٍيً شُمٍآغٌگ بُتِلثَمٍ وٍآحِتِمٍيً بُهُ ..~

يابوي جعلك للبقا والمكاسيب
عمري بدونك يالذرا ويش أبي به
يابوي تسأل عن شفاك المراقيب
طلعة سواتك للنّوايف غريبه

ليه المرض مايعرف الزّين والعيب ؟
مايدري انك للمخاليق هيبه !!
أبسألك وش به غزا وجهك الشيب
والقلب لايع والنواظر شحيبه
وش بك تحاتي لانوى الموت تغريب
تخشى علينا بالليّالي الكئيبه
خذ دلّتك واركى على مسند الجيب
وعطني شماغك بلثمه وأحتمي به

ونروّح لأرض ٍ بها العشب والطيب
وتسمع كلام ٍ يالغلا تحتفي به
يابوي بنتك لا****ى بالتّجاريب
كل ٍ يشق لهيبه الصّيت جيبه

يابوي ماني من سوات المخاريب
اللّي تجيب لعليَة القوم خيبه
وماني من اللّي لامشت حفّها الرّيب
أنا من اللّي مايدنّس حليبه

مرفوع شاني عن غرام المكاتيب
وأكبر من انّني أرتضي بالحبيبه
أنا غرامي لاابتدوا بالتّراحيب
نفوس الأوادم في وجودي رحيبه
وان كان زيني فتنة ٍ للمصاويب
مسط وجهي بالحري ّق ولهيبه
زيني أبيعه وأشتري سمعه الطّيب
اسم ٍ ينوسم بالصّروح الذّهيبه

وان كان عندي ( بالحلا) شي ٍ اصعيب
عندي جدود ٍ مارضت بالغليبه
دموع القبايل في لقانا مساكيب
كن المقابر لاحضرنا قريبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفعول المصاليب
والله لأشيلك بالرخا والمصيبه

طلع المعالي ما****م للشّواريب
بنت ٍوأناطح فارس القوم طيبه
وياشيخي إبشر لوتدور الدّواليب
بنتك إلا منّه عوى الذّيب ( ذيبه)

</b></i>

طلال العجمي 27 - 8 - 2012 03:07 PM

رد: ~.. يآبُوٍيً عُطَنٍيً شُمٍآغٌگ بُتِلثَمٍ وٍآحِتِمٍيً بُهُ ..~
 
لو كتبنا ماكتبنا في حق الوالدين لن نصل معشار حقهم
وما سطرتي لنا هنا هو جزاء من الوفاء وعساك علي القوه
في بذل كل جديد في حقهم
تحياتي لك

[/table1]
بنت البحر 27 - 8 - 2012 09:20 PM

رد: يابوي عطني شماغك بتلثم واحتمي به
 
[table1="width:70%;background-color:crimson;border:10px solid skyblue;"]

احساس
ربي يحفظ وآلدك يالغلا
قصيده رائعه لها احساس
صادق كلمات تحمل معاني صادقه صافيه
تتوج بالنجوم لصدق محتواها

جحــود!! 28 - 8 - 2012 11:51 AM

رد: يابوي عطني شماغك بتلثم واحتمي به
 
خلف ألعابنا أمور لا تحكى:crosscrusher:
نايس يا ترفيه



وان كان عندي بالحلا شي ٍ اصعيب
عندي جدود ٍمارضت بالغليبه ::icon30::



نفوس الأوادم في وجودي رحيبه
تسلم يمناك


الساعة الآن 09:04 PM.

Privacy-Policy Copyright
Powered by vBulletin® Version
Copyright ©2000 - 2018 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team